ЗҚАИ-ның ескертпесі!
Осы бұйрық 01.01.2026 ж. бастап қолданысқа енгізіледі
Қазақстан Республикасы Салық кодексінің 53-бабы 3-тармағына және 55-бабы 2-тармағының 25) тармақшасына сәйкес БҰЙЫРАМЫН:
1. Мыналар:
1) осы бұйрыққа 1-қосымшаға сәйкес валюталық түсімнің түсуі туралы қорытындының нысаны;
2) осы бұйрыққа 2-қосымшаға сәйкес валюталық түсімнің түсуі туралы қорытындыны ұсыну қағидалары мен мерзімдері бекітілсін.
2. Осы бұйрыққа 3-қосымшаға сәйкес Қазақстан Республикасы Қаржы министрлігінің кейбір бұйрықтарының күші жойылды деп танылсын.
3. Қазақстан Республикасы Қаржы министрлігінің Мемлекеттік кірістер комитеті Қазақстан Республикасының заңнамасында белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрық ресми жарияланғаннан кейін оның Қазақстан Республикасы Қаржы министрлігінің интернет-ресурсында орналастырылуын;
3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшасында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.
4. Осы бұйрық 2026 жылғы 1 қаңтардан бастап қолданысқа енгізіледі және ресми жариялануға тиіс.
|
Қазақстан Республикасының Қаржы министрі |
М. Такиев |
"КЕЛІСІЛДІ"
Қазақстан Республикасының
Ұлттық Банкі
| Қазақстан Реcпубликасының Қаржы министрі 2025 жылғы 17 қыркүйектегі № 506 Бұйрығына 1-қосымша |
|
| нысан |
20___ жылғы "___" _______ бастап 20___ жылғы "____" _______ кезеңге валюталық түсімнің түсуі туралы қорытынды
р/с | Тексерілетін салық төлеуші | Шот валютасы | |
Жеке сәйкестендіру нөмірі/бизнес сәйкестендіру нөмірі | Салық төлеушінің атауы | ||
1 | 2 | 3 | 4 |
кестенің жалғасы
Валюталық түсімнің түсуі туралы мәліметтер | Экспорт бойынша валюталық шарттың нөмірі мен күні | Экспорт бойынша валюталық шарттың есептік нөмірі және оның берілген күні | ||
Жөнелтушінің атауы | Күні | Төлем сомасы | ||
5 | 6 | 7 | 8 | 9 |
Валюталық шарттың бойынша жиынтығы: ________________________
Осы нысанның қосымшасында қорытындыны толтыру жөніндегі түсіндірме келтірілген.
| "Валюталық түсімнің түсуі туралы қорытынды" нысанына қосымша |
"Валюталық түсімнің түсуі туралы қорытынды" нысанын толтыру бойынша түсіндірме
Нысанның 1-бағанында жолдың реттік нөмірі көрсетіледі.
Нысанның 2-бағанында жеке сәйкестендіру нөмірі/бизнес сәйкестендіру нөмірі көрсетіледі.
Нысанның 3-бағанында салық төлеушінің атауы көрсетіледі.
Нысанның 4-бағанында "Валюталар мен қорларды белгілеуге арналған кодтар" ҚР ҰЖ 07 ISO 4217 жіктеуішіне сәйкес валютаның әріптік белгісі көрсетіледі.
Нысанның 5-бағанында жөнелтушінің атауы көрсетіледі.
Нысанның 6-бағанында күні көрсетіледі.
Нысанның 7-бағанында төлем сомасы көрсетіледі.
Нысанның 8-бағанында экспорт бойынша валюталық шарттың нөмірі мен күні көрсетіледі.
Нысанның 9-бағанында экспорт бойынша валюталық шарттың есептік нөмірі және оның берілген күні көрсетіледі (есептік нөмірі берілген экспорт бойынша валюталық шарттарға қатысты толтырылады).
| Қазақстан Реcпубликасының Қаржы министрі 2025 жылғы 17 қыркүйектегі № 506 Бұйрығына 2-қосымша |
Валюталық түсімнің түсуі туралы қорытындыны ұсыну қағидалары мен мерзімдері
1-тарау. Жалпы ережелер
1. Осы Валюталық түсімнің түсуі туралы қорытындыны ұсыну қағидалары мен мерзімдері (бұдан әрі – Қағидалар) Қазақстан Республикасы Салық кодексінің 53-бабының 3-тармағына және 55-бабы 2-тармағының 25) тармақшасына сәйкес әзірленді және Қазақстан Республикасы Ұлттық Банкінің аумақтық филиалдарының, екінші деңгейдегі банктердің, "Қазақстан Даму Банкі" және "Қазпочта" Акционерлік қоғамының мемлекеттік кірістер органдарына валюталық түсімнің түсуі туралы қорытындыны ұсыну тәртібін айқындайды.
