ЗҚАИ-ның ескертпесі!
Қолданысқа енгізілу тәртібін 4-тармақтан қараңыз
БҰЙЫРАМЫН:
1. "Жергілікті атқарушы органдардың мемлекеттік өртке қарсы қызмет бөлімшелері жоқ елді мекендерде өрт сөндіру бекеттерін құру, оларды материалдық-техникалық жарақтандыру қағидаларын бекіту туралы" Қазақстан Республикасы Ішкі істер министрінің 2014 жылғы 30 қазандағы № 746 бұйрығына (нормативтік құқықтық актілерді мемлекеттік тіркеу тізілімінде № 9928 болып тіркелген) мынадай өзгерістер енгізілсін:
бұйрықтың тақырыбы мынадай редакцияда жазылсын:
"Жергілікті атқарушы органдардың мемлекеттік өртке қарсы қызмет бөлімшелері жоқ елді мекендерде өрт сөндіру пункттерін құру, оларды материалдық-техникалық жарақтандыру қағидаларын бекіту туралы";
кіріспе мынадай редакцияда жазылсын:
"Азаматтық қорғау туралы" Қазақстан Республикасы Заңының 12-бабы 1-тармағының 63) тармақшасына сәйкес БҰЙЫРАМЫН:";
1-тармақ мынадай редакцияда жазылсын:
"1. Қоса беріліп отырған Жергілікті атқарушы органдардың мемлекеттік өртке қарсы қызмет бөлімшелері жоқ елді мекендерде өрт сөндіру пункттерін құру, оларды материалдық-техникалық жарақтандыру қағидалары бекітілсін";
Жергілікті атқарушы органдардың көрсетілген бұйрықпен бекітілген Мемлекеттік өртке қарсы қызмет бөлімшелері жоқ елді мекендерде өрт сөндіру бекеттерін құру, оларды материалдық-техникалық жарақтандыру қағидалары осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Төтенше жағдайлар министрлігінің Өртке қарсы қызмет комитеті Қазақстан Республикасының заңнамасында белгіленген тәртіпте:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты алғашқы ресми жарияланған күнінен кейін Қазақстан Республикасы Төтенше жағдайлар министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Төтенше жағдайлар вице-министріне жүктелсін.
4. Осы бұйрық 2025 жылғы 25 тамызда қолданысқа енгізіледі және ресми жариялануға жатады.
|
Қазақстан Республикасының Төтенше жағдайлар министрі |
Ч. Аринов |
| Қазақстан Республикасының Төтенше жағдайлар министрі 2025 жылғы 21 тамыздағы № 347 бұйрығына қосымша Қазақстан Республикасы Ішкі істер министрінің 2014 жылғы 30 қазандағы № 746 бұйрығымен бекітілген |
Жергілікті атқарушы органдардың мемлекеттік өртке қарсы қызмет бөлімшелері жоқ елді мекендерде өрт сөндіру пункттерін құру, оларды материалдық-техникалық жарақтандыру қағидалары
1. Осы Қағидалар жергiлiктi атқарушы органдардың мемлекеттiк өртке қарсы қызметі бөлiмшелерi жоқ елдi мекендерде өрт сөндiру пункттерін құру, оларды материалдық-техникалық жарақтандыру тәртiбiн айқындайды.
2. Жергiлiктi атқарушы органдар өрт сөндiру пункттерін мемлекеттiк өртке қарсы қызметі бөлiмшелерi жоқ елдi мекендерде кезекшi ауысымға, өрт сөндiру автомобилiне арналған, телефон байланысымен, электр энергиясымен, жылумен және сумен қамтамасыз етiлген үй-жайлары бар ғимараттарда құрады.
3. Тиiстi әкiмшiлiк аумақтарда өрт сөндiру пункттерін құру, олардың материалдық-техникалық жарақтандыруын ұйымдастыру әкімнің шешiмi бойынша тиiстi қаржы жылына арналған жергiлiктi бюджетте көзделген қаражат есебiнен және шегiнде жүзеге асырылады.
4. Өрт сөндiру пункттері осы Қағидаларға қосымшаға сәйкес өрт-техникалық жарақтардың ең аз санымен жасақталған өрт сөндiру автомобилiмен жарақталады.
