Батыс Қазақстан облысы әкімдігінің "Батыс Қазақстан облысының су қорғау аймақтарын, белдеулерін және оларды шаруашылықта пайдалану режимін белгілеу туралы" 2017 жылғы 24 ақпандағы № 52 қаулысына өзгерістер енгізу туралы

Батыс Қазақстан облысы әкімдігінің 2025 жылғы 18 шілдедегі № 157 қаулысы

Батыс Қазақстан облысының әкімдігі ҚАУЛЫ ЕТЕДІ:

1. Батыс Қазақстан облысы әкімдігінің "Батыс Қазақстан облысының су қорғау аймақтарын, белдеулерін және оларды шаруашылықта пайдалану режимін белгілеу туралы" 2017 жылғы 24 ақпандағы № 52 қаулысына (Нормативтік құқықтық актілерді мемлекеттік тіркеу тізілімінде № 4713 болып тіркелген) келесідей өзгерістер енгізілсін:

көрсетілген қаулының 1-қосымшасы осы қаулының 1-қосымшасына сәйкес жаңа редакцияда жазылсын;

көрсетілген қаулының 2-қосымшасы осы қаулының 2-қосымшасына сәйкес жаңа редакцияда жазылсын.

2. "Батыс Қазақстан облысының табиғи ресурстар және табиғат пайдалануды реттеу басқармасы" мемлекеттік мекемесі осы қаулының әділет органдарында мемлекеттік тіркелуін, Қазақстан Республикасы нормативтік құқықтық актілерінің эталондық бақылау банкінде және бұқаралық ақпарат құралдарында оның ресми жариялануын қамтамасыз етсін.

3. Осы қаулының орындалуын бақылау Батыс Қазақстан облысы әкімінің жетекшілік ететін орынбасарына жүктелсін.

4. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Облыс әкімі

Н. Төреғалиев

"КЕЛІСІЛДІ"
Қазақстан Республикасы
Су ресурстары және ирригация
министрлігі Су ресурстарын реттеу,
қорғау және пайдалану комитетінің
Су ресурстарын реттеу, қорғау және
пайдалану жөніндегі
Жайық-Каспий бассейндік
инспекциясы

"КЕЛІСІЛДІ"
Қазақстан Республикасы
Денсаулық сақтау министрлігінің
санитариялық-эпидемиологиялық
бақылау комитеті
Батыс Қазақстан облысының
санитариялық-эпидемиологиялық
бақылау департаменті

	қаулысына 1-қосымша
	Батыс Қазақстан облысы әкімдігінің 2017 жылғы 24 ақпандағы №52 қаулысына 1-қосымша

