Қазақстан Республикасы Су кодексінің 25-бабының 2-тармағы 12) тармақшасына, "Қазақстан Республикасы Өнеркәсіп және құрылыс министрлігінің кейбір мәселелері" Қазақстан Республикасы Үкіметінің 2023 жылғы 4 қазандағы № 864 қаулысымен бекітілген Қазақстан Республикасы Өнеркәсіп және құрылыс министрлігі туралы Ереженің 15-тармағының 443) тармақшасына сәйкес, БҰЙЫРАМЫН:
1. Қоса беріліп отырған елді мекендердің сумен жабдықтау және су бұру жүйелерін пайдалану қағидалары бекітілсін.
2. Мына бұйрықтардың күші жойылды деп танылсын:
1) "Елді мекендердің сумен жабдықтау және су бұру жүйелерін пайдалану қағидаларын бекiту туралы" Қазақстан Республикасы Ұлттық экономика министрінің 2015 жылғы 28 ақпандағы № 163 бұйрығы (Нормативтік құқықтық актілері мемлекеттік тіркеу тізілімінде № 10658 болып тіркелген);
2) "Елді мекендердің сумен жабдықтау және су бұру жүйелерін пайдалану қағидаларын бекіту туралы" Қазақстан Республикасы Ұлттық экономика министрінің 2015 жылғы 28 ақпандағы № 163 бұйрығына өзгеріс енгізу туралы" Қазақстан Республикасы Индустрия және инфрақұрылымдық даму министрінің міндетін атқарушының 2023 жылғы 5 мамырдағы № 325 бұйрығы (Нормативтік құқықтық актілері мемлекеттік тіркеу тізілімінде № 32460 болып тіркелген).
3. Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасының Өнеркәсіп және құрылыс министрлігінің интернет-ресурсында орналастыруды қамтамасыз етсін.
4. Осы бұйрықтың орындалуын бақылау жетекшілік ететін Қазақстан Республикасының Өнеркәсіп және құрылыс вице-министріне жүктелсін.
5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Өнеркәсіп және құрылыс министрі |
Е. Нагаспаев |
"КЕЛІСІЛДІ"
Қазақстан Республикасы
Қаржы министрлігі
"КЕЛІСІЛДІ"
Қазақстан Республикасы
Ұлттық экономика министрлігі
| Қазақстан Республикасының Өнеркәсіп және құрылыс министрінің 2025 жылғы 29 тамыздағы № 340 бұйрығына қосымша |
Елді мекендердің сумен жабдықтау және су бұру жүйелерін пайдалану қағидалары
1. Жалпы ережелер
1. Осы елді мекендердің сумен жабдықтау және су бұру жүйелерін пайдалану қағидалары (бұдан әрі - Қағидалар), Су кодексінің 25-бабы 2-тармағының 12) тармақшасына, "Қазақстан Республикасы Өнеркәсіп және құрылыс министрлігінің кейбір мәселелері" Қазақстан Республикасы Үкіметінің 2023 жылғы 4 қазандағы № 864 қаулысымен бекітілген Қазақстан Республикасы Өнеркәсіп және құрылыс министрлігі туралы Ереженің 15-тармағының 443) тармақшасына сәйкес әзірленді және сумен жабдықтау және су бұру қызметтерін ұсыну және алу кезінде олардың теңгерімдік тиістілігіне қарамастан елді мекендерді сумен жабдықтау және су бұру (бұдан әрі – сумен жабдықтау және су бұру жүйелері) жүйелерін пайдалану тәртібін айқындайды.
2. Осы Қағидаларда мынадай ұғымдар пайдаланылады:
1) авария - тоқтатуға әкеп соққан сумен жабдықтау және (немесе) су бұру жүйелерінің немесе олардың жекелеген құрылыстарының, желілерінің, жабдықтарының, құрылғыларының зақымдануы немесе істен шығуы не адамдардың өмірі мен денсаулығына қауіп төндіретін, қоршаған ортаға, жеке және заңды тұлғалардың мүлкіне зиян келтіретін сумен жабдықтау және су бұру қызметтері көлемінің, ауыз су сапасының төмендеуі;
2) ауызсу - сапасы жағынан белгіленген ұлттық стандарттар мен гигиеналық нормативтерге сай келетін, ауыз су мен шаруашылық-тұрмыстық мұқтаждықтарды қанағаттандыруға арналған, табиғи күйдегі немесе өңделгеннен кейінгі су;
3) бақылау құдығы – су тұтынушының сарқынды суларының сынамаларын іріктеп алуға және олардың көлемін есепке алуға арналған су бұру жүйесіне қосу алдындағысу тұтынушының су бұру желісіндегі соңғы құдық;
4) суды есепке алу аспабы – нормаланған метрологиялық сипаттамалары бар, Қазақстан Республикасының Заңнамасында белгіленген тәртіппен қолдануға рұқсат етілген белгілі бір уақыт аралығы ішінде физикалық шама бірлігін қалпына келтіретін және сақтайтын су көлемін (ауыз су, техникалық, сарқынды және сулардың басқа да түрлері) өлшеуге арналған техникалық құрал;
5) есепке алу аспаптарын тексеру - есепке алу аспаптарының жай-күйін тексеру, оның техникалық талаптарға сәйкестігін анықтау және растау, көрсеткіштерді алу, сондай-ақ суды есепке алу аспабында және (немесе)суды есепке алу торабында пломбалардың болуын және тұтастығын анықтау үшін жеткізушінің өкілі орындайтын операциялардың жиынтығы;
6) елді мекендердің техникалық сумен жабдықтау жүйелері – ауыз суды үнемдеу, су тұтынушыларды ауыз суға, тамақ дайындауға немесе тамақ өнімдерін өндіруге арналмаған техникалық сумен қамтамасыз ету мақсаттарына арналған инженерлік желілер мен құрылыстар кешені;
7) қосалқы тұтынушы – жеткізушімен келісім болған кезде сумен жабдықтау және (немесе) су бұру жүйелеріне қосылған сумен жабдықтау және (немесе) су бұру жүйелері меншігінде немесе өзге де заңды негіздерде бар және жеткізушінің сумен жабдықтау және (немесе су бұру) қызметтерін пайдаланатын жеке немесе заңды тұлға;
8) сумен жабдықтау және (немесе) су бұру жөніндегі ұйым (бұдан әрі – жеткізуші) – елді мекендердегі оның теңгеріміндегі сумен жабдықтау және су бұру жүйелерін технологиялық және техникалық пайдалануды жүзеге асыратын су шаруашылығы ұйымы;
9) орталықтандырылған су бұру жүйелері - тазартылған сарқынды суларды су объектілеріне немесе сарқынды суларды жинақтағыштарға жинауға, тасымалдауға, тазартуға және ағызуға арналған елді мекеннің инженерлік желілері мен құрылыстарының кешені (бұдан әрі-су бұру жүйелері);
10) орталықтандырылмаған су бұру жүйелері – елді мекеннің орталықтандырылған су бұру жүйесіне технологиялық тұрғыдан қосылмаған жалғыз су тұтынушының немесе су тұтынушылар тобының су бұру жүйелері (қазылған шұңқырлар, септиктер, жергілікті тазарту құрылыстары).
