"Объектінің өрт қауіпсіздігі талаптарына сәйкестігі туралы қорытынды беру қағидаларын бекіту туралы" Қазақстан Республикасы Төтенше жағдайлар министрінің 2025 жылғы 26 тамыздағы № 359 бұйрығына өзгерістер енгізу туралы

Қазақстан Республикасы Төтенше жағдайлар министрінің 2026 жылғы 26 наурыздағы № 126 бұйрығы. Қазақстан Республикасының Әділет министрлігінде 2026 жылғы 27 наурызда № 38212 болып тіркелді

ЗҚАИ-ның ескертпесі!
Осы бұйрықтың қолданысқа енгізілу тәртібін 4-т. қараңыз.

БҰЙРАМЫН:

1. "Объектінің өрт қауіпсіздігі талаптарына сәйкестігі туралы қорытынды беру қағидаларын бекіту туралы" Қазақстан Республикасы Төтенше жағдайлар министрінің 2025 жылғы 26 тамыздағы № 359 бұйрығына (Нормативтік құқықтық актілерді мемлекеттік тіркеу тізілімінде № 36695 болып тіркелген) мынадай өзгерістер енгізілсін:

кіріспе жаңа редакцияда жазылсын:

"Азаматтық қорғау туралы" Қазақстан Республикасы Заңының 12-бабы 1-тармағының 90) тармақшасына және "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасының Заңы 10-бабының 1) тармақшасына сәйкес БҰЙЫРАМЫН:";

көрсетілген бұйрықпен бекітілген Объектінің өрт қауіпсіздігі талаптарына сәйкестігі туралы қорытынды беру қағидаларында:

1-тармақ мынадай редакцияда жазылсын:

"1. Осы "Объектінің өрт қауіпсіздігі талаптарына сәйкестігі туралы қорытынды беру" мемлекеттік қызмет көрсету қағидалары (бұдан әрі – Қағидалар) "Азаматтық қорғау туралы" Қазақстан Республикасы Заңының 12-бабы 1-тармағының 90) тармақшасына және "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасының Заңы 10-бабының 1) тармақшасына сәйкес әзірленді және объектінің өрт қауіпсіздігі талаптарына сәйкестігі туралы қорытынды беру тәртібін айқындайды.";

3-тармақтың бірінші бөлігі мынадай редакцияда жазылсын:

"3. Объектінің өрт қауіпсіздігі талаптарына сәйкестігі туралы қорытындыны (бұдан әрі – Қорытынды) алу үшін тапсырыс беруші (бұдан әрі – көрсетілетін қызметті алушы) көрсетілетін қызметті берушіге "Е-лицензиялау "Мемлекеттік деректер базасы" цифрлық жүйесіндегі "цифрлық үкімет" веб-порталы (бұдан әрі – Портал) арқылы осы Қағидаларға 1-қосымшаға сәйкес электрондық құжат нысанында объектінің өрт қауіпсіздігі талаптарына сәйкестігі туралы қорытындыны алуға өтініш береді.";

4-тармақта:

жетінші бөлік мынадай редакцияда жазылсын:

"Тыңдау нәтижелері бойынша көрсетілетін қызметті беруші қорытынды немесе мемлекеттік қызметті көрсетуден дәлелді бас тартуды береді.";

тоғызыншы бөлік мынадай редакцияда жазылсын:

"Көрсетілетін қызметті беруші "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасы Заңының 5-бабы 2-тармағының 11) тармақшасына сәйкес мемлекеттік немесе әлеуметтік жауапкершілігі бар қызмет көрсету сатысы туралы деректерді оларды көрсету мониторингінің цифрлық жүйесіне цифрландыру саласындағы уәкілетті орган айқындаған тәртіппен енгізуді қамтамасыз етеді.";

он бірінші бөлік мынадай редакцияда жазылсын:

"Цифрлық жүйелер істен шыққан жағдайда, электрондық байланыс болмаған немесе хабарламалар жіберуге кедергі келтіретін өзге де мән-жайлар туындаған жағдайда, көрсетілетін қызметті берушінің уәкілетті бөлімшесі техникалық іркілістер пайда болған кезден бастап көрсетілген себептерді анықтау және жою үшін дереу шаралар қабылдайды (жұмыс күндері сағат 9:00-ден 18:30-ға дейін).";

7-тармақ мынадай редакцияда жазылсын:

"7. Азаматтық қорғау саласындағы уәкілетті орган 3 (үш) жұмыс күні ішінде "цифрлық үкіметтің" операторына, сондай-ақ Бірыңғай байланыс орталығына осы Қағидаларға енгізілген өзгерістер мен толықтырулар туралы хабарлайды.";

8-тармақтың екінші бөлігі мынадай редакцияда жазылсын:

"Көрсетілетін қызметті берушінің атына келіп түскен көрсетілетін қызметті алушының шағымы "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасының Заңы 25-бабының 2-тармағына сәйкес тіркелген күнінен бастап 5 (бес) жұмыс күні ішінде қаралуға тиіс.";

1 және 2-қосымшалар осы бұйрыққа 1 және 2-қосымшаларға сәйкес жаңа редакцияда жазылсын.

