Қазақстан Республикасының Үкіметі ҚАУЛЫ ЕТЕДІ:
1. "Мемлекеттік кәсіпорындар, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғалар және олармен үлестес тұлғалар жүзеге асыратын қызмет түрлерінің тізбесін бекіту туралы" Қазақстан Республикасы Үкіметінің 2015 жылғы 28 желтоқсандағы № 1095 қаулысына мынадай өзгеріс пен толықтырулар енгізілсін:
көрсетілген қаулымен бекітілген мемлекеттік кәсіпорындар, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғалар және олармен үлестес тұлғалар жүзеге асыратын қызмет түрлерінің тізбесінде:
реттік нөмірі 213-жолдағы 5-баған мынадай мазмұндағы 4) тармақшамен толықтырылсын:
"4) "Kazakh Tourism Development Ltd." жеке компаниясы";
реттік нөмірі 293-жолдағы 5-баған мынадай мазмұндағы 10) тармақшамен толықтырылсын:
"10) "Kokzhiyek Fund" Limited Partnership" тікелей инвестициялар қоры";
реттік нөмірі 358-жол мынадай редакцияда жазылсын:
"
358. | Брондау бойынша өзге де көрсетілетін қызметтер және оларға ілеспе көрсетілетін қызмет | 79900 | республикалық меншік / коммуналдық меншік |
1) "Жолаушылар тасымалы" акционерлік қоғамы; | Қазақстан Республикасы | үнемі |
| ". |
2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Премьер-Министрі |
О. Бектенов |