11) жергілікті тазарту құрылыстары – су тұтынушының өз сарқынды суларын су бұру жүйесіне ағызар алдында тазартуға арналған құрылыстары мен құрылғыларының жиынтығы;
12) пайдалану жауапкершілігін бөлу шекарасы - тараптардың келісімімен белгіленетін міндеттер (оларды пайдалану жауапкершілігі) белгісі бойынша сумен жабдықтау және су бұру жүйелерінің элементтерін бөлу сызығы. Мұндай келісім болмаған кезде пайдалану жауапкершілігінің шекарасы теңгерімдік тиесілілігін бөлу шекарасы бойынша белгіленеді;
13) суды есепке алу торабы - ауыз, техникалық, сарқынды және басқа да су түрлерін есепке алуды қамтамасыз ететін өлшеу құралдары (суды есепке алу аспабы, шығын өлшегіш, манометр) және (немесе) құрылғылар жүйесіне арналған арнайы жабдықталған орын (тиекті арматура, өлшеу құралдарына дейінгі және одан кейінгі құбырлардың тікелей учаскелері, деректерді жинау және беру құрылғылары, қысымды реттегіш және басқа да құрылғылар түрлері)
14) су бұру желілері – сарқынды суларды бұруға және тарзартуға арналған құбыржолдар, коллекторлар, арналар және олардың құрылыстары жүйесі;
15) су бұру жүйесіне шығару - ғимараттан немесе құрылыстан су бұру желісіндегі бірінші құдыққа дейінгі құбыр;
16) су құбырын іске қосу - қосылу нүктесіндегі тиекті арматурасы бар құдықты қоса алғанда, сумен жабдықтаудың тарату желісінен ғимараттағы бірінші ысырмаға дейінгі құбыр;
17) сумен жабдықтау және (немесе) су бұру желілеріне өз бетінше қосылу-су тұтынушының елді мекеннің сумен жабдықтау және (немесе) су бұру желілерін сумен жабдықтау және (немесе) су бұру желілерімен технологиялық қосуға (қосуға) және сумен жабдықтау және (немесе) су бұру қызметтерін жеткізушінің тиісті рұқсатын алмай және (немесе) белгіленген тәртіпті бұза отырып пайдалануға бағытталған іс-әрекеттері.
18) сумен жабдықтау және (немесе) су бұру жүйелерін жоспарлы тексеру - өнім беруші жүргізетін су тұтынушы объектісінің нысаналы мақсатына сәйкестігін тексеруді қамтитын іс-шаралар.
19) сумен жабдықтау желілері - су алу нүктесінен су тұтынушыға дейін су беруге арналған құбырлар мен олардың құрылыстары жүйесі;
20) сумен жабдықтау және (немесе) су бұру жүйелерінің қорғау аймағы аймағы – сумен жабдықтау және (немесе) су бұру желілеріне және олардағы құрылыстарға іргелес жатқан, халықтың қауіпсіздігін қамтамасыз етуге және оларды қауіпсіз және үздіксіз пайдалануға қажетті жағдайлар жасауға арналған аумақ, оның шегінде оны белгілеу мақсаттарына сәйкес келмейтін қызмет түрлері шектелетін немесе тыйым салынатын аумақ;
21) сумен жабдықтау және (немесе) су бұру саласындағы желілерге қосылуға арналған техникалық шарттар (бұдан әрі – Техникалық шарттар) – қосылу үшін қажетті сумен жабдықтау және (немесе) су бұру жүйелері иесінің техникалық талаптарын белгілейтін құжат.
Техникалық шарттар су тұтынушыны сумен жабдықтау және (немесе) су бұру желілеріне қосуға (технологиялық қосуға) рұқсат болып табылмайды.
22) су тұтыну (су бұру) лимиті - бір адамның, жеке қосалқы шаруашылық жануарларының тәуліктік қажеттілігін қанағаттандыру үшін судың есептік мөлшері немесе нақты елді мекендегі суармалы ауданның бір бірлігіне арналған;
23) суды тұтыну (су бұру) лимиті - белгілі уақыт кезеңіне су тұтынушыға белгіленген су тұтынудың (су бұрудың) ең жоғарғы көлемі;
24) су тұтынушы - су беру және (немесе) сарқынды суларды бұру және тазарту жөніндегі су шаруашылығы ұйымдарының немесе су пайдаланушылардың қызметтерін пайдаланатын не ортақ су пайдалану тәртібімен су объектілерінен суды тұтынатын жеке немесе заңды тұлға.
25) теңгерімдік тиесілілігін бөлу шекарасы - меншік, шаруашылық жүргізу немесе жедел басқару белгілері бойынша иелері арасындағы сумен жабдықтау және су бұру жүйелерінің элементтерін бөлу сызығы.
3. Су тұтынушыларға сумен жабдықтау және (немесе) су бұру қызметтерін көрсету үздіксіз жүзеге асырылады. Сумен жабдықтау және (немесе) су бұру қызметтерін уақытша тоқтату және шектеу Қазақстан Республикасының Су кодексінде, сумен жабдықтау және (немесе) су бұру саласындағы қолданыстағы заңнаманың нормаларында және осы Қағидаларда белгіленген тәртіппен жүргізіледі.
4. Ауыз сумен жабдықтау қызметтерін көрсету кезінде халықты ауыз сумен қамтамасыз ету басымдылығы белгіленеді.
5. Су тұтынушылардың сумен жабдықтау және (немесе) су бұру жүйелерін пайдалануға мынадай жағдайларда жол берілмейді:
1) елді мекеннің сумен жабдықтау және (немесе) су бұру желілеріне техникалық шарттарды бұза отырып немесе олар болмаған кезде жалғанған кезде;
2) осы Қағидалардың 19-тармағында белгіленген сумен жабдықтау және (немесе) су бұру қызметтерін көрсетуге арналған шарттың қолданылу мерзімі өткеннен кейін пайдаланылатын заңды тұлғалар, сондай-ақ заңды тұлға құрмай жеке кәсіпкерлікті жүзеге асыратын жеке тұлғалар.
6. Су тұтынушы үш жұмыс күні ішінде Қазақстан Республикасы Ұлттық экономика министрінің 2021 жылғы 6 қаңтардағы № 3 бұйрығына (нормативтік құқықтық актілердің мемлекеттік тіркеу тізілімінде №22039 болып тіркелген) 3-қосымшада бекітілген сумен жабдықтау және (немесе) су бұру саласындағы табиғи монополиялар субъектілері қызметкерлерінің іс-қимылдарының нақты тәртібімен қызметтер көрсетудің Үлгілік регламентінің (бұдан әрі - Үлгілік регламент) 6-тармағында көзделген жағдайларда сумен жабдықтау және (немесе) су бұру желілеріне объектілерді қосуға арналған жаңа техникалық шарттарды алу үшін жеткізушіге жүгінеді.
7. Сумен жабдықтау және (немесе) су бұру жүйелерін жобалау және салу кезінде Тапсырыс беруші жобаны жеткізушімен келіседі.
8. Сумен жабдықтау және (немесе) су бұру бойынша көрсетілген қызметтер көлемінінің есебін жеткізуші Қазақстан Республикасы Су кодексінің 106-бабының 5-тармағына сәйкес тұрғын үй қатынастары және тұрғын үй-коммуналдық шаруашылық саласындағы уәкілетті орган бекіткен сумен жабдықтау және (немесе) су бұру бойынша көрсетілетін қызметтер көлемінің есебі әдістемесіне сәйкес жүргізеді.
9. Көрсетілген сумен жабдықтау және (немесе) су бұру қызметтері үшін төлемді қайта есептеуді өнім беруші су тұтынушының өтініші бойынша растайтын құжаттарды ұсынған жағдайда қайта есептеу үшін негіздеме басталған кезден бастап жүзеге асырады.
10. Елді мекеннің сумен жабдықтау жүйесінен ауызсуды техникалық қажеттіліктерге пайдаланатын су тұтынушылар - заңды тұлғалар, сондай-ақ заңды тұлға құрмай жеке кәсіпкерлікті жүзеге асыратын жеке тұлғалар, осы іс-шара негізделген кезде ауыз суды қайта пайдалану үшін айналымдық және (немесе) қайталама сумен жабдықтау жүйесін орнатады.
11. Елді мекеннің аумағын абаттандыру жұмыстарын жүргізу кезінде мердігер ұйымдар халықтың қауіпсіздігін қамтамасыз ету мақсатында жолдың жүру бөлігінде, тротуарларда және жасыл желектерде құдықтар, сумен жабдықтау және (немесе) су бұру жүйелерінің люктері болған кезде жұмыстарды жеткізушімен келіседі.
