"Мемлекеттік мүлік туралы" Қазақстан Республикасы Заңының 9-бабының 2-тармағына сәйкес БҰЙЫРАМЫН:
1. Қоса беріліп отырған Мемлекеттік заңды тұлғаларға бекітіліп берілген мемлекеттік мүлікті мемлекеттік меншіктің бір түрінен екіншісіне беру қағидалары бекітілсін.
2. Қазақстан Республикасы Ұлттық экономика министрлігінің Мемлекеттік активтерді басқару саясаты департаменті заңнамада белгіленген тәртіппен осы бұйрыққа қол қойылған күннен бастап бес жұмыс күні ішінде оны Қазақстан Республикасы нормативтік құқықтық актілерінің эталондық бақылау банкінде және ресми жарияланған күнінен кейін Қазақстан Республикасы Ұлттық экономика министрлігінің интернет-ресурсында орналастыру үшін жіберуді қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.
4. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Премьер-Министрінің орынбасары – Ұлттық экономика министрі |
С. Жумангарин |
"КЕЛІСІЛДІ"
Қазақстан Республикасының
Қаржы министрлігі
| Қазақстан Республикасы Премьер-Министрінің орынбасары – Ұлттық экономика министрі 2025 жылғы 4 тамыздағы № 75 Бұйрықпен бекітілген |
Мемлекеттік заңды тұлғаларға бекітіліп берілген мемлекеттік мүлікті мемлекеттік меншіктің бір түрінен екіншісіне беру қағидалары
1-тарау. Жалпы ережелер
1. Осы Мемлекеттік заңды тұлғаларға бекітіліп берілген мемлекеттік мүлікті мемлекеттік меншіктің бір түрінен екіншісіне беру қағидалары (бұдан әрі – Қағидалар) "Мемлекеттік мүлік туралы" Қазақстан Республикасы Заңының (бұдан әрі – Заң) 9-бабының 2-тармағына сәйкес әзірленді және мемлекеттік заңды тұлғаларға бекітіліп берілген мемлекеттік мүлікті мемлекеттік меншіктің бір түрінен екіншісіне беру тәртібін айқындайды.
2. Осы Қағидаларда мынадай ұғымдар пайдаланылады:
1) аудандық коммуналдық заңды тұлғалар – аудандардың, облыстық маңызы бар қалалардың жергілікті атқарушы органдары құрған аудандық мемлекеттік кәсіпорындар мен аудандық мемлекеттік мекемелер;
2) баланс ұстаушы – мүлік жедел басқару немесе шаруашылық жүргізу құқығында бекітілген мемлекеттік заңды тұлға;
3) жергілікті өзін-өзі басқарудың коммуналдық заңды тұлғалары – мүлкі аудандық маңызы бар қаланың, ауылдың, кенттің, ауылдық округтің коммуналдық меншігінде (жергілікті өзін-өзі басқарудың коммуналдық меншігінде) болатын коммуналдық мемлекеттік кәсіпорындар мен коммуналдық мемлекеттік мекемелер;
4) коммуналдық заңды тұлғалар – мүлкі коммуналдық меншікте болатын коммуналдық мемлекеттік кәсіпорындар мен коммуналдық мемлекеттік мекемелер;
5) мемлекеттік мүлікті басқару жөніндегі уәкілетті орган (бұдан әрі – мемлекеттік мүлік жөніндегі уәкілетті орган) – республикалық мүлікті басқару, мемлекеттің республикалық мүлікке құқықтарын іске асыру, экономиканың стратегиялық маңызы бар салаларындағы меншікті және Қазақстан Республикасының Ұлттық Банкіне және қаржы нарығы мен қаржы ұйымдарын реттеу, бақылау және қадағалау жөніндегі уәкілетті органға бекітіліп берілген мүлікті қоспағанда, стратегиялық объектілерді жекешелендіру мен мемлекеттік мониторинг жүргізу саласындағы басшылықты өз құзыреті шегінде жүзеге асыратын орталық атқарушы орган;
