БҰЙЫРАМЫН:
1. Қазақстан Республикасы Спорт және дене шынықтыру істері агенттігі Төрағасының 2014 жылғы 28 шілдедегі № 294 "Спорттық-бұқаралық іс-шаралардың бірыңғай күнтізбесін қалыптастыру қағидаларын бекіту туралы" бұйрығына (нормативтік құқықтық актілерді мемлекеттік тіркеу тізілімінде № 9674 болып тіркелген) мынадай өзгеріс енгізілсін:
көрсетілген бұйрықпен бекітілген Спорттық-бұқаралық іс-шаралардың бірыңғай күнтізбесін қалыптастыру қағидалары осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Туризм және спорт министрлігінің Спорт және дене шынықтыру істері комитеті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты күшіне енгеннен кейін Қазақстан Республикасы Туризм және спорт министрлігінің интернет-ресурсында орналастыруды;
3) осы бұйрықта көзделген іс-шаралар орындалғаннан кейін он жұмыс күні ішінде Қазақстан Республикасы Туризм және спорт министрлігінің Заң қызметі департаментіне іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Туризм және спорт министрінің орынбасарына жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы туризм және спорт министрі |
Е. Мырзабосынов |
Спорттық-бұқаралық іс-шаралардың бірыңғай күнтізбесін қалыптастыру қағидалары
1-тарау. Жалпы ережелер
1. Спорттық-бұқаралық іс-шаралардың бірыңғай күнтізбесін қалыптастыру қағидалары (бұдан әрі – Қағидалар) "Дене шынықтыру және спорт туралы" Қазақстан Республикасы Заңының (бұдан әрі – Заң) 7-бабының 38) тармақшасына сәйкес әзірленген және спорттық-бұқаралық іс-шаралардың бірыңғай күнтізбесін (бұдан әрі – Бірыңғай күнтізбе) қалыптастыру тәртібін айқындайды.
2. Бірыңғай күнтізбе мыналарға бөлінеді:
1) осы Қағидаларға 1-қосымшаға сәйкес нысан бойынша спорттық-бұқаралық іс-шаралардың бірыңғай республикалық күнтізбесі (бұдан әрі – Бірыңғай республикалық күнтізбе);
2) осы Қағидаларға 2-қосымшаға сәйкес нысан бойынша спорттық-бұқаралық іс-шаралардың бірыңғай өңірлік (облыстық республикалық маңызы бар қаланың, астананың) күнтізбесі (бұдан әрі – Бірыңғай өңірлік күнтізбе).
3. Бірыңғай республикалық күнтізбе Қазақстан Республикасы Мәдениет және