БҰЙЫРАМЫН:
1. "Халықты және азаматтық қорғау саласындағы мамандарды ақпараттандыру, білімді насихаттау, оқыту қағидаларын бекіту туралы" Қазақстан Республикасы Ішкі істер министрінің 2020 жылғы 2 шілдедегі № 494 бұйрығына (нормативтік құқықтық актілерді мемлекеттік тіркеу тізілімінде № 20990 болып тіркелген) мынадай өзгерістер енгізілсін:
кіріспе мынадай редакцияда жазылсын:
"Азаматтық қорғау туралы" Қазақстан Республикасы Заңының 12-бабы 1-тармағының 60) тармақшасына сәйкес БҰЙЫРАМЫН:";
Көрсетілген бұйрықпен бекітілген халықты және азаматтық қорғау саласындағы мамандарды ақпараттандыру, білімді насихаттау, оқыту қағидаларында:
1-тармақ келесі редакцияда жазылсын:
"1. Осы халықты және азаматтық қорғау саласындағы мамандарды ақпараттандыру, білімді насихаттау, оқыту қағидалары (бұдан әрі-Қағидалар) "Азаматтық қорғау туралы" Қазақстан Республикасы Заңының (бұдан әрі – заң) 12 - бабы 1-тармағының 60) тармақшасына сәйкес әзірленді және халықты және азаматтық қорғау саласындағы мамандарды хабардар ету, білімді насихаттау, оқыту тәртібін айқындайды.";
4-тармақ келесі редакцияда жазылсын:
"4. Азаматтық қорғау саласындағы уәкілетті орган (бұдан әрі-уәкілетті орган) және оның аумақтық органдары төтенше жағдайдың туындау қаупі туралы болжам болған кезде халықты алдын ала хабардар етуді қамтамасыз етеді және оларға Заңмен жүктелген өкілеттіктерге сәйкес азаматтық қорғау саласындағы білімді насихаттауды ұйымдастырады.";
7-тармақ келесі редакцияда жазылсын:
"7. Табиғи және техногендік сипаттағы төтенше жағдайларды бақылау, жағдайды бақылау және болжау қызметтері (сейсмологиялық қызмет, сел құлақтандыру жүйелері, радиациялық қауіпсіздікті бақылау және басқалар) алдын алу мақсатында, Қазақстан Республикасының аумағында және (немесе) іргелес мемлекеттердің шекара маңындағы аумағында төтенше жағдайдың туындау қаупі төнген кезде оның сипаттамаларын көрсете отырып, қажетті ақпаратты уәкілетті органның тиісті органына дереу ұсынады.";
11, 12 және 13-тармақтар келесі редакцияда жазылсын:
"11. Азаматтық қорғау саласындағы білімді насихаттауды уәкілетті орган, оның аумақтық органдары, сондай-ақ мемлекеттік органдар, ұйымдар мен қоғамдық бірлестіктер жүзеге асырады.
12. Уәкілетті органның аумақтық органдары жергілікті атқарушы органдармен бірлесіп, насихаттау жоспарына сәйкес азаматтық қорғау саласындағы білімді насихаттауды жүзеге асырады.
13. Азаматтық қорғау саласындағы білімді насихаттау жоспарын уәкілетті органның аумақтық органы жыл сайын 25 желтоқсанға дейін әзірлейді және осы Қағидаларға 1-қосымшаға сәйкес жергілікті атқарушы органдар бекітеді.";
16 және 17-тармақтар келесі редакцияда жазылсын:
"16. Орталық және жергілікті атқарушы органдардың, Қазақстан Республикасының Президентіне тікелей бағынатын және есеп беретін мемлекеттік органдардың лауазымды адамдарын уәкілетті органның оқу орындарында оқыту азаматтық қорғау саласындағы орталық және жергілікті атқарушы органдардың, Қазақстан Республикасының Президентіне тікелей бағынатын және есеп беретін мемлекеттік органдардың басшы құрамы мен мамандарын даярлау және қайта даярлау жоспарына сәйкес жүргізіледі.