12. Жеткізуші сумен жабдықтау және су бұру жүйелерінде жасыл желектерді суаруға, аумаққа, жолдарға, тротуарлар мен өтпе жолдарға пайдаланылатын техникалық су пункттерін, көшелер мен алаңдарды жууды, сондай-ақ мамандандырылған автокөлікте орталықтандырылмаған су бұру жүйелерінен сарқынды суларды қабылдайтын сарқынды суларды ағызу станцияларын ұйымдастырады.
Қазақстан Республикасының Су кодексінің 25-бабы 2-тармағының 10) тармақшасына сәйкес тұрғын үй қатынастары және тұрғын үй-коммуналдық шаруашылық саласындағы уәкілетті орган бекітетін елді мекендердің сумен жабдықтау және су бұру жүйелерін мүліктік жалдауға (жалға алуға) немесе сенімгерлік басқаруға беру қағидаларына сәйкес техникалық су пункттері мен сарқынды суларды ағызу станциялары мүліктік жалдауға (жалға алуға, аутсорсингке) беріледі.
2-тарау. Елді мекендердің сумен жабдықтау және (немесе) су бұру жүйелерін пайдалану тәртібі
1-параграф. Сумен жабдықтау және (немесе) су бұру қызметтеріне арналған шарт
13. Сумен жабдықтау және (немесе) су бұру жөніндегі қызметтер "Табиғи монополиялар туралы" Қазақстан Республикасы Заңының 8-бабының 7) тармақшасына сәйкес бекітілетін сумен жабдықтау және (немесе) су бұру жөніндегі қызметтерді ұсынуға арналған үлгілік шартқа сәйкес жасалған жеткізуші мен су тұтынушы арасында жасалған шарт негізінде:
1) көппәтерлі тұрғын үйде тұратын жеке тұлға-су тұтынушының қалауы бойынша жазбаша жеке және (немесе) жария шарт нысанында;
2) жеке тұрғын үй құрылысында тұратын жеке тұлға және заңды тұлға, сондай-ақ заңды тұлға құрмай жеке кәсіпкерлікті жүзеге асыратын жеке тұлғамен-жазбаша жеке шарт нысанында ұсынылады.
Жеткізуші мен су тұтынушы арасындағы жария шарттың күшіне ену шарты шартты жеткізушінің ресми сайтында және бұқаралық ақпарат құралдарында жариялау болып табылады.
14. Өнім беруші мен су тұтынушылар арасында жазбаша нысанда жеке шарттар жасасуға қол қоюды, электрондық цифрлық қолтаңбаны, қарапайым электрондық қолтаңбаны факсимильді көшіру құралдарының тараптары куәландыра отырып, электрондық нысанда жол беріледі. Сондай-ақ мәміле жасауға ұялы байланыс операторы желісінің және абоненттік құрылғының техникалық мүмкіндіктерімен жол берілетін белгілі бір реттілікпен және көлемде терілген әріптерден және (немесе) сандардан және (немесе) символдардан тұратын қысқа мәтіндік хабарлама (SMS - хабарлама) алмасу теңестіріледі.
Шартты орындауға байланысты құжаттарға (актілерге) екі жақты қол қоюды Қағидалардың осы тармағының бірінші бөлігінде көрсетілген тәсілдермен қатар, қол қою планшет арқылы - абоненттік құрылғының (смартфонның, планшеттің) экраны бойынша саусақпен (стилуспен) оны сызу жолымен алынған қол қоюды жүзеге асыруға жол беріледі.
15. Техникалық мүмкіндік болмаған кезде Жеткізуші осы Қағидалардың 13-тармағында көрсетілген жеке шарттар мен екі жақты қол қойылған актілерге кейіннен оларды PDF-құжат түрінде су тұтынушының жеке кабинетіне салумен қағаз жеткізгіште қол қоюды қамтамасыз етеді.
Жеткізуші осы Қағидалардың 13-тармағының және осы тармағының шарттарына сәйкес жасалған электрондық нысандағы құжаттардың су тұтынушының жеке кабинетінде кемінде бес жыл кезеңге сақталуын қамтамасыз етеді.
Жеке кабинет өзіне-өзі қызмет көрсетудің, қызметтерді бақылау мен басқарудың, сондай-ақ су тұтынушы деректерді (дербес шот, пароль, код сөзі және (немесе) көп факторлы аутентификацияны қоса алғанда, өзге де деректер) енгізу арқылы қол жеткізуді жүзеге асыратын заңдық маңызы бар іс-әрекеттерді жасаудың автоматты интерфейсі бар жеткізуші пайдаланатын (меншік құқығында немесе өзге де құқықта) ақпараттандыру объектісінің интернет-ресурсындағы су тұтынушының дербес бөлімі болып табылады.
16. Жеткізушіге сумен жабдықтау және (немесе) су бұру қызметтері үшін, оның ішінде осындай орналастырудың (хабарламаның) күнтізбелік күнін және сақтау кезеңін автоматты түрде белгілей отырып, су тұтынушының жеке кабинетінде орналастырылған төлем құжаты арқылы Қазақстан Республикасының су заңнамасында көзделген іс-әрекеттерді жүзеге асыру қажеттігі туралы хабарлауға жол беріледі.
17. Жеткізуші мен су тұтынушы, жеке тұлға арасында сумен жабдықтау және (немесе) су бұру қызметтерін ұсынуға арналған шарт су тұтынушыдан өтініш негізінде (сумен жабдықтау және (немесе) су бұру қызметтерін ұсынуға арналған жеке шарт жасасқан жағдайда) ол сумен жабдықтау және су бұру жүйелеріне қосылған күнінен бастап жасалады.
18. Сумен жабдықтау және (немесе) су бұру жөніндегі қызметтерді көрсетуге шарт жасасу үшін су тұтынушы жеткізушіге Үлгілік регламентінің 22-тармағында белгіленген құжаттар тізбесін ұсынады.
19. Су тұтынушымен-заңды тұлғамен, сондай-ақ жеке кәсіпкерлікті заңды тұлға құрмай жүзеге асыратын жеке тұлғамен сумен жабдықтау және (немесе) су бұру жөніндегі қызметтерді көрсетуге арналған шарт жеткізушінің техникалық шарттардың талаптарына жауап беретін сумен жабдықтау және (немесе) су бұру жүйелерін пайдалануға берген сәттен бастап күнтізбелік он күн ішінде су тұтынушыдан өтінім негізінде жасалады .
20. Су тұтынушымен – заңды тұлғамен, сондай-ақ заңды тұлға құрмай жеке кәсіпкерлікті жүзеге асыратын жеке тұлғамен сумен жабдықтау және (немесе) су бұру қызметтерін көрсетуге арналған шарттың күші шартта сумен жабдықтау және (немесе) су бұру қызметтерімен шартта көрсетілген мерзімге қолданылады.
21. Сумен жабдықтау және (немесе) су бұру жөніндегі қызметтерге жеткізушімен, су тұтынушы заңды тұлғамен, сондай-ақ заңды тұлға құрмай жеке кәсіпкерлік қызметті жүзеге асыратын жеке тұлғмена шарт жасасу үшін, Үлгілік регламентінің 22-тармағында көзделген құжаттар тізбесіне қосымша мынадай құжаттарды ұсынады:
қосалқы тұтынушылар және олардың сумен жабдықтау және (немесе) су бұру объектілері туралы деректер (олар болған кезде);
қосалқы тұтынушылардың су тұтыну және (немесе) су бұру көлемдері туралы мәліметтер (олар болған кезде);
су тұтыну және су бұру көлемін есептеу үшін негіз болып табылатын деректер.
