"Мемлекеттік мүлік туралы" Қазақстан Республикасының Заңы 13-бабының 4-8), 4-9), 4-10) және 4-11) тармақшаларына сәйкес БҰЙЫРАМЫН:
1. Мыналар:
1) осы бұйрыққа 1-қосымшаға сәйкес Ұлттық әл-ауқат қорын және бірыңғай жинақтаушы зейнетақы қорын қоспағанда, мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңесінің) құрамына тәуелсіз директорларды (тәуелсіз мүшелерді) іріктеу қағидалары мен өлшемшарттары;
2) осы бұйрыққа 2-қосымшаға сәйкес Ұлттық әл-ауқат қорын және бірыңғай жинақтаушы зейнетақы қорын қоспағанда, мемлекет жүз пайыз қатысатын акционерлік қоғамдар (жауапкершілігі шектеулі серіктестіктер) тәуелсіз директорларының (тәуелсіз мүшелерінің) тізілімін қалыптастыру және жүргізу қағидалары;
3) осы бұйрыққа 3-қосымшаға сәйкес Ұлттық әл-ауқат қорын және бірыңғай жинақтаушы зейнетақы қорын қоспағанда, мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңестерінің) мүшелеріне сыйақы төлеу және шығыстарын өтеу деңгейін айқындаудың үлгілік қағидалары;
4) осы бұйрыққа 4-қосымшаға сәйкес Ұлттық әл-ауқат қорын және бірыңғай жинақтаушы зейнетақы қорын қоспағанда, жарғылық капиталында мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңестерінің) мүшелеріне мемлекет ұсынатын кандидаттарға қойылатын ең төмен талаптар бекітілсін.
2. Қазақстан Республикасы Ұлттық экономика министрлігінің Мемлекеттік активтерді басқару саясаты департаменті Қазақстан Республикасының заңнамасында белгіленген тәртіппен осы бұйрықты Қазақстан Республикасының Әділет министрлігінде мемлекеттік тіркеуді және алғашқы ресми жарияланғанынан кейін Қазақстан Республикасы Ұлттық экономика министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.
4. Осы бұйрық алғашқы ресми жарияланған күнінен кейін қолданысқа енгізіледі.
|
Қазақстан Республикасы Премьер-Министрінің орынбасары – Ұлттық экономика министрі |
С. Жумангарин |
"КЕЛІСІЛДІ"
Қазақстан Республикасының
Қаржы министрлігі
| Қазақстан Республикасы Премьер-Министрінің орынбасары – Ұлттық экономика министрі 2025 жылғы 29 тамыздағы № 87 бұйрығына 1-қосымша |
Ұлттық әл-ауқат қорын және бірыңғай жинақтаушы зейнетақы қорын қоспағанда, жарғылық капиталына мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңесінің) құрамына тәуелсіз директорларды (тәуелсіз мүшелерді) іріктеу қағидалары мен өлшемшарттары
1-тарау. Жалпы ережелер
1. Осы Ұлттық әл-ауқат қорын және бірыңғай жинақтаушы зейнетақы қорын қоспағанда, жарғылық капиталына мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңесінің) құрамына тәуелсіз директорларды (тәуелсіз мүшелерді) іріктеу қағидалары мен өлшемшарттары (бұдан әрі – Қағидалар) "Мемлекеттік мүлік туралы" Қазақстан Республикасы Заңының (бұдан әрі – Заң) 13-бабының 4-8) тармақшасына сәйкес әзірленді және Ұлттық әл-ауқат қорын және бірыңғай жинақтаушы зейнетақы қорын қоспағанда, жарғылық капиталына мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңесінің) құрамына тәуелсіз директорларды (тәуелсіз мүшелерді) іріктеу тәртібі мен өлшемшарттарын айқындайды.
2. Осы Қағидаларда пайдаланылатын негізгі ұғымдар:
1) кандидат – жарғылық капиталына мемлекет жүз пайыз қатысатын акционерлік қоғамның (жауапкершілігі шектеулі серіктестіктің) директорлар кеңесінің (байқау кеңесінің) құрамында тәуелсіз директор (тәуелсіз мүше) лауазымына орналасуға арналған конкурсқа қатысатын жеке тұлға;
2) комиссия – мемлекеттік мүлік жөніндегі уәкілетті орган құратын, кандидаттарды бағалауға, олармен әңгімелесу жүргізуге және оларды компанияның директорлар кеңесінің (байқау кеңестерінің) мүшелігіне тәуелсіз директорлар (тәуелсіз мүшелер) тізіліміне енгізу үшін шешімдер дайындауға жауапты алқалы орган;
3) компания – мемлекет жүз пайыз қатысатын заңды тұлға;
4) мемлекет жүз пайыз қатысатын заңды тұлғалардағы директорлар кеңесінің (байқау кеңестерінің) мүшелігіне тәуелсіз директорлардың (тәуелсіз мүшелердің) тізілімі (бұдан әрі – Тізілім) – директорлар кеңестерінің (байқау кеңестерінің) құрамына біліктілік талаптарына сәйкес келетін, конкурстық іріктеуден өткен және ұсыныстарды қарауға не сайлау үшін ұсынылуға ниет білдірген жеке тұлғалар туралы мәліметтерді қамтитын мемлекеттік мүлік жөніндегі уәкілетті органның бірыңғай ақпараттық жүйесі;
5) мемлекеттік басқарудың тиісті саласына (аясына) басшылық ету жөніндегі уәкілетті орган (бұдан әрі – тиісті саланың уәкілетті органы) – мемлекеттік басқарудың тиісті саласын (аясын) басқаруды жүзеге асыратын және Заңда көзделген шарттарда республикалық мүлікке қатысты құқықтарды иеленетін, Қазақстан Республикасының Үкіметі айқындаған орталық атқарушы орган немесе орталық атқарушы органның ведомствосы;
6) мемлекеттік жоспарлау жөніндегі уәкілетті орган – стратегиялық және экономикалық жоспарлау, бюджет саясатын әзірлеу және қалыптастыру, сондай-ақ өңірлік даму саласындағы мемлекеттік саясатты қалыптастыру және іске асыру саласында басшылықты және салааралық үйлестіруді жүзеге асыратын орталық атқарушы орган;
7) мемлекеттік мүлікті басқару жөніндегі уәкілетті орган (бұдан әрі – мемлекеттік мүлік жөніндегі уәкілетті орган) – Қазақстан Республикасының Ұлттық Банкіне және қаржы нарығы мен қаржы ұйымдарын реттеу, бақылау және қадағалау жөніндегі уәкілетті органға бекітіліп берілген мүлікті қоспағанда, өз құзыреті шегінде республикалық мүлікті басқару, мемлекеттің республикалық мүлікке құқықтарын іске асыру, экономиканың стратегиялық маңызы бар салаларында меншікті және стратегиялық объектілерді жекешелендіру мен мемлекеттік мониторинг жүргізу саласындағы басшылықты жүзеге асыратын орталық атқарушы орган.
