"Ұлттық әл-ауқат қоры туралы" 2012 жылғы 1 ақпандағы Қазақстан Республикасы Заңының 7-бабы 2-тармағының 12) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. Осы қаулыға қосымшаға сәйкес "Самұрық-Қазына" ұлттық әл-ауқат қоры" акционерлік қоғамының дивидендтік саясаты айқындалсын.
2. Осы қаулы қол қойылған күнінен бастап қолданысқа енгізіледі.
Қазақстан Республикасының | |
Премьер-Министрі | С. Ахметов |
| Қазақстан Республикасы Үкіметінің 2013 жылғы 29 мамырдағы № 543 қаулысымен бекітілген |
"Самұрық-Қазына" ұлттық әл-ауқат қоры" акционерлік қоғамының дивидендтік саясаты
Ескерту. Дивидендтік саясат жаңа редакцияда - ҚР Үкіметінің 19.02.2021 № 80 қаулысымен.
1-тарау. Жалпы ережелер
1. Осы "Самұрық-Қазына" ұлттық әл-ауқат қоры" акционерлік қоғамының (бұдан әрі – Қор) дивидендтік саясаты (бұдан әрі – дивидендтік саясат) Қазақстан Республикасының қолданыстағы заңнамасына, Қордың жарғысына және оның ішкі құжаттарына сәйкес әзірленді.
2. Дивидендтік саясат Қордың жалғыз акционері – Қазақстан Республикасының Үкіметімен (бұдан әрі – жалғыз акционер) дивидендтерді төлеу мәселелері бойынша өзара қарым-қатынасының негіздерін айқындайды. Бұл ретте Қордың Директорлар кеңесі жалғыз акционердің құқықтарын сақтау және кірістерін дивидендтерді төлеу арқылы да, Қордың меншікті капиталын ұлғайту арқылы да арттыру мақсаттарын негізге алады.
3. Қордың дивидендтер төлеу шарттары мен тәртібі Қазақстан Республикасының заңнамасымен және Қор жарғысымен регламенттеледі.
2-тарау. Мақсаттары мен негізгі қағидаттары
4. Дивидендтік саясаттың мақсаты Қор мен жалғыз акционер мүдделерінің теңгерімін, дивидендтердің мөлшерін айқындау кезіндегі тәсілдің болжамдылығы мен ашықтығын қамтамасыз ету болып табылады.
5. Дивидендтік саясаттың негізгі қағидаттары мынадай болып табылады:
1) жалғыз акционердің мүдделерін сақтау;
2) Қордың және Қор тобы компанияларының ұзақ мерзімді құнын ұлғайту;
3) Қордың және Қор тобы компанияларының қаржылық орнықтылығын қамтамасыз ету;
4) Қордың қаражаты есебінен іске асырылатын қызметтің жаңа түрлерін және инвестициялық жобаларды қаржыландыруды қоса алғанда, Қордың қызметін қаржыландыруды қамтамасыз ету;
5) дивидендтердің мөлшерін айқындау тетігінің ашықтығы;
6) жалғыз акционердің қысқа мерзімді (кіріс алу) және ұзақ мерзімді (Қорды дамыту) мүдделерінің теңгерімділігі;
7) төлемге дивидендтер мөлшерін есептеу кезінде Қордың жалғыз акционерінің шешімдеріне сәйкес Қордың жобаларды қаржыландыру көлемін есепке алу.