Сондай-ақ, ауыз суды техникалық және технологиялық қажеттіліктер үшін пайдаланатын, сондай-ақ өндірістік ағынды суларды ағызатын кәсіпорындар жеткізушіге мыналарды ұсынады:
айналмалы сумен жабдықтау жүйелеріне және жергілікті тазарту құрылыстарына арналған техникалық және (немесе) пайдалану құжаттамасы;
ағынды сулардағы зиянды заттардың рұқсат етілген шоғырлануының жобалық шамалары жергілікті тазарту құрылыстары су бұру жүйесіне шығарылымдардан өткенге дейін және өткеннен кейін орташа және ең жоғары саны бойынша;
22. Су тұтынушыдан – заңды тұлғадан, сондай-ақ заңды тұлға құрмай жеке кәсіпкерлікті жүзеге асыратын жеке тұлғадан сумен жабдықтау және (немесе) су бұру қызметтерін ұсынуға шарт жасасуға өтінім алған кезде, сондай-ақ су тұтынушы объектілері туралы деректердің өзгергені туралы жазбаша хабарлама алған кезде жеткізуші бес жұмыс күні ішінде су тұтынушының сумен жабдықтау және (немесе) су бұру жүйелерінің берілген техникалық шарттарға сәйкестігіне тексеру жүргізеді.
23. Объекті жаңа иеленушіге ауысқан кезінде сумен жабдықтау және (немесе) су бұру жөніндегі қызметтерді көрстеуге шарт жасасу үшін су тұтынушы меншік құқығын не мүлікті иелену мен пайдаланудың өзге де заңды негіздері мемлекеттік тіркелген күннен бастап күнтізбелік он күн ішінде жеткізушіге жүгінеді.
24. Су тұтынушымен – заңды тұлғамен, сондай-ақ жеке кәсіпкерлікті заңды тұлға құрмай жүзеге асыратын жеке тұлғамен шарт жасасу кезінде жеткізуші оған мынадай қосымшаларды жасайды:
екі тарап қол қоятын сумен жабдықтау және (немесе) су бұру желілерінің атқарушы схемасына сәйкес орындалған, жеткізуші мен су тұтынушының пайдалану жауапкершілігін бөлу шекараларының актісі;
екі тарап қол қоятын су тұтынушы объектілерін зерттеу деректері негізінде орындалған су тұтыну көлемдерінің есебі;
екі тарап қол қоятын тұрғын үй қатынастары және тұрғын үй-коммуналдық шаруашылық саласындағы уәкілетті орган бекітетін елді мекендерді сумен жабдықтау және (немесе) су бұру қызметтерінің көлемін есептеу әдістемесіне сәйкес қайтарымсыз жоғалған судың көлемін ескере отырып, су бұру жүйелеріне жіберуге жол берілетін су бұру көлемдерінің есебі;
екі тарап қол қоятын, тұрғын үй қатынастары және тұрғын үй-коммуналдық шаруашылық саласындағы уәкілетті орган бекіткен елді мекендердің су бұру жүйелеріне сарқынды суларды қабылдау қағидаларына сәйкес есептелген, жеткізушінің су бұру жүйелеріне ағызылуға жататын сарқынды сулардың сапалық құрамы,.
Шарт су тұтынушы объектісін сумен жабдықтау және (немесе) су бұру жүйелеріне қосуға өтініш берілген күннен бастап күнтізбелік 15 күн ішінде жасалады.
2. параграф. Сумен жабдықтау және (немесе) су бұру жөніндегі қызметтерді ұсыну, шектеу және тоқтату тәртібі
25. Сумен жабдықтау және (немесе) су бұру жүйелерін пайдалану кезінде:
сумен жабдықтау және (немесе) су бұру желілері мен олардағы құрылыстардың үстіне әртүрлі материалдар мен заттарды жинауға, қоқыс жинауға;
сумен жабдықтау және (немесе) су бұру желілері мен олардағы құрылыстардың үстінде тұрақты және уақытша құрылыстар салуға;
жеткізушінің келісімінсіз сумен жабдықтаудың және (немесе) су бұрудың сыртқы желілерінде жұмыстарды орындауға;
шүмектегі судың тұрақты ағуы үшін ішкі су құбыры жүйесіндегі крандарды ашуға;
жабдықты тікелей ағынды схема бойынша салқындату үшін ауыз суды пайдалануға;
үй жануарларын суаруға, су жинау колонкаларының жанында автомашиналар мен тұрмыстық заттарды жууға, оларға құбырлар мен шлангтарды қосуға, сондай-ақ халықтың санитариялық-эпидемиологиялық саламаттылығы саласындағы нормативтік құқықтық актілердің талаптарына, гигиеналық нормативтерге және Қазақстан Республикасының заңнамасына қайшы келетін басқа да іс-әрекеттер жүргізуге;
сумен жабдықтаудың уақытша желілерін су жинағыштар мен гидранттардың тұрақтарына қосуға;
су бұру желісіне қар мен мұз сынықтарын, дәрі-дәрмектерді, химиялық заттарды, мұнай өнімдерін, ерімейтін материалдарды (жеке гигиена құралдары мен жаялықтарды, тамақ және ас үй қалдықтарын, тұрмыстық және құрылыс қоқыстарын) төгіп тастауға жол берілмейді.
26. Сумен жабдықтаудың және (немесе) су бұрудың уақытша желілерін пайдалануға оларға қосылған күннен бастап 1 жылдан аспайтын мерзімге жол беріледі.
27. Объектіні салу кезеңінде жеткізушіден алынған техникалық шарттар және сумен жабдықтау және (немесе) су бұру қызметтерін көрстеуге жасалған шарт негізінде сумен жабдықтау және (немесе) су бұрудың уақытша желілерін пайдалануға жол беріледі.
Сумен жабдықтаудың және (немесе) су бұрудың уақытша желілері объектінің құрылысы аяқталғаннан кейін жойылуға жатады.
28. Жасыл желектерді, аумақтарды, жолдарды, тротуарлар мен өтпе жолдарды суаруға, көшелер мен алаңдарды жууға техникалық суды пайдалану мүмкіндігі болмаған кезде, Кодекстің 45-бабына сәйкес алынған арнайы су пайдалануға рұқсатқа сәйкес ауыз суды пайдалануға рұқсат етіледі, жеткізушімен келісім бойынша суару уақыты, арнайы суару құрылғыларын қосу орындары және су алу пункттері белгіленеді.
29. Тұрғын үйлерге (тұрғын ғимараттарға) кірістірілген-жапсарлас салынған су тұтынушылардың үй-жайларын сумен жабдықтау жүйесіне қосу бақылау құдығын орнату арқылы жүзеге асырылады.
Тұрғын үйлерге (тұрғын ғимараттарға) кірістірілген-жапсарлас салынған су тұтынушылардың үй-жайлары су бұру жүйесіне дербес шығарумен жабдықталады.
Тұрғын үйлерге (тұрғын ғимараттарға) кірістірілген-жапсарлас салынған қоғамдық тамақтану және кір жуу, химиялық тазалау үй-жайлары су бұру жүйесіне бақылау құдығы бар дербес шығарумен жабдықталады.
30. Елді мекеннің сумен жабдықтау және (немесе) су бұру жүйелеріне су тұтынушының жаңадан салынған сумен жабдықтау және (немесе) су бұру желілерін қосу жөніндегі жұмыстар оларға берілген техникалық шарттар негізінде жеткізуші өкілінің қатысуымен оның қаражаты есебінен орындалады.
31. Сумен жабдықтау және (немесе) су бұру жүйелерін қайта орналастыру және (немесе) тұтынылатын сумен жабдықтау және (немесе) су бұру қызметтерінің шарттық көлемдерін өзгерту жеткізушімен келісу кезінде жүргізіледі. Су тұтынушы жүгінген кезде жеткізуші он жұмыс күні ішінде пайдалану жауапкершілігінің шекараларын бөлу актісіне, су тұтынушының су тұтыну және (немесе) су бұру көлемдерінің есептеулеріне тиісті өзгерістер енгізеді.