6) мемлекеттік басқарудың тиісті саласын (аясын) басқару жөніндегі уәкілетті орган (бұдан әрі – тиісті саланың уәкілетті органы) – мемлекеттік басқарудың тиісті саласын (аясын) басқаруды жүзеге асыратын және осы Заң мен Қазақстан Республикасының өзге де заңдарында көзделген шарттарда республикалық мүлікке қатысты құқықтарды иеленетін, Қазақстан Республикасының Үкіметі айқындаған орталық атқарушы орган немесе орталық атқарушы органның ведомствосы. Қазақстан Республикасының Үкіметі республикалық мүлікке қатысты құқықтарды өзге мемлекеттік органдарға берген жағдайларда, осы Заңның тиісті саланың уәкілетті органы туралы қағидалары осындай мемлекеттік органға қолданылады;
7) мемлекеттік мүлікті есепке алу саласындағы бірыңғай оператор (бұдан әрі – бірыңғай оператор) – "Мемлекеттік мүлікті есепке алу саласындағы бірыңғай операторды айқындау туралы" Қазақстан Республикасы Үкіметінің 2011 жылғы 15 шілдедегі № 802 қаулысына сәйкес айқындалған жарғылық капиталында мемлекет қатысатын заңды тұлға, оған мемлекеттік мүлікті ұйымдастыру және есепке алу саласындағы бірыңғай техникалық саясатты іске асыру жөніндегі міндеттер, сондай-ақ Заңның 14-бабына сәйкес мемлекеттік мүлік жөніндегі уәкілетті орган бекітетін тізбеге сәйкес мемлекеттік мүлік жөніндегі уәкілетті органның аумақтық бөлімшелерінің активтерін басқару және пайдалану жөніндегі функциялар жүктелген;
8) мемлекеттік заңды тұлғалар арасында мүлікті беру сервисі (бұдан әрі – Сервис) – мемлекеттік мүлікті өзге мемлекеттік заңды тұлғаның балансына беру жүзеге асырылатын тізілімнің веб-порталында орналастырылған ақпараттық сервис;
9) мемлекеттік мүлік тізілімі (бұдан әрі – тізілім) - Қазақстан Республикасының арнаулы мемлекеттік органдарының, Қарулы Күштерінің, басқа да әскерлері мен әскери құралымдарының жедел басқаруындағы мүлікті және мемлекеттік материалдық резервті қоспағанда, мемлекеттік мүлікті есепке алудың бірыңғай ақпараттық автоматтандырылған жүйесі;
10) облыстық уәкілетті орган - жергілікті бюджеттен қаржыландырылатын, облыстық коммуналдық мүлікке билік етуге уәкілетті атқарушы орган;
11) республикалық заңды тұлғалар - мүлкі республикалық меншікте тұрған республикалық мемлекеттік кәсіпорындар мен республикалық мемлекеттік мекемелер;
12) тізілімнің веб-порталы - тізілімге бірыңғай кіру нүктесін ұсынатын www.e-qazyna.kz мекенжайы бойынша Интернет желісінде орналастырылған интернет-ресурс;
13) электрондық құжат - ақпарат электрондық-цифрлық нысанда ұсынылған және электрондық цифрлық қолтаңба арқылы куәландырылған құжат;
14) электрондық себет - мемлекеттік заңды тұлғаларға мемлекеттік мүлік туралы мәліметтерді орналастыруға мүмкіндік беретін сервистің функционалы;
15) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілігін және мазмұнының өзгермейтіндігін растайтын электрондық цифрлық нышандар жиынтығы.
3. Осы Қағидалардың талаптары "Әскери жағдай туралы" Қазақстан Республикасының Заңына сәйкес соғыс жағдайы енгізілген жағдайда мемлекеттік мүлік жөніндегі уәкілетті орган (республикалық мүлікке қатысты) және жергілікті атқарушы орган немесе аудандық маңызы бар қала, ауыл, кент, ауылдық округ әкімінің аппараты (коммуналдық мүлікке қатысты) мемлекеттік мүлікті мемлекеттік меншіктің бір түрінен екінші түріне беру туралы шешім қабылдаған кезде қолданылмайды.
Беруші және қабылдаушы тараптардың уәкілетті лауазымды адамдары мемлекеттік мүлікті мемлекеттік меншіктің бір түрінен екіншісіне беру туралы шешім қабылданғаннан кейін мүлікті қабылдау-беру актісіне (беру актісіне) екі күн мерзімде қағаз жеткізгіште қол қояды.
