Отандық ғылым мен мәдениеттің дамуына айрықша үлес қосқан, сондай-ақ мемлекеттік және қоғамдық қызметте зор еңбек сіңірген Қазақстан Республикасының азаматтары мен шетел азаматтарын көтермелеу мақсатында ҚАУЛЫ ЕТЕМІН:
1. Мемлекеттік награда - "Қожа Ахмет Ясауи" ордені тағайындалсын.
2. Қазақстан Республикасының Үкіметі:
1) "Қазақстан Республикасының мемлекеттік наградалары туралы" Қазақстан Республикасының Заңына толықтырулар енгізуді қамтамасыз етсін;
2) осы Жарлықтан туындайтын өзге де шараларды қабылдасын.
3. Қазақстан Республикасының Ұлттық Банкі "Қожа Ахмет Ясауи" орденінің эскизін әзірлесін.
4. Осы Жарлық қол қойылған күнінен бастап қолданысқа енгізіледі.
|
Қазақстан Республикасының Президенті |
Қ.Тоқаев |
