Қазақстан Республикасы Жер кодексінің 130-бабына және Қазақстан Республикасы Орман кодексінің 51-бабына сәйкес Қазақстан Республикасының Үкіметі ҚАУЛЫ ЕТЕДI:
1. Осы қаулыға қосымшаға сәйкес Қарағанды облысы Табиғи ресурстар және табиғат пайдалануды реттеу басқармасының "Қарағанды орман және жануарлар әлемін қорғау жөніндегі шаруашылығы" коммуналдық мемлекеттік мекемесінің орман қоры жерлері санатынан жалпы ауданы 73,9093 гектар жер учаскелері ауылдық елді мекендер жерлері санатына ауыстырылсын.
2. Қарағанды облысының әкімі ауылдық елді мекен шекараларының (шегінің) өзгеруіне байланысты Қазақстан Республикасының заңнамасында белгіленген тәртіппен осы қаулының 1-тармағында көрсетілген жер учаскелерінің Қарағанды облысы Бұқар жырау ауданының әкімдігіне берілуін қамтамасыз етсін.
3. Қарағанды облысы Бұқар жырау ауданының әкімдігі Қазақстан Республикасының қолданыстағы заңнамасына сәйкес орман алқаптарын орман шаруашылығын жүргізуге байланысты емес мақсаттарда пайдалану үшін алып қоюдан туындаған орман шаруашылығы өндірісінің шығасылары мен шығындарын республикалық бюджет кірісіне өтесін, екпелер кесілген жағдайда алынған сүректі көрсетілген мекеменің теңгеріміне бере отырып, алаңды тазарту жөніндегі шараларды қабылдасын.
4. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
О. Бектенов |
| Қазақстан Республикасы Үкіметінің 2025 жылғы 3 қазандағы № 821 қаулысына қосымша |
Орман қоры жерлері санатынан ауылдық елді мекендер жерлері санатына ауыстырылатын жерлердің экспликациясы
Жер пайдаланушының атауы |
Жалпы ауданы, | оның ішінде, гектар: | |||||
орман | орман көмкермеген | алқаптар | шабындықтар | жайылымдар | жолдар | ||
1 | 2 | 3 | 4 | 5 | 6 | 7 | 8 |
Қарағанды облысы Табиғи ресурстар және табиғат пайдалануды реттеу басқармасының "Қарағанды орман және жануарлар әлемін қорғау жөніндегі шаруашылығы" коммуналдық мемлекеттік мекемесі | 73,9093 | 61,0 | - | - | - | 12,9093 | - |
Барлығы: | 73,9093 | 61,0 | - | - | - | 12,9093 | - |
_____________________________________
