ЗҚАИ-ның ескертпесі!
Осы қаулы 01.01.2026 ж. бастап қолданысқа енгізіледі.
Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтыру бекітілсін.
2. Осы қаулы 2026 жылғы 1 қаңтардан бастап қолданысқа енгізіледі және ресми жариялануға тиіс.
|
Қазақстан Республикасының Премьер-Министрі |
О. Бектенов |
| Қазақстан Республикасы Үкіметінің 2025 жылғы 7 қарашадағы № 939 қаулысымен бекітілген |
Қазақстан Республикасы Үкіметінің кейбір шешімдеріне өзгерістер мен толықтыру енгізу туралы
1. "Міндетті кәсіптік зейнетақы жарналарын жүзеге асыру қағидаларын бекіту туралы" Қазақстан Республикасы Үкіметінің 2023 жылғы 30 маусымдағы № 520 қаулысында:
көрсетілген қаулымен бекітілген Міндетті кәсіптік зейнетақы жарналарын жүзеге асыру қағидаларында:
6 және 7-тармақтар мынадай редакцияда жазылсын:
"6. Міндетті кәсіптік зейнетақы жарналарын жүзеге асыру кезінде жұмыскердің Қазақстан Республикасының Салық кодексінде (бұдан әрі – Салық кодексі) көзделген барлық ай сайынғы табыстары ескеріледі.
7. Міндетті кәсіптік зейнетақы жарналарын жүзеге асырған кезде:
1) Салық кодексінің 365-бабында көрсетілген;
2) Салық кодексінің 400, 429, 430, 431, 432, 433, 434, 435 және 436-баптарына сәйкес жеке тұлғаның төлем көзінен салық салуға жататын кірістері азайтылатын төлемдердің түрлері ескерілмейді.
Міндетті кәсіптік зейнетақы жарналарын төлеуге арналған шығыстар агенттің еңбекақы төлеу қорына жатқызылады.".
2. "Міндетті зейнетақы жарналарын, міндетті кәсіптік зейнетақы жарналарын есептеу, ұстап қалу (есепке жазу) және бірыңғай жинақтаушы зейнетақы қорына аудару және олар бойынша өндіріп алу қағидалары мен мерзімдерін бекіту туралы" Қазақстан Республикасы Үкіметінің 2023 жылғы 30 маусымдағы № 525 қаулысында:
көрсетілген қаулымен бекітілген Міндетті зейнетақы жарналарын, міндетті кәсіптік зейнетақы жарналарын есептеу, ұстап қалу (есепке жазу) және бірыңғай жинақтаушы зейнетақы қорына аудару және олар бойынша өндіріп алу қағидалары мен мерзімдерінде:
1-тармақ мынадай редакцияда жазылсын:
"1. Осы Міндетті зейнетақы жарналарын, міндетті кәсіптік зейнетақы жарналарын есептеу, ұстап қалу (есепке жазу) және бірыңғай жинақтаушы зейнетақы қорына аудару және олар бойынша өндіріп алу қағидалары мен мерзімдері (бұдан әрі – Қағидалар) Қазақстан Республикасының Әлеуметтік кодексі (бұдан әрі – Әлеуметтік кодекс) 11-бабының 6) тармақшасына сәйкес әзірленді және міндетті зейнетақы жарналарын, міндетті кәсіптік зейнетақы жарналарын есептеу, ұстап қалу (есепке жазу) және бірыңғай жинақтаушы зейнетақы қорына аудару және олар бойынша өндіріп алу тәртібі мен мерзімдерін айқындайды.";
3) тармақшаның үшінші бөлігі мынадай редакцияда жазылсын:
"Қызметтер көрсету немесе жұмыстарды орындау жөніндегі қызметті Әлеуметтік кодекстің 243-бабы бірінші бөлігінің 8) тармақшасында көрсетілген интернет-платформаларды және (немесе) платформалық жұмыспен қамтудың мобильді қосымшаларын пайдаланып жүзеге асыратын жеке тұлғалар үшін міндетті зейнетақы жарналарын төлеу жөніндегі агент ретінде оператор қарастырылады.";
мынадай мазмұндағы 4) тармақшамен толықтырылсын:
"4) өзін-өзі жұмыспен қамтығандарға арналған арнаулы салық режимін қолданатын жеке тұлғалар – Әлеуметтік кодекстің 101-1-бабында көрсетілген тұлғалар.";
4-тармақтың екінші және үшінші бөліктері мынадай редакцияда жазылсын:
"Қазақстан Республикасы Еңбек және халықты әлеуметтік қорғау министрінің 2023 жылғы 24 мамырдағы № 170 бұйрығымен бекітілген (нормативтік құқықтық актілерді мемлекеттік тіркеу тізілімінде № 32568 болып тіркелген) Өндірістердің, жұмыстардың, пайдасына міндетті кәсіптік зейнетақы жарналарын төлеу жөніндегі агенттер меншікті қаражаты есебінен міндетті кәсіптік зейнетақы жарналарын жүзеге асыратын, еңбек жағдайлары зиянды жұмыстармен айналысатын жұмыскерлер кәсіптерінің тізбесінде көзделген, пайдасына міндетті кәсіптік зейнетақы жарналарының салымшыларының агенттері өз қаражаты есебінен міндетті кәсіптік зейнетақы жарналарын жүзеге асыратын жұмыскерлердің еңбегін пайдаланатын агенттер жұмыскердің кірісінен ай сайын міндетті кәсіптік зейнетақы жарналарын есепке жазады және БЖЗҚ-ға аударады.