17. Азаматтық қорғау саласындағы орталық және жергілікті атқарушы органдардың, Қазақстан Республикасының Президентіне тікелей бағынатын және есеп беретін мемлекеттік органдардың басшы құрамы мен мамандарын даярлау және қайта даярлау жоспарын уәкілетті орган орталық және жергілікті атқарушы органдардың, Қазақстан Республикасының Президентіне тікелей бағынатын және есеп беретін мемлекеттік органдардың өтінімдері негізінде әзірлейді және оны азаматтық қорғау саласындағы уәкілетті орган бекітеді.";
4-тараудың 2-параграфының тақырыбы келесі редакцияда жазылсын:
"2-параграф. Уәкілетті органның аумақтық органдарында оқытуды ұйымдастыру тәртібі";
23, 24, 25, 26 және 27-тармақтар келесі редакцияда жазылсын:
"23. Оқудан өту қорытындысы бойынша қорытынды тестілеуді тапсыру кезінде жіберілмеген немесе қанағаттанарлықсыз білім деңгейін көрсеткен тыңдаушыларға азаматтық қорғау саласында оқудан өткені туралы сертификаттар берілмейді.
24. Оқудан өткен және қорытынды тестілеуден өткен тыңдаушыларға Қазақстан Республикасының Ішкі істер министрінің 2015 жылғы 20 қазандағы "Азаматтық қорғау саласында оқудан өткені туралы бірыңғай үлгідегі сертификатты белгілеу туралы" (нормативтік құқықтық актілерді мемлекеттік тіркеу тізілімінде № 12292 болып тіркелген) № 857 бұйрығымен бекітілген азаматтық қорғау саласында оқудан өткені туралы сертификаттар беріледі (бұдан әрі – сертификат).
25. Уәкілетті органның аумақтық органдарында оқыту осы Қағидалардың 3-қосымшасына сәйкес нысан бойынша азаматтық қорғау саласында оқуға тыңдаушылары бар топтардың санаттарын қабылдау жоспарына сәйкес жүзеге асырылады.
26. Азаматтық қорғау саласында оқыту үшін тыңдаушылармен топтардың санаттарын жасақтау жоспары уәкілетті органның аумақтық органы әзірлейді және жергілікті атқарушы орган бекітеді.";
27. Азаматтық қорғау саласындағы уәкілетті органның аумақтық органдарында оқытылатын тыңдаушылардың тізімі және оқытудың кезеңділігі осы Қағидалардың 4-қосымшасына сәйкес айқындалған.";
31-тармақ келесі редакцияда жазылсын:
"31. Оқыту процесі басталардан бір апта бұрын оқытуды жүзеге асыратын уәкілетті органның аумақтық органының басшысы осы Қағидалардың 5-қосымшасына сәйкес нысан бойынша азаматтық қорғаныс сабақтарын өткізу кестесін бекітеді.";
36-тармақ келесі редакцияда жазылсын:
"36. Азаматтық қорғау саласындағы тыңдаушыларды оқытуды есепке алу және сертификаттар беру журналдары азаматтық қорғау саласындағы уәкілетті органның аумақтық органдарында сақталады.";
47-тармақ келесі редакцияда жазылсын:
"47. Азаматтық қорғаныс бойынша санатқа жатқызылған ұйымдардың қызметкерлерін оқытуды белгіленген мерзімдерге сәйкес уәкілетті органның аумақтық органдарында немесе уәкілетті органның ұйымдары мен оқу орындарында оқудан өткен және тиісті сертификаттары бар азаматтық қорғау бойынша сабақтар топтарының басшылары жүргізеді.";
56-тармақ келесі редакцияда жазылсын:
"56. Азаматтық қорғау құралымдарының жеке құрамын оқытуды азаматтық қорғау жөніндегі сабақтар топтарының басшылары мен азаматтық қорғау құралымдарының командирлері уәкілетті органның аумақтық органдарында немесе белгіленген мерзімдерге сәйкес және тиісті сертификаттары бар уәкілетті органның ұйымдары мен оқу орындарында жүргізіледі.";
77-тармақ келесі редакцияда жазылсын:
"77. Ұйымның сұрау салуы бойынша уәкілетті органның аумақтық органдары ұйымдардың қызметкерлерімен белгілі бір тақырыптар бойынша көшпелі сабақтар ұйымдастыра алады.";
80, 81 және 82-тармақтар келесі редакцияда жазылсын:
"80. Аумақтық деңгейде азаматтық қорғау саласында оқу-жаттығулар мен жаттығулар өткізу жоспарын уәкілетті органның аумақтық органы әзірлейді және осы Қағидаларға 10-қосымшаға сәйкес нысан бойынша жергілікті атқарушы орган бекітеді.