2-тарау. Мемлекеттік заңды тұлғаларға бекітілген мемлекеттік мүлікті мемлекеттік меншіктің бір түрінен екіншісіне беру тәртібі
4. Мемлекеттік заңды тұлғаларға бекітілген мемлекеттік мүлікті мемлекеттік меншіктің бір түрінен екіншісіне беру кезінде Қазақстан Республикасы Қаржы министрінің 2011 жылғы 15 желтоқсандағы № 636 бұйрығымен бекітілген (нормативтік құқықтық актілерді мемлекеттік тіркеу тізілімінде № 7375 болып тіркелген) Мемлекеттік мүлік тізіліміне есепке алу объектілерінің мәліметтерін енгізу, сондай-ақ мемлекеттік мүлікті түгендеу, паспорттау және қайта бағалау жүргізудің бірыңғай әдістемесіне сәйкес тізілімнің веб-порталына ұсынылатын мемлекеттік заңды тұлғаларға бекітілген мүлікті түгендеу, паспорттау және қайта бағалау жөніндегі электрондық есептің (бұдан әрі – түгендеу жөніндегі есеп) мәліметтері пайдаланылады.
5. Мемлекеттік заңды тұлғаларға бекітілген мемлекеттік мүлікті мемлекеттік меншіктің бір түрінен екіншісіне беру мемлекеттік мүлік туралы мәліметтерді электрондық себетке орналастыру арқылы тізілімнің веб-порталын пайдалана отырып жүзеге асырылады.
6. Мемлекеттік заңды тұлғаларға бекітілген мемлекеттік мүлікті мемлекеттік меншіктің бір түрінен екіншісіне беру экономикалық орындылық жағдайында және мынадай өлшемшарттарға сәйкес келген кезде жүзеге асырылады:
1) Қазақстан Республикасы Бюджет кодексінің 70-бабына сәйкес белгіленген заттай нормалар шегінде мемлекеттік заңды тұлғаларда берілетін мүлікке (өндірістік қажеттілікке) қажеттіліктің болуы;
2) қабылданатын мүліктің одан әрі нысаналы пайдалануының қамтамасыз етілуі;
3) қабылданатын мүліктің күтіп-ұстау және пайдалану бойынша қаржылық қамтамасыз етілуі.
7. Республикалық меншіктегі мүліктік кешендер, акционерлік қоғамдардың акциялары және жауапкершілігі шектеулі серіктестіктердің жарғылық капиталдарындағы қатысу үлестері ретінде республикалық заңды тұлғалар тиісті саланың уәкілетті органымен келісілген мемлекеттік мүлік жөніндегі уәкілетті органның шешімі бойынша және облыстың (республикалық маңызы бар қаланың, астананың) әкімі немесе ол уәкілеттік берген тұлға, немесе оны алмастыратын адам қол қойған өтінішхаттың (бұдан әрі - өтінішхат) негізінде облыстың (республикалық маңызы бар қаланың, астананың) коммуналдық меншігіне беріледі.
Тиісті саланың уәкілетті органы республикалық заңды тұлғаны мүліктік кешен ретінде, акционерлік қоғамдардың акцияларын және республикалық меншіктегі жауапкершілігі шектеулі серіктестіктердің жарғылық капиталдарындағы қатысу үлестерін облыстың (республикалық маңызы бар қаланың, астананың) коммуналдық меншігіне беру үшін электрондық себетке орналастырады:
1) меншік иесі туралы мәліметтер (атауы, пошталық мекенжайы, телефоны, факсы, е-mail);
2) акциялары (қатысу үлестері) не мүліктік кешені мынадай құжаттардың көшірмелерін беру объектісі болып табылатын заңды тұлға бойынша:
заңды тұлғаны мемлекеттік тіркеу (қайта тіркеу) туралы куәлік не анықтама;
жарғы;
жарияланған акциялар шығарылымын мемлекеттік тіркеу туралы куәлік (акционерлік қоғамдар үшін);
қосымшалары бар беру актісі (бухгалтерлік баланс, активтер тізбесі, кредиторлық және дебиторлық берешектің толық жазылуы (тізімдемесі), сондай-ақ құқық белгілейтін құжаттардың, кадастрлық паспорттың, жер пайдалану құқығына актінің электрондық (сканерленген) көшірмелері, беру мерзімі күнтізбелік 10 (он) күннен аспайтын жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама (жылжымайтын мүлік туралы мәліметтерді электрондық себетке орналастырған кезде);
3) тиісті саланың уәкілетті органы келісімінің және республикалық заңды тұлғаны мүліктік кешен ретінде, акционерлік қоғамдардың акцияларын және республикалық меншіктегі жауапкершілігі шектеулі серіктестіктердің жарғылық капиталдарындағы қатысу үлестерін коммуналдық меншікке беру туралы өтінішхаттың электрондық (сканерленген) көшірмелері.
