"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 27, 37-баптарына, "Сауда қызметін реттеу туралы" Қазақстан Республикасы Заңының 8-бабына, Қазақстан Республикасы Ұлттық экономика министрінің м.а. 2015 жылғы 30 наурыздағы № 282 бұйрығымен бекітілген Әлеуметтік маңызы бар азық-түлік тауарларына бөлшек сауда бағаларының шекті мәндерін және оларға бөлшек сауда бағаларының шекті рұқсат етілген мөлшерін белгілеу қағидаларының 7-тармағына сәйкес, Алматы облысының әкімдігі ҚАУЛЫ ЕТЕДІ:
1. Алматы облысы бойынша 2025 жылғы ІII тоқсанға арналған әлеуметтік маңызы бар азық-түлік тауарлары үшін бөлшек сауда бағаларының шекті мәндері осы қаулының қосымшасына сәйкес белгіленсін.
2. "Алматы облысының кәсіпкерлік және индустриялық-инновациялық даму басқармасы" мемлекеттік мекемесі Қазақстан Республикасының заңнамасында белгіленген тәртіппен:
1) осы қаулыға қол қойылған күннен бастап бес жұмыс күні ішінде оның қазақ және орыс тілдеріндегі электрондық түрдегі көшірмесін Қазақстан Республикасының нормативтік құқықтық актілерін Эталондық бақылау банкінде жариялау үшін "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберілуін;
2) осы қаулының Алматы облысы әкімдігінің интернет-ресурсында орналастырылуын қамтамасыз етсін.
3. Осы қаулының орындалуын бақылау Алматы облысы әкімінің жетекшілік ететін орынбасарына жүктелсін.
4. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Облыс әкімі | М. Сұлтанғазиев |
| Алматы облысы әкімдігінің 2025 жылғы 29 шілдедегі № 233 қаулысына қосымша |
Алматы облысы бойынша 2025 жылғы ІII тоқсанға арналған әлеуметтік маңызы бар азық-түлік тауарлары үшін бөлшек сауда бағаларының шекті мәндері
Р/с | Тауар атауы | Өлшем бірлігі | Әлеуметтік маңызы бар азық-түлік тауарлар бағасының шекті мәндері (теңге) |
1 | Тазартылған күріш (домалақ дәнді, өлшеніп салынатын) | кг | 557 |
2 | Бірінші сұрыпты бидай ұны | кг | 298 |
3 | Қарақұмық жармасы (дән, өлшеніп салынатын) | кг | 281 |
4 | Бірінші сортты ұннан жасалған бидай наны (пішінді) | кг | |
5 | Рожки (өлшеніп салынатын) | кг | 355 |
6 | Сиыр еті (сүйекті жауырын-төс бөлігі) | кг | 3491 |
7 | Тауық еті (сан сүйек және іргелес жұмсақ еті бар сан жілік) | кг | 1612 |
8 | Пастерленген сүт, майлылығы 2,5%, жұмсақ қаптамада | литр | 528 |
9 | Майлылығы 2,5% айран, жұмсақ қаптамада | литр | 538 |
10 | Сүзбе: майлылығы 5-9% | кг | 2710 |
11 | Тауық жұмыртқасы (I санатты) | он дана | 712 |
12 | Сары май (тұздалмаған, майлылығы кемінде 72,5%, толықтырғыштар және өсімдік майлары жоқ) | кг | 4930 |
13 | Күнбағыс майы | литр | 981 |
14 | Ақ қауданды қырыққабат | кг | 286 |
15 | Басты пияз | кг | 297 |
16 | Асханалық сәбіз | кг | 347 |
17 | Картоп | кг | 362 |
18 | Ақ қант – құмшекер | кг | 493 |
19 | Ac тұзы ("Экстра"-дан басқа) | кг | 96 |
