Жоғары Еуразиялық экономикалық кеңесі шешті:
1. Жоғары Еуразиялық экономикалық кеңестің 2014 жылғы 23 желтоқсандағы 98-шешімімен бекітілген Еуразиялық экономикалық комиссияның жұмыс регламентіне мынадай өзгерістер енгізілсін:
а) көрсетілген Регламентке тіркелген 1-қосымшада:
28-тармақ мынадай редакцияда жазылсын:
"28. Одақтың техникалық регламенттерін әзірлеу, қабылдау, өзгерту және жою тәртібін бекіту.";
мынадай мазмұндағы 421-428-тармақтармен толықтырылсын:
"421. Мүше мемлекеттерді аккредиттеу жөніндегі органдардың өзара салыстырмалы бағалауларды жүзеге асыру тәртібін бекіту.
422 Одақ шеңберінде стандарттау жөніндегі жұмыстарды үйлестіру тәртібін бекіту.
423 Одақтың күшіне енген техникалық регламенттердің және оларға белгіленген стандарттар тізбелерінің ғылыми-техникалық деңгейіне міндетті мерзімді бағалау жүргізу тәртібін бекіту.
424 Сәйкестікті бағалау жөніндегі органдарды аккредиттеу жөніндегі жұмыстардың нәтижелерін тану туралы хаттаманың 4-тармағының 4- және 5-тармақшаларына сәйкес қабылданған шешімдер туралы ақпарат алмасуды қамтамасыз ету мақсатында мүше мемлекеттерді аккредиттеу жөніндегі органдардың өзара іс-қимыл жасау тәртібін бекіту (Одақ туралы шартқа тіркелген № 11-қосымша).
425 Мемлекеттік бақылауды (қадағалауды) жүргізуді ұйымдастыру және мүше мемлекеттердің аумақтарында өнім шығаруды және айналымға шығаруды болғызбау мақсатында мемлекеттік бақылау (қадағалау) органдарының, сондай - ақ мемлекеттік бақылау (қадағалау) органдарының аккредиттеуді жүргізуге мүше мемлекеттің заңнамасына сәйкес уәкілетті органдармен немесе заңды тұлғалармен өзара іс-қимыл жасау тәртібін бекіту, Одақтың техникалық регламенттерінің талаптарына сәйкес келеді.
426 Одақтың техникалық регламенттерінің міндетті талаптарына сәйкес келмейтін өнім анықталған кезде Комиссияның басқа мүше мемлекеттің мемлекеттік бақылау (қадағалау) органы қабылдаған шарамен келіспеу туралы мүше мемлекеттің өтінішін қарау тәртібін бекіту.
427 Еуразиялық экономикалық одақтың техникалық регламенттерінде және 2020 жылғы 3 ақпандағы осындай өнімдердің қауіпсіздігін қамтамасыз ету қағидаларында талаптары белгіленбеген өнімнің Еуразиялық экономикалық одақ шеңберіндегі айналым тәртібі туралы келісімнің 7-бабында көзделгендей ақпаратты ұсыну, жинау, жинақтау және оны Одақтың интеграцияланған ақпараттық жүйесінің жалпы ақпараттық ресурстарында орналастыру тәртібін бекіту.
428 Сәйкестікті бағалау нәтижелерін өзара тануды жүзеге асыратын мүше мемлекеттер мен үшінші елдердің сәйкестігін бағалау жөніндегі уәкілетті (тағайындалған) органдардың тізілімін қалыптастыру және жүргізу тәртібін бекіту.";
б) көрсетілген Регламентке тіркелген № 2 қосымшада:
9-тармақ мынадай редакцияда жазылсын:
"9. Сәйкестікті бағалау туралы құжаттардың бірыңғай нысандарын және оларды электрондық түрде және (немесе) қағаз жеткізгіште ресімдеу қағидаларын бекіту.";
мынадай мазмұндағы 101-тармақпен толықтырылсын:
"101. Өнімнің Одақтың техникалық регламенттерінің талаптарына сәйкестігі туралы декларацияларды тіркеу, тоқтата тұру, қайта бастау және қолданысын тоқтату тәртібін бекіту.".
2. Осы шешім 2022 жылғы 31 наурызда қол қойылған 2014 жылғы 29 мамырдағы Еуразиялық экономикалық одақ туралы шартқа өзгерістерді енгізу туралы хаттама күшіне енген күннен бастап күшіне енетін осы шешімнің 1-тармағы "а" тармақшасының алтыншы-сегізінші абзацтарын, 1-тармағы "б" тармақшасының екінші және үшінші абзацтарын қоспағанда, ресми жарияланған күнінен бастап күшіне енеді.
Жоғары Еуразиялық экономикалық кеңестің мүшелері:
Армения |
Беларусь |
Қазақстан |
Қырғыз |
Ресей |