Мемлекеттік мүлік жөніндегі уәкілетті орган құжаттарды электрондық себетке орналастырған күннен бастап күнтізбелік 10 (он) күн ішінде республикалық заңды тұлғаны мүліктік кешен ретінде, республикалық меншіктегі акционерлік қоғамдардың акцияларын және жауапкершілігі шектеулі серіктестіктердің жарғылық капиталдарындағы қатысу үлестерін облыстың (республикалық маңызы бар қаланың) коммуналдық меншігіне беру туралы шешім қабылданады, астаналар).
8. Республикалық заңды тұлғалардың мүлкі:
берілетін мүлік балансында тұрған республикалық заңды тұлғаны басқаруды жүзеге асыратын тиісті саланың уәкілетті органымен келісілген мемлекеттік мүлік жөніндегі уәкілетті органның шешімі бойынша өтінішхат негізінде коммуналдық меншікке беріледі.
Қазақстан Республикасының Ұлттық Банкіне бекітілген мүлік Қазақстан Республикасы Ұлттық Банкінің шешімі бойынша өтінішхат негізінде коммуналдық меншікке беріледі.
Баланс ұстаушы түгендеу бойынша есептің деректері негізінде электрондық себетке мыналарды қамтитын мемлекеттік мүлік туралы мәліметтерді орналастырады:
1) мүліктің атауы, қысқаша сипаттамасы, орналасқан жері, бастапқы және баланстық құны, түгендеу нөмірі;
2) мүлікті коммуналдық меншікке беруге тиісті саланың уәкілетті органы келісімінің электрондық (сканерленген) көшірмесі;
3) құқық белгілейтін құжаттардың, кадастрлық паспорттың, жер пайдалану құқығына актінің электрондық (сканерленген) көшірмелері, беру мерзімі күнтізбелік 10 (он) күннен аспайтын жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама (жылжымайтын мүлік туралы мәліметтерді электрондық себетке орналастырған кезде);
4) көлік құралын тіркеу туралы куәліктің, техникалық паспорттың электрондық (сканерленген) көшірмелері (көлік құралдары, арнайы техника туралы мәліметтерді электрондық себетке орналастырған кезде);
5) сервисте оның бизнес-сәйкестендіру нөмірін таңдау жолымен мүлікті бекіту болжанатын коммуналдық заңды тұлғаның атауы. Осы мүлікті беру үшін нақты коммуналдық заңды тұлғаны айқындау мемлекеттік мүлік жөніндегі уәкілетті органның немесе жергілікті атқарушы органдардың орындауы үшін міндетті болып табылмайды.
6) коммуналдық меншікке (жылжымайтын мүлік үшін) берілетін мүліктің техникалық жай-күйін түсінуді қамтамасыз ететін фотосуреттер, саны кемінде 5 (бес) дана.
Облыстық уәкілетті органдар баланс ұстаушы мемлекеттік мүлік туралы мәліметтерді электрондық себетке орналастырған күннен бастап күнтізбелік 15 (он бес) күн ішінде ЭЦҚ пайдалана отырып қол қойылған мүлікті қабылдауға сервисте өтінім береді.
Облыстық уәкілетті органдар мүлікті қабылдауға бір өтінімнен артық емес береді.
Облыстық уәкілетті органның мүлкін қабылдауға арналған өтінімде осы Қағидалардың 6-тармағында белгіленген өлшемшарттарды ескере отырып, мүлікті бекіту болжанатын коммуналдық заңды тұлға көрсетіледі және өтінішхаттың электрондық (сканерленген) көшірмесі бекітіледі.