2-тарау. Ұлттық әл-ауқат қорын және бірыңғай жинақтаушы зейнетақы қорын қоспағанда, жарғылық капиталына мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңесінің) құрамына тәуелсіз директорларды (тәуелсіз мүшелерді) іріктеу тәртібі
3. Конкурсқа қатысуға ниет білдірген адамдар компанияға қағаз жеткізгіште және (немесе) электрондық-цифрлық нысанда мынадай құжаттарды береді:
1) осы Қағидаларға 1-қосымшаға сәйкес нысан бойынша өтініш;
2) осы Қағидаларға 2-қосымшаға сәйкес нысан бойынша фотосуреті бар толтырылған сауалнама;
3) жеке басын куәландыратын құжаттың көшірмесі;
4) білімі туралы құжаттардың нотариат куәландырған көшірмелері;
5) соттылығының болмауы/болуы туралы анықтама;
6) сыбайлас жемқорлық қылмысын жасауының болмауы/болуы туралы анықтама.
4. Компания жалғыз акционердің (қатысушының) шешімімен белгіленген жұмыс істеп тұрған директорлар кеңесі (байқау кеңесі) мүшелерінің өкілеттіктері аяқталатын күнге дейін 6 (алты) ай бұрын осы Қағидалардың 3-тармағында көзделген құжаттарды және директорлар кеңесінің (байқау кеңесінің) мүшелеріне кандидаттарды тартуға қажеттілік туралы еркін нысандағы өтінімді тиісті саланың уәкілетті органына жібереді.
Тиісті саланың уәкілетті органы деректерді жинауды және талдауды жүзеге асырады және алдағы жылға директорлар кеңесінің (байқау кеңестерінің) мүшелеріне білімі, тәжірибесі, дағдылары бойынша, сондай-ақ директорлар кеңестерінің (байқау кеңестерінің) құрамын өзгерту мерзімдері бойынша салалық ерекшелік бөлінісінде жалпы шоғырландырылған қажеттілікті қалыптастырады және компаниялар бөлінісінде шоғырландырылған ақпаратты мемлекеттік мүлік жөніндегі уәкілетті органға береді, ол анықталған қажеттілікке сәйкес конкурс өткізуді жоспарлайды.
Тиісті саланың уәкілетті органы өтінім мен осы Қағидалардың 3-тармағында көрсетілген тиісті құжаттар келіп түскен күннен бастап 5 (бес) жұмыс күні ішінде олар сәйкес келген жағдайда, оларды жоспарлы конкурс ұйымдастыру үшін мемлекеттік мүлік жөніндегі уәкілетті органға жібереді.
Тиісті саланың уәкілетті органы ұсынылған құжаттар осы Қағидалардың 3-тармағына сәйкес келмеген жағдайда, құжаттар топтамасы келіп түскен күннен бастап 5 (бес) жұмыс күні ішінде оларды компанияға қайтарады.
5. Мемлекеттік мүлік жөніндегі уәкілетті орган директорлар кеңестеріне (байқау кеңестеріне) тәуелсіз директорларды (мүшелерді) іріктеуге қажеттілік туралы ақпаратты алғаннан кейін жоспарлы конкурс ұйымдастырады және компаниялардың директорлар кеңесінің (байқау кеңесінің) тәуелсіз директорларын (мүшелерін) іріктеу жөніндегі жоспарлы конкурс өткізу туралы ақпаратты орналастырады.
Компаниялардың директорлар кеңесінің (байқау кеңесінің) тәуелсіз директорларын (мүшелерін) іріктеу жөніндегі жоспарлы конкурс өткізу туралы ақпарат мемлекеттік мүлік жөніндегі уәкілетті органның, тиісті саланың уәкілетті органының және компаниялардың интернет-ресурстарында орналастырылады.
6. Мемлекеттік мүлік жөніндегі уәкілетті орган тиісті саланың уәкілетті органынан директорлар кеңесіне (байқау кеңестеріне) тәуелсіз директорларды (мүшелерді) іріктеуге қажеттілік туралы ақпаратты алған күннен бастап 15 (он бес) жұмыс күні ішінде кандидаттардың Қазақстан Республикасы Ұлттық экономика министрінің 2018 жылғы 5 қазандағы № 21 бұйрығымен (Нормативтік құқықтық актілерді мемлекеттік тіркеу тізілімінде № 17726 болып тіркелген) бекітілген Ұлттық әл-ауқат қорын қоспағанда, мемлекет бақылайтын акционерлік қоғамдардағы корпоративтік басқарудың үлгілік кодексінде (бұдан әрі – Үлгілік кодекс) көзделген біліктілік талаптарына немесе Заңның 182-1-бабының 3-тармағына сәйкес мемлекеттік жоспарлау жөніндегі уәкілетті орган бекіткен Байқау кеңесін құру және тарату қағидаларына, байқау кеңесінің құрамына сайланатын адамдарға қойылатын талаптарға, сондай-ақ байқау кеңесінің мүшелерін конкурстық іріктеу және олардың өкілеттіктерін мерзімінен бұрын тоқтату тәртібіне сәйкестігін қарайды.
