Қазақстан Республикасының Жер кодексінің 19-бабының 1-1) тармақшасына, 69 бабының 4-тармағына және "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының Заңының 35-бабының 1-тармағы 6) тармақшасына сәйкес, Шұбарсу ауыл округінің әкімі ШЕШІМ ҚАБЫЛДАДЫ:
1. "Қазақтелеком" акционерлік қоғамының филиалы – Жобаларды басқару дирекциясына Шұбарсу ауыл округі, Шұбарсу ауылы, Қойтас көшесіне талшықты-оптикалық байланыс желісі құрылысы үшін жалпы көлемі 0,0156 га жер учаскесін, жердің меншік иелері мен жер пайдаланушылардан алып қоймастан жер учаскелеріне уақытша өтеусіз қысқа 3 (үш) жыл мерзімге қауымдық сервитут белгіленсін.
2. Осы шешімнің орындалуын бақылау Шұбарсу ауыл округі әкімінің орынбасары Ғ.Аманға жүктелсін.
3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Шұбарсу ауыл округі әкімінің міндетін атқарушы | М.Алдияров |