Баланс ұстаушы мемлекеттік мүлік туралы мәліметтерді электрондық себетке орналастырған күннен бастап күнтізбелік 15 (он бес) күн өткен соң мемлекеттік мүлік жөніндегі уәкілетті орган немесе Қазақстан Республикасының Ұлттық Банкі 10 (он) жұмыс күні ішінде мүлікті қабылдауға арналған өтінімдерді және оларға қоса берілген құжаттарды қарайды және республикалық заңды тұлғалардың мүлкін коммуналдық меншікке беру туралы шешім қабылдайды.
Мүлікті қабылдауға бірнеше өтінім болған кезде осы Қағидалардың 6-тармағында белгіленген өлшемшарттарға сәйкес келген жағдайда бірінші болып өтінім берген облыстық уәкілетті орган басымдықты пайдаланады.
9. Коммуналдық меншіктегі мүліктік кешендер, акционерлік қоғамдардың акциялары және жауапкершілігі шектеулі серіктестіктердің жарғылық капиталдарына қатысу үлестері ретінде коммуналдық заңды тұлғалар облыс (республикалық маңызы бар қала, астана) әкімдігінің қаулысы және мемлекеттік мүлік жөніндегі уәкілетті органның қабылдау туралы шешімі негізінде республикалық меншікке беріледі.
Облыстық уәкілетті орган коммуналдық заңды тұлғаны мүліктік кешен ретінде, акционерлік қоғамдардың акцияларын және коммуналдық меншіктегі жауапкершілігі шектеулі серіктестіктердің жарғылық капиталдарына қатысу үлестерін республикалық меншікке беру үшін электрондық себетке орналастырады:
1) меншік иесі туралы мәліметтер (атауы, пошталық мекенжайы, телефоны, факсы, е-mail);
2) акциялары (қатысу үлестері) не мүліктік кешені мынадай құжаттардың көшірмелерін беру объектісі болып табылатын заңды тұлға бойынша:
заңды тұлғаны мемлекеттік тіркеу (қайта тіркеу) туралы куәлік не анықтама;
жарғы;
жарияланған акциялар шығарылымын мемлекеттік тіркеу туралы куәлік (акционерлік қоғамдар үшін);
қосымшалары бар беру актісі (бухгалтерлік баланс, активтер тізбесі, кредиторлық және дебиторлық берешектің толық жазылуы (тізімдемесі), сондай-ақ құқық белгілейтін құжаттардың, кадастрлық паспорттың, жер пайдалану құқығына актінің электрондық (сканерленген) көшірмелері, беру мерзімі күнтізбелік 10 (он) күннен аспайтын жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама (жылжымайтын мүлік туралы мәліметтерді электрондық себетке орналастырған кезде);
3) коммуналдық заңды тұлғаны мүліктік кешен ретінде берудің тиісті саласы уәкілетті органының, акционерлік қоғамдардың акцияларының және коммуналдық меншіктегі жауапкершілігі шектеулі серіктестіктердің жарғылық капиталдарындағы қатысу үлестерінің республикалық меншікке келісуінің электрондық (сканерленген) көшірмелері;
4) коммуналдық мемлекеттік кәсіпорынды мүліктік кешен ретінде беру туралы облыс (республикалық маңызы бар қала, астана) әкімдігі қаулысының электрондық (сканерленген) көшірмелері, коммуналдық меншіктегі акционерлік қоғамдардың акциялары және жауапкершілігі шектеулі серіктестіктердің жарғылық капиталдарындағы қатысу үлестері республикалық меншікке беріледі.
Электрондық себетке орналастырылған құжаттарды қарау қорытындылары бойынша мемлекеттік мүлік жөніндегі уәкілетті орган электрондық себетке құжаттар орналастырылған күннен бастап күнтізбелік 10 (он) күн ішінде коммуналдық мемлекеттік кәсіпорынды мүліктік кешен ретінде, акционерлік қоғамдардың акцияларын және коммуналдық меншіктегі жауапкершілігі шектеулі серіктестіктердің жарғылық капиталдарындағы қатысу үлестерін республикалық меншікке қабылдау туралы шешім қабылданады.
10. Коммуналдық заңды тұлғалардың мүлкі мемлекеттік мүлік жөніндегі уәкілетті органның келісімі бойынша облыс (республикалық маңызы бар қала, астана) әкімдігінің қаулысы негізінде республикалық меншікке беріледі.
