"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 6, 31 баптарына, "Қазақстан Республикасының әкiмшiлiк-аумақтық құрылысы туралы" Қазақстан Республикасы Заңының 12 бабының 5-1) тармақшасына және Республикалық ономастика комиссиясының 2026 жылғы 12 маусымдағы қорытындысына сәйкес Алға ауданы әкімдігі ҚАУЛЫ ЕТЕДІ және Алға аудандық мәслихаты ШЕШІМ ҚАБЫЛДАДЫ:
1. Алға ауданы Алға қаласындағы атауы жоқ көшеге Жабас Ізбасов есімі берілсін.
2. Осы бірлескен Алға ауданы әкімдігінің қаулысы және Алға аудандық мәслихатының шешімінің орындалуын бақылау Ақтөбе облысының Алға ауданы әкімінің жетекшілік ететін орынбасарына жүктелсін.
3. Осы бірлескен Алға ауданы әкімдігінің қаулысы және Алға аудандық мәслихатының шешімі оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Алға ауданының әкімі | А. Шуиншалиев |
| Алға аудандық мәслихатының төрағасы | М. Тулеуов |