7. Мемлекеттік мүлік жөніндегі уәкілетті орган кандидаттардың Үлгілік кодексте немесе Заңның 182-1-бабының 3-тармағына сәйкес мемлекеттік жоспарлау жөніндегі уәкілетті орган бекіткен Байқау кеңесін құру және тарату қағидаларына, байқау кеңесінің құрамына сайланатын адамдарға қойылатын талаптарға, сондай-ақ байқау кеңесінің мүшелерін конкурстық іріктеу және олардың өкілеттіктерін мерзімінен бұрын тоқтату тәртібіне сәйкестігін қарау қорытындысы бойынша Комиссияның әңгімелесу өткізуі үшін біліктілік талаптарына сәйкес келетін кандидаттардың тізімін қалыптастырады.
Мемлекеттік мүлік жөніндегі уәкілетті орган кандидаттарға Комиссия отырысына шақыруды оның өткізілетін күнін, уақытын және орнын көрсете отырып, сондай-ақ өткізу форматын көрсете отырып (электрондық байланыс құралдарын пайдалана отырып онлайн және/немесе күндізгі тәртіппен) жібереді. Комиссия отырысы конкурс бойынша құжаттарды қабылдау аяқталған күннен бастап 30 (отыз) жұмыс күнінен кешіктірілмейтін мерзімде өткізіледі.
8. Комиссияны қалыптастыру мемлекеттік мүлік жөніндегі уәкілетті органның шешімі бойынша жүзеге асырылады. Комиссияның құрамына мемлекеттік мүлік жөніндегі уәкілетті органның, мемлекеттік жоспарлау жөніндегі уәкілетті органның, тиісті саланың уәкілетті органының, корпоративтік басқару жүйесін жетілдіру саласындағы қызметті жүзеге асыратын қоғамдық бірлестіктердің және/немесе сарапшылардың өзге де ұйымдарының/кәсіптік бірлестіктерінің өкілдері тұрақты негізде енгізіледі.
9. Корпоративтік басқару жүйесін жетілдіру саласындағы қызметті жүзеге асыратын қоғамдық бірлестіктердің және/немесе сарапшылардың өзге де ұйымдарының/кәсіптік бірлестіктерінің атынан өкілдік ететін мемлекеттік қызметші болып табылмайтын Комиссия мүшелері Комиссия жұмысына қатысу үшін тартылады және танылған беделге, еңбек өтіліне және кемінде 10 жыл жұмыс тәжірибесіне ие болады. Комиссия мүшелерінің саны 3-тен (үштен) 11 (он бір) адамға дейін. Мемлекеттік қызметші болып табылмайтын Комиссия мүшелерінің үлесі жалпы санның кемінде 50%-ын құрайды.
Директорлар кеңесі (байқау кеңестері) құрамындағы әйелдердің ұсынылатын үлесі кемінде 30%-ды құрайды.
10. Тиісті саланың уәкілетті органдарының өкілдері, сондай-ақ компаниялардың директорлар кеңестерінің (байқау кеңестерінің) төрағалары мемлекеттік мүлік жөніндегі уәкілетті органның шешімі бойынша салалық бағыттар бойынша мәселелерді қарау кезінде Комиссия құрамына тартылады. Комиссия төрағасын қатысып отырған Комиссия мүшелерінің жалпы санының көпшілік даусымен Комиссия мүшелері сайлайды.
11. Кандидаттарды бейтарап бағалау мақсатында Комиссия мүшелері дербес, жауапкершілікпен және ақылға қонымды әрекет етеді. Комиссия мүшелеріне мемлекеттік және өзге де органдар, сондай-ақ лауазымды адамдар тарапынан қысым көрсетуге жол берілмейді.
Комиссияның қызметін қамтамасыз ету үшін мемлекеттік мүлік жөніндегі уәкілетті органның жұмыскерлері арасынан хатшы тағайындалады, ол отырыстарды дайындауды жүзеге асырады және Комиссия қабылдаған шешімдерді ресімдейді.
12. Комиссия отырыстары қажеттігіне қарай өткізіледі. Отырыстар мемлекеттік мүлік жөніндегі уәкілетті органның, Комиссия төрағасының немесе мүшелерінің кемінде үштен екісінің бастамасы бойынша өткізіледі. Отырысты шақыру туралы хабарлама және оның күн тәртібі Комиссия мүшелеріне отырыс өткізілгенге дейін кемінде 3 (үш) жұмыс күні бұрын жіберіледі.
Комиссия отырысында кандидаттармен құзыреттері бойынша құрылымдық сұхбат әдісі бойынша әңгімелесу өткізіледі. Комиссия әңгімелесу өткізу үшін басқару құзыреттерін бағалау саласындағы сарапшыларды қосымша тарта алады. Комиссия отырысында Комиссия отырысының барысын тіркеу үшін аудио немесе бейнежазба құралдары қолданылады.
Комиссия отырысы Комиссия мүшелерінің жалпы санының кемінде үштен екісі қатысқан жағдайда және Комиссия төрағасының міндетті қатысуы кезінде өткізіледі. Комиссияның шешімі ашық дауыс беру арқылы қабылданады және егер оған қатысып отырған Комиссия мүшелерінің жалпы санының көпшілік дауысы берілсе, қабылданды деп есептеледі. Дауыстар тең болған жағдайда төрағалық етуші дауыс берген дауыс шешуші деп есептеледі.
