Мемлекеттік реттеуге жатқызылатын өлшем тізбесін бекіту туралы

Қазақстан Республикасы Ішкі істер министрінің 2019 жылғы 28 наурыздағы № 237 және Қазақстан Республикасы Индустрия және инфрақұрылымдық даму министрінің 2019 жылғы 29 наурыздағы № 162 бірлескен бұйрығы. Қазақстан Республикасының Әділет министрлігінде 2019 жылғы 29 наурызда № 18438 болып тіркелді.

РҚАО-ның ескертпесі!
Осы бірлескен бұйрық 11.04.2019 бастап қолданысқа енгізіледі

"Өлшем бірлігін қамтамасыз ету туралы" 2000 жылғы 7 маусымдағы Қазақстан Республикасының Заңы 6-3-бабының 2) тармақшасына сәйкес БҰЙЫРАМЫЗ:

1. Қоса беріліп отырған мемлекеттік реттеуге жатқызылатын өлшем тізбесі бекітілсін.

2. Қазақстан Республикасы Ішкі істер министрлігінің Төтенше жағдайлар комитеті (В.Р. Беккер) заңнамада белгіленген тәртіпте:

1) осы бірлескен бұйрықты Қазақстан Республикасы Әділет министрлігінде мемлекеттік тіркеуді;

2) осы бірлескен бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде оны ресми жариялау және Қазақстан Республикасы нормативтік құқықтық актілерінің эталондық бақылау банкіне қосу үшін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына қазақ және орыс тілдерінде жолдауды;

3) осы бірлескен бұйрықты Қазақстан Республикасы Ішкі істер министрлігінің ресми интернет-ресурсына орналастыруды;

4) осы бірлескен бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Ішкі істер министрлігінің Заң департаментіне ұсынуды қамтамасыз етсін.

3. Осы бірлескен бұйрықтың орындалуын бақылау жетекшілік ететін Қазақстан Республикасы Ішкі істер министрінің орынбасарына жүктелсін.

4. Осы бірлескен бұйрық 2019 жылғы 11 сәуірден бастап қолданысқа енгізіледі және ресми жариялануы тиіс.

Қазақстан Республикасының Индустрия және инфрақұрылымдық даму министрі	Р. Скляр
Қазақстан Республикасының Ішкі істер министрі	Е. Тургумбаев

Қазақстан Республикасы Индустрия және инфрақұрылымдық даму министрінің 2019 жылғы 29 наурыздағы № 162 және Қазақстан Республикасы Ішкі істер министрінің 2019 жылғы 28 наурыздағы № 237 бірлескен бұйрығымен бекітілген

Мемлекеттік реттеуге жатқызылатын өлшем тізбесі

Ескерту. Тізбе жаңа редакцияда - ҚР Ішкі істер министрінің 25.04.2025 № 329 және ҚР Сауда және интеграция министрінің 28.04.2025 № 147-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен бұйрығымен.

№ р/р	Объектіні және қолдану саласын көрсете отырып өлшемдердің атауы	Өлшеуге қойылатын метрологиялық талаптар		Ескертпе
		Өлшеу диапазоны	Шекті рұқсат етілген қателік немесе дәлдік класы
1	2	3	4	5
1	Көлік құралдарының қозғалыс жылдамдығын (км/сағ) мобильді жылдамдық өлшегіштермен өлшеу	20-дан 250 км/сағ. дейін	± 2 км/сағ.	Бекіту: - белгіленген қозғалыс жылдамдығынан асып кету.
2	Көлік құралдарының қозғалыс жылдамдығын (км / сағ)стационарлық жылдамдық өлшегіштермен өлшеу	20-дан 250 км/сағ. дейін	± 2 км/сағ.
3	Рульдік басқарудағы жиынтық ойынды өлшеу	0° - дан 30° - қа дейін	± 1°	Қазақстан Республикасының Ішкі істер министрінің 2023 жылғы 30 маусымдағы "Жол жүрісі қағидаларын, Көлік құралдарын пайдалануға рұқсат беру жөніндегі негізгі ережелерді, көлігі арнайы жарық және дыбыс сигналдарымен жабдықталуға және арнайы түсті-графикалық схемалар бойынша боялуға тиіс жедел және арнайы қызметтер тізбесін бекіту туралы" № 534 бұйрығы (Нормативтік құқықтық актілерді мемлекеттік тіркеу тізілімінде № 33003 болып тіркелген)
4	Алдыңғы әйнек пен алдыңғы бүйірлік әйнектің жарық өткізгіштігін өлшеу	0% - дан 70% дейін	± 2%
5	Шина протекторы үлгісінің қалдық биіктігін өлшеу	0-ден 150 мм-ге дейін	± 0,01мм.
6	Пайдаланылған газдардағы компоненттердің концентрациясын өлшеу	- CO көлемдік үлестің 0-ден 5% - на дейін	Абсолютті ± 0,03% Салыстырмалы ± 5 %
		- CO2 көлемдік үлестің 0-ден 16% - на дейін	Абсолютті ± 0,5% Салыстырмалы ± 5 %
		- O2 көлемдік үлестің 0-ден 21% - на дейін	Абсолютті ± 0,1% Салыстырмалы ± 5 %
		- СН 0 млн-1-ден 2000% млн-1-ге дейін	Абсолютті± 10 млн-1 Салыстырмалы ± 5 %
7	Көлік құралдарының қозғалысының орташа жылдамдығын (км/сағ) стационарлық жылдамдық өлшегіштермен өлшеу	-	Орташа жылдамдықты есептеу кезінде ± 2 км/сағ	Қозғалыстың орташа жылдамдығынан асып кетуді бекіту
8	Өтетін көлік құралының бақыланатын учаскесін өлшеу	10-нан 100 м-ге дейін	± 1% бақыланатын учаске аймағында көлік құралының жүріп өткен қашықтығын есептеудің рұқсат етілген қателігінің шегі	Бекіту: - Көлік құралдарын тоқтату немесе тұраққа қою қағидаларын бұзу; - бағдаршамның тыйым салу сигналына өту; - жол белгілерімен немесе жолдың жүру бөлігін белгілеумен белгіленген талаптарды сақтамау; - маневр жасау ережелерін бұзу; - жаяу жүргіншілерге немесе жол қозғалысының өзге де қатысушыларына қозғалыста артықшылық бермеу.
9	Аппараттық-бағдарламалық кешендердің орналасу координаттарын өлшеу	-	± 5 м
10	Шығыңқы нүктелер мен жол таңбалары бойынша көлік құралдарының габариттері арасындағы қашықтықты өлшеу	0-ден 5 м-ге дейін	± 0,5 м
11	Уақытын синхрондау қатесін өлшеу	Нормаланбайды	± 2 с	Құқық бұзушылық уақытын белгілеу