БҰЙЫРАМЫН:
1. "Резидентура бағдарламасы бойынша оқыту туралы үлгілік шарттың нысанын бекіту туралы" Қазақстан Республикасы Денсаулық сақтау министрінің 2020 жылғы 3 қарашадағы № ҚР ДСМ-178/2020 бұйрығына (Нормативтік құқықтық актілерді мемлекеттік тіркеу тізілімінде № 21594 тіркелді) мынадай өзгерістер мен толықтыру енгізілсін:
кіріспе мынадай редакцияда жазылсын:
""Халық денсаулығы және денсаулық сақтау жүйесі туралы" Қазақстан Республикасының Кодексі 222-бабының 5-тармағына сәйкес БҰЙЫРАМЫН:";
1-тармақ мынадай редакцияда жазылсын:
"1. Қоса беріліп отырған резидентура бағдарламасы бойынша оқыту туралы үлгілік шарттың нысаны бекітілсін.";
көрсетілген бұйрықпен бекітілген резидентура бағдарламасы бойынша оқыту туралы үлгілік шартта:
жоғарғы оң жақ бұрышы мынадай редакцияда жазылсын:
Қазақстан Республикасы
Денсаулық сақтау министрінің
2020 жылғы 3 қарашадағы
№ ҚР ДСМ-178/2020
бұйрығымен бекітілген
нысан";
1-бөлімнің 1-тармағы мынадай редакцияда жазылсын:
"1. Осы Шарт "Халық денсаулығы және денсаулық сақтау жүйесі туралы" Қазақстан Республикасының Кодексі 222-бабының 5-тармағына сәйкес жасалды.";
4-бөлімнің 12-тармағында:
10) тармақша мынадай редакцияда жазылсын:
"10) резидентура базасында тәлімгерлерге еңбекақы төлеу бойынша өтемақы төлемдерін жүзеге асыруға;";
мынадай редакциядағы 11) тармақшамен толықтырылсын:
"11) резидент-дәрігердің кәсіптік жауапкершілігін сақтандыру талаптарын сақтауға міндетті.".
2. Қазақстан Республикасы Денсаулық сақтау министрлігінің Ғылым және адами ресурстар департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты ресми жарияланғаннан кейін оны Қазақстан Республикасы Денсаулық сақтау министрлігінің интернет-ресурсында орналастыруды;
3) осы бұйрықты мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтер ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Денсаулық сақтау министрі |
А. Альназарова |