Жеке практикамен айналысатын адамдар, Әлеуметтік кодекстің 101-1-бабында көрсетілген өзін-өзі жұмыспен қамтығандар үшін арнаулы салық режимін қолданатын жеке тұлғалар, сондай-ақ дара кәсіпкерлер салық кезеңінің әрбір айы үшін міндетті зейнетақы жарналарын есептейді және оларды БЖЗҚ-ға өз пайдасына аударады.";
бірінші бөлік мынадай редакцияда жазылсын:
"6. БЖЗҚ-ға төленетін міндетті зейнетақы жарналары осы Қағидалардың 10-тармағында көзделген мерзімде Әлеуметтік кодекстің 101-1-бабының 4-тармағында және 102-1-бабының 3-тармағында көзделген жағдайларды қоспағанда, міндетті зейнетақы жарналарын есептеу объектісіне Әлеуметтік кодекстің 249-бабында белгіленген мөлшерлемені қолдану арқылы есептеледі.";
3) тармақшаның бірінші және екінші бөліктері мынадай редакцияда жазылсын:
"3) жеке практикамен айналысатын адамдар, Әлеуметтік кодекстің 101-1-бабында көрсетілген жеке тұлғалар, сондай-ақ жеке кәсіпкерлер үшін алынатын табысы.
Бұл ретте міндетті зейнетақы жарналарын есептеу мақсаттары үшін Әлеуметтік кодекстің 101-1-бабында көрсетілген жеке практикамен айналысатын адамдар, жеке тұлғалар, сондай-ақ дара кәсіпкерлер Әлеуметтік кодекстің 249-бабы 1-тармағының 2) тармақшасында белгіленген мөлшерлер шегінде өздері айқындайтын, бірақ Қазақстан Республикасының Салық кодексіне (бұдан әрі – Салық кодексі) сәйкес салық салу мақсаттары үшін айқындалатын табыстан аспайтын сома олар үшін алынатын табыс болып табылады.";
9) тармақшаның бірінші абзацы мынадай редакцияда жазылсын:
"Салық кодексінің 94-тарауында көрсетілген бірыңғай төлем төлеушілер үшін бірыңғай төлем мөлшерлемесіндегі міндетті зейнетақы жарналарының үлесі:";
7-тармақ мынадай редакцияда жазылсын:
"7. БЖЗҚ-ға аударылатын міндетті зейнетақы жарналары:
1) Салық кодексінің 367-бабы 1) тармақшасының тоғызыншы абзацында көрсетілген тұлғаларды қоспағанда, Салық кодексінің 365-бабында көрсетілген;
2) Салық кодексінің 382 және 435-баптарында көрсетілген;
3) Салық кодексінің 429-бабының 3) және 8) тармақшаларында, 432-бабының 13) тармақшасында, 436-бабының 4) тармақшасында, сондай-ақ 400-бабы 1-тармағының 14) тармақшасында және 435-бабының 3) тармақшасында көзделген жағдайларды қоспағанда (жоғалған табыс (кіріс бөлігінде), Салық кодексінің 400, 429, 430, 431, 432, 433, 434, 435 және 436-баптарына сәйкес жеке тұлғаның төлем көзінен салық салынатын кірістері азаятын;
4) мүгедектігі бар адамдар және Салық кодексінің 404-бабының 1-тармағының 1) және 2) тармақшасында көрсетілген өзге де тұлғалар заттай нысанда немесе материалдық пайда түрінде алған кірістер мен төлемдерден ұсталмайды.