Су тұтынушының осы тармақтың бірінші бөлігін орындамауы техникалық шарттарды бұзуға әкеп соғады.
32. Су тұтынушының гидранттары мен крандарын, сондай-ақ айналма желісі мен ондағы суды есепке алу аспаптарына дейін қосылған бекіту арматурасын жеткізушінің өкілі жабық күйінде пломбылайды.
33. Айналма желілердің, гидранттар мен крандардың тиекті арматурасының пломбаларын алу, гидранттардың жұмыс жағдайын тексеру өртке қарсы қызмет өкілі жасаған актіні кейіннен ұсына отырып, өрт сөндіруді қоспағанда, жеткізушімен келісілгеннен кейін жүзеге асырылады.
Жұмыстар аяқталғаннан кейін су тұтынушы бір жұмыс күні ішінде жеткізушіге қайтадан пломбылауға өтінім береді. Өнім беруші су тұтынушыдан өтінім келіп түскен сәттен бастап екі жұмыс күні ішінде қайта пломбалауды жүргізеді.
34. Өнім беруші су тұтынушының сумен жабдықтау және (немесе) су бұру жүйелеріне жоспарлы тексерулер, нормативтік техникалық құжаттар мен нормативтік құқықтық актілерге сәйкестігіне зерттеулер жүргізу үшін сарқынды судың сынамаларын іріктеп алуды жүргізеді.
Жеткізуші 15 күнтізбелік күн бұрын су тұтынушыға жоспарлы тексерулердің жүргізілгені туралы хабарлайды.
35. Су тұтынушы сумен жабдықтау және (немесе) су бұру жүйелерін қарау (тексеру), айналма желідегі су мен пломбаларды есепке алу торабын тексеру, бақылау құдықтарынан сарқынды сулардың сынамаларын алу үшін, сондай-ақ су тұтынушының аумақ арқылы өтетін сумен жабдықтау және (немесе) су бұру жүйелерін қарау және пайдалану жұмыстарын жүргізу үшін өнім беруші өкілдерінің қол жеткізуін қамтамасыз етеді.
36. Жүргiзiлген iс-әрекеттер және тексеру кезiнде анықталған су тұтынушының сумен жабдықтау және (немесе) су бұру жүйелерiнде пайдалану тәртiбiн бұзу фактiлерi туралы жеткiзушiнiң өкiлi екi тарап қол қоятын тиiстi акт жасайды.
Су тұтынушы немесе оның өкілі қол қоюдан бас тартқан жағдайда, оны кемінде үш адамнан тұратын жеткізуші өкілдерінен тұратын комиссия ресімдеген жағдайда акт жарамды деп есептеледі. Актіде су тұтынушының қол қоюдан бас тарту фактісі тіркеледі, бұл, оның ішінде фотоға түсірумен және (немесе) бейнетіркеумен расталады.
37. Жеткізушінің өкілі сумен жабдықтау және (немесе) су бұру жүйелеріне жіберілмеген кезде, оның ішінде оларды қарау, су сынамаларын алу және оның құзыретіне кіретін іс-әрекеттерді жүзеге асыру үшін жіберілмеген уақыты, күні, орны, себептері көрсетіле отырып, осы Қағидаларға қосымшаға сәйкес акт жасалады.
Қажет болған кезде, актіге су тұтынушының сумен жабдықтау және (немесе) су бұру жүйелеріне қол жеткізуге жеткізуші өкілдерінің дәлелдемелері (су тұтынушыны хабарландыру, келіссөздердің аудио-, бейне жазбаларын жүргізу туралы, объектіге келуін растау) қоса беріледі.
Қағидалардың осы тармағында көзделген тәртіппен жасалған акт су тұтынушы жазбаша дәлелді қарсылық ұсынбаған кезде ол жасалған күннен бастап үш жұмыс күні өткен соң жарамды деп танылады.
38. Су тұтынушы жеткізушіге олардың жұмысының техникалық және технологиялық бұзылуына әкеп соғатын пайдалану жауапкершілігінің шекараларын бөлу шегінде оның сумен жабдықтау және (немесе) су бұру жүйелеріндегі барлық зақымданулар мен ақаулар туралы дереу хабарлайды.
39. Ауыз сумен жабдықтау көзіндегі су сапасының нашарлау жағдайлары, сумен жабдықтау және (немесе) су бұру жүйелеріндегі авариялар туралы жеткізуші халықтың санитариялық-эпидемиологиялық саламаттылығы саласындағы мемлекеттік орган ведомствосының аумақтық бөлімшесін, сондай-ақ су қорын пайдалану мен қорғау және қоршаған ортаны қорғау саласындағы уәкілетті органдарды бір тәулік ішінде дереу хабардар етеді.
40. Осы Қағидалардың 41-тармағында көзделген негіздер бойынша тоқтатылған сумен жабдықтау және (немесе) су бұру қызметтерін көрсетуді жаңғыртуды (қалпына келтіруді) қызметтер көрсетуді тоқтата тұруға әкеп соққан бұзушылықтар жойылған күні жеткізуші жүргізеді.
41. Жеткізуші су тұтынушының ескертуінсіз сумен жабдықтау және (немесе) су бұру қызметтерін көрсетуді тоқтата тұрады:
1) сумен жабдықтау және (немесе) су бұру объектілерін энергиямен жабдықтау авариялық тоқтату кезде;
2) елді мекендердің орталықтандырылған сумен жабдықтау және су бұру жүйелерінде авария туындаған және (немесе) авария салдары жойылған кезде;
3) халықтың санитариялық-эпидемиологиялық саламаттылығы саласындағы мемлекеттік органның аумақтық бөлімшелері ауыз су сапасының халықтың санитариялық-эпидемиологиялық саламаттылығы саласындағы нормативтік құқықтық актілердің талаптарына сәйкес келмейтініні анықтаған кезде;
4) өртті сөндіру үшін берілетін су көлемін ұлғайту қажет болған кезде;
5) орталықтандырылған су бұру жүйесіне тастауға тыйым салынған заттарды, материалдарды, қалдықтарды және (немесе) сарқынды суларды төгу кезінде;
6) халықтың санитариялық-эпидемиологиялық саламаттылығы саласындағы мемлекеттік органның аумақтық бөлімшесінің және (немесе) қоршаған ортаны қорғау саласындағы уәкілетті орган ведомствосының ауыз су сапасының, сарқынды сулар құрамының Қазақстан Республикасы заңнамасының талаптарына сәйкестігін қамтамасыз етуге бағытталған іс-шараларды орындау қажеттілігі туралы нұсқамасын немесе тиісті шешімін алған кезде;
7) елді мекендердің орталықтандырылған сумен жабдықтау және (немесе) су бұру жүйелеріне өз бетінше қосылу (технологиялық қосылу) кезінде;
8) Қазақстан Республикасының экологиялық заңнамасында белгіленген елді мекеннің тазарту құрылыстарынан сарқынды сулардың төгінділерінің шекті жол берілетін нормативтеріне сәйкес айқындалған зиянды заттардың жіберілетін концентрациялары бірнеше рет үш және одан да көп еселенген кезде;
9) Қазақстан Республикасының Денсаулық сақтау саласындағы заңнамасына сәйкес су тұтынушыда (тұрмыстық тұтынуды қоспағанда) өндірістік бақылау жүйесі болмаған кезде;
10) су тұтынушының немесе жеткізушінің сумен жабдықтау және (немесе) су бұру желілерінің авариялық жай-күйі кезінде тоқтата тұрады.