Батыс Қазақстан облысы су объектілерінің су қорғау аймақтары мен белдеулері

№	Су объектісі, оның учаскелері	Орналасқан жері (елді мекен)	Шекарасының ұзындығы (километр)	Су қорғау аймағы		Су қорғау белдеуі
				Ауданы (гектар)	Ені (метр)	Ауданы (гектар)	Ені (метр)
	"Батыс Қазақстан облысының Шалқар көлінің және Орал қаласының шегіндегі Жайық, Шаған өзендерінің сәйкесінше 9 километр, 5 километр су қорғау аймақтары мен белдеулері жобасы" жобалық-сметалық құжаттамасы бойынша
1	Шалқар көлі	Теректі ауданының Сарыөмір ауылы	57	5844	500	2990	50-50
	"Жайық өзенінің су қорғау аймақтары мен белдеулері жобасы" жобалық-сметалық құжаттамасы бойынша
2	Жайық өзені	мемлекеттік шекарадан Атырау облысының шекарасына дейін	872,74	36819,997	500-2000	6154,3767	35-55
	Шаған өзенінің су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
3	Шаған өзені	мемлекеттік шекарадан өзеннің сағасына дейін	91,05	8502,53	500-600	1202,51	35-100
	Деркөл өзенінің су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
4	Деркөл өзені	Тасқала ауданы Вавилин ауылынан өзеннің сағасына дейін	206,131	18526,77	500-550	2303,76	35
	Үлкен Өзен өзенінің су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
5	Үлкен Өзен өзені	мемлекеттік шекарадан өзеннің сағасына дейін	273,8	30365,497	500-600	7373,6212	35-42
	Айдархан су қоймасының су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
6	Айдархан су қоймасы	Казталов ауданы, Үлкен Өзен өзені	22,921	3060,6036	500	1926,9386	35
	Сарышығанақ су қоймасының су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
7	Сарышығанақ су қоймасы	Казталов ауданы, Үлкен Өзен өзені	16,739	2875,20	500	1998,5042	35
	Кіші Өзен өзенінің су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
8	Кіші Өзен өзені	мемлекеттік шекарадан өзеннің сағасына дейін	407,3	40008,02	500-600	7978,4837	35-100
	Утва өзенінің су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
9	Утва өзені	Шыңғырлау және Бөрлі аудандары	312	33745,048	500	4330,8456	35-42
	Желаев карьерінің су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
10	Желаев карьері (кадастрлық нөмірі 08-118-115-821, 08-118-115-082, 08-118-115-859, 08-118-951-030, 08-118-955-415, 08-118-952-066)	Бәйтерек ауданының Трекин ауылдық округі	Су айдынның шығыс жағалауы № 1 - 1,002; Су айдынның батыс жағалауы № 2 – 0,432	36,75	300	11,99	35
	Қарашығанақ кен орнындағы су нысандарынның су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
11	Березовка өзені	Бөрлі ауданының Жарсуат, Пугачев, Успенов ауылдық округтары	21,7	1493,0591	500	164,5591	35
12	Куншубай жырасы	Бөрлі ауданының Жарсуат, Пугачев ауылдық округтары	13,9	793,8597	500	82,1446	35
13	Калминкова жырасы	Бөрлі ауданының Пугачев ауылдық округі	9,64	488,0690	500	50,0934	35
14	Безымянная жырасы	Бөрлі ауданының Пугачев ауылдық округі	4,6	165,3114	500	31,8349	35
	Барбастау өзенінің су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
15	Барбастау өзені	Теректі ауданы	113	11003,93	500	955,11	35-40
	Елек өзенінің су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
16	Елек өзені	Шыңғырлау және Бөрлі аудандары	203,429	7865,46	500	656,06	35-40
	Киров су қоймасының су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
17	Киров су қоймасы	Ақжайық ауданы және Бәйтерек ауданы	37,111	1461,77	500	116,11	35
	Көшім өзенінің су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
18	Көшім өзені	Бәйтерек, Ақжайық, Жаңақала аудандары	415	30682,67	500	2324,0	35-40
	Солянка өзенінің су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
19	Солянка өзені	Теректі және Ақжайық аудандары	56,5	7662,80	500	724,76	35-38
	Ядовитое көлінің су қорғау аймақтары мен белдеулерін белгілеу жөніндегі жобалық-сметалық құжаттамасы бойынша
20	Ядовитое көлі	Орал қаласы мен Теректі ауданы	9,156	331,61	500	70,24	35
	Бағырлай жырасының су қорғау аймақтары мен белдеулерін белгілеу жөніндегі жобалық құжаттамасы бойынша
21	Бағырлай жырасы	Ақжайық ауданы	158	15580,4	500	1357,07	35-41
	Қарасу жырасының су қорғау аймақтары мен белдеулерін белгілеу жөніндегі жобалық құжаттамасы бойынша
22	Қарасу жырасы	Казталов ауданы	11,43	1167,8	500	83,28	35
	Ембулатовка өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
23	Ембулатовка өзені	Бәйтерек ауданы	70,249	5374,24	500	548,26	35-40
	Өлеңті өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
24	Өлеңті өзені	Сырым және Ақжайық аудандары	239,7	21427,08	500	2056,897	35-40
	Қалдығайты өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
25	Қалдығайты өзені	Қаратөбе және Шыңғырлау аудандары	278	23467,07	500	1998,12	35-40
	Шаған арнасының су қорғау аймақтары мен белдеулерін белгілеу жөніндегі жобалық құжаттамасы бойынша
26	Шаған арнасы	Орал қаласы және Бәйтерек ауданы	50,7	4760,35	500	404,47	35-50
	Қараоба өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
27	Қараоба өзені	Теректі және Бөрлі аудандары	75,639	6884,36	500	1539,97	100
	Балықты Сакрыл су қоймасының су қорғау аймақтары мен белдеулерін белгілеу жөніндегі жобалық құжаттамасы бойынша
28	Балықты Сакрыл су қоймасы	Казталов ауданы	22,092	1144,57	500	221,09	100
	Бітік су қоймасының су қорғау аймақтары мен белдеулерін белгілеу жөніндегі жобалық құжаттамасы бойынша
29	Бітік су қоймасы	Ақжайық ауданы	12,524	674,28	500-550	127,09	100
	Дөңгелек су қоймасының су қорғау аймақтары мен белдеулерін белгілеу жөніндегі жобалық құжаттамасы бойынша
30	Дөңгелек су қоймасы	Ақжайық ауданы	30,146	1336,77	500-550	277,014	100
	Грачи 1 өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
31	Грачи 1 өзені	Ақжайық ауданы	57,708	5880,81	500	1114,18	100
	Грачи 2 өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
32	Грачи 2 өзені	Ақжайық ауданы	58	5743,49	500	1174,17	100
	Ащыөзек өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
33	Ащыөзек өзені	Жәнібек және Казталов аудандары	281	21896,64	500	1958,46	35
	Шолақаңкаты өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
34	Шолақаңкаты өзені	Сырым және Теректі аудандары	79	7578,83	500	1048,55	35-100
	Рубежка өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
35	Рубежка өзені	Бәйтерек ауданы	65	4381,7249	500	686,173	35-100
	Быковка өзенінің (Кіші Быковка саласымен бірге) су қорғау аймақтары мен белдеулерін белгілеу жөніндегі жобалық құжаттамасы бойынша
36	Кіші Быковка өзені	Бәйтерек ауданы	76,276	6983,40	500	1605,51	35
	Вильная жырасының су қорғау аймақтары мен белдеулерін белгілеу жөніндегі жобалық құжаттамасы бойынша
37	Вильная жырасы	Бәйтерек ауданы	20,263	2318,5	500	455,111	35
	Крутая өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
38	Крутая өзені	Бәйтерек ауданы	57,941	4756,0	500	645,80	35
	Кіші Ембулатовка өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
39	Кіші Ембулатовка өзені	Бәйтерек ауданы	37,936	3300,6	500	782,8	35
	Ұзын Аңқаты өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
40	Ұзын Аңқаты өзені	Сырым және Теректі аудандары	48,6	4518,4313	500	628,0073	35-75
	Бұлдырты өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
41	Бұлдырты өзені	Шыңғырлау, Сырым және Қараөтөбе районы	191,5	14365,1544	500	2001,5279	35-100
	Ащы өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
42	Ащы өзені	Шыңғырлау ауданы	93	8478,70	500	965,7514	35-75
	Есен Аңқаты өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
43	Есен Аңқаты өзені	Сырым және Теректі аудандары	129	9993,3538	500	1373,6436	35-100
	Таловая өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
44	Таловая өзені	Бәйтерек ауданы	59,06	1807,8906	500	293,588	35-75
	Чижа-1 өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
45	Чижа-1 өзені	Тасқала ауданы	75	6172,9807	266-500	769,6052	35-100
	Чижа-2 өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
46	Чижа-2 өзені	Тасқала ауданы	91	6033,5642	244-500	693,2629	35-100
	Шідерті өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
47	Шідерті өзені	Сырым ауданы	122	10650,4457	500	1241,0548	35-100
	Жақсыбай өзенінің су қорғау аймақтары мен белдеулерін белгілеу жөніндегі жобалық құжаттамасы бойынша
48	Жақсыбай өзені	Қаратөбе ауданы	88	4702,70	500	566,9471	35-100