Салық кодексінің 436-бабының 4) тармақшасында көрсетілген әлеуметтік төлемдерден міндетті зейнетақы жарналары Әлеуметтік кодекстің 76-бабының 1-тармағына, 117-бабының 1-тармағына және 174-бабының 3-тармағына сәйкес осы Қағидалардың 10-тармағында көзделген мерзімде ұсталады.";
9-тармақтың екінші бөлігі мынадай редакцияда жазылсын:
"Банктерде және банк операцияларының жекелеген түрлерін жүзеге асыратын ұйымдарда (бұдан әрі – банктер) шоттары жоқ жеке практикамен айналысатын тұлғалар, дара кәсіпкерлер, Әлеуметтік кодекстің 101-1 бабында көрсетілген жеке тұлғалар, сондай-ақ азаматтық-құқықтық сипаттағы шарттар бойынша кіріс алатын жеке тұлғалар осы Қағидалардың 9-тармағында айқындалған тәртіппен міндетті зейнетақы жарналарын кейіннен БЖЗҚ-ға аудару үшін оларды банкке қолма-қол ақшамен енгізеді.";
3) тармақша мынадай редакцияда жазылсын;
"3) Әлеуметтік кодекстің 101-1 және 102-1-баптарында көрсетілген өзін-өзі жұмыспен қамтығандар үшін арнаулы салық режимін қолданатын жеке тұлғалар – күнтізбелік жылдың ағымдағы айы үшін кірістер төленетін айдан кейінгі айдың 25-күнінен кешіктірмей;";
7) тармақша алып тасталсын;
40-тармақтың бірінші бөлігі мынадай редакцияда жазылсын:
"40. Мемлекеттік кіріс органы республикалық бюджет туралы заңда белгіленген және тиісті қаржы жылының 1 қаңтарында қолданыста болатын 6 еселенген айлық есептік көрсеткіштен асатын берешек түзілген күннен бастап бес жұмыс күнінен кешіктірмей агентке кейін БЖЗҚ-ға аудару үшін Мемлекеттік корпорацияға аударылатын міндетті зейнетақы жарналары, міндетті кәсіптік зейнетақы жарналары бойынша берешек сомасы туралы хабарлама (бұдан әрі – хабарлама) жібереді.";
бірінші абзац мынадай редакцияда жазылсын:
"42. Міндетті зейнетақы жарналары, міндетті кәсіптік зейнетақы жарналары бойынша республикалық бюджет туралы заңда белгіленген және тиісті қаржы жылының 1 қаңтарына қолданыста болатын 6 еселенген айлық есептік көрсеткіштен астам мөлшердегі берешек өтелмеген жағдайда мемлекеттік кіріс органы банк шоттары мен касса жөніндегі агентке хабарлама табыс етілген күннен бастап он жұмыс күні өткен соң оның шығыс операцияларын тоқтата тұруды жүргізеді.";
екінші және үшінші абзацтар алып тасталсын;
бесінші абзац мынадай редакцияда жазылсын:
"Салық кодексінің 201-бабында көзделген салықтар мен бюджетке төленетін төлемдерді, Қазақстан Республикасының заңнамасында көзделген кедендік төлемдерді, әлеуметтік төлемдерді, оларды уақтылы төлемегені үшін есептелген өсімпұлды, сондай-ақ бюджетке енгізілуге жататын айыппұлдарды төлеу жөніндегі операциялардан;";
он екінші абзац мынадай редакцияда жазылсын:
"кейіннен Салық кодексінің 201-бабында көзделген салықтар мен бюджетке төленетін төлемдерді, Қазақстан Республикасының заңнамасында көзделген кедендік төлемдерді, әлеуметтік төлемдерді, оларды уақтылы төлемегені үшін есептелген өсімпұлды, сондай-ақ бюджетке енгізілуге жататын айыппұлдарды төлеу есебіне аудару үшін банктерге ақша тапсыру;";
43-тармақ мынадай редакцияда жазылсын:
"43. Республикалық бюджет туралы заңда белгіленген және тиісті қаржы жылының 1 қаңтарына қолданыста болатын 6 еселенген айлық есептік көрсеткіштен астам мөлшердегі міндетті зейнетақы жарналары және міндетті кәсіптік зейнетақы жарналары бойынша берешек өтелмеген жағдайда олардың пайдасына міндетті зейнетақы жарналары, міндетті кәсіптік зейнетақы жарналары бойынша берешек өндіріп алынатын жеке тұлғалардың тізімдерін агент хабарлама тапсырылған күннен бастап 15 жұмыс күні ішінде мемлекеттік кіріс органдарына береді.".
