1. "Қазақстан Республикасы Мәдениет және ақпарат министрлігінің Дін істері комитеті" республикалық мемлекеттік мекемесінің ережесін бекіту туралы" "Қазақстан Республикасы Мәдениет және ақпарат министрінің 2023 жылғы 27 қыркүйектегі № 384-НҚ бұйрығына мынадай өзгерістер енгізілсін:
көрсетілген бұйрықпен бекітілген "Қазақстан Республикасы Мәдениет және ақпарат министрлігінің Дін істері комитеті" республикалық мемлекеттік мекемесінің ережесінде:
жоғарғы оң жақ бұрыш мынадай редакцияда жазылсын:
| "Қазақстан Республикасы Мәдениет және ақпарат министрінің 2023 жылғы 27 қыркүйектегі № 384-НҚ бұйрығымен бекітілген"; |
"15. Функциялар:
1) жалпы функциялар:
стратегиялық:
Комитеттің құзыретіне жататын мәселелер бойынша стратегиялық және бағдарламалық құжаттарды әзірлеуге қатысу;
діни қызмет, діни бірлестіктермен өзара іс-қимыл саласындағы мемлекеттік саясаттың негізгі бағыттарын іске асыруға қатысу;
Комитеттің құзыретіне жататын мәселелер бойынша Қазақстан Республикасының атынан жасалатын Қазақстан Республикасының халықаралық шарттары бойынша міндеттемелердің орындалуын қамтамасыз ету;
Комитет реттейтін мәселелер бойынша халықаралық ынтымақтастықты жүзеге асыру, сондай-ақ келісімдер, меморандумдар мен шарттарды әзірлеу және жасасу;
реттеуші:
адам мен азаматтың құқықтары мен бостандықтарын қозғайтын нормативтік құқықтық актілерді қоспағанда, Министрдің бұйрықтарында бекітуге тікелей құзыреті болған жағдайда, Комитеттің құзыретіне кіретін мәселелер бойынша нормативтік құқықтық және құқықтық актілерді әзірлеу, келісу және бекіту;
іске асыру:
шет мемлекеттердің діни қызмет саласындағы уәкілетті органдарымен ынтымақтастықты ұйымдастыру және жүзеге асыру;
Комитеттің құзыретіне жататын келісімдерді, меморандумдар мен шарттарды әзірлеу;
Комитеттің құзыретіне жататын мәселелер бойынша мемлекеттік стратегиялық бағдарламалар мен құжаттарды түсіндіру және ілгерілету жөніндегі ақпараттық іс-шараларды ұйымдастыру және жүзеге асыру;
республикада конфессияаралық келісімді нығайтуға бағытталған халықаралық, республикалық және өзге де іс-шараларды, акциялар мен конкурстарды өткізуді ұйымдастыру;
Комитеттің құзыреті шеңберінде Мемлекеттік жоспарлау жүйесі құжаттарының нысаналы индикаторларына, көрсеткіштеріне қол жеткізу, оның іс-шараларын сапалы және уақытылы орындау бойынша жұмысты қамтамасыз ету;
Комитеттің құзыретіне жататын мәселелер бойынша ақпараттық-түсіндіру жұмыстарын жүзеге асыруды қамтамасыз ету;
сараптамалық қорытындыларды алу үшін "Атамекен" Қазақстан Республикасының Ұлттық кәсіпкерлер палатасына және сарапшылық кеңестерге мемлекеттік құпияларды қамтитын нормативтік құқықтық актілерді қоспағанда, кәсіпкерлік субъектілерінің мүдделерін қозғайтын консультативтік құжатты немесе тиісті нормативтік құқықтық актінің жобасын ашық нормативтік құқықтық актілердің интернет-порталында орналастыру туралы хабарламаны жіберу;
қоғамдық кеңестің ұсынымдарын қарау;
Министрліктің персоналды басқару қызметіне (Кадр қызметі) Комитеттің құзыреті бойынша мамандардың қажеттіліктері туралы ұсыныстар әзірлеу;
Қазақстан Республикасының діни қызмет және діни бірлестіктер туралы заңнамасының бұзылуына қатысты жеке және заңды тұлғалардың өтініштерін қарау;
Комитеттің құзыреті бойынша нормативтік құқықтық актілерге құқықтық мониторинг жүргізу;
Комитеттің құзыретіне жататын мәселелер бойынша саяси партиялармен, коммерциялық емес ұйымдармен және өзге де ұйымдармен өзара іс-қимыл жасасу;
Комитеттің құзыреті бойынша жергілікті атқарушы органдарды үйлестіруді және оларға әдістемелік басшылық жасауды жүзеге асыру;
Комитеттің құзыреті шегінде көрсетілген қызметтер актілерін қарау және келісу;
Комитеттің кадрлық саясатында гендерлік теңдік қағидаттарының сақталуын қамтамасыз ету;
Қазақстан Республикасының заңдарында, Қазақстан Республикасының Президенті мен Үкіметінің актілерінде, сондай-ақ Министрлік басшылығының тапсырмаларында көзделген өзге де функцияларды жүзеге асыру.