13. Отырыста мәселелерді шешу кезінде Комиссияның әрбір мүшесі бір дауысқа ие болады және жеке өзі дауыс береді. Комиссия мүшесінің дауыс беру құқығын өзге адамға, оның ішінде Комиссияның басқа мүшесіне беруіне жол берілмейді.
Отырыста Комиссия хатшысы хаттама жүргізеді. Комиссия отырысының хаттамасы отырыс өткізілгеннен кейін 5 (бес) жұмыс күнінен кешіктірілмей жасалады. Отырыс хаттамасына Комиссия төрағасы мен Комиссия хатшысы қол қояды және мемлекеттік мүлік жөніндегі уәкілетті органның, тиісті саланың уәкілетті органының және компаниялардың интернет-ресурстарында жарияланады.
Комиссия қабылдаған шешімдер Комиссия мүшелерінің назарына олардың сұрау салуы бойынша Комиссия отырысы хаттамасының көшірмесін отырыс хаттамасына қол қойылған күннен бастап күнтізбелік 3 (үш) күннен кешіктірілмейтін мерзімде жіберу арқылы жазбаша нысанда жеткізіледі.
Комиссияның шешімімен келіспеген жағдайда Комиссияның кез келген мүшесі ерекше пікір дайындайды, ол жазбаша түрде жазылуға және отырыстың хаттамасына қоса берілуге тиіс.
14. Егер белгіленген күні және уақытта Комиссия отырысы кворумның болмауы себебінен өтпеген жағдайда, Комиссия хатшысы Комиссия мүшелерінің ұсынған құжаттарының сақталуын қамтамасыз етеді. Комиссия төрағасы жаңа отырыстың өткізілетін күні мен уақытын, орнын белгілейді.
15. Егер конкурсқа өтінімдер түспесе немесе берілген өтінімдер кері қайтарылып алынса, сондай-ақ кандидаттар болмаған жағдайда, Комиссия конкурсты өткізілмеді деп жариялайды және конкурсты қайта өткізу туралы шешім қабылдайды.
Комиссия әңгімелесу және кандидаттарды бағалау нәтижелерін қарау қорытындылары бойынша кандидаттарды мемлекеттік мүлік жөніндегі уәкілетті органның интернет-ресурсында жарияланатын Тізілімге енгізу жөнінде шешім қабылдайды.
16. Тиісті саланың уәкілетті органы директорлар кеңесі (байқау кеңесі) төрағасының қатысуымен Тізілімге енгізілген адамдар арасынан директорлар кеңесіне (байқау кеңестеріне) кандидаттарды таңдауды дербес жүзеге асырады және заңнамада белгіленген тәртіппен сайлауды (тағайындауды) ұйымдастырады.
17. Егер жоспарлы конкурстың қорытындысы бойынша Тізілімде Үлгілік кодекстің 75 және 78-тармақтарында немесе Заңның 182-1-бабының 3-тармағына сәйкес мемлекеттік жоспарлау жөніндегі уәкілетті орган бекіткен Байқау кеңесін құру және тарату қағидаларында, байқау кеңесінің құрамына сайланатын адамдарға қойылатын талаптарда, сондай-ақ байқау кеңесінің мүшелерін конкурстық іріктеу және олардың өкілеттіктерін мерзімінен бұрын тоқтату тәртібінде көзделген талаптарға сәйкес келетін кандидаттар ұсынылмаған болса, тиісті саланың уәкілетті органы компанияның директорлар кеңесі (байқау кеңесі) төрағасының қатысуымен кандидатты іріктеу туралы мәселеге дербес бастамашылық жасайды және кандидаттың бекітілген біліктілік талаптарына сәйкестігін бағалау үшін оның деректерін мемлекеттік мүлік жөніндегі уәкілетті органға береді.
18. Мемлекеттік мүлік жөніндегі уәкілетті орган кандидаттың деректерін алғаннан кейін 15 (он бес) жұмыс күні ішінде кандидаттың Үлгілік кодекстің 75-тармағына немесе Заңның 182-1-бабының 3-тармағына сәйкес мемлекеттік жоспарлау жөніндегі уәкілетті орган бекіткен Байқау кеңесін құру және тарату қағидаларына, байқау кеңесінің құрамына сайланатын адамдарға қойылатын талаптарға, сондай-ақ байқау кеңесінің мүшелерін конкурстық іріктеу және олардың өкілеттіктерін мерзімінен бұрын тоқтату тәртібіне сәйкес көзделген бекітілген біліктілік талаптарына сәйкестігіне тексеру жүргізеді және тиісті қорытынды береді.
19. Компанияның директорлар кеңесінің (байқау кеңесінің) төрағасы мемлекеттік мүлік жөніндегі уәкілетті органның оң қорытындысын алған күннен бастап 5 (бес) жұмыс күні ішінде мемлекеттік мүлік жөніндегі уәкілетті органның алдын ала бағалауынан өткен кандидатпен әңгімелесу өткізу мақсатында компанияның директорлар кеңесінің (байқау кеңесінің) отырысын ұйымдастырады. Отырысқа мемлекеттік мүлік жөніндегі уәкілетті органның және тиісті саланың уәкілетті органының өкілдері шақырылады. Отырыста кандидатпен компанияның директорлар кеңесінің (байқау кеңесінің) мүшесі лауазымына орналасу үшін оның функционалдық және өзге де құзыреттерге қойылатын талаптарға сәйкестігін айқындау үшін әңгімелесу өткізіледі.
Әңгімелесу қорытындысы бойынша компанияның директорлар кеңесіне (байқау кеңесіне) белгіленген тәртіппен сайлау үшін, сондай-ақ Тізілімге енгізу үшін кандидатты ұсыну жөнінде шешім қабылданады.