81. Азаматтық қорғау саласындағы оқу-жаттығулар мен жаттығуларды аумақтық деңгейде және ұйымдарда өткізуге жауапты орындаушылар азаматтық қорғау саласындағы уәкілетті органның аумақтық органдарына оларды өткізу туралы ақпаратты ұйымдастыру құжаттарының көшірмелерін қоса бере отырып олар аяқталғаннан кейін бес күн ішінде ұсынуы қажет.
82. Оқу-жаттығу және жаттығу бойынша ұйымдастыру құжаттары:
республикалық деңгейде – азаматтық қорғау саласындағы уәкілетті орган және оны азаматтық қорғау саласындағы уәкілетті орган бекітеді;
аумақтық деңгейде – азаматтық қорғау саласындағы уәкілетті органның аумақтық органы болып табылады және оны азаматтық қорғаныс бастығы немесе оның тиісті әкімшілік-аумақтық бірліктердің орынбасары бекітеді;
объектілік деңгейде – ұйымдардың басшылары азаматтық қорғау саласындағы уәкілетті органның аумақтық органдарымен келісім бойынша және ұйымның азаматтық қорғаныс бастығымен бекітіледі.";
2 қосымша осы бұйрықтың 1-қосымшасына сәйкес жаңа редакцияда жазылсын;
4 қосымша осы бұйрықтың 2-қосымшасына сәйкес жаңа редакцияда жазылсын;
8 қосымша осы бұйрықтың 3-қосымшасына сәйкес жаңа редакцияда жазылсын;
9-қосымша осы бұйрықтың 4-қосымшасына сәйкес жаңа редакцияда жазылсын.
2. Қазақстан Республикасы Төтенше жағдайлар министрлігінің Азаматтық қорғаныс және әскери бөлімдері бойынша комитеті қамтамасыз етсін:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрықты Қазақстан Республикасы Төтенше жағдайлар министрлігінің интернет-ресурсында орналастыруын.
3. Осы бұйрықтың орындалуын бақылау жетекшілік ететін Қазақстан Республикасының Төтенше жағдайлар жөніндегі вице-министріне жүктелсін.
4. Осы бұйрық алғашқы ресми жарияланған күнінен кейін он күнтізбелік күн өткен соң қолданысқа енгізіледі.
|
Қазақстан Республикасының Төтенше жағдайлар министрі |
Ч. Аринов |
"КЕЛІСІЛДІ"
"Қазақстан Республикасының
Атом энергиясы жөніндегі агенттігі"
Республикалық мемлекеттік мекемесі
"КЕЛІСІЛДІ"
Қазақстан Республикасының
Ауыл шаруашылығы министрлігі
"КЕЛІСІЛДІ"
Қазақстан Республикасының
Әділет министрлігі
"КЕЛІСІЛДІ"
Қазақстан Республикасы
Бас прокуратурасы
"КЕЛІСІЛДІ"
Қазақстан Республикасы
Бәсекелестікті қорғау және дамыту агенттігі
"КЕЛІСІЛДІ"
Қазақстан Республикасының
Ғылым және жоғары білім министрлігі
"КЕЛІСІЛДІ"
Қазақстан Республикасының
Денсаулық сақтау министрлігі
"КЕЛІСІЛДІ"
Қазақстан Республикасының
Қаржы нарығын реттеу және дамыту агенттігі
"КЕЛІСІЛДІ"
Қазақстан Республикасының
Қаржылық мониторинг агенттігі
"КЕЛІСІЛДІ"
Қазақстан Республикасының
Көлік министрлігі
"КЕЛІСІЛДІ"
Қазақстан Республикасының
Мәдениет және ақпарат министрлігі
"КЕЛІСІЛДІ"
Қазақстан Республикасының
Мемлекеттік қызмет істері агенттігі
"КЕЛІСІЛДІ"
Қазақстан Республикасының
Мемлекеттік күзет қызметі
"КЕЛІСІЛДІ"
Қазақстан Республикасының
Оқу-ағарту министрлігі
"КЕЛІСІЛДІ"
Қазақстан Республикасының
Өнеркәсіп және құрылыс министрлігі
"КЕЛІСІЛДІ"
Қазақстан Республикасы
Президентінің Іс басқармасы
"КЕЛІСІЛДІ"
Қазақстан Республикасының
Сауда және интеграция министрлігі
"КЕЛІСІЛДІ"
Қазақстан Республикасының
Стратегиялық жоспарлау және реформалар агенттігі
"КЕЛІСІЛДІ"