Осы тармақтың 1) тармақшасында көзделген функциялар жалпы болып табылады және Комитеттің барлық басқармалары өздерінің құзыреттері шегінде іске асырады.
2) Ислам діни бірлестіктерімен байланыс басқармасы:
реттеуші:
діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың, сондай-ақ ғибадат үйлерінен (ғимараттарынан) тыс жерлерде діни іс-шаралар өткізуге арналған үй-жайлардың орналастырылуын айқындау жөніндегі нұсқаулықты әзірлеу;
туристік қызмет саласындағы уәкілетті органмен келісу бойынша діни қажеттіліктерді қанағаттандыруға бағытталған туроператорлық қызметті жүзеге асыру қағидаларын әзірлеу;
іске асыру:
республика аумағындағы шетелдік діни бірлестіктердің қызметін, шетелдік діни орталықтардың Қазақстан Республикасындағы діни бірлестіктер басшыларын тағайындауын келісу (ислам бағыты бойынша);
Қазақстан Республикасының аумағында құрылған діни бірлестіктердің, миссионерлердің, рухани (діни) білім беру ұйымдарының қызметін зерделеу және талдау жүргізу (ислам бағыты бойынша);
діни қызмет, қоғамдық келісім, қоғамдық институттарды дамыту және қазақстандық қоғамның рухани-адамгершілік әлеуеті мәселелері бойынша зерттеулер жүргізуді қамтамасыз ету (ислам бағыты бойынша);
"Бірлігіміз - әралуандықта" әмбебап қағидаты негізінде конфессияаралық келісімді нығайту саясатын жалғастыруға қатысу (ислам бағыты бойынша);
құқық қорғау органдарына Қазақстан Республикасының діни қызмет және діни бірлестіктер туралы заңнамасын бұзатын жеке және заңды тұлғалардың қызметіне тыйым салу жөнінде ұсыныстар енгізу;
ислам конфессиясы мәселелері бойынша түсіндіру жұмыстарын ұйымдастыру және жүргізу;
талдамалық және болжамдық баяндамалар дайындау;
ғибадат үйлерінің (ғимараттарының) санын зерделеу және талдау жүргізу.
3) Христиандық және басқа да діни бірлестіктермен байланыстар басқармасы:
іске асыру:
Әлемдік және дәстүрлі діндер лидерлері съезін және оның институттарын ұйымдастыруды және өткізуді қамтамасыз ету;
"Бірлігіміз – әралуандықта" әмбебап қағидаты негізінде конфессияаралық келісімді нығайту саясатын жалғастыруға қатысу (христиандық және басқа да бағыттар бойынша);
ақпараттандыру саласындағы уәкілетті органмен келісу бойынша Қазақстан Республикасының заңнамасына сәйкес мемлекеттік көрсетілетін қызметтер тізіліміне жаңа мемлекеттік көрсетілетін қызмет енгізілгеннен кейін оны электрондық форматта көрсетуге ауыстыру жөнінде шаралар қабылдау;
республика аумағындағы шетелдік діни бірлестіктердің қызметін, шетелдік діни орталықтардың Қазақстан Республикасындағы діни бірлестіктер басшыларын тағайындауын келісу (христиандық және басқа да бағыттар бойынша);
Қазақстан Республикасының аумағында құрылған діни бірлестіктердің, миссионерлердің қызметін зерделеу және талдау (христиандық және басқа да бағыттар бойынша);
діни қызмет, қоғамдық келісім, қоғамдық институттарды дамыту және қазақстандық қоғамның рухани-адамгершілік әлеуеті мәселелері бойынша зерттеулер жүргізуді қамтамасыз ету (христиандық және басқа да бағыттар бойынша);
құқық қорғау органдарына Қазақстан Республикасының діни қызмет және діни бірлестіктер туралы заңнамасын бұзатын жеке және заңды тұлғалардың қызметіне тыйым салу туралы ұсыныстар енгізу;
Қазақстанның діни бірлестіктері өкілдерінің жиналысын ұйымдастыру және өткізу.