Коммуналдық заңды тұлғалардың мүлкі Қазақстан Республикасы Ұлттық Банкінің немесе оған ведомстволық бағыныстағы республикалық мемлекеттік мекемелер мен кәсіпорындардың балансына Қазақстан Республикасы Ұлттық Банкінің келісімі бойынша облыс (республикалық маңызы бар қала, астана) әкімдігінің қаулысы негізінде республикалық меншікке беріледі.
Баланс ұстаушы түгендеу бойынша есептің деректері негізінде электрондық себетке мыналарды қамтитын мемлекеттік мүлік туралы мәліметтерді орналастырады:
1) мүліктің атауы, қысқаша сипаттамасы, орналасқан жері, бастапқы және баланстық құны, түгендеу нөмірі;
2) облыстың (республикалық маңызы бар қаланың, астананың) жергілікті атқарушы органының мүлікті республикалық меншікке беруге келісуінің электрондық (сканерленген) көшірмесі;
3) құқық белгілейтін құжаттардың, кадастрлық паспорттың, жер пайдалану құқығына актінің электрондық (сканерленген) көшірмелері, беру мерзімі күнтізбелік 10 (он) күннен аспайтын жылжымайтын мүлікке тіркелген құқықтар (ауыртпалықтар)және оның техникалық сипаттамалары туралы анықтама (жылжымайтын мүлік туралы мәліметтерді электрондық себетке орналастырған кезде);
4) көлік құралын тіркеу туралы куәліктің, техникалық паспорттың электрондық (сканерленген) көшірмелері (көлік құралдары, арнайы техника туралы мәліметтерді электрондық себетке орналастырған кезде);
5) сервисте оның бизнес-сәйкестендіру нөмірін таңдау жолымен мүлікті бекіту болжанатын республикалық заңды тұлғаның атауы. Осы мүлікті беру үшін нақты республикалық заңды тұлғаны айқындау мемлекеттік мүлік жөніндегі уәкілетті органның немесе жергілікті атқарушы органдардың орындауы үшін міндетті болып табылмайды.
6) республикалық меншікке берілетін мүліктің (жылжымайтын мүлік үшін) техникалық жай-күйі туралы ұсынуды қамтамасыз ететін фотосуреттер, саны кемінде 5 (бес) дана.
Тиісті саланың уәкілетті органдары баланс ұстаушы мемлекеттік мүлік туралы мәліметтерді электрондық себетке орналастырған күннен бастап күнтізбелік 15 (он бес) күн ішінде сервисте ЭЦҚ пайдалана отырып қол қойылған мүлікті қабылдауға өтінім береді.
Тиісті саланың уәкілетті органдары мүлікті қабылдауға бір өтінімнен артық бермейді.
Тиісті саланың уәкілетті органының мүлкін қабылдауға арналған өтінімде осы Қағидалардың 6-тармағында белгіленген өлшемшарттарды ескере отырып, мүлікті бекіту көзделетін республикалық заңды тұлға көрсетіледі және мемлекеттік мүлікті басқару жөніндегі уәкілетті органның немесе Қазақстан Республикасы Ұлттық Банкі келісімінің электрондық (сканерленген) көшірмесі бекітіледі.
Баланс ұстаушы мемлекеттік мүлік туралы мәліметтерді электрондық себетке орналастырған күннен бастап күнтізбелік 15 (он бес) күн өткен соң облыс (республикалық маңызы бар қала, астана) әкімдігі 10 (он) жұмыс күні ішінде мүлікті қабылдауға арналған өтінімдерді және оларға қоса берілген құжаттарды қарайды және коммуналдық заңды тұлғалардың мүлкін республикалық меншікке беру туралы шешім қабылдайды.
Мүлікті қабылдауға бірнеше өтінім болған кезде, осы Қағидалардың 6-тармағында белгіленген өлшемшарттарға сәйкес келген жағдайда, бірінші болып өтінім берген салаға сәйкес келетін уәкілетті орган басымдықты пайдаланады.