3-тарау. Ұлттық әл-ауқат қорын және бірыңғай жинақтаушы зейнетақы қорын қоспағанда, жарғылық капиталына мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңесінің) құрамына тәуелсіз директорларды (тәуелсіз мүшелерді) іріктеу өлшемшарттары
20. Ұлттық әл-ауқат қоры мен бірыңғай жинақтаушы зейнетақы қорын қоспағанда, жарғылық капиталына мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңесінің) құрамына тәуелсіз директорларды (тәуелсіз мүшелерді) іріктеу мынадай өлшемшарттардың негізінде жүзеге асырылады:
1) компанияның негізгі қызметіне сәйкес келетін саладағы жоғары немесе жоғары оқу орнынан кейінгі білім;
2) компанияның қызметін реттейтін бейіндік заңнаманы және "Акционерлік қоғамдар туралы", "Жауапкершілігі шектеулі және қосымша жауапкершілігі бар серіктестіктер туралы" Қазақстан Республикасының заңдары, сондай-ақ Қазақстан Республикасы Ұлттық экономика министрінің 2018 жылғы 5 қазандағы № 21 бұйрығымен (Нормативтік құқықтық актілерді мемлекеттік тіркеу тізілімінде № 17726 болып тіркелген) бекітілген Ұлттық әл-ауқат қорын қоспағанда, мемлекет бақылайтын акционерлік қоғамдардағы корпоративтік басқарудың үлгілік кодексін білу;
3) жұмыс тәжірибесі мынадай талаптардың біріне сәйкес келеді:
директорлар кеңесі (байқау кеңесі) мүшесінің функционалдық бағыттарына сәйкес салалардағы жұмыс өтілі 5 (бес) жылдан кем емес;
компанияның негізгі қызметіне сәйкес салалардың басшылық лауазымдарындағы жұмыс өтілі 3 (үш) жылдан кем емес.
Нысан
Өтініш
Мені тәуелсіз директор (тәуелсіз мүше) лауазымына орналасуға арналған
конкурсқа қатысуға жіберуіңізді сұраймын:
____________________________________________________________________
____________________________________________________________________
Менің дербес деректерімді жинауға және өңдеуге келісімімді білдіремін.
Ұсынылған құжаттардың төлнұсқалығына жауап беремін.
___________ ____________________________________________________
(қолы) (Тегі, аты, әкесінің аты (ол болған жағдайда)
20__ ж. "____" _______________
Нысан
Кандидаттың
3х4 суреті
Сауалнама
(өз қолымен толтырылады)
Тегі___________________________________________________________
Аты_______________________________________________________________
Әкесінің аты (ол болған жағдайда)____________________________________
Тегі, аты, әкесінің аты өзгертілген болса, себебін және қашан өзгертілгенін
көрсетіңіз ___________________________________________________________
____________________________________________________________________
Азаматтығы_________________________________________________________
Егер азаматтық өзгертілсе, қашан өзгертілгенін
көрсетіңіз____________________________________________________________
___________________________________________________________________
ЖСН________________________________________________________________
Сотталдыңыз ба, қашан және не
үшін ________________________________________________________________
____________________________________________________________________
Шетелде оқу не жұмыс істеу
Барған елі__________________________________________________________
____________________________________________________________________
___________________________________________________________________
Болу уақыты_________________________________________________________
____________________________________________________________________
____________________________________________________________________
Жұмыс немесе оқу орны_______________________________________________
____________________________________________________________________
____________________________________________________________________
Сіз соттың заңды күшіне енген үкіміне сәйкес тиісті лауазымға орналасу немесе
тиісті қызметпен айналысу құқығынан айырылдыңыз ба, қашан және не
үшін________________________________________________________________
____________________________________________________________________
Сіз белгілі бір мерзім ішінде мемлекеттік органдарда лауазымды атқару
құқығынан айырылдыңыз ба, қашан және не
үшін________________________________________________________________
____________________________________________________________________
____________________________________________________________________
Сіз белгілі бір мерзім ішінде қаржы ұйымдарында лауазымды атқару құқығынан
айырылдыңыз ба, қашан және не үшін
________________________________________________________________
____________________________________________________________________
20___ жылғы "_____" ______
(қолы)
| Қазақстан Республикасы Премьер-Министрінің орынбасары – Ұлттық экономика министрі 2025 жылғы 29 тамыздағы № 87 |
|
| бұйрығына 2-қосымша |
Ұлттық әл-ауқат қорын және бірыңғай жинақтаушы зейнетақы қорын қоспағанда, мемлекет жүз пайыз қатысатын акционерлік қоғамдар (жауапкершілігі шектеулі серіктестіктер) тәуелсіз директорларының (тәуелсіз мүшелерінің) тізілімін қалыптастыру және жүргізу қағидалары
1-тарау. Жалпы ережелер
1. Осы Ұлттық әл-ауқат қорын және бірыңғай жинақтаушы зейнетақы қорын қоспағанда, мемлекет жүз пайыз қатысатын акционерлік қоғамдар (жауапкершілігі шектеулі серіктестіктер) тәуелсіз директорларының (тәуелсіз мүшелерінің) тізілімін қалыптастыру және жүргізу қағидалары (бұдан әрі – Қағидалар) "Мемлекеттік мүлік туралы" Қазақстан Республикасы Заңының (бұдан әрі – Заң) 13-бабының 4-9) тармақшасына сәйкес әзірленді және Ұлттық әл-ауқат қорын және бірыңғай жинақтаушы зейнетақы қорын қоспағанда, мемлекет жүз пайыз қатысатын акционерлік қоғамдар (жауапкершілігі шектеулі серіктестіктер) тәуелсіз директорларының (тәуелсіз мүшелерінің) тізілімін қалыптастыру мен жүргізудің жалпы тәртібін айқындайды.