Қазақстан Республикасының
Цифрлық даму, инновациялар
және аэроғарыш өнеркәсібі министрлігі
"КЕЛІСІЛДІ"
"Қазақстан Республикасының Ұлттық банкі"
Республикалық мемлекеттік мекемесі
"КЕЛІСІЛДІ"
Қазақстан Республикасының
Ұлттық қауіпсіздік комитеті
"КЕЛІСІЛДІ"
Қазақстан Республикасының
Экология және табиғи ресурстар министрлігі
"КЕЛІСІЛДІ"
Қазақстан Республикасының
Энергетика министрлігі
Азаматтық қорғау саласындағы уәкілетті органның ұйымдары мен оқу орындарында оқытуға жататын лауазымды адамдардың және оқыту мерзімділігінің ТІЗБЕСІ
№ | Білім алушылардың санаттары | Оқыту кезеңділігі |
1 | 2 | 3 |
1. | Орталық атқарушы органдар, Қазақстан Республикасының Президентіне тікелей бағынатын және есеп беретін мемлекеттік органдар: | |
Бірінші басшылардың орынбасарлары | 5 жылда 1 рет | |
төтенше жағдайлардың алдын алу және жою жөніндегі комиссиялардың төрағалары және олардың орынбасарлары | 3 жылда 1 рет | |
эвакуациялық комиссиялардың төрағалары және олардың орынбасарлары | 3 жылда 1 рет | |
департаменттердің директорлары және олардың орынбасарлары | 5 жылда 1 рет | |
басқармалардың басшылары және олардың орынбасарлары | 5 жылда 1 рет | |
бөлім басшылары және олардың орынбасарлары | 5 жылда 1 рет | |
құрылымдық бөлімшелердің мамандары (қызметкерлер) | 3 жылда 1 рет | |
2. | Жергілікті атқарушы органдар және өкілді органдар: | |
қалалардың, аудандардың әкімдері, әкімдер аппараттарының басшылары | 3 жылда 1 рет | |
төтенше жағдайлардың (облыстардың, қалалар мен аудандардың) алдын алу және оларды жою жөніндегі комиссиялардың төрағалары және олардың орынбасарлары | 3 жылда 1 рет | |
эвакуациялық (эвакуациялық-қабылдау) комиссиялардың (облыстардың, қалалар мен аудандардың) төрағалары және олардың орынбасарлары | 3 жылда 1 рет | |
басқармалардың басшылары және олардың орынбасарлары | 5 жылда 1 рет | |
бөлім басшылары және олардың орынбасарлары | 5 жылда 1 рет | |
құрылымдық бөлімшелердің мамандары (қызметкерлер) | 3 жылда 1 рет | |
азаматтық қорғау қызметтерінің (облыстардың, қалалар мен аудандардың) бастықтары және олардың орынбасарлары | 3 жылда 1 рет | |
азаматтық қорғау қызметтерінің мамандары (облыстардың, қалалар мен аудандардың) | 3 жылда 1 рет | |
жұмылдыру дайындығы бөлімшелерінің басшылары, олардың орынбасарлары мен мамандары | 3 жылда 1 рет | |
мәслихаттардың басшылары мен мамандары | 3 жылда 1 рет | |
3. | Білім беру ұйымдарының және бұқаралық ақпарат құралдарының басшылары | 5 жылда 1 рет |
4. | Азаматтық қорғау саласындағы уәкілетті орган: | |
азаматтық қорғау саласындағы уәкілетті органның құрылымдық бөлімшелерінің, ведомстволарының, аумақтық органдарының, ведомстволық бағынысты ұйымдарының басшылары және олардың орынбасарлары | 5 жылда 1 рет | |
азаматтық қорғау саласындағы уәкілетті органның құрылымдық бөлімшелерінің, ведомстволарының, аумақтық органдарының, ведомстволық бағынысты ұйымдарының мамандары | 3 жылда 1 рет |
Ескертпе:
1. Лауазымдық нұсқаулықтарына азаматтық қорғаныс саласындағы міндеттерді шешу кіретін лауазымға жаңадан тағайындалған адамдардың біліктілігін арттыру жұмыстың бірінші жылы ішінде жүзеге асырылады.