11. Жергілікті өзін-өзі басқарудың коммуналдық заңды тұлғалары коммуналдық меншіктегі мүліктік кешендер ретінде жергілікті қоғамдастық жиналысымен және аудан (облыстық маңызы бар қала) әкімімен келісім бойынша аудандық маңызы бар қала, ауыл, кент, ауылдық округ әкімі аппаратының шешімі және мемлекеттік мүлік жөніндегі уәкілетті органның республикалық меншікке қабылдау туралы шешімі негізінде республикалық меншікке беріледі.
Аудандық маңызы бар қала, ауыл, кент, ауылдық округ әкімінің аппараты жергілікті өзін-өзі басқарудың коммуналдық заңды тұлғасын мүліктік кешен ретінде, акционерлік қоғамдардың акцияларын және коммуналдық меншіктегі жауапкершілігі шектеулі серіктестіктердің жарғылық капиталдарындағы қатысу үлестерін республикалық меншікке беру үшін электрондық себетке орналастырылады:
1) меншік иесі туралы мәліметтер (атауы, пошталық мекенжайы, телефоны, факсы, е-mail);
2) акциялары (қатысу үлестері) не мүліктік кешені мынадай құжаттардың көшірмелерін беру объектісі болып табылатын заңды тұлға бойынша:
заңды тұлғаны мемлекеттік тіркеу (қайта тіркеу) туралы куәлік не анықтама;
жарғы;
жарияланған акциялар шығарылымын мемлекеттік тіркеу туралы куәлік (акционерлік қоғамдар үшін);
қосымшалары бар беру актісі (бухгалтерлік баланс, активтер тізбесі, кредиторлық және дебиторлық берешектің толық жазылуы (тізімдемесі), сондай-ақ құқық белгілейтін құжаттардың, кадастрлық паспорттың, жер пайдалану құқығына актінің электрондық (сканерленген) көшірмелері, беру мерзімі күнтізбелік 10 (он) күннен аспайтын жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама (жылжымайтын мүлік туралы мәліметтерді электрондық себетке орналастырған кезде);
3) жергілікті өзін-өзі басқарудың коммуналдық мемлекеттік кәсіпорнының мүліктік кешенін берудің тиісті саласы уәкілетті органы келісімінің, коммуналдық меншіктегі акционерлік қоғамдардың акцияларының және жауапкершілігі шектеулі серіктестіктердің жарғылық капиталдарындағы қатысу үлестерінің республикалық меншікке электрондық (сканерленген) көшірмелері;
4) аудандық маңызы бар қала, ауыл, кент, ауылдық округ әкімі аппаратының жергілікті қоғамдастық жиналысымен және аудан (облыстық маңызы бар қала) әкімімен келісу бойынша жергілікті өзін-өзі басқарудың коммуналдық заңды тұлғасын мүліктік кешен ретінде, акционерлік қоғамдардың акцияларын және коммуналдық меншіктегі жауапкершілігі шектеулі серіктестіктердің жарғылық капиталдарына қатысу үлестерін республикалық меншікке беру туралы шешімінің электрондық (сканерленген) көшірмелері.
Мемлекеттік мүлік жөніндегі уәкілетті орган құжаттарды электрондық себетке орналастырған күннен бастап күнтізбелік 10 (он) күн ішінде жергілікті өзін-өзі басқарудың коммуналдық заңды тұлғасын мүліктік кешен ретінде, акционерлік қоғамдардың акцияларын және коммуналдық меншіктегі жауапкершілігі шектеулі серіктестіктердің жарғылық капиталдарына қатысу үлестерін республикалық меншікке қабылдау туралы шешім қабылдайды.
12. Жергілікті өзін-өзі басқарудың коммуналдық заңды тұлғаларының мүлкі мемлекеттік мүлік жөніндегі уәкілетті органмен келісілген аудандық маңызы бар қала, ауыл, кент, ауылдық округ әкімі аппаратының шешімі негізінде республикалық меншікке беріледі.