Ескерту. 5-тармаққа өзгеріс енгізілді - ҚР Үкіметінің 03.06.2025 № 409 (қол қойылған күнінен бастап қолданысқа енгізіледі және 01.01.2025 бастап туындаған құқықтық қатынастарға қолданылады) қаулысымен.6. Қордың Қор тобы компанияларымен Қорға тиесілі акциялар пакеттеріне немесе қатысу үлестеріне дивидендтер төлеу мәселелері бойынша өзара қатынастарының негіздері мынадай қағидаттарды ескере отырып, Қордың ішкі нормативтік құжатымен реттеледі:
1) Қордың акциялар пакетіне Қордың дивидендтерді кепілді төлеуін қамтамасыз ету;
2) Қордың қаражаты есебінен іске асырылатын қызметтің жаңа түрлері мен инвестициялық жобаларды қаржыландыруды қоса алғанда, Қордың қызметін қаржыландыруды қамтамасыз ету;
3) Қор тобы компанияларының дамуға, оның ішінде өзінің инвестициялық қызметіне жұмсалатын шығыстарды қаржыландыру қажеттілігі;
4) компаниялардың қаржылық орнықтылығы мен өтімділігінің көрсеткіштері негізінде айқындалатын олардың кемелдену дәрежесіне және олардың қаржылық-экономикалық ахуалына байланысты Қор тобы компаниялары дивидендтерінің мөлшерін айқындаудың сараланған тәсілі;
5) Қор тобы компанияларынан дивидендтерді есептеу үшін база ретінде ағымдағы қызметті қолдауға арналған инвестициялық шығыстарды шегергеннен кейін қауымдасқан және бірлескен кәсіпорындардан алынатын дивидендтерді қоса алғанда, негізгі қызметтен ақша ағынын ескеретін көрсеткішті пайдалану;
6) Қор тобының даму жоспарын қарау және бекіту шеңберінде Қордың инвестициялық-стратегиялық комитеті және Қордың Директорлар кеңесі мақұлдаған компаниялардың инвестициялық шығыстары сомасына төлеуге дивидендтер мөлшерін азайту;
7) Қор тобының компаниялары (ковенанттары) жасасқан шарттарда белгіленген шектеулерді сақтау: егер есептелген дивидендтердің сомасы компаниялар (ковенанттар) жасасқан шарттарда белгіленген шектеулерден асып кетсе, онда мұндай сома жол берілетін төлемге дейін азаюы жағына түзетіледі.
3-тарау. Дивидендтерді есептеу мөлшерін айқындаудың негізгі тәсілдері
7. Қордың Директорлар кеңесі жалғыз акционерге Қордың шоғырландырылған таза кірісін бөлу тәртібі және Қордың бір жай акциясына есептелген дивиденд мөлшері туралы ұсыныс береді.
Ескерту. 7-тармақ жаңа редакцияда - ҚР Үкіметінің 03.06.2025 № 409 (қол қойылған күнінен бастап қолданысқа енгізіледі және 01.01.2025 бастап туындаған құқықтық қатынастарға қолданылады) қаулысымен.8. Қордың жалғыз акционерінің есепті кезеңдегі шешімдеріне сәйкес жобаларды қаржыландыру көлемін ескере отырып, жалғыз акционерге есепке жазылатын Қордың жыл сайынғы дивидендтердің мөлшері акциялары (қатысу үлестері) Қорға тиесілі заңды тұлғалардан есепті кезеңде алынған дивидендтердің кемінде 50 (елу) пайызын құрайды.
Жалғыз акционердің пайдасына дивидендтер сомасын есептеу кезінде акциялары (қатысу үлестері) Қорға тиесілі заңды тұлғалардан Қор тобының активтерін бәсекелестік ортаға беру жөніндегі мәмілелер нәтижесінде Қорға төленген және Ұлттық қорға жіберілген дивидендтер есепке алынбайды.
Ескерту. 8-тармақ жаңа редакцияда - ҚР Үкіметінің 03.06.2025 № 409 (қол қойылған күнінен бастап қолданысқа енгізіледі және 01.01.2025 бастап туындаған құқықтық қатынастарға қолданылады) қаулысымен.9. Алып тасталды - ҚР Үкіметінің 03.06.2025 № 409 (қол қойылған күнінен бастап қолданысқа енгізіледі және 01.01.2025 бастап туындаған құқықтық қатынастарға қолданылады) қаулысымен.
10. Жалғыз акционер Қордың жай акциялары бойынша дивидендтер төлемеу туралы шешім қабылдауға құқылы.
11. Алып тасталды - ҚР Үкіметінің 03.06.2025 № 409 (қол қойылған күнінен бастап қолданысқа енгізіледі және 01.01.2025 бастап туындаған құқықтық қатынастарға қолданылады) қаулысымен.12. Қордың жалғыз акционеріне өзге бөлу шеңберінде жобалардың іске асырылуын бақылау мен мониторингтеуді Қордың Директорлар кеңесі жүзеге асырады.