2. Оқудан өткен тыңдаушыларға бірыңғай үлгідегі сертификаттар беріледі.
Азаматтық қорғау саласындағы уәкілетті органның аумақтық органдарында оқытылатын тыңдаушылардың тізімі және оқу жиілігі
№ | Білім алушылардың санаттары | Оқыту кезеңділігі |
1 | 2 | 3 |
1. | Қаладағы аудандардың, аудандық маңызы бар қалалардың, ауылдардың, кенттердің, ауылдық округтердің әкімдері | 5 жылда 1 рет |
2. | Қалалардың, аудандардың (қалалық және ауылдық) төтенше жағдайлар жөніндегі комиссия мүшелері | 3 жылда 1 рет |
3. | Республикалық маңызы бар қалалардың, астананың және облыстардың, қалалардың эвакуациялық органдарының қызметкерлері | 3 жылда 1 рет |
4. | Қалалық, аудандық эвакуациялық, эвакуациялық қабылдау комиссиялардың мүшелері | 5 жылда 1 рет |
5. | Қалалық, аудандық және ауылдық әкімдіктердің лауазымды тұлғалары | 5 жылда 1 рет |
6. | Азаматтық қорғаныс бойынша санаттарға жатқызылған ұйымдардың басшылары мен қызметкерлері | 3 жылда 1 рет |
7. | Ұйымдардың, кәсіпорындардың, оқу орындарының басшылары және олардың орынбасарлары | 5 жылда 1 рет |
8. | Азаматтық қорғаныс мәселелерімен айналысатын ұйымдардың, кәсіпорындардың және оқу орындарының мамандары (қызметкерлері) | 3 жылда 1 рет |
9. | Азаматтық қорғау қызметтерінің мамандары | 3 жылда 1 рет |
11. | Азаматтық қорғау құралымдарының командирлері (отрядтар, командалар, звенолар мен бекеттер) | 3 жылда 1 рет |
12. | "Дене шынықтыру", "Алғашқы әскери дайындық" және "Тіршілік қауіпсіздігі негіздері" пәндері бойынша оқу орындарының оқытушылары | 2 жылда 1 рет |
13. | Мектепке дейінгі мекемелерінің меңгерушілері мен тәрбиешілері | 3 жылда 1 рет |
14. | Барлық үлгідегі жалпы білім беретін мектептердің бастауыш сыныптардың сынып жетекшілері | 5 жылда 1 рет |
15. | Азаматтық қорғау құралымдарына кірмейтін жұмысшылары мен қызметшілермен жұмыс топтарының жетекшілері | 3 жылда 1 рет |
16. | Еңбек және демалыс сауықтыру лагерьлерінің жұмыскерлері | жыл сайын |
17. | Волонтерлік ұйымдардың (топтардың) басшылары мен үйлестірушілері | 2 жылда 1 рет |
18. | Қауіпті өндірістік объектілердің басшылары | 3 жылда 1 рет |
19. | Қауіпті өндірістік объектілердің мамандары | 3 жылда 1 рет |
20. | Мүгедектігі бар адамдарға қызмет көрсететін медициналық-әлеуметтік мекемелердің қызметкері | 3 жылда 1 рет |
Ескертпе:
1. Лауазымдық нұсқаулықтарына азаматтық қорғаныс саласындағы міндеттерді шешу кіретін лауазымға жаңадан тағайындалған адамдардың біліктілігін арттыру жұмыстың бірінші жылы ішінде жүзеге асырылады.
2. Оқудан өткен тыңдаушыларға бірыңғай үлгідегі сертификаттар беріледі.
АНЫҚТАМА азаматтық қорғау саласында оқудан өткені туралы
Берілді _______________________________________________________.
Т.А.Ә. (бар болған жағдайда) ұйымның атауы, лауазымы)
____ сағат көлемінде оқу курсынан өткені туралы.
Басшы _______________________ М/О _________________
Т.А.Ә. (бар болған жағдайда) ұйымның атауы) (қолы, күні)