Баланс ұстаушы түгендеу бойынша есептің деректері негізінде электрондық себетке мыналарды қамтитын мемлекеттік мүлік туралы мәліметтерді орналастырады:
1) мүліктің атауы, қысқаша сипаттамасы, орналасқан жері, бастапқы және баланстық құны, түгендеу нөмірі;
2) аудандық маңызы бар қала, ауыл, кент, ауылдық округ әкімі аппаратының мүлікті республикалық меншікке беруге келісуінің электрондық (сканерленген) көшірмелері;
3) құқық белгілейтін құжаттардың, кадастрлық паспорттың, жер пайдалану құқығына актінің электрондық (сканерленген) көшірмелері, беру мерзімі күнтізбелік 10 (он) күннен аспайтын жылжымайтын мүлікке тіркелген құқықтар (ауыртпалықтар)және оның техникалық сипаттамалары туралы анықтама (жылжымайтын мүлік туралы мәліметтерді электрондық себетке орналастырған кезде);
4) көлік құралын тіркеу туралы куәліктің, техникалық паспорттың электрондық (сканерленген) көшірмелері (көлік құралдары, арнайы техника туралы мәліметтерді электрондық себетке орналастырған кезде);
5) сервисте оның бизнес-сәйкестендіру нөмірін таңдау жолымен мүлікті бекіту болжанатын республикалық заңды тұлғаның атауы. Осы мүлікті беру үшін нақты республикалық заңды тұлғаны айқындау мемлекеттік мүлік жөніндегі уәкілетті органның немесе жергілікті атқарушы органдардың орындауы үшін міндетті болып табылмайды.
6) коммуналдық меншікке (жылжымайтын мүлік үшін) берілетін мүліктің техникалық жай-күйі туралы ұсынуды қамтамасыз ететін фотосуреттер, саны кемінде 5 (бес) дана.
Тиісті саланың уәкілетті органдары баланс ұстаушы мемлекеттік мүлік туралы мәліметтерді электрондық себетке орналастырған күннен бастап күнтізбелік 15 (он бес) күн ішінде сервисте ЭЦҚ пайдалана отырып қол қойылған мүлікті қабылдауға өтінім береді.
Тиісті саланың уәкілетті органдары мүлікті қабылдауға бір өтінімнен артық бермейді.
Тиісті саланың уәкілетті органының мүлкін қабылдауға арналған өтінімде осы Қағидалардың 6-тармағында белгіленген өлшемшарттарды ескере отырып, мүлікті бекіту көзделетін республикалық заңды тұлға көрсетіледі және мемлекеттік мүлікті басқару жөніндегі уәкілетті органның немесе Қазақстан Республикасы Ұлттық Банкінің келісімінің электрондық (сканерленген) көшірмесі бекітіледі.
Баланс ұстаушы мемлекеттік мүлік туралы мәліметтерді электрондық себетке орналастырған күннен бастап күнтізбелік 15 (он бес) күн өткен соң аудандық маңызы бар қала, ауыл, кент, ауылдық округ әкімінің аппараты 10 (он) жұмыс күні ішінде мүлікті қабылдауға арналған өтінімдерді және оларға қоса берілген құжаттарды қарайды және жергілікті өзін-өзі басқару маңызы бар коммуналдық заңды тұлғалардың мүлкін республикалық меншікке беру туралы шешім қабылдайды.
Мүлікті қабылдауға бірнеше өтінім болған кезде, осы Қағидалардың 6-тармағында белгіленген өлшемшарттарға сәйкес келген жағдайда, бірінші болып өтінім берген салаға сәйкес келетін уәкілетті орган басымдықты пайдаланады.
13. ЭЦҚ пайдалана отырып, мемлекеттік мүлікті мемлекеттік меншіктің бір түрінен екіншісіне беру туралы шешім қабылданғаннан кейін күнтізбелік 30 (отыз) күн ішінде беруші және қабылдаушы тараптардың уәкілетті лауазымды адамдары мүлікті қабылдау-беру актісіне (беру актісіне) қол қояды және оны мемлекеттік мүлікті басқару жөніндегі уәкілетті органның немесе Қазақстан Республикасы Ұлттық Банкінің және облыстық уәкілетті орган немесе аудандық маңызы бар қала, ауыл, кент, ауылдық округ әкімі аппаратының уәкілетті лауазымды адамдары бекітеді.
14. Қабылдау-тапсыру актісінде:
1) актінің жасалған орны мен күні;
2) тараптардың мүдделерін білдіруге уәкілеттік берілген өкілдеріне құжаттардың атауы мен деректемелері;
3) мүлікті беру жүргізілетін құжаттың нөмірі мен күні;
4) мүліктің атауы, оның сипаттамасы, саны, орналасқан жері, бастапқы және баланстық құны.
