Қала әкімдігі ҚАУЛЫ ЕТЕДІ:
1. Қала әкімдігінің "Семей қаласына бірыңғай сәулеттік келбет беруге бағытталған көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс - шараларды ұйымдастыру және жүргізу қағидаларын бекіту туралы" 2023 жылғы 3 наурыздағы № 172 қаулысына (Нормативтік құқықтық актілерді мемлекеттік тіркеу тізілімінде № 30-18 болып тіркелген), (әкімдіктің 2024 жылғы 4 шілдедегі № 558 қаулысымен енгізілген өзгерістермен), келесідей өзгерістер енгізілсін:
осы қаулының қосымшасына сәйкес қосымшадағы Ережеге өзгерістер енгізілсін.
2. "Семей қаласының тұрғын үй қатынастары және тұрғын үй инспекциясы бөлімі" мемлекеттік мекемесіне (Д. Т. Шаяхметова) Қазақстан Республикасының заңнамасында белгіленген тәртіппен:
осы қаулыдан туындайтын тиісті шараларды қабылдасын;
осы қаулы ресми жарияланғаннан кейін Семей қаласы әкімдігінің интернет-ресурсында орналастыруды қамтамасыз етсін.
3. Қаулының орындалуын бақылау қала әкімінің орынбасары Рустам Ерболович Айткуловқа жүктелсін.
4. Осы қаулы алғаш ресми жарияланған күннен кейін күнтізбелік он күн өткен соң күшіне енеді.
| Қала әкімі | А. Кожанбаев |
| Қала әкімдігінің 2026 жылғы " 3 " сәуірдегі № 434 қаулысына қосымша |
Семей қаласына бірыңғай сәулеттік келбет беруге бағытталған көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс - шараларды ұйымдастыру және жүргізу қағидаларына енгізілетін өзгерістер
1. 1 - тараудың 2 - тармағында:
3) тармақшада:
"шатырлары," сөзінен кейін "кіреберіс жерлердегі қорғауыштар (қалқалар)," деген сөздермен толықтырылсын.
2. 9) тармақша келесідей редакцияда жазылсын:
"көппәтерлі тұрғын үй пәтерлері, тұрғын емес үй - жайларының меншік иелері жиналысы (бұдан әрі – жиналыс) - кондоминиум нысанын басқаруға қатысты шешімдерді ұжымдық талқылауды және (немесе) қабылдауды қамтамасыз ететін жоғары басқару органы";
3. 10 - тармақпен толықтырылсын:
"басқарушы компания - кондоминиум нысанын басқару туралы жасалған шарт немесе көппәтерлі тұрғын үйдің пәтерлері мен тұрғын емес үй -жайларының меншік иелері жиналысының хаттамасы негізінде кондоминиум нысанын басқару бойынша қызмет көрсететін кәсіпкерлік субъектісі;"
4. 11 - тармақпен толықтырылсын:
"пәтерлер (тұрғын емес үй - жайлар) иелерінің кооперативі - кондоминиум нысанын басқару туралы жасалған шарт немесе көппәтерлі тұрғын үйдің пәтерлері мен тұрғын емес үй - жайларының меншік иелері жиналысының хаттамасы негізінде кондоминиум нысанын басқару бойынша қызмет көрсету үшін пәтерлер мен тұрғын емес үй - жайлар иелері құрған коммерциялық емес ұйым";
5. 2 - тарауда:
5 - тармақ келесідей редакцияда жазылсын:
"Семей қаласының әкімдігі көппәтерлі тұрғын үйдің қасбетіне қатысты жұмыстарды мүлік иелері бірлестігімен, пәтерлер (тұрғын емес үй - жайлар) иелерінің кооперативімен немесе басқарушы компаниямен келісе отырып жүзеге асырады.";
6. 6 - тармақ келесідей редакцияда жазылсын:
"Бөлім құрылыс нормаларының талаптарына сәйкес, әрбір көппәтерлі тұрғын үйдің қасбеті мен шатырларының техникалық жағдайын, жұмыстардың көлемін, жөндеу түрін (ағымдағы немесе күрделі) және олардың физикалық тозу дәрежесін анықтауды тексеруді ұйымдастырады".
7. 7 - тармақ алынып тасталсын;
8. 8 - тармақ алынып тасталсын;
9. 3 - тараудың 11) тармағында:
"құны" сөзінен кейін "реконструкциясы," сөзімен толықтырылсын.
10. 3 - тараудың 12 - тармағында:
"жұмыстар бойынша" деген сөздерден кейін "реконструкциясы" сөзімен толықтырылсын;
11. 13 - тармақта:
"жұмыстар бойынша" деген сөздерден кейін "реконструкциясы" сөзімен, "техникалық қадағалау" сөзінен кейін "(күрделі жөндеу жұмыстары жүргізілген жағдайда)" деген сөздермен толықтырылсын;
12. 4 - тараудың 14 - тармағында:
"іс шаралар бойынша" деген сөздерден кейін "реконструкциясы" сөзімен толықтырылсын.