Осы Қағидаларда пайдаланылатын негізгі ұғымдар:
1) кандидат – мемлекет жүз пайыз қатысатын акционерлік қоғамның (жауапкершілігі шектеулі серіктестіктің) директорлар кеңесінің (байқау кеңесінің) құрамында тәуелсіз директор (тәуелсіз мүше) лауазымына орналасуға арналған конкурсқа қатысатын жеке тұлға;
2) комиссия – мемлекеттік мүлік жөніндегі уәкілетті орган құратын, кандидаттарды бағалауға, олармен әңгімелесу жүргізуге және оларды компанияның директорлар кеңесінің (байқау кеңестерінің) мүшелігіне тәуелсіз директорлар (тәуелсіз мүшелер) тізіліміне енгізу үшін шешімдер дайындауға жауапты алқалы орган;
3) компания – мемлекет жүз пайыз қатысатын заңды тұлға;
4) мемлекет жүз пайыз қатысатын заңды тұлғалардағы директорлар кеңесінің (байқау кеңестерінің) мүшелігіне тәуелсіз директорлардың (тәуелсіз мүшелердің) тізілімі (бұдан әрі – Тізілім) – директорлар кеңестерінің (байқау кеңестерінің) құрамына біліктілік талаптарына сәйкес келетін, конкурстық іріктеуден өткен және ұсыныстарды қарауға не сайлау үшін ұсынылуға ниет білдірген жеке тұлғалар туралы мәліметтерді қамтитын мемлекеттік мүлік жөніндегі уәкілетті органның бірыңғай ақпараттық жүйесі;
5) мемлекеттік мүлікті басқару жөніндегі уәкілетті орган (бұдан әрі – мемлекеттік мүлік жөніндегі уәкілетті орган) – Қазақстан Республикасының Ұлттық Банкіне және қаржы нарығы мен қаржы ұйымдарын реттеу, бақылау және қадағалау жөніндегі уәкілетті органға бекітіліп берілген мүлікті қоспағанда, өз құзыреті шегінде республикалық мүлікті басқару, мемлекеттің республикалық мүлікке құқықтарын іске асыру, экономиканың стратегиялық маңызы бар салаларында меншікті және стратегиялық объектілерді жекешелендіру мен мемлекеттік мониторинг жүргізу саласындағы басшылықты жүзеге асыратын орталық атқарушы орган.
2-тарау. Ұлттық әл-ауқат қорын және бірыңғай жинақтаушы зейнетақы қорын қоспағанда, мемлекет жүз пайыз қатысатын акционерлік қоғамдар (жауапкершілігі шектеулі серіктестіктер) тәуелсіз директорларының (тәуелсіз мүшелерінің) тізілімін қалыптастыру және жүргізу тәртібі
3. Жоспарлы конкурс қорытындылары бойынша кандидаттарды Тізілімге енгізу Заңның 13-бабының 4-8) тармақшасына сәйкес Комиссияның шешімі бойынша жүргізіледі.
4. Тізілімге жоспардан тыс конкурстардың нәтижесінде тәуелсіз директорлар ретінде директорлар кеңестерінің (байқау кеңестерінің) құрамына сайланған адамдар да енгізіледі.
5. Мемлекеттік мүлік жөніндегі уәкілетті орган Тізілімге енгізілген кандидаттардың тізімін ресімдейді.
6. Комиссия кандидатты Тізілімге қосу не тәуелсіз директорларды директорлар кеңесінің (байқау кеңестерінің) мүшелігіне сайлау туралы шешім қабылдаған күннен бастап 5 (бес) жұмыс күні ішінде Тізілімге жаңа кандидат туралы жазба жасалады.
7. Тізілімге нақты компанияның директорлар кеңесінің (байқау кеңесінің) құрамына сайлау үшін кандидатураларды іріктеуге мүдделі адамдар айқындайтын өлшемшарттар бойынша тізілім мүшелерін іздестіруді жүзеге асыруға мүмкіндік беретін нысанда сауалнамаларда көрсетілген мәліметтер енгізіледі.
8. Тізілімге енгізілген адамдар Тізілімге енгізілген сәттен бастап 5 (бес) жылдан аспайтын мерзімде директорлар кеңесінің (байқау кеңесінің) құрамына сайлау үшін кандидаттар ретінде қаралады және басым құқыққа ие болады.
9. Мемлекеттік мүлік жөніндегі уәкілетті орган Тізілімді жүргізеді, оның мониторингі мен өзектілендірілуін тұрақты негізде қамтамасыз етеді, сондай-ақ өзінің интернет-ресурсында жариялайды.
| Қазақстан Республикасы Премьер-Министрінің орынбасары – Ұлттық экономика министрі 2025 жылғы 29 тамыздағы № 87 |
|
| бұйрығына 3-қосымша |
Ұлттық әл-ауқат қорын және бірыңғай жинақтаушы зейнетақы қорын қоспағанда, мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңестерінің) мүшелеріне сыйақы төлеу және шығыстарын өтеу деңгейін айқындаудың үлгілік қағидалары
1-тарау. Жалпы ережелер
1. Осы Ұлттық әл-ауқат қорын және бірыңғай жинақтаушы зейнетақы қорын қоспағанда, мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңестерінің) мүшелеріне сыйақы төлеу және шығыстарын өтеу деңгейін айқындаудың үлгілік қағидалары (бұдан әрі – Қағидалар) "Мемлекеттік мүлік туралы" Қазақстан Республикасы Заңының (бұдан әрі – Заң) 13-бабының 4-10) тармақшасына сәйкес әзірленді және Ұлттық әл-ауқат қорын және бірыңғай жинақтаушы зейнетақы қорын қоспағанда, мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңестерінің) мүшелеріне сыйақы төлеу және шығыстарын өтеу деңгейін айқындаудың жалпы тәртібін айқындайды.