4) Оңалту жұмыстарын үйлестіру басқармасы:
құқық қорғау органдарына Қазақстан Республикасының діни қызмет және діни бірлестіктер туралы заңнамасын бұзатын жеке және заңды тұлғалардың қызметіне тыйым салу жөнінде ұсыныстар енгізу;
өз құзыреті шегінде діни экстремизм мен радикализмнің алдын алуға бағытталған алдын алу шараларын іске асыру;
деструктивтік діни ағымдардан зардап шеккендерге көмек көрсету орталықтарымен және басқа да үкіметтік емес ұйымдармен Комитеттің құзыретіне кіретін мәселелер бойынша өзара іс-қимыл жасасу;
облыстардың, республикалық маңызы бар қалалардың және астананың жергілікті атқарушы органдарымен діни экстремизмнің алдын алу және оңалту жұмысы мәселелері бойынша бірлескен іс-шаралар өткізу, әдістемелік және консультациялық көмек көрсету;
діни экстремизмнің алдын алу және оңалту жұмысы мәселелері бойынша мемлекеттік саясаттың негізгі бағыттарын, іс-шараларды іске асыруды қатысу;
діни экстремизмнің алдын алу және оңалту жұмысы мәселелері бойынша қызметке талдау жүргізу, мүдделі мемлекеттік органдармен өзара іс-қимыл жасау.
5) Дінтану сараптамасы басқармасы:
реттеушілік:
Комитет реттейтін салада мемлекеттік қызметтер көрсету тәртібін айқындайтын заңға тәуелді нормативтік құқықтық актілерді әзірлеу;
дінтану сараптамасын жүргізу қағидаларын әзірлеу;
іске асыру:
дінтану сараптамасын жүргізу қағидаларын түсіндіру бойынша ақпараттық іс-шараларын ұйымдастыру және жүзеге асыру;
ақпараттандыру саласындағы уәкілетті органмен келісу бойынша Қазақстан Республикасының заңнамасына сәйкес мемлекеттік көрсетілетін қызметтер тізіліміне жаңа мемлекеттік көрсетілетін қызмет енгізілгеннен кейін оны электрондық форматта көрсетуге ауыстыру жөнінде шаралар қабылдау;
ақпараттандыру саласындағы уәкілетті органмен келісу бойынша Қазақстан Республикасының заңнамасына сәйкес мемлекеттік қызметтер көрсету процесін оңтайландыруды қамтамасыз ету;
дінтану сараптамасын жүргізуді қамтамасыз ету;
Комитет өз құзыреті шегінде мемлекеттік қызмет көрсетуі кезінде көрсетілетін қызметті алушылардың құқықтарын қорғауды қамтамасыз ету;
дінтану сараптамасының нәтижелері туралы дерекқордың қалыптастырылуын қамтамасыз ету;
"Конфессияаралық және дінаралық диалогтың халықаралық орталығы" коммерциялық емес акционерлік қоғамының дінтану сараптамасын жүргізу бөлігіндегі қызметін үйлестіру;
ақпараттандыру саласындағы уәкілетті орган белгілеген тәртіппен мемлекеттік қызметтер көрсету мониторингісінің ақпараттық жүйесіне мемлекеттік қызмет көрсетуді есепке алуды жүзеге асыру;
"Дінтану сараптамасын жүргізу" мемлекеттік қызметін көрсету шеңберінде мемлекеттік қызмет алушыларды хабардар етуді қамтамасыз ету;
дінтану сараптамасына келіп түскен материалдар бойынша Комитеттің дерекқорын жаңартуды жүзеге асыру;
дінтану сараптамасының теріс қорытындысын алған материалдар бойынша ақпаратты мүдделі мемлекеттік органдарға жолдауды қамтамасыз ету.
