ЗҚАИ-ның ескертпесі!
Осы бұйрық 01.07.2026 бастап қолданысқа енгізіледі.
БҰЙЫРАМЫН:
1. "Қауіпті өндірістік объектіні пайдаланатын ұйымдардың қауіпті өндірістік объектіні салуға, кеңейтуге, реконструкциялауға, жаңғыртуға, консервациялауға және жоюға арналған жобалау құжаттамасын келісу қағидаларын бекіту туралы" Қазақстан Республикасы Төтенше жағдайлар министрінің міндетін атқарушының 2021 жылғы 16 қыркүйектегі № 454 бұйрығына (нормативтік құқықтық актілерді мемлекеттік тіркеу тізілімінде № 24508 болып тіркелген) мынадай өзгерістер енгізілсін:
көрсетілген бұйрықпен бекітілген Қауіпті өндірістік объектіні пайдаланатын ұйымдардың қауіпті өндірістік объектіні салуға, кеңейтуге, реконструкциялауға, жаңғыртуға, консервациялауға және жоюға арналған жобалау құжаттамасын келісу қағидаларында:
3-тармақтың үшінші бөлігі мынадай редакцияда жазылсын:
"Әлеуметтік инфрақұрылым объектілеріндегі қауіпті өндірістік объектілердің жобалау құжаттамасы астананың, облыстардың, республикалық маңызы бар қалалардың, облыстық маңызы бар қалалардың, аудандардың жергілікті атқарушы органдарымен (бұдан әрі – жергілікті атқарушы органдар) келісіледі.";
осы Қағидаларға 2-қосымшада:
реттік нөмірі 1 жол мынадай редакцияда жазылсын:
"
| ". |
2. "Қауіпті өндірістік объектілер мен қауіпті техникалық құрылғыларды есепке қою және есептен шығару қағидаларын бекіту туралы" Қазақстан Республикасы Төтенше жағдайлар министрінің 2021 жылғы 29 қыркүйектегі № 485 бұйрығына (нормативтік құқықтық актілерді мемлекеттік тіркеу тізілімінде № 24574 болып тіркелген) мынадай өзгерістер енгізілсін:
көрсетілген бұйрықпен бекітілген Қауіпті өндірістік объектілерді және қауіпті техникалық құрылғыларды есепке қою және есептен шығару қағидаларында:
3-тармақтың екінші бөлігі мынадай редакцияда жазылсын:
"Әлеуметтік инфрақұрылым объектілерінде қауіпті техникалық құрылғыларды есепке қоюды және есептен шығаруды астананың, облыстардың, республикалық маңызы бар қалалардың, облыстық маңызы бар қалалардың, аудандардың жергілікті атқарушы органдары жүзеге асырады.";
6-тармақ мынадай редакцияда жазылсын:
"6. Аумақтық департаменттер және астананың, облыстардың, республикалық маңызы бар қалалардың, облыстық маңызы бар қалалардың, аудандардың жергілікті атқарушы органдары қауіпті өндірістік объектілерді және (немесе) қауіпті техникалық құрылғыларды пайдаланатын тұлғалардың есептен шығару туралы өтініш беру мүмкіндігі болмаған жағдайда, бұрын есепте тұрған таратылған немесе пайдаланудан шығарылған қауіпті өндірістік объектілерді және (немесе) қауіпті техникалық құрылғыларды өз бетінше есептен шығарады.";
13-тармақ мынадай редакцияда жазылсын:
"13. Қауіпті техникалық құрылғыларды есепке қою және есептен шығару" мемлекеттік қызметін (бұдан әрі – мемлекеттік қызмет) осы Қағидаларға сәйкес аумақтық департаменттер және астананың, облыстардың, республикалық маңызы бар қалалардың, облыстық маңызы бар қалалардың, аудандардың жергілікті атқарушы органдары (бұдан әрі – көрсетілетін қызметті беруші) көрсетеді.";
осы Қағидаларға 4-қосымшада:
реттік нөмірі 1 жол мынадай редакцияда жазылсын:
"
1 | Көрсетілетін қызметті берушінің атауы |
Аумақтық департамент – өнеркәсіптік объектілердегі қауіпті техникалық құрылғыларды есепке қою және есептен шығару кезінде. |
| ". |
3. Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті заңнамада белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты Қазақстан Республикасы Төтенше жағдайлар министрлігінің интернет-ресурсына орналастыруды қамтамасыз етсін.
4. Осы бұйрықтың орындалуын бақылау жетекшілік ететін Қазақстан Республикасының Төтенше жағдайлар вице-министріне жүктелсін.
5. Осы бұйрық 2026 жылғы 1 шілдеден бастап қолданысқа енгізіледі және ресми жариялануға тиіс.
|
Қазақстан Республикасының Төтенше жағдайлар министрінің міндетін атқарушы |
К. Турсынбаев |
"КЕЛІСІЛДІ"
Қазақстан Республикасының
Жасанды интеллект және цифрлық
даму министрлігі
"КЕЛІСІЛДІ"
Қазақстан Республикасы
Ұлттық экономика министрлігі