3. "Жұмыс берушінің міндетті зейнетақы жарналарын есептеу (есепке жазу) және бірыңғай жинақтаушы зейнетақы қорына аудару және олар бойынша өндіріп алу қағидалары мен мерзімдерін бекіту туралы" Қазақстан Республикасы Үкіметінің 2023 жылғы 3 шілдедегі № 540 қаулысында:
көрсетілген қаулымен бекітілген Жұмыс берушінің міндетті зейнетақы жарналарын есептеу (есепке жазу) және бірыңғай жинақтаушы зейнетақы қорына аудару және олар бойынша өндіріп алу қағидалары мен мерзімдерінде:
7-тармақ мынадай редакцияда жазылсын:
"7. Жұмыс берушінің міндетті зейнетақы жарналарын жүзеге асырған кезде:
1) Қазақстан Республикасы Салық кодексінің (бұдан әрі – Салық кодексі) 365-бабында көрсетілген;
2) Салық кодексінің 382 және 435-баптарында көрсетілген;
3) Салық кодексінің 429-бабының 3) және 8) тармақшаларында, 432-бабының 13) тармақшасында, 436-бабының 4) тармақшасында, сондай-ақ 400-бабы 1-тармағының 14) тармақшасында және 435-бабының 3) тармақшасында көзделген жағдайларды қоспағанда (жоғалған табыс (кіріс) бөлігінде), Салық кодексінің 400, 429, 430, 431, 432, 433, 434, 435 және 436-баптарына сәйкес төлем көзінен салық салуға жататын жеке тұлғаның кірістері азаятын;
4) мүгедектігі бар адамдар және Салық кодексінің 404-бабының 1-тармағының 1) және 2) тармақшаларында көрсетілген өзге де адамдар заттай нысанда немесе материалдық пайда түрінде алған төлемдер мен кіріс түрлері есепке алынбайды.";
27-тармақтың бірінші бөлігі мынадай редакцияда жазылсын:
"27. Мемлекеттік кіріс органы республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 6 еселенген мөлшерінен асатын берешек түзілген күннен бастап бес жұмыс күнінен кешіктірмей агентке кейіннен БЖЗҚ-ға аудару үшін Мемлекеттік корпорацияға аударуға жататын жұмыс берушінің міндетті зейнетақы жарналары бойынша берешек сомасы туралы хабарлама (бұдан әрі – хабарлама) жібереді.";
28-тармақтың бірінші абзацы мынадай редакцияда жазылсын:
"28. Хабарлама агентке қол қойғызып жеке өзіне немесе жіберу және алу фактісін растайтын төменде көрсетілген тәсілдердің бірімен тапсырылады. Бұл ретте хабарлама мынадай жағдайларда салық төлеушіге (салық агентіне) тапсырылды деп есептеледі:";
бірінші абзац мынадай редакцияда жазылсын:
"29. Республикалық бюджет туралы заңда белгіленген және жұмыс берушінің міндетті зейнетақы жарналары бойынша тиісті қаржы жылының 1 қаңтарына қолданыста болатын айлық есептік көрсеткіштің 6 еселенген мөлшерінен асатын берешек өтелмеген жағдайда мемлекеттік кіріс органы оған хабарлама тапсырылған күннен бастап он жұмыс күні өткеннен кейін банктік шоттар мен касса бойынша агенттің шығыс операцияларын тоқтата тұруды жүргізеді.";
екінші және үшінші абзацтар алып тасталсын;
бесінші абзац мынадай редакцияда жазылсын:
"Салық кодексінің 201-бабында көзделген салықтар мен бюджетке төленетін төлемдерді, Қазақстан Республикасының заңнамасында көзделген кедендік төлемдерді, әлеуметтік төлемдерді, оларды уақтылы төлемегені үшін есептелген өсімпұлды, сондай-ақ бюджетке енгізілуге жататын айыппұлдарды төлеу жөніндегі операциялардан;";
он екінші абзац мынадай редакцияда жазылсын:
"кейіннен Салық кодексінің 201-бабында көзделген салықтар мен бюджетке төленетін төлемдерді, Қазақстан Республикасының заңнамасында көзделген кедендік төлемдерді, әлеуметтік төлемдерді, оларды уақтылы төлемегені үшін есептелген өсімпұлды, сондай-ақ бюджетке енгізілуге жататын айыппұлдарды төлеу есебіне аудару үшін банктерге ақша тапсыру;".