2. Қазақстан Республикасы Төтенше жағдайлар министрлігінің Өртке қарсы қызмет комитеті заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Төтенше жағдайлар министрлігінің ресми интернет-ресурсына орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасы Төтенше жағдайлар вице-министріне жүктелсін.

4. Осы бұйрық 2026 жылғы 12 шілдеден бастап қолданысқа енгізілетін 1-тармақтың жетінші, сегізінші, он екінші, он үшінші, он төртінші, он бесінші, он алтыншы, он жетінші және жиырмасыншы абзацтарын қоспағанда, алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Осы бұйрықтың 1-тармағының он үшінші абзацы 2026 жылғы 12 шілдеге дейін мынадай редакцияда қолданылады деп белгіленсін:

"Көрсетілетін қызметті беруші "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасы Заңының 5-бабы 2-тармағының 11) тармақшасына сәйкес мемлекеттік немесе әлеуметтік жауапкершілігі бар қызмет көрсету сатысы туралы деректерді оларды көрсету мониторингінің ақпараттық жүйесіне ақпараттандыру саласындағы уәкілетті орган белгілеген тәртіппен енгізуді қамтамасыз етеді.".

Қазақстан Республикасының Төтенше жағдайлар министрі

Ч. Аринов

"КЕЛІСІЛДІ"

Қазақстан Республикасы

Өнеркәсіп және құрылыс министрлігі

"КЕЛІСІЛДІ"

Қазақстан Республикасы

Ұлттық экономика министрлігі

"КЕЛІСІЛДІ"

Қазақстан Республикасы

Жасанды интеллект және

цифрлық даму министрлігі

Қазақстан Республикасының Төтенше жағдайлар министрі 2026 жылғы 26 наурыздағы № 126 бұйрығына 1-қосымша Объектінің өрт қауіпсіздігі талаптарына сәйкестігі туралы қорытынды беру қағидаларына 1-қосымша Нысан Қазақстан Республикасы Төтенше жағдайлар министрлігінің______________ Төтенше жағдайлар департаментінің бастығына

Объектінің өрт қауіпсіздігі талаптарына сәйкестігі туралы қорытынды беруге өтініш

Сізден қоса берілген құжаттар тізбесін қарауыңызды және

__________________________________________________________________________

__________________________________________________________________________

(көрсетілетін қызметті алушының атауы)

объектінің өрт қауіпсіздігі талаптарына сәйкестігі туралы қорытынды беруіңізді сұраймын.

Объектінің орналасқан жері: ________________________________________________

Тапсырыс берушінің мемлекеттік тіркеу (қайта тіркеу) туралы куәліктің № және күні

____________________________________________________________________

Жеке сәйкестендіру нөмірі / бизнес сәйкестендіру нөмірі

__________________________________________________________________________

__________________________________________________________________________

Цифрлық жүйелердегі заңмен қорғалатын құпияны құрайтын мәліметтерді пайдалануға келісемін.

Басшы

__________________________________________________________________________

(тегі, аты, әкесінің аты (бар болған жағдайда)

_____________________

(күні)

Қазақстан Республикасының Төтенше жағдайлар министрі 2026 жылғы 26 наурыздағы № 126 бұйрығына 2-қосымша Объектінің өрт қауіпсіздігі талаптарына сәйкестігі туралы қорытынды беру қағидаларына 2-қосымша