42. Жеткізуші тұтынушыларды күнтізбелік үш күн бұрын хабардар ете отырып, сумен жабдықтау және (немесе) су бұру қызметтерін көрсетуді шектейді:
1) су тұтынушылар жеткізуші өкілдерін сарқынды сулардан сынама алу үшін бақылау кәріз құдықтарына, сондай-ақ суды есепке алу аспаптарының көрсеткіштерін тексеру, бақылау, алу үшін су тұтынушылардың суды есепке алу тораптарына жіберуіне кедергі келтірген кезде;
2) Жаңа объектілерді қосу (технологиялық қосу) жөніндегі жұмыстарды жүргізу кезінде;
3) жоспарлы-алдын ала жөндеу жүргізу, сумен жабдықтау және су бұру жүйелеріне қызмет көрсету, су тұтынушы қосылған сумен жабдықтау желілерін дезинфекциялау кезінде;
4) Су тұтынушыда Қазақстан Республикасы Ұлттық экономика министрінің 2019 жылғы 24 маусымдағы № 58 бұйрығымен бекітілген (нормативтік құқықтық актілері мемлекеттік тіркеу тізілімінде № 18889 болып тіркелген) сумен жабдықтауға және (немесе) су бұруға арналған үлгі шартқа сәйкессумен жабдықтау және (немесе) су бұру бойынша көрсетілген қызметтерге ақы төлеу бойынша берешегі болған кезде;
5) осы Қағидаларға қосымшаға сәйкес сумен жабдықтау және (немесе) су бұру қызметтерін көрсетуді қарау актісінде және тоқтата тұру актісінде көрсетілген анықталған ақаулар мен бұзушылықтарды жою жөніндегі жеткізушінің жазбаша талаптары орындалмаған кезде;
6) осы Қағидаларға қосымшаға сәйкес жеткізуші мен су тұтынушы арасында жасалған бірлескен құжатпен расталған коммерциялық есептен шығарылған суды есепке алу аспаптарын тексеруден және ауыстырудан бас тартқан кезде;
7) тұрғын үй қатынастары және тұрғын үй-коммуналдық шаруашылық саласындағы уәкілетті орган бекіткен сумен жабдықтау және (немесе) су бұру бойынша көрсетілген қызметтер көлемдерін есептеу әдістемесінде белгіленген бұзушылықтар анықталған кезде шектейді.
43. Осы Қағидалардың 41-тармағының 1), 2), 3), 4), 7), және 10) тармақшаларында, сондай-ақ 42-тармағының 2) және 3) тармақшаларында көзделген негіздер бойынша сумен жабдықтау және (немесе) су бұру қызметтерін көрсету толық тоқтатыла тұрған кезде, жеткізуші сумен жабдықтау және (немесе) су бұру қызметтерін тұрақты режимде қалпына келтіргенге дейін коммуналдық-тұрмыстық қажеттіліктеріне қарай қанағаттандыру үшін халықты уақытша сумен жабдықтауды ұйымдастыру бойынша шаралар қабылдайды.
44. Жеткізуші мен су тұтынушы өзінің пайдалану жауапкершілігін бөлу шекарасы шегінде осы Қағидалардың 45 және 46-тармақтарында белгіленген талаптарға сәйкес сумен жабдықтаудың және (немесе) су бұрудың меншікті жүйелерінің сақталуын және тиісті санитарлық және техникалық жай-күйін қолдайды.
45. Пайдалану жауапкершілігі жеткізуші мен су тұтынушы үшін:
ҚР ҚН 1.04-07-2001 "Су құбыры-кәріз желілері мен құрылыстарына жоспарлы-алдын алу жөндеуді ұйымдастыру және жүргізу" сәйкес осы қызмет түрін жүзеге асыруға рұқсаты бар тұлғалардың сумен жабдықтау және (немесе) су бұру жүйелерінде жыл сайынғы жоспарлы-алдын алу жұмыстарын жүргізуі;
сумен жабдықтау және (немесе) су бұру жүйелерін тиісті техникалық және санитарлық жағдайда ұстауды қамтамасыз ету;
апаттылықты төмендету, суды ұтымсыз пайдалану және сумен жабдықтау және (немесе) су бұру жүйелерін қысқы кезеңге дайындау жөніндегі іс-шаралар;
сумен жабдықтау және (немесе) су бұру жүйелерінде жүргізілген жұмыстардан кейін бұзылған абаттандыруды қалпына келтіру;
аварияларды жою және судың ағып кетуін жою;
су бұру жүйелеріне ағызылатын сарқынды сулардың сапасын бақылауды қамтиды.
46. Су тұтынушы осы Қағидалардың 45-тармағына қосымша пайдалану жауапкершілігін бөлу шекарасы шегінде:
жазғы кезеңге орнатылған барлық уақытша сумен жабдықтау желілерін ажыратуды;
бұл ретте есептеу аспаптарының көрсеткіштерін кедергісіз алу мүмкіндігін қамтамасыз ете отырып, суды есепке алу торабын қатып қалудан қорғауды;
сумен жабдықтау және су бұру жүйелері орналасқан үй-жайларды жеткілікті жылу оқшаулауды;
шатыр үй-жайларында төселген су қысымды бактар мен құбырларды жылытуды;
су өлшегіш камераларда және өрт сөндіру гидранттары бар құдықтарда қос люктерді орнату немесе қақпақтарды жылыту;
ғимараттардың ішкі сумен жабдықтау және (немесе) су бұру желілері құбырларының түйіспелерінің герметикалығын тексеру, олардың тығыздығын жою, тексерулер мен тазартуларды жабу, қоршаған ауаның теріс температурасы бар үй-жайларда және учаскелерде пайдаланылатын құбырларды жылытуды қамтамасыз етеді.
47. Меншік, шаруашылық жүргізу, жедел басқару белгісі бойынша жеке тұрғын үйдің иесі немесе заңды тұлға болып табылатын жеткізуші мен су тұтынушының сумен жабдықтау және (немесе) су бұру желілері арасындағы теңгерімдік тиесілілікті бөлу шекарасы жеткізушінің сумен жабдықтау және (немесе) су бұру жүйесіне қосылған жердегі құбыржолға кірісу болып табылады.
48. Кондоминиум объектілеріндегі пайдалану жауапкершілігін бөлу шекарасы кондоминиум объектісін басқару органының және жеткізушінің келісімімен белгіленеді:
сумен жабдықтау бойынша-ғимараттағы су құбырын енгізудегі бірінші ысырманың бірінші фланеці;
су бұру бойынша-елді мекеннің су бұру желісіне құдықпен түйісу желісінде шығару.
Мұндай келісім болмаған кезде пайдалану жауапкершілігінің шекарасы теңгерімдік тиесілікті бөлу шекарасы бойынша белгіленеді. Қағидалардың осы тармағында кондоминиум объектісін басқару органының атынан мүлік иелері бірлестігінің төрағасы немесе жай серіктестіктің сенім білдірілген адамы не көппәтерлі тұрғын үйді басқарушы немесе басқарушы компания не пәтерлердің (үй-жайлардың) барлық меншік иелері сөз сөйлейді.
49. Кондоминиум объектісінің ортақ мүлкі болып табылатын жалпыүйлік сумен жабдықтаудың және (немесе) су бұрудың жүйелерін, оның ішінде суды есепке алу тораптарын тиісті техникалық жай-күйде ұстауды, олардың қауіпсіздігін және сақталуын қамтамасыз етуді кондоминиумның меншік иелері пәтерлерді, тұрғын емес үй-жайларды өз бетінше заңды тұлға құрмай-ақ тіркемеген кезде кондоминиумды басқару органы жүзеге асырады.
50. Сумен жабдықтау және (немесе) су бұру желілеріне, құрылыстарға, суды есепке алудың жеке және (немесе) жалпыүйлік тораптарына қызмет көрсетуге арналған шарттарды су тұтынушылар немесе кондоминиум объектілерін басқару органдары жеткізушімен немесе қызметтің осы түрін жүзеге асыруға тиісті лицензиялары бар басқа да тұлғалармен жасасады.
51. Кондоминиум объектісін басқару органы (кондоминиум объектісінің ортақ мүлкінің иелері) жеткізуші пайдаланатын сумен жабдықтау және (немесе) су бұру жүйелерінің бір бөлігіне қызмет көрсету үшін жеткізушіге қолжетімділікті қамтамасыз етеді.