5. Өрт сөндiру автомобилi Қазақстан Республикасы Үкіметінің 2009 жылғы 11 тамыздағы № 1210 "Қазақстан Республикасының мемлекеттік органдарына арналған жанар-жағармай материалдары шығыстарының және автокөлікті күтіп ұстауға арналған шығыстардың нормаларын бекіту туралы" қаулыға сәйкес жанар-жағармай материалдарымен қамтамасыз етiледi.
6. Өрт сөндiру пункттерінiң жұмыс iстеуi үшiн ерiктi өрт сөндiрушiлер, сондай-ақ еңбек заңнамасына сәйкес жұмыскерлер тартылады.
| Жергілікті атқарушы органдардың мемлекеттік өртке қарсы қызметі бөлімшелері жоқ елді мекендерде өрт сөндіру пункттерін құру, оларды материалдық-техникалық жарақтандыру қағидаларына қосымша |
Өрт сөндіру автомобиліне өрт-техникалық жарақтардың ең аз тізбесі
р/с | Жабдық пен құрал-жабдықтың атауы | Өлшем бірлігі | Саны |
1 | 2 | 3 | 4 |
1 | Сорғыш жеңқұбыр, ұзындығы 4 м, диаметрі 125 мм | дана | 2 |
2 | Сорғыш жеңқұбыр, ұзындығы 4 м, диаметрі 75 мм | дана | 2 |
3 | Қысымды жеңқұбыр, гидранттан жұмыс істеу үшін латексті, ұзындығы 4-5 м, диаметрі 77 мм | дана | 2 |
4 | Қысымды жеңқұбыр, латексті, ұзындығы 20 м, диаметрі 66 мм | дана | 10 |
5 | Қысымды жеңқұбыр, латексті, ұзындығы 20 м, диаметрі 51 мм | дана | 6 |
6 | Қысымды жеңқұбыр үшін СВ-125 торы, ұзындығы 12 м жібімен | дана | 1 |
7 | РТ-70 (РТ-80) 3-тармақты тарамақталу | дана | 2 |
8 | СВ-125 қақпашалары бар жеңқұбырлы су жинағыш | дана | 1 |
9 | Өрт бағаны | дана | 1 |
10 | РСК-50 оқпаны | дана | 4 |
11 | Лафетті жылжымалы оқпан | дана | 1 |
12 | Орташа еселікті көбік генераторы ГПС-600 | дана | 2 |
13 | Көлденең ара | дана | 1 |
14 | Сырық-саты | дана | 1 |
15 | Ұзындығы 2,5 м металл багор | дана | 1 |
16 | Сүймен | дана | 1 |
17 | Ағаш ұстасының балтасы | дана | 1 |
18 | Жеңіл өрт ілмегі | дана | 1 |
19 | Сүйір күрек | дана | 1 |
20 | Ағаш қораптағы ағаш кесетін қол ара | дана | 1 |
21 | Электр желілерін кесуге арналған аспаптар жиынтығы, оның ішінде: | ||
диэлектрлік тұтқасы бар қайшы | дана | 1 | |
диэлектрлік қолғап | жұп | 1 | |
диэлектрлік боты | пара | 1 | |
диэлектрлік кілемше | дана | 1 | |
22 | Электрлік топтық фонарь | дана | 1 |
23 | Автомобильге техникалық қызмет көрсетуге арналған аспаптар жиынтығы | жиынтық | 1 |
24 | Автомобильдік радиостанция | дана | 1 |
25 | Сигналдық-дауыс зорайтқыш құрылғысы | дана | 1 |
26 | Өрт сөндірушінің жауынгерлік киімінің жиынтығы | жиынтық | 1 |
27 | Тасмалдайтын өрт мотопомпасы | дана | 1 |
28 | Аспалы су бүріккіш | дана | 5 |
29 | Ауаүрлегіштер | дана | 5 |
30 | Соқпан | дана | 5 |
31 | Авариялық-құтқару құралдарының жиынтығы | жиынтық | 1 |
32 | Радиостанция | дана | 3 |