6) Діни білім беру ұйымдарымен өзара іс-қимыл басқармасы:
реттеушілік:
діни қызмет саласындағы кәсіби стандарттарды әзірлеу;
іске асыру:
"Дінтану", "Исламтану", "Теология" және өзге де мамандықтар бойынша жоғары және жоғары оқу орнынан кейінгі білім беру, тіл саясаты, ғылым, ғылым саласындағы сапаны қамтамасыз ету, жоғары және жоғары оқу орнынан кейінгі білім беру, ғылымды, жоғары және жоғары оқу орнынан кейінгі білім беруді цифрландыру саласында, сондай-ақ христиандық және басқа да конфессиялар бойынша діни білім беру ұйымдарында басшылықты жүзеге асыратын уәкілетті органмен өзара іс-қимыл жасасуды жүзеге асыру, оқу әдебиетімен қамтамасыз ету;
мектепке дейінгі, орта, техникалық және кәсіптік, орта білімнен кейінгі, қосымша білім беру салаларында және мектепке дейінгі, орта, техникалық және кәсіптік, орта білімнен кейінгі жалпы білім беру ұйымдарында бала құқықтарын қорғау және сапаны қамтамасыз ету, жалпы білім беретін мекемелерде діни білім беру мәселелері бойынша басшылықты жүзеге асыратын уәкілетті органмен өзара іс-қимылды жүзеге асыру;
шетелдік теологиялық жоғары оқу орындарында оқитын қазақстандық студенттерге мониторинг жүргізуде тиісті мемлекеттік органдармен және өзге де ұйымдармен өзара іс-қимылды жүзеге асыру;
"Нұр-Мүбарак" Египет ислам мәдениеті университетімен өзара іс-қимылды жүзеге асыру;
діни білім беру ұйымдарының қызметiн зерделеу және талдау жүргiзу;
Қазақстан Республикасының аумағында құрылған діни (рухани) білім беру ұйымдарының қызметіне талдау жүргізу мәселесі бойынша тиісті мемлекеттік органдармен және өзге де ұйымдармен өзара іс-қимылды жүзеге асыру;
діни қызмет саласындағы кадрлардың біліктілік деңгейін, кәсібилігін және білімділігін арттыру мәселесі бойынша отандық және шетелдік жоғары оқу орындарымен өзара іс-қимылды жүзеге асыру;
облыстар, қалалар және аудандар үшін діни қызмет саласындағы білікті кадрларға еңбек нарығының қажеттілігін айқындау мәселесі бойынша тиісті мемлекеттік органдармен және өзге де ұйымдармен өзара іс-қимылды жүзеге асыру;
діни (рухани) білім беру ұйымдарындағы білім беру процесін жетілдіру мәселесі бойынша тиісті мемлекеттік органдармен және өзге де ұйымдармен өзара іс-қимылды жүзеге асыру.
7) Діни қызмет саласындағы құқық қолдану практикасы басқармасы:
іске асыру:
заңнамада белгіленген жағдайларда әкімшілік құқық бұзушылық туралы хаттамалар жасау;
діни қызмет саласындағы құқық бұзушылықтарды анықтау, жолын кесу және олардың алдын алу мәселелері бойынша құқық қорғау органдарымен өзара іс-қимылды қамтамасыз ету;
діни қызмет саласында шет мемлекеттердің уәкілетті органдарымен ынтымақтастықты ұйымдастыру және жүзеге асыру;
Қазақстан Республикасында діни сенім бостандығына адам құқығын сақталуы мәселелері бойынша, кейіннен оларды адамның және азаматтың негізгі құқықтары мен бостандықтарын, заңды мүдделерін сақтау жөніндегі Әмбебап мерзімді шолудың (БҰҰ) дін мәселелері блогына, сондай-ақ Қазақстан Республикасының халықаралық қоғамдастық алдындағы мүдделерін қорғауға арналған ұстанымдық құжаттарға (БҰҰ-ның Арнайы баяндамашыларына, құқық қорғау ұйымдарына, ҮЕҰ және БАҚ) енгізу үшін құқықтық материалдарды дайындау;
діни қызмет саласындағы Қазақстан Республикасының заңнамасын жетілдіру жөнінде ұсыныстар енгізу;
Комитеттің құзыретіне жататын және (немесе) Комитет әзірлеген заң жобаларын қарау кезінде Қазақстан Республикасы Парламентінің жұмысына қатысу;
заңнамалық актілерде көзделген жағдайларда, құқықтық мәселелер бойынша Комитет атынан түсіндірмелер дайындау;
заңды күшіне енген сот актілерін орындау жөнінде шаралар қабылдау.
