"Мемлекет кепілдік берген мемлекеттік емес қарыз қаражаты есебінен қаржыландыру ұсынылатын жобалардың 2025 жылға арналған тізбесін бекіту туралы" Қазақстан Республикасы Үкіметінің 2025 жылғы 14 сәуірдегі № 237 қаулысына толықтырулар енгізу туралы

Қазақстан Республикасы Үкіметінің 2025 жылғы 4 тамыздағы № 595 қаулысы

Қазақстан Республикасының Үкіметі ҚАУЛЫ ЕТЕДІ:

1. "Мемлекет кепілдік берген мемлекеттік емес қарыз қаражаты есебінен қаржыландыру ұсынылатын жобалардың 2025 жылға арналған тізбесін бекіту туралы" Қазақстан Республикасы Үкіметінің 2025 жылғы 14 сәуірдегі № 237 қаулысына мынадай толықтырулар енгізілсін:

көрсетілген қаулымен бекітілген мемлекет кепілдік берген мемлекеттік емес қарыз қаражаты есебінен қаржыландыру ұсынылатын жобалардың 2025 жылға арналған тізбесі мынадай мазмұндағы реттік нөмірі 8, 9 және 10-жолдармен толықтырылсын:

"

8	"Қызылорда – Павлодар – Успенка – РФ шекарасы" автомобиль жолын (433-946 км "Жезқазған-Қарағанды" учаскесі) реконструкциялау	1171860579000 теңге	2025 – 2045 жылдар	996072188000 теңгеге дейін (қарыз валютасына баламалы). Бірінші кезең шеңберіндегі мемлекеттік кепілдік сомасы 650000000000 теңгеден аспайды (қарыз валютасына баламалы): 2025 жыл – 325000000000 теңге (Халықаралық Қайта құру және Даму Банкі), 2026 жыл – 325000000000 теңге (Азия инфрақұрылымдық Инвестициялар Банкі)	"ҚазАвтоЖол" ұлттық компаниясы" акционерлік қоғамы	Халықаралық Қайта құру және Даму Банкі
9	Б. Қонысбаев атындағы өткізу пункті арқылы Өзбекстан Республикасына шығатын Сарыағаш қаласының айналма жолын салу	237396000000 теңге	2025 – 2048 жылдар	201786600000 теңгеге дейін (қарыз валютасына баламалы)	"ҚазАвтоЖол" ұлттық компаниясы" акционерлік қоғамы	Азия Даму Банкі
10	Республикалық маңызы бар А-27 "Атырау-Доссор" 598-512 км автомобиль жолын реконструкциялау	138411800000 теңге	2025 – 2048 жылдар	121802400000 теңгеге дейін (қарыз валютасына баламалы), оның ішінде 2025 жылға – 44600000000 теңге, 2026 жылға – 77202400000 теңге	"ҚазАвтоЖол" ұлттық компаниясы" акционерлік қоғамы	Азия Инфрақұрылымдық Инвестициялар Банкі

".

2. Осы қаулы қол қойылған күнінен бастап қолданысқа енгізіледі және ресми жариялануға тиіс.

Қазақстан Республикасының Премьер-Министрі

О. Бектенов