Мемлекеттік қызмет көрсетуге қойылатын негізгі талаптардың тізбесі
1	Мемлекеттік көрсетілетін қызметтің атауы	Объектінің өрт қауіпсіздігі талаптарына сәйкестігі туралы қорытынды беру
2	Қызмет берушінің атауы	Қазақстан Республикасы Төтенше жағдайлар министрлігінің облыстардың, республикалық маңызы бар қалалардың, астананың Төтенше жағдайлар департаменттері.
3	Мемлекеттік көрсетілетін қызметтің кіші түрінің (бар болса) атауын	Жоқ.
4	Мемлекеттік қызметті және оның кіші түрлерін (бар болса) көрсету тәсілдері (каналдары)	Өтінішті қабылдау және мемлекеттік қызметті көрсету нәтижесін беру Портал арқылы жүзеге асырылады.
5	Мемлекеттік қызметті және оның кіші түрлерін (бар болса) көрсету мерзімі	15 жұмыс күні.
6	Мемлекеттік қызметті және оның кіші түрлерін (бар болса) көрсету нысаны	Электрондық (ішінара цифрландырылған).
7	Мемлекеттік қызметті және оның кіші түрлерін (бар болса) көрсету нәтижесі	Мемлекеттік қызметті көрсету нәтижесі – объектінің өрт қауіпсіздігі талаптарына сәйкестігі туралы қорытынды беру немесе мемлекеттік қызметті көрсетуден бас тарту туралы дәлелді жауап беру; Мемлекеттік қызмет көрсету нәтижесін ұсыну нысаны: электрондық.
8	Мемлекеттік қызметті және оның кіші түрлерін (бар болса) көрсету кезінде көрсетілетін қызметті алушыдан алынатын төлем мөлшері және мемлекеттік қызметті көрсету үшін Қазақстан Республикасының заңнамасында көзделген жағдайларда оны алу тәсілдері	Мемлекеттік қызмет тегін көрсетіледі.
9	Жұмыс графигі	1) қызымет беруші Қазақстан Республикасының Еңбек кодексіне (бұдан әрі – Кодекс) сәйкес мереке және демалыс күндерін қоспағанда, дүйсенбіден жұмаға дейін сағат 09.00-ден сағат 18.30-ға дейін, сағат 13.00-ден сағат 14.30-ға түскі үзіліспен. 2) Порталда – жөндеу жұмыстарын жүргізуге байланысты техникалық үзілістерді қоспағанда, тәулік бойы (көрсетілетін қызметті алушы жұмыс уақыты аяқталғаннан кейін, Кодекске сәйкес демалыс және мереке күндері жүгінген кезде өтініштерді қабылдау және мемлекеттік қызмет көрсету нәтижелерін беру келесі жұмыс күні жүзеге асырылады). Мемлекеттік қызмет көрсету орнының мекенжайлары: 1) көрсетілетін қызметті берушінің интернет-ресурстарында: www.emer.gov.kz; 2) "цифрлық үкімет" веб-порталында: www.egov.kz, www.elicense.kz орналасқан.
10	Мемлекеттік қызметті және оның кіші түрлерін (бар болса) көрсету үшін көрсетілетін қызметті алушыдан талап етілетін құжаттар мен мәліметтердің тізбесі	1) осы Қағидаларға 1-қосымшаға сәйкес көрсетілетін қызметті алушының электрондық цифрлық қолтаңбасымен қол қойылған электрондық өтініш; 2) белгіленген тәртіппен бекітілген жобалау (жобалау-сметалық) құжаттамасының көшірмесі; 3) оң сараптамалық қорытындының көшірмесі; 4) отқа төзімділік шегінің көрсеткіштерін, құрылыс конструкцияларының (оның ішінде ойықтарды толтыру конструкцияларының) өрт қауіптілігі сыныбын, сондай-ақ құрылыс материалдарының (оның ішінде әрлеу материалдарының) өрт қауіптілігі көрсеткіштерін қоса алғанда, өнімнің сәйкестігін растайтын құжаттардың көшірмелері.
11	Мемлекеттік қызметті және оның кіші түрлерін (бар болса) көрсетуден бас тарту үшін Қазақстан Республикасының заңдарында белгіленген негіздері	1) объектіде орындалған құрылыс-монтаждау жұмыстарының белгіленген тәртіппен бекітілген жобалау (жобалау-сметалық) құжаттамасының талаптарына сәйкес келмеуі; 2) көрсетілетін қызметті алушы мемлекеттік қызметті алу үшін ұсынған құжаттардың және (немесе) олардағы деректердің (мәліметтердің) дәйексіздігін анықтау; 3) көрсетілетін қызметті алушыға қатысты соттың белгілі бір мемлекеттік қызметті алуды талап ететін қызметке немесе жекелеген қызмет түрлеріне тыйым салу туралы заңды күшіне енген шешімінің (үкімі) болуы; 4) көрсетілетін қызметті алушыға қатысты соттың заңды күшіне енген үкімінің болуы, оның негізінде көрсетілетін қызметті алушының мемлекеттік көрсетілетін қызметті алумен байланысты арнаулы құқығынан айырылуы бойынша; 5) көрсетілетін қызметті алушының мемлекеттік қызмет көрсету үшін талап етілетін, "Дербес деректер және оларды қорғау туралы" Қазақстан Республикасы Заңының 8-бабына сәйкес берілетін қолжетімділігі шектеулі дербес деректерге қол жеткізуге келісімі болмауы бойынша мемлекеттік қызметтерді көрсетуден бас тартады.
12	Мемлекеттік қызметті, оның ішінде электрондық нысанда және Мемлекеттік корпорация арқылы көрсету ерекшеліктері ескеріле отырып қойылатын өзге де талаптар	Көрсетілетін қызметті алушының ЭЦҚ-сы болған жағдайда, мемлекеттік көрсетілетін қызметті электрондық нысанда Портал арқылы алу мүмкіндігі бар. Көрсетілетін қызметті алушының мемлекеттік қызметті көрсету тәртібі мен мәртебесі туралы ақпаратты қашықтықтан қол жеткізу режимінде порталдағы "жеке кабинеті", көрсетілетін қызметті берушінің кеңсесі, сондай-ақ мемлекеттік қызмет көрсету мәселелері бойынша бірыңғай байланыс орталығы арқылы алу мүмкіндігі бар. Көрсетілетін қызметті беруші кеңсесінің байланыс телефондары 8 (7172) 60-21-33, бірыңғай байланыс орталығы 1414, 8 800 080 7777.