8) Өңірлік жұмыс және ішкі үйлестіру басқармасы:
реттеушілік:
мемлекеттік статистика саласындағы уәкілетті органмен келісу бойынша әкімшілік деректерді жинауға арналған нысандарды әзірлеу;
мемлекеттік қызметтер көрсету тәртібін айқындайтын заңға тәуелді нормативтік құқықтық актілерді әзірлеу;
діни қызмет саласындағы мемлекеттік қызметтер көрсету қағидаларын әзірлеу;
іске асыру:
діни қызмет саласындағы мемлекеттік саясаттың тиімділігін бағалауға бағытталған әлеуметтік зерттеулер жүргізуді қамтамасыз ету;
ақпараттандыру саласындағы уәкілетті органның келісімі бойынша Қазақстан Республикасының заңнамасына сәйкес мемлекеттік қызметтер көрсету процесін оңтайландыруды қамтамасыз ету;
Қазақстан Республикасының Үкіметі жанындағы Діни қызмет саласындағы мемлекеттік саясатты үйлестіру мәселелері бойынша ұсыныстар әзірлеу жөніндегі комиссияның қызметін қамтамасыз ету, оның ішінде отырыстарды ұйымдастырушылық-талдамалық сүйемелдеу, материалдар дайындау және мемлекеттік органдармен өзара іс-қимыл жасау;
жергілікті атқарушы органдар ұсынатын есептік ақпаратты жинау және талдау;
діни қызмет саласында жергілікті атқарушы органдарға әдістемелік басшылықты жүзеге асыру;
діни қызмет саласындағы жергілікті атқарушы органдардың қызметі бойынша анықтамалық ақпарат дайындауды қамтамасыз ету;
діни бірлестіктер, миссионерлер, ғибадат үйлері (ғимараттары) және діни білім беру ұйымдары туралы ақпаратты ашық деректер порталында уақтылы орналастыруды қамтамасыз ету;
9) Ақпараттық-түсіндіру жұмыстарын үйлестіру басқармасы
іске асыру:
өңірлерде ақпараттық-түсіндіру жұмыстарын жүзеге асыруды қамтамасыз ету;
діни экстремизмнің алдын алу саласындағы озық халықаралық тәжірибені зерделеу және оны енгізу бойынша ұсыныстар енгізу;
басқарманың құзыретіне жататын мәселелер бойынша ақпараттық-түсіндіру жұмыстарын жүзеге асыруды қамтамасыз ету;
ақпараттық-түсіндіру жұмыстарында пайдалануға арналған әдістемелік құралдарды әзірлеуді қамтамасыз ету және оларды жергілікті атқарушы органдарға жолдау;
республикалық және өңірлік деңгейде ұйымдастырылатын ақпараттық-түсіндіру іс-шараларына қатысу.
10) Интернет кеңістікте діни экстремизмнің алдын алуды үйлестіру басқармасы:
іске асыру:
интернет кеңістікте діни экстремизмнің алдын алу бойынша мемлекеттік саясаттың негізгі бағыттарын іске асыруға қатысу;
мүдделі мемлекеттік органдармен өзара іс-қимыл, интернет кеңістікте діни экстремизмнің алдын алуды үйлестіру;
Комитеттің құзыреті шегінде Мемлекеттік органдардың интернет-ресурстарының бірыңғай платформасында ақпаратты орналастыру және өзектендіру;
діни экстремизмнің алдын алуға бағытталған материалдарды дайындау, интернет желісінде жариялау және ілгерілету бойынша жұмыстарды ұйымдастыру және жүргізу;
интернет кеңістікте діни экстремизмнің алдын алу саласындағы озық халықаралық тәжірибені енгізу;
діни экстремизмнің онлайн алдын алу мәселелері бойынша ақпараттық-насихаттық іс-шараларды ұйымдастыру және үйлестіру;
діни экстремизмнің онлайн алдын алу мәселелері бойынша жергілікті атқарушы органдардың қызметіне әдістемелік басшылық жасау және үйлестіру;
діни саладағы мемлекеттік саясатты іске асыруға арналған ақпараттық стратегиялар мен медиажоспарларды әзірлеу және іске асыруды ұйымдастыру.".
2. Қазақстан Республикасының Мәдениет және ақпарат министрлігінің Дін істері комитеті Қазақстан Республикасының заңнамасында белгіленген тәртіппен:
1) осы бұйрыққа қол қойылған күннен бастап бес жұмыс күні ішінде оның қазақ және орыс тілдеріндегі электрондық түрдегі көшірмелерін ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;
2) осы бұйрық ресми жарияланғаннан кейін оны Қазақстан Республикасы Мәдениет және ақпарат министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Мәдениет және ақпарат вице-министріне жүктелсін.
4. Осы бұйрық қол қойылған күнінен бастап қолданысқа енгізіледі.
|
Қазақстан Республикасы Мәдениет және ақпарат министрінің міндетін атқарушы |
Қ. Ысқақов |