2-тарау. Валюталық түсімнің түсуі туралы қорытындыны ұсыну тәртібі мен мерзімдері
2. Мемлекеттік кірістер органдары салықтық тексеру басталғаннан кейін 5 (бес) жұмыс күні ішінде осы бұйрыққа 1-қосымшаға сәйкес нысан бойынша Валюталық түсімнің түсуі туралы қорытындыны (бұдан әрі – Қорытынды) жасау күнгі жағдай бойынша Қазақстан Республикасы Ұлттық Банкінің аумақтық филиалдарына, екінші деңгейдегі банктерге, "Қазақстан Даму Банкі" және "Қазпочта" Акционерлік қоғамына:
1) есептік нөмір берілген валюталық шарттарға қатысты экспорт бойынша валюталық шарттың есептік тіркеу орны бойынша;
2) Қазақстан Республикасында қызметін филиалдар мен өкілдіктер арқылы жүзеге асыратын бейрезиденттерге қатысты филиалдың немесе өкілдіктің банктік шотын ашу орны бойынша Қорытынды ұсыну туралы сұрау салулар жолдайды.
3. Мемлекеттік кірістер органдары сұрау салуды жолдаған кезде:
салық төлеушінің атауы;
жеке сәйкестендіру нөмірі/бизнес сәйкестендіру нөмірі;
экспорт бойынша валюталық шарттың нөмірі және күні;
сұрау салынатын кезең;
нұсқаманың тіркеу нөмірі мен күні;
экспорт бойынша валюталық шарттың есептік нөмірі және оның берілген күні көрсетіледі.
4. Қазақстан Республикасы Ұлттық Банкінің аумақтық филиалдары, екінші деңгейдегі банктер, "Қазақстан Даму Банкі" және "Қазпочта" Акционерлік қоғамы мемлекеттік кірістер органдарына сұрау салуды алған күннен бастап 10 (он) жұмыс күні ішінде Қорытынды ұсынады.
Қорытынды басшының не басшының Қорытындыға қол қоюға уәкілеттік берген адамының электрондық цифрлық қолтаңбасы арқылы куәландырылады.
| Қазақстан Реcпубликасының Қаржы министрі 2025 жылғы 17 қыркүйектегі № 506 |
|
| Бұйрығына 3-қосымша |
Қазақстан Республикасы Қаржы министрлігінің күші жойылған кейбір бұйрықтарының тізбесі
1. "Валюталық түсімнің түсуі туралы қорытындыны беру қағидаларын бекіту туралы" Қазақстан Республикасы Қаржы министрінің 2018 жылғы 21 ақпандағы № 260 бұйрығы (Нормативтік құқықтық актілерді мемлекеттік тіркеу тізілімінде № 16525 болып тіркелген).
2. "Валюталық түсімнің түсуі туралы қорытындыны беру қағидаларын бекіту туралы" Қазақстан Республикасы Қаржы министрінің 2018 жылғы 21 ақпандағы № 260 бұйрығына өзгерістер енгізу туралы" Қазақстан Республикасы Премьер-Министрінің бірінші орынбасары – Қазақстан Республикасы Қаржы министрінің 2019 жылғы 24 маусымдағы № 623 бұйрығы (Нормативтік құқықтық актілерді мемлекеттік тіркеу тізілімінде № 18893 болып тіркелген).
3. "Валюталық түсімнің түсуі туралы қорытындыны беру қағидаларын бекіту туралы" Қазақстан Республикасы Қаржы министрінің 2018 жылғы 21 ақпандағы № 260 бұйрығына өзгерістер енгізу туралы" Қазақстан Республикасы Премьер-Министрінің орынбасары – Қаржы министрінің 2023 жылғы 23 қаңтардағы № 57 бұйрығы (Нормативтік құқықтық актілерді мемлекеттік тіркеу тізілімінде № 31759 болып тіркелген).