3-параграф. Сумен жабдықтау және су бұру жүйелерін пайдалану кезінде суды есепке алуды ұйымдастыру ерекшеліктері
52. Сумен жабдықтау және (немесе) су бұру жүйелерін пайдалану кезінде суды және (немесе) сарқынды суларды есепке алу теңгерімдік тиесілілігін бөлу шекарасында орнатылған және жеткізуші коммерциялық есепке алған суды есепке алу тораптары арқылы жүзеге асырылады.
Суды есепке алу тораптарын орнатудың техникалық мүмкіндігі болмаған кезде суды және (немесе) сарқынды суларды есепке алу тұрғын үй қатынастары және тұрғын үй-коммуналдық шаруашылық саласындағы уәкілетті орган бекіткен сумен жабдықтау және (немесе) су бұру бойынша көрсетілген қызметтер көлемін есептеу әдістемесіне сәйкес жүзеге асырылады.
53. Техникалық мүмкіндік болған кезде суды есепке алу тораптарында суды есепке алу аспаптары орнатылмай, елді мекендердің орталықтандырылған сумен жабдықтау және (немесе) су бұру жүйелеріне су тұтынушыларды қосуға (технологиялық қосуға) жол берілмейді.
Тұрғын үйлерге (тұрғын ғимараттарға) кірістірілген және кірістірілген-жапсарлас салынған үй-жайлар теңгерімдік тиесілілігін бөлу шекарасында суды есепке алудың жеке тораптарымен жабдықталады.
54. Суды есепке алу аспаптарына, техникалық құралдарға, сондай-ақ байланыс операторлары мен телекоммуникация желілерінің иелерінің энергия тұтынуды есепке алудың автоматтандырылған жүйелерінің құрамында қолданылатын су есебін автоматтандыру тәртібіне қойылатын, Қазақстан Республикасының Су кодексінде, осы Қағидаларда және Қазақстан Республикасы Өнеркәсіп және құрылыс министрінің 2025 жылғы 8 тамыздағы № 295 бұйрығымен (нормативтік құқықтық актілердің мемлекеттік тіркеу тізілімінде № 36616 болып тіркелген) бекітілген елді мекендердің сумен жабдықтау және су бұру жүйелеріндегі су есепке алу аспаптары мен жүйелерін таңдау, орнату және пайдалану қағидаларында (одан әрі- – таңдау, монтаждау Қағидалары) өлшем бірлігін қамтамасыз ету, ақпараттандыру және тұрғын үй-коммуналдық шаруашылық саласындағы заңнамаларында белгіленбеген талаптармен айқындалады.
55. Көп пәтерлі тұрғын үйлерді (тұрғын ғимараттарды) және өзге де объектілерді салу, реконструкциялау, техникалық қайта жарақтандыру, жаңғырту, күрделі жөндеу жобаларында суды коммерциялық есепке алуды ұйымдастыру үшін суды есепке алудың жалпыүйлік және жеке аспаптарын міндетті түрде орнату көзделеді.
56. Суды есепке алу аспабын орнатуға сумен жабдықтау және (немесе) су бұру желілерін жуғаннан кейін жол беріледі.
Суды есепке алу аспаптары дайындаушы зауыттың пайдалану құжаттамасында көрсетілген техникалық талаптарына және таңдау, монтаждау қағидаларына сәйкес орнатылады.
Суды есепке алу торабы қондырғысының техникалық талаптарға және "Рұқсаттар және хабарламалар туралы" Қазақстан Республикасының Заңына сәйкестігін жеткізуші тексереді.
57. Жеткізушінің су тұтынушыларға суды есепке алу аспаптарын (суды есепке алу тораптарын) сатып алуы және орнатуы Қазақстан Республикасы Ұлттық экономика министрінің 2019 жылғы 13 тамыздағы № 73 бұйрығымен (Нормативтік құқықтық актілердің мемлекеттік тіркеу тізілімінде № 19242 болып тіркелген) бекітілген табиғи монополиялар субъектілерінің қызметті жүзеге асыру қағидаларының 9-тарауының тәртібіне сәйкес жүзеге асырылады және жеткізушінің суды есепке алу аспаптарын сату және орнату нарығындағы бәсекелестігін шектемейді егер, оның ішінде суды есепке алу аспаптарын (суды есепке алу торабы) сатып алу және орнату үшін төлемақы мөлшерін есептеу кезінде осы ақыға жеткізушінің таза табысы енгізілмесе, жеткізушіге осындай тауар нарығының субъектісі мәртебесін бермейді.
58. Суды есепке алу торабы жүзеге асырылатын суды коммерциялық есепке алу пайдалануға жіберіледі және бір данасы су тұтынушыға берілетін тиісті актіні жасай отырып, жеткізушінің өкілі пломбылайды.
Суды есепке алу аспабы істен шыққан кезде су тұтынушы күнтізбелік отыз күн ішінде ақаусыз суды есепке алу аспабын орнатуды қамтамасыз етеді.
Сарқынды суларды есепке алу аспабы істен шыққан кезде су тұтынушы сумен жабдықтау және (немесе) су бұру жөніндегі ұйыммен келісілген, бірақ күнтізбелік алпыс күннен аспайтын мерзімде ақаусыз сарқынды суларды есепке алу аспабын орнатуды қамтамасыз етеді. Мерзімі сарқынды суларды есепке алу аспаптарын елден тыс жерлерге тексеруге және жөндеуге жіберу себебінен ұзартылуы мүмкін.
59. Суды есепке алу тораптары су тұтынушының меншігі болып табылады. Пломбалардың сақталуына жауапкершілік су тұтынушыға және жеткізушіге жүктеледі.
Суды есепке алу аспаптарының және (немесе) суды есепке алу тораптарының жұмысындағы барлық ақаулар мен бұзушылықтар туралы, сондай-ақ олардағы пломбалардың тұтастығының бұзылуы туралы су тұтынушы дереу жеткізушіге хабарлайды.
60. Жеткізуші суды есепке алу торабын тексеру мерзімдерін есепке алуды ұйымдастырады және жүзеге асырады.
Жеткізуші су тұтынушыны суды есепке алу аспабына кезекті (кезектен тыс) тексеру жүргізу қажеттілігі туралы оның мерзімі аяқталғанға дейін күнтізбелік 30 күн бұрын хабардар етеді.
61. Жеткізуші кемінде үш айда бір рет су тұтынушының сумен жабдықтау және (немесе) су бұру жүйелерін, есепке алу торабында пломбаның болуын тексеруді жүргізеді және тұтынушылардың есепке алу аспаптарының көрсеткіштерін дұрыс алуын бақылайды.
Суды есепке алу торабында пломба болмаған кезде жеткізуші немесе оның өкілі осы Қағидаларға қосымшаға сәйкес сумен жабдықтау және (немесе) су бұру жүйелерін тексеру актісін жасайды, оған су тұтынушы мен жеткізуші тараптары анықталған бұзушылықтар және келесі тексеруге дейін жою мерзімдері туралы қол қояды.
4-параграф. Сумен жабдықтау және (немесе) су бұру желілерінде жұмыстарды сақтау және жүргізу ерекшеліктері
62. Елді мекеннің сумен жабдықтау және (немесе) су бұру жүйелеріне қол жеткізуді қамтамасыз ету, оларды тиісінше пайдалану және оларға қызмет көрсету жөніндегі талаптарды сақтау, сондай-ақ елді мекен тұрғындарының қоршаған ортасына, денсаулығы мен өміріне зиян келтіруді болдырмау мақсатында күзет аймақтары және сумен жабдықтау және (немесе) су бұру жүйелерінен ғимараттар мен құрылыстарға дейінгі ең аз жол берілетін қашықтықтар және жер учаскелерінің шекаралары белгіленеді.