қаулысына 2-қосымша Батыс Қазақстан облысы әкімдігінің 2017 жылғы 24 ақпандағы № 52 қаулысына 2-қосымша

Су қорғау аймақтары мен белдеулерін шаруашылықта пайдалану режимі

1. Жерүсті су объектілерінде:

1) жерасты суларына іздеу-бағалау жұмыстарын және оларды алуды, Каспий теңізінің қазақстандық секторында көмірсутектерді барлау немесе өндіру жөніндегі операцияларды, сондай-ақ кен іздеушілікті, ас тұзын, емдік балшықтар өндіруді қоспағанда, жер қойнауын пайдалану жөніндегі операцияларды жүргізуге;

2) радиоактивті және улы заттармен, тұрмыстық қатты және өндірістік қалдықтармен, улы химикаттармен, тыңайтқыштармен, қатты және сұйық түрдегі мұнай, химия өнімдерімен ластауға және қоқыстауға;

3) жол берілетін төгінділер нормативтеріне дейін тазартылмаған сарқынды суларды ағызуға;

4) бекітілген су режимінсіз және арнаулы су пайдалануға рұқсатсыз суды алуға және (немесе) пайдалануға;

5) ауыл шаруашылығы жануарларын тоғытуға және санитариялық өңдеуге;

6) бассейндік су инспекциясының келісімінсіз құрылыс қызметіне, ауыл шаруашылығы жұмыстарына, ұңғымаларды бұрғылауға, жерүсті су объектілерін санациялауға байланысты жұмыстарды және өзге де жұмыстарды жүргізуге;

7) пайдаланудан шығарылған (бүлінген) кемелерді және өзге де жүзу құралдарын, көлік құралдарын (олардың тетіктері мен бөліктерін) көмуге тыйым салынады.

