"Республикалық немесе жергілікті бюджет есебінен ұсталатын мемлекеттік мекемелердің оларды өткізуден түскен ақша өз иелігінде қалатын тауарлары (жұмыстары, көрсетілетін қызметтері) тізбесінің сыныптауышын бекіту туралы" Қазақстан Республикасы Қаржы министрінің 2025 жылғы 6 мамырдағы № 219 бұйрығына өзгеріс енгізу туралы

Қазақстан Республикасы Қаржы министрінің 2025 жылғы 28 қазандағы № 639 бұйрығы

БҰЙЫРАМЫН:

1. "Республикалық немесе жергілікті бюджет есебінен ұсталатын мемлекеттік мекемелердің оларды өткізуден түскен ақша өз иелігінде қалатын тауарлары (жұмыстары, көрсетілетін қызметтері) тізбесінің сыныптауышын бекіту туралы" Қазақстан Республикасы Қаржы министрінің 2025 жылғы 6 мамырдағы № 219 бұйрығына мынадай өзгеріс енгізілсін:

көрсетілген бұйрықпен бекітілген Республикалық немесе жергілікті бюджет есебінен ұсталатын мемлекеттік мекемелердің оларды өткізуден түскен ақша өз иелігінде қалатын тауарлары (жұмыстары, көрсетілетін қызметтері) тізбесінің сыныптауышында:

"Қазақстан Республикасы Жоғары Сот Кеңесінің жанындағы Сот төрелігі академиясы" республикалық мемлекеттік мекемесі көрсететін қызметтер" бөлімі мынадай редакцияда жазылсын:

"

"Қазақстан Республикасы Жоғары Сот Кеңесінің жанындағы Сот төрелігі академиясы" республикалық мемлекеттік мекемесі көрсететін қызметтер
РБ	04	5	107	002	100	A05	Қосымша білім беру бағдарламаларын іске асыру	1) оқу және материалдық-техникалық базаны нығайту; 2) ақылы көрсетілетін қызметтер мен жұмыстарды өткізуге қатысатын профессорлық-оқытушы құрамның, мамандар мен қызметкерлердің еңбегіне ақы төлеу; 3) профессорлық-оқытушылық құрамның, мамандардың қызметкерлердің біліктілігін арттыру; 4) форумдар, семинарлар, конференциялар, оқыту тренингтері, дөңгелек үстелдер және имидждік іс-шаралар өткізуге көрсетілетін қызметтерге ақы төлеу; 5) ғылыми зерттеулер мен басқа да іс-шараларды жүргізу үшін шығыс материалдарын, жабдықтар мен бағдарламалық қамтамасыз етуді сатып алу; 6) зерттеулер бойынша көрсетілетін қызметтерге ақы төлеу, ғылыми зерттеулердің нәтижелерін жариялау, оның ішінде ғылыми еңбектерді, оқу құралдарын редакциялау; 7) оқыту, зерттеулер және онымен байланысты іс-шаралар үшін үй-жайларды, жабдықтарды және техниканы жалдау; 8) конференциялар, семинарлар, дөңгелек үстелдер, конкурстар, турнирлер, жарыстар аясында кофе-брейктер өткізу, кәдесый өнімдерін, естелік сыйлықтар сатып алу; 9) Қазақстан Республикасының заңнамасында белгіленген іссапар шығыстарын өтеу нормалары шегінде зерттеулер жүргізуге, ғылыми конференцияларға, семинарларға, көрмелерге және басқа да іс-шараларға қатысуға байланысты іссапарлар; 10) аударма қызметтерін сатып алу; 11) тауарларды (ағымдағы шаруашылық мақсаттарға арналған заттар мен материалдарды, оның ішінде дәрілік заттар мен медициналық мақсаттағы өзге де бұйымдарды сатып алуға, отын, жанар-жағармай материалдарын сатып алуға), жұмыстарды (ғимаратқа қызмет көрсету, ағымдағы жөндеу) және көрсетілетін қызметтерді (коммуналдық қызметтер, байланыс қызметтері, көлік қызметтері, ақпараттандыру саласындағы жұмыстар мен көрсетілетін қызметтерге ақы төлеу) сатып алуға арналған қосымша шаруашылық шығыстар; 12) қызметкерлерге үстемеақылар мен қосымша ақылар белгілеу, сыйлықақы беру, қызметкерлерге әлеуметтік және материалдық көмек көрсету; 13) "Қазақстан Республикасы Жоғары Сот Кеңесінің жанындағы Сот төрелігі академиясын қызметтік автомобильдермен, телефон байланысымен, кеңсе жиһазымен және мемлекеттік мекеменің аппаратын орналастыруға арналған алаңдармен қамтамасыз етудің заттай нормаларын бекіту туралы" Қазақстан Республикасы Жоғарғы Сот Кеңесі Төрағасының 2024 жылғы 19 желтоқсандағы № 1-9/68 өкімімен бекітілген заттай нормаларға көлік құралдарын сатып алу; 14) баспа және полиграфиялық өнімдерді дайындау мақсатында көрсетілетін қызметтерді, шығыс материалдары мен жабдықтарды сатып алу; 15) Академияның ғылыми еңбектерін, журналдарын шығаруға байланысты шығыстар (111, 112, 113, 116, 121, 122, 124, 131, 135, 142, 144, 149, 151, 152, 153, 154, 156, 157, 158, 159, 161, 162, 169, 413, 414, 416, 419).	Білім туралы заңның 63-бабының 3-тармағы, "Қазақстан Республикасы Жоғары Сот Кеңесі жанындағы Сот төрелігі академиясының тауарларды (жұмыстарды, көрсетілетін қызметтерді) өткізу бойынша ақылы қызмет түрлерін көрсетуі және тауарларды (жұмыстарды, көрсетілетін қызметтерді) өткізуден түскен ақшаны жұмсауы қағидаларын бекіту туралы" Қазақстан Республикасының Жоғары Сот Кеңесінің хатшысы-аппарат басшысының 2024 жылғы 10 қазандағы № 1-9/43 өкімі.
РБ	04	5	107	002	100	A06	Жоғары оқу орнынан кейінгі білім беру бағдарламаларын іске асыру	Сол сияқты	Сол сияқты
РБ	04	5	107	002	100	A07	Түрлі іс-шараларды ұйымдастыру және өткізу: семинарлар, кеңестер, конференциялар, спорттық жарыстар	Сол сияқты	Сол сияқты
РБ	04	5	107	002	100	A08	Оқу-әдістемелік әдебиеттерді әзірлеу және (немесе) іске асыру	Сол сияқты	Сол сияқты
РБ	04	5	107	002	100	A09	Ғылыми зерттеулер жүргізу	Сол сияқты	Сол сияқты
РБ	04	5	107	002	100	А95	Академияның ғылыми басылымдарында ғылыми мақалалар жариялау және баспа қызметін жүзеге асыру	Сол сияқты	Сол сияқты

".

2. Қазақстан Республикасы Қаржы министрлігінің Бюджет заңнамасы департаменті Қазақстан Республикасының заңнамасында белгіленген тәртіппен:

1) осы бұйрықтың көшірмесін қазақ және орыс тілдерінде Қазақстан Республикасының нормативтік құқықтық актілерін эталондық бақылау банкіне ресми жариялау және енгізу үшін Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;

2) осы бұйрықты Қазақстан Республикасы Қаржы министрлігінің интернет-ресурсында орналастыруды қамтамасыз етсін.

3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Қаржы министрі

М. Такиев