"Қазақстан Республикасы Ауыл шаруашылығы министрлігінің кейбір мәселелері" Қазақстан Республикасының Үкіметінің 2005 жылғы 6 сәуірдегі № 310 қаулысымен бекітілген Қазақстан Республикасы Ауыл шаруашылығы министрлігі туралы ереженің 15-тармағының 508-89) тармақшасына сәйкес БҰЙЫРАМЫН:
1. Мыналар:
1) осы бұйрыққа 1-қосымшаға сәйкес балық шаруашылығы су айдындарының және (немесе) учаскелерінің шекаралары аншлагтарының үлгілері сондай-ақ балық аулау үшін тыйым салынған мерзімдер мен орындар ;
2) осы бұйрыққа 2-қосымшаға сәйкес балық ресурстарын және басқа да су жануарларын аулауды есепке алу журналының (кәсіпшілік журналдың) нысаны бекітілсін.
2. Қазақстан Республикасы Ауыл шаруашылығы министрлігінің Балық шаруашылығы комитеті Қазақстан Республикасының заңнамасында белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің ресми интернет-ресурсында орналастырылуын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Ауыл шаруашылығы министрінің міндетін атқарушы |
А. Султанов |
| Қазақстан Республикасы Ауыл шаруашылығы министрінің міндетін атқарушы 2026 жылғы 27 қаңтардағы № 35 бұйрығына 1-қосымша |
Нысан
Өсімді молайту учаскелерінің шекараларын көрсететін аншлагтың үлгісі
Ескерту:
өсімді молайту учаскелерінің шекараларын көрсететін аншлаг (бұдан әрі – №1 аншлаг) уылдырық шашу орындарында, балық ресурстары мен басқа да су жануарларының көбейетін жерлерінде орнатылады және балық ресурстары мен басқа да су жануарларының уылдырық шашу және көбею кезеңінде балық аулауға тыйым салу мерзімдері туралы ақпарат береді, уылдырық шашу орындарының карта-схемасы болады.
Нысан
Тынығу аймақтарының шекараларын көрсететін аншлагтың үлгісі
НАЗАР АУДАРЫҢЫЗ! |
Ескерту:
тынығу аймақтарының шекараларын көрсететін аншлаг (бұдан әрі – №2 аншлаг) балық аулауға жыл бойы тыйым салынған орындарда орнатылады және тынығу аймағының карта-схемада көрсетілген су айдынында және (немесе) учаскеде балық аулауға тыйым салынғаны туралы ақпарат береді.
Нысан
Балық шаруашылығы су айдындары және (немесе) учаскелерінің шекараларын көрсететін аншлагтың үлгісі
БАЛЫҚ ШАРУАШЫЛЫҒЫ СУБЪЕКТІСІНІҢ АТАУЫ |
Ескерту:
балық шаруашылығы су айдындары және (немесе) учаскелерінің шекараларын көрсететін аншлаг (бұдан әрі – №3 аншлаг) бекітіліп берілген балық шаруашылығы су айдынына және (немесе) учаскесіне кіреберіс жолдарда орнатылады, онда балық шаруашылығы субъектісінің атауы, су айдынының және (немесе) учаскенің атауы, байланыс телефоны туралы ақпарат жазылады және рұқсатсыз немесе жолдамасыз балық ауланғаны үшін әкімшілік жауапкершілік туралы хабарлайды, балық шаруашылығы су айдынының және (немесе) учаскесінің карта-схемасы болады.
Нысан
Балық аулауға тыйым салынған мерзімдер мен орындарды көрсететін аншлагтың үлгісі
Ескерту:
балық аулауға тыйым салынған мерзімдер мен орындарды көрсететін аншлаг (бұдан әрі – №4 аншлаг) балық шаруашылығы су айдындарында және (немесе) учаскелерінде орнатылады, балық аулауға тыйым салынған мерзімдер мен орындар туралы ақпарат береді, сондай-ақ балық шаруашылығы субъектісінің атауын, су айдынының және (немесе) учаскенің атауын қамтиды және су айдынының және (немесе) учаскесінің карта-схемасы болады.
Аншлагтарға арналған жалпы сипаттамалар
Аншлагтардың келесі сипаттамаларға сәйкестігі:
1) тіреу бағанасынан және сигналдық тақтайшадан тұруы;
2) сигналдық тақтайша тік төртбұрышты болуы және өлшемі ұзындығы кемінде 1,2 метр, ені кемінде 0,6 метр болуы;
3) сигналдық тақтайшаның төменгі бөлігі мен жер беті арасындағы қашықтық кемінде 1,5 метр болуы;
4) аншлагтардың негізгі фоны:
5) ашық жасыл түс – №1 аншлаг үшін;
6) ақ түс – №2 аншлаг үшін;
7) сары түс – №3 аншлаг үшін;
8) көк түс – №4 аншлаг үшін;
9) қызыл түс – аншлагтардың жиектемесі үшін.
Сигналдық тақтайшадағы жазулар мемлекеттік және орыс тілдерінде қара түспен жазылуы тиіс.
Өсімді молайту учаскелерінің, тынығу аймақтарының, балық шаруашылығы су айдындарының және (немесе) учаскелерінің шекараларын, сондай-ақ балық аулауға тыйым салынған мерзімдер мен орындарды көрсететін карта-схемалар сигналдық тақтайшаның ортасына орналастырылуы тиіс және олардың өлшемі сигналдық тақтайшаның жалпы көлемінің 1/4-нен кем емес және 1/3-тен көп емес болуы қажет.
________________________________________________________________________________
(балық шаруашылығы саласындағы уәкілетті орган ведомствосының
аумақтық бөлімшесі)
________________________________________________________________________________
(балық шаруашылығы саласындағы уәкілетті органның аумақтық бөлімшемен
шарт жасасқан балық шаруашылығы субъектісінің атауы)
________________________________________________________________________________
(бригада жетекшісі немесе басқа жауапты адамның аты, әкесінің аты (бар болса), тегі)
| Қазақстан Республикасы Ауыл шаруашылығы министрінің міндетін атқарушы 2026 жылғы 27 қаңтардағы № 35 бұйрығына 2-қосымша |
Нысан
Балық ресурстарын және басқа да су жануарларын аулауды есепке алу журналы (кәсіпшілік журналы)
Аулау күні | Су айдынының және (немесе) участкенің атауы | Пайдаланылған балық аулау құралдарының түрлері мен саны | Балық аулауды жүзеге асырған балықшылар саны | Балық аулауды жүзеге асыраған балықшының Т.А.Ә. (әкесінің аты бар болса) | Ауланған балық көлемі (килограмм) |
1 | 2 | 3 | 4 | 5 | 6 |
Кестенің жалғасы
Ауланған балықтың түрлік құрамы, балық түрлері (килограмм) | Барлық босатылған балық (килограмм) | Тиеп-жөнелтілген күні, жүкқұжаттың №, автомашинаның кеменің № | Ауланған балықты қабылдаған адамның Т.А.Ә. (әкесінің аты бар болса) және қолы | Балық ресурстарын және басқа да су жануарларын қорғау жөніндегі мемлекеттік инспектордың қолы |
7 | 8 | 9 | 10 | 11 |