2. Су қорғау белдеулері шегінде шаруашылық қызметтің кез келген түріне, сондай-ақ шаруашылық және өзге де қызметті жүргізу үшін жер учаскелерін беруге тыйым салынады, бұл тыйымға мынадай жағдайлар кірмейді:

1) мыналарды:

су шаруашылығы құрылысжайлары мен олардың коммуникацияларын;

көпірлерді, көпір құрылысжайларын;

айлақтарды, порттарды, пирстерді және су көлігі, балық ресурстары мен басқа да су жануарларын қорғау, балық аулау мен аквашаруашылық қызметіне байланысты өзге де инфрақұрылым объектілерін;

балық өсіретін тоғандарды, балық өсіретін бассейндер мен балық өсіретін объектілерді, сондай-ақ оларға коммуникацияларды;

ғимараттар мен құрылысжайлардың күрделі құрылысынсыз балаларға арналған ойын және спорт алаңдарын, жағажайларды, аквапарктерді және басқа да рекреациялық аймақтарды;

су объектілері жай-күйінің көрсеткіштерін байқау пункттерін салу және пайдалану;

2) жағалауды нығайту, ағаш өсіру және көгалдандыру;

3) жерасты суларына іздеу-бағалау жұмыстарын және оларды алуды, сондай-ақ кен іздеушілікті, ас тұзын, емдік балшықтар өндіру.

3. Су қорғау аймақтары шегінде:

1) жерүсті су объектілерінің, су қорғау аймақтары мен белдеулерінің ластануы мен қоқыстануын болғызбайтын құрылысжайлармен және құрылғылармен қамтамасыз етілмеген жаңа және реконструкцияланған объектілерді пайдалануға беруге;

2) автожанармай құю станцияларын, мұнай өнімдерін сақтауға арналған қоймаларды, көлік құралдары мен ауыл шаруашылығы техникасын техникалық қарап-тексеру, оларға қызмет көрсету, жөндеу және жуу пункттерін орналастыруға және салуға;

3) тыңайтқыштарды, пестицидтерді, улы химикаттарды, көңді сақтауға және оларды қолдануға арналған қоймалар мен алаңдарды орналастыруға және салуға тыйым салынады. Су қорғау аймағында мәжбүрлі санитариялық өңдеу жүргізу қажет болған кезде уыттылығы аз және орташа, жойылуы оңай пестицидтерді қолдануға жол беріледі;

4) тұрмыстық қатты және өнеркәсіптік қалдықтардың үйінділерін орналастыруға және жайғастыруға;

5) зираттарды орналастыруға;

6) жүктеме нормасынан асатын ауыл шаруашылығы жануарларын жаюға, мал шаруашылықтарын, мал сою алаңдарын (ауыл шаруашылығы жануарларын сою алаңдарын), мал қорымдарын (биотермиялық шұңқырларды), пестицидтердің арнаулы қоймаларын (көмінділерін) және олардың ыдыстарын орналастыруға;

7) сарқынды суларды жинақтағыштарды, сарқынды сулармен суару алқаптарын, сондай-ақ жерүсті және жерасты суларының радиациялық, химиялық, микробиологиялық, токсикологиялық және паразитологиялық ластану қаупін туғызатын басқа да объектілерді орналастыруға тыйым салынады.

4. Орналастырылуы Су Кодексінің 86 бабының ережелеріне қайшы келмейтін объектілер су объектілерінің, су қорғау аймақтары мен белдеулерінің ластануын, қоқыстануын және сарқылуын болғызбайтын, сондай-ақ судың зиянды әсерінің алдын алуды қамтамасыз ететін техникалық сумен жабдықтаудың тұйық (ағынсыз) жүйелерімен және (немесе) құрылысжайлармен және құрылғылармен қамтамасыз етілуге тиіс.

5. Су объектілеріндегі, су қорғау аймақтары мен белдеулеріндегі шаруашылық қызмет тәртібі бассейндік су инспекцияларымен, халықтың санитариялық-эпидемиологиялық саламаттылығы саласындағы мемлекеттік органмен, облыстың, республикалық маңызы бар қаланың, астананың жергілікті атқарушы органдарымен және өзге де мүдделі мемлекеттік органдармен келісілген жобалар шеңберінде айқындалады.

6. Көлік немесе инженерлік коммуникацияларды су объектілерінің аумағы арқылы салу жобалары тасқын сулардың өтуін, су объектілерін пайдалану режимін, сулардың ластануын, қоқыстануын және сарқылуын болғызбауды, олардың зиянды әсерінің алдын алуды қамтамасыз ететін іс-шаралар жүргізуді көздеуге тиіс.