Қазақстан Республикасы Жер кодексiнің 130-бабына және Қазақстан Республикасы Орман кодексiнің 51-бабына сәйкес Қазақстан Республикасының Үкiметi ҚАУЛЫ ЕТЕДI:
1. Осы қаулыға қосымшаға сәйкес Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитетінің "Сандықтау оқу-өндірістік орман шаруашылығы" республикалық мемлекеттік мекемесінің (бұдан әрі – мекеме) жалпы ауданы 62,6 гектар жер учаскелері орман қоры жерлері санатынан ауылдық елді мекендердің жерлері санатына ауыстырылсын.
2. Ақмола облысының әкімі ауылдық елді мекен шекараларының (шегінің) өзгеруіне байланысты Қазақстан Республикасының заңнамасында белгіленген тәртіппен осы қаулының 1-тармағында көрсетілген жер учаскесінің Ақмола облысы Сандықтау ауданының әкімдігіне берілуін қамтамасыз етсін.
3. Ақмола облысы Сандықтау ауданының әкімдігі Қазақстан Республикасының қолданыстағы заңнамасына сәйкес орман алқаптарын орман шаруашылығын жүргізуге байланысты емес мақсаттарда пайдалану үшін алып қоюдан туындаған орман шаруашылығы өндірісінің шығындарын республикалық бюджеттің кірісіне өтесін, екпелер кесілген жағдайда, алынған сүректі мекеменің теңгеріміне бере отырып, алаңды тазарту жөніндегі шараларды қабылдасын.
4. Осы қаулы қол қойылған күнінен бастап қолданысқа енгiзiледi.
|
Қазақстан Республикасының Премьер-Министрі |
О. Бектенов |
| Қазақстан Республикасы Үкіметінің 2025 жылғы 8 қазандағы № 828 қаулысына қосымша |
Орман қоры жерлері санатынан ауылдық елді мекендердің жерлері санатына ауыстырылатын жерлердің экспликациясы
Жер пайдаланушының атауы | Жалпы ауданы, гектар | оның ішінде, гектар: | ||||
орман көмкерген | орман көмкермеген | жайылымдар | шабындықтар | басқа да жерлер | ||
Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитетінің "Сандықтау оқу-өндірістік орман шаруашылығы" республикалық мемлекеттік мекемесі | 62,6 | - | 62,6 | - | - | - |
Барлығы: | 62,6 | - | 62,6 | - | - | - |