2. Осы Қағидаларда пайдаланылатын негізгі ұғымдар:
1) компания – мемлекет жүз пайыз қатысатын заңды тұлға;
2) мемлекеттік басқарудың тиісті саласына (аясына) басшылық ету жөніндегі уәкілетті орган (бұдан әрі – тиісті саланың уәкілетті органы) – Қазақстан Республикасының Үкіметі айқындаған, мемлекеттік басқарудың тиісті саласына (аясына) басшылықты жүзеге асыратын және Заңда, Қазақстан Республикасының өзге де заңдарында көзделген шарттарда республикалық мүлікке қатысты құқықтарға ие орталық атқарушы орган немесе орталық атқарушы органның ведомствосы;
3) мемлекеттік мүлікті басқару жөніндегі уәкілетті орган (бұдан әрі – мемлекеттік мүлік жөніндегі уәкілетті орган) – Қазақстан Республикасының Ұлттық Банкіне және қаржы нарығы мен қаржы ұйымдарын реттеу, бақылау және қадағалау жөніндегі уәкілетті органға бекітіліп берілген мүлікті қоспағанда, өз құзыреті шегінде республикалық мүлікті басқару, мемлекеттің республикалық мүлікке құқықтарын іске асыру, экономиканың стратегиялық маңызы бар салаларында меншікті және стратегиялық объектілерді жекешелендіру мен мемлекеттік мониторинг жүргізу саласындағы басшылықты жүзеге асыратын орталық атқарушы орган.
3. Директорлар кеңесі мен байқау кеңесінің мемлекеттік қызметшілер болып табылатын мүшелеріне сыйақы төленбейді.
2-тарау. Ұлттық әл-ауқат қорын және бірыңғай жинақтаушы зейнетақы қорын қоспағанда, мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңестерінің) мүшелеріне сыйақы төлеу және шығыстарын өтеу деңгейін айқындау тәртібі
4. Директорлар кеңесінің (байқау кеңесінің) мүшелеріне тіркелген жылдық сыйақы схемасын жалғыз акционер/қатысушы есепті кезеңнің басында үш жылдық кезеңге белгілейді.
5. Осы Қағидаларға 1-қосымшаға сәйкес тіркелген жылдық сыйақы деңгейі 3 (үш) жылда бір рет қайта қаралады.
6. Әрбір компанияның деңгейін осы Қағидаларға 2-қосымшаға сәйкес компания деңгейін айқындау жөніндегі факторлық шәкілге сәйкес тиісті саланы басқару жөніндегі уәкілетті орган айқындайды.
7. Компанияның деңгейін айқындайтын факторлар ретінде компанияның бекітілген қаржылық есептілігінің деректері негізінде компанияның соңғы 3 (үш) жылдағы активтерінің баланстық құны мен жалпы кірісі көрсеткіштерінің орташа мәндері қолданылады.
8. Қайта ұйымдастырылған немесе жаңадан құрылған компаниялар үшін көрсеткіштердің жоспарлы мәндері негізге алынады.
9. Директорлар кеңесінің (байқау кеңесінің) жанындағы комитеттерге төрағалық еткені және мүше болғаны үшін қосымша тіркелген сыйақы төленеді.
Комитетке төрағалық еткені үшін белгіленген жылдық сыйақының 10%-нан аспайтын мөлшерде қосымша сыйақы төленеді.
Комитетке мүше болғаны үшін директорлар кеңесі мүшелерінің сыйақысы ескеріле отырып, комитеттің әрбір отырысына қатысқаны үшін сыйақы төленеді. Комитет отырыстарына қатысқаны үшін сыйақының шекті мөлшері 100 айлық есептік көрсеткішке дейін белгіленеді.
10. Директорлар кеңесі (байқау кеңесі) мүшелерінің жылдық тіркелген және қосымша сыйақысының сомасы акционерлердің (жалғыз акционердің) жалпы жиналысының немесе қатысушылардың (жалғыз қатысушының) жалпы жиналысының шешімімен белгіленеді.
11. Директорлар кеңесінің мүшелері сырқаттанған, демалыста және іссапарда болған жағдайларды қоспағанда, есепті кезеңде директорлар кеңесі комитетінің (байқау кеңесінің) өткізілген күндізгі және сырттай отырыстарының жартысынан азына қатысқан жағдайда сыйақылары 50%-ға (елу пайызға) азаяды.
12. Директорлар кеңесінің (байқау кеңесінің) мүшелеріне директорлар кеңесінің (байқау кеңесінің) отырыстарына, сондай-ақ директорлар кеңесі (байқау кеңесі) төрағасының не оның міндетін атқарушы адамның мақұлдауымен акционер бастама жасаған, директорлар кеңесі (байқау кеңесі) мүшесінің тұрақты тұрғылықты жерінен тыс жерде өткізілетін кездесулер мен іс-шараларға шығуына байланысты шығыстары өтеледі.
13. Шығыстарды өтеуді компания өзінің ішкі құжаттарында көзделген компанияның іссапар шығыстарын өтеу нормалары шегінде жүргізеді.
Тіркелген жылдық сыйақы деңгейі
Компания деңгейі | Позиция | 1000 айлық есептік көрсеткішке қатысты коэффициентпен көрсетілген тіркелген жылдық сыйақы диапазоны | |
1 | Директорлар кеңесінің (байқау кеңесінің) төрағасы | 1,3 – 1,5 | |
2 | 1,6 – 1,9 | ||
3 | 2 – 2,4 | ||
4 | 2,5 – 3 | ||
5 | 3,1 – 3,9 | ||
6 | 4 – 5 | ||
7 | 6 – 8 | ||
Компания деңгейі | Позиция | Тіркелген жылдық сыйақы 1000 айлық есептік көрсеткішке қатысты коэффициент | |
1 | Директорлар кеңесінің (байқау кеңесінің) мүшелері | 1 – 1,2 | |
2 | 1,3 – 1,5 | ||
3 | 1,6 – 1,9 | ||
4 | 2 – 2,4 | ||
5 | 2,5 – 2,9 | ||
6 | 3 – 3,9 | ||
7 | 4 - 5 | ||
Ескертпе: Қазақстан Республикасының заңды тұлғасы болып табылмайтын заңды тұлғада тіркелген жылдық сыйақы төленген жағдайда, мұндай сыйақы төлем күніне Ұлттық Банктің осындай валютаға теңгенің ресми бағамы бойынша шетел валютасымен төленеді.