63. Елді мекеннің сумен жабдықтау және (немесе) су бұру жүйелерінің қорғау аймағының ені құбырдың шеткі желілерінің екі жағы бойынша қабылдануы тиіс:
1) жер асты сулары болмаған кезде және құбыр диаметрі 1000 мм дейін болғанда - кемінде 10 м;
2) жер асты суларының болмаған кезде және су құбырларының диаметрі 1000 мм-ден артық болса - кемінде 20 м;
3) жерасты сулары болған кезде - су тартқыштардың диаметріне қарамастан кемінде 50 м.
64. Елді мекеннің сумен жабдықтау және (немесе) су бұру жүйелерінің күзет аймақтары шегінде жеткізушінің келісімінсіз ұңғымаларды орнатумен, құрылыстар мен ғимараттарды орналастырумен, газбен жабдықтау, электрмен жабдықтау, жылумен жабдықтау, телекоммуникациялар, байланыс желілерін төсеумен және басқа да коммуникациялармен байланысты жер жұмыстарын жүргізуге жол берілмейді.
65. Жер жұмыстарын жүргізетін жеке және заңды тұлғалар, сондай-ақ заңды тұлға құрмай жеке кәсіпкерлікті жүзеге асыратын жеке тұлғалар осы жұмыстарды жүргізуге арналған құжаттарда көрсетілмеген сумен жабдықтау және (немесе) су бұру желілері мен олардағы құрылыстар табылған кезде жұмыстарды тоқтатады, олардың сақталуы жөнінде шаралар қабылдайды және жеткізушіге және жергілікті атқарушы органдарға хабарлайды.
66. Сумен жабдықтау және (немесе) су бұру желілерін қайта құруды немесе оларды зақымданудан қорғауды талап ететін жұмыстарды орындайтын жеке және заңды тұлғалар, сондай-ақ заңды тұлға құрмай жеке кәсіпкерлікті жүзеге асыратын жеке тұлғалар осы жұмыстарды осы желілердің иесімен келісім бойынша және олардың қатысуымен орындайды.
67. Жеткізушінің өкілдеріне жөндеу және техникалық қызмет көрсету жөніндегі жұмыстарды орындау үшін елді мекеннің сумен жабдықтау және (немесе) су бұру желілеріне және олардағы жеке және ведомстволық аумақтар бойынша өтетін құрылыстарға кедергісіз қол жеткізу қамтамасыз етіледі.
68. Елді мекеннің сумен жабдықтау және (немесе) су бұру жүйелеріндегі аварияларды жою, жөндеу жұмыстарын жүргізу жөніндегі жұмыстарды жеткізуші немесе жүйелердің меншік иесі аумағы арқылы осы желілер өтетін учаскені жер пайдаланушыны бір күнтізбелік күн ішінде ауызша және жазбаша түрде хабардар ете отырып ұйымдастырады және осы қызмет түріне рұқсаты бар адамдар жүргізеді.
69. Осы Қағидалардың 66-тармағында көрсетілген жұмыстар орындалғаннан кейін жеткізуші жер учаскелерін нысаналы мақсаты бойынша одан әрі пайдалануға жарамды күйге келтіреді және фото- немесе бейнетіркеу материалдарын қоса бере отырып, жұмыстардың аяқталғаны туралы учаскенің жер пайдаланушысын күнтізбелік үш күн ішінде жазбаша түрде хабардар етеді.
70. Сумен жабдықтау және (немесе) су бұру желілері зақымданған кезде зақымдануға жол берген тұлға өз қаражаты есебінен авариялық-қалпына келтіру жұмыстарын жүргізеді.
Ауыз судың және (немесе) техникалық судың жоғалуына әкеп соққан сумен жабдықтау желілерінің зақымдануына жол берген тұлға жеткізушіге жоғалған судың құнын өтейді.
| Елді мекендердің сумен жабдықтау және су бұру жүйелерін пайдалану қағидаларына қосымша |
|
| Нұсқа |
Сумен жабдықтау және (немесе) су бұру жүйелерінің тексеру актісі
"___" ___________ 20 ___ жыл елді мекеннің атауы
Жеке шот немесе _____________________________________ шартының №
Телефон _________________________________ e-mail ________________________
Нысан мекенжайы_______________________________________________________
Су тұтынушының аты-жөні/атауы _________________________________________
______________________________________________________________________
Су тұтынушы объектісінің мақсаты ________________________________________
Су тұтынушының жеке сәйкестендіру нөмірі (ЖСН), бизнес сәйкестендіру
нөмірі (БСН) ___________________________________________________________
_______________________________________________________________________
Есептеу құралының түрі __________________________________________________
Есептеу аспабының диаметрі_______________________________________________
________________________________________________________________________
есепке алу аспабының №
Пломбаның № және орнату орны____________________________________________
Соңғы көрсеткіштер _______________________________________________________
Біз, төменде қол қойғандар, жеткізушінің өкілі ________________________________
________________________________________________________________________
және су тұтынушының өкілі _______________________________________________
________________________________________________________________________
су тұтынушының сумен жабдықтау және (немесе) су бұру жүйелерін тексеру
кезінде мынадай бұзушылықтар анықталғаны туралы осы актіні жасады *:
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
* Актіде сипатталатын бұзушылықтар: Жеткізушінің жүйелеріне өз бетімен қосылу, су тұтынушыда суды есепке алу схемасының бұзылуы, пломбаның бұзылуы, су өлшеу торабының айналма желісі(бекіту арматурасы), есепке алу аспаптары мен өрт сөндіру гидранттарында, есепке алу аспаптарының көрсеткіштерін бұрмалайтын құрылғыларды орнату, су тұтынушы сумен жабдықтау жүйесінен ағып кету (есепке алу аспаптары болмаған кезде), су тұтынушы (оның өкілдері) жеткізушінің лауазымды адамын есепке алу аспаптарын тексеруге жібермеген кезде, жеткізушіні есепке алу аспабының ақаулықтары туралы хабардар етпеген кезде.
Су тұтынушыға қажет:
1. Суық суды есепке алу аспаптарын монтаждау, ауыстыру кезінде оларды Қазақстан Республикасы Су кодексінің 107-бабына тұрғын үй қатынастары және тұрғын үй коммуналдық шаруашылық саласындағы уәкілетті орган бекіткен сумен жабдықтау және су бұру жүйелеріндегі суды есепке алу аспаптарын таңдау, монтаждау және пайдалану қағидаларына сәйкес жеткізушінің ақпараттық-өлшеу жүйесімен үйлесімді деректерді қашықтықтан беру құралдарымен жарақтандыру қажет.
2. Тұрғын үй қатынастары және тұрғын үй-коммуналдық шаруашылық саласындағы уәкілетті орган бекіткен сумен жабдықтау және су бұру қызметтерінің көрсетілетін көлемін есептеу әдістемесінің 33-тармағына сәйкес анықталған бұзушылықтар кезінде сумен жабдықтау және су бұру қызметтеріне ақы төлеу.
3. Сумен жабдықтау және (немесе) су бұру қызметтерін көрсетуге үлгілік шарт жасасу.
Сумен жабдықтау және (немесе) су бұру қызметтерін көрсетуге шарт жасасу үшін су тұтынушы осы Қағидалардың 15 және 18-тармақтарына сәйкес құжаттарды ұсынады.
Анықталған ақаулар мен бұзушылықтарды жою мерзімі. _________
Жеткізушінің талаптары осы актіде белгіленген мерзімде орындалмаған жағдайда, қызметтер көрсету тоқтатыла тұрады, ал материалдар сотқа беріледі.
Осы құжатқа қол қоя отырып, су тұтынушы онда көрсетілген дербес деректерді жинауға және өңдеуге келісім береді.
Жеткізушінің өкілі
__________________________________________________
(Тегі, аты, әкесінің аты (бар болса) анық) (қолы)
Су тұтынушы (немесе су тұтынушының өкілі)
________________________________________________________________
(Тегі, аты, әкесінің аты (бар болса) анық) (қолы)
