2014 жылғы 29 мамырдағы Еуразиялық экономикалық одақ туралы шарттың 46-бабына және Үшінші елдерге қатысты тарифтік емес реттеу шаралары туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 7 қосымша) 4 және 37-тармақтарына сәйкес Еуразиялық экономикалық комиссия Алқасы шешті:
Асыл тастарды мемлекеттік бақылауды жүзеге асыру қағидаларына (Еуразиялық экономикалық комиссия Алқасының 2015 жылғы 21 сәуірдегі № 30 шешіміне № 13 қосымшаға № 2 қосымша) мынадай өзгерістер енгізілсін:
а) 8-тармақ мынадай редакцияда жазылсын:
"8.Одақтың кедендік аумағынан әкетуге арналған өңделген асыл тастарды мемлекеттік бақылауды жүзеге асыру кезінде осы Қағидалардың 5-тармағында көрсетілген құжаттарға қосымша мынадай құжаттар ұсынылады:
а) өңделген асыл тастардың сандық және құндық мәндегі толық ассортиментін көрсететін тиеп-жөнелту ерекшелігі;
б) № 4 қосымшаға сәйкес нысан бойынша жасалған сыртқы сауда шарты (келісімшарты) бойынша асыл тастарды дайындау үшін өңделмеген асыл тастарды пайдалану туралы анықтама;
в) асыл тастардың шығу тегін (сатып алынуын) және оларды иелену заңдылығын растайтын құжаттар (келісімшарт, делдалдық шарт, беру актісі, ерекшелік (жиынтықталым ведомосы);
г) мүше мемлекеттің заңнамасында көзделген өзге де құжаттар.";
д) №5 қосымша алып тасталсын.
2. Осы Шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасының Төрағасы |
М. Мясникович |