Компания деңгейін айқындау жөніндегі факторлық шәкіл (млн теңгемен)
Кірістер | 50-ден аз | 50 -500 | 500 – 5 000 | 5000-50 000 | 50 000- 500 000 |
500 000- | 5 000 000-нан жоғары |
250-ден аз | 1 | 1 | 1 | 2 | |||
250 – 2500 | 1 | 2 | 2 | 2 | 3 | ||
2 500 – 25 000 | 1 | 2 | 3 | 3 | 3 | 4 | |
25 000 – 250 000 | 2 | 2 | 3 | 4 | 4 | 4 | 5 |
250 000 – 2 500 000 | 3 | 3 | 4 | 5 | 5 | 5 | |
2 500 000 – 25 000 000 | 4 | 4 | 5 | 6 | 6 | ||
25 000 000-нан жоғары | 5 | 5 | 6 | 7 |
| Қазақстан Республикасы Премьер-Министрінің орынбасары – Ұлттық экономика министрі 2025 жылғы 29 тамыздағы № 87 бұйрығына 4-қосымша |
Ұлттық әл-ауқат қорын және бірыңғай жинақтаушы зейнетақы қорын қоспағанда, жарғылық капиталында мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңестерінің) мүшелеріне мемлекет ұсынатын кандидаттарға қойылатын ең төмен талаптар
1-тарау. Жалпы ережелер
1. Осы Ұлттық әл-ауқат қорын және бірыңғай жинақтаушы зейнетақы қорын қоспағанда, жарғылық капиталында мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңестерінің) мүшелеріне мемлекет ұсынатын кандидаттарға қойылатын ең төмен талаптар (бұдан әрі – Талаптар) "Мемлекеттік мүлік туралы" Қазақстан Республикасы Заңының (бұдан әрі – Заң) 13-бабының 4-11) тармақшасына сәйкес әзірленді және Ұлттық әл-ауқат қорын және бірыңғай жинақтаушы зейнетақы қорын қоспағанда, жарғылық капиталында мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңестерінің) мүшелеріне мемлекет ұсынатын кандидаттарға қойылатын ең төмен талаптарды айқындайды.
2. Талаптар:
1) білім деңгейіне;
2) жұмыс өтіліне;
3) кәсіби қызметті тиімді орындау үшін қажетті құзыреттерге қойылады.
2-тарау. Ұлттық әл-ауқат қорын және бірыңғай жинақтаушы зейнетақы қорын қоспағанда, жарғылық капиталында мемлекет жүз пайыз қатысатын акционерлік қоғамдардың (жауапкершілігі шектеулі серіктестіктердің) директорлар кеңесінің (байқау кеңестерінің) мүшелеріне мемлекет ұсынатын кандидаттарға қойылатын ең төмен талаптар
3. Мемлекет ұсынатын компанияның директорлар кеңесінің (байқау кеңесінің) мүшелеріне кандидатқа қойылатын ең төмен талаптар:
1) компанияның негізгі қызметіне сәйкес келетін саладағы жоғары немесе жоғары оқу орнынан кейінгі білім;
2) компанияның қызметін реттейтін бейіндік заңнаманы және "Акционерлік қоғамдар туралы", "Жауапкершілігі шектеулі және қосымша жауапкершілігі бар серіктестіктер туралы" Қазақстан Республикасының заңдары, сондай-ақ Қазақстан Республикасы Ұлттық экономика министрінің 2018 жылғы 5 қазандағы № 21 бұйрығымен (Нормативтік құқықтық актілерді мемлекеттік тіркеу тізілімінде № 17726 болып тіркелген) бекітілген Ұлттық әл-ауқат қорын қоспағанда, мемлекет бақылайтын акционерлік қоғамдардағы корпоративтік басқарудың үлгілік кодексін білу;
3) жұмыс тәжірибесі мынадай талаптардың біріне сәйкес келуі тиіс:
директорлар кеңесі (байқау кеңесі) мүшесінің функционалдық бағыттарына сәйкес салалардағы жұмыс өтілі 5 (бес) жылдан кем емес;
компанияның негізгі қызметіне сәйкес салалардың басшылық лауазымдарындағы жұмыс өтілі 3 (үш) жылдан кем емес.
4. Компанияның директорлар кеңесінің (байқау кеңесінің) мүшелері болуға:
1) белгіленген тәртіппен банкрот деп танылған басқа заңды тұлғаны мәжбүрлеп тарату немесе акцияларын мәжбүрлеп сатып алу немесе консервациялау туралы шешім қабылданғанға дейін бір жылдан аспайтын кезеңде басқа заңды тұлғаның директорлар кеңесінің (байқау кеңестерінің) бұрын төрағасы, атқарушы органның басшысы, басшысының орынбасары, бас бухгалтері болған адам сайланбайды. Көрсетілген талап белгіленген тәртіппен банкрот деп танылған басқа заңды тұлғаны мәжбүрлеп тарату немесе акцияларын мәжбүрлеп сатып алу немесе консервациялау туралы шешім қабылданған күннен кейін бес жыл бойы қолданылады;
2) заңда белгіленген тәртіппен өтелмеген немесе алынбаған соттылығы бар;
3) сыбайлас жемқорлық қылмыс жасаған;
4) "Акционерлік қоғамдар туралы" Заңның 64-бабына сәйкес акцияларға иелік ететін акционерлермен (мүшелермен), Басқарма (атқарушы орган) мүшелерімен директорлар кеңесіндегі (байқау кеңестеріндегі) жұмыстан басқа байланысы бар адам сайланбайды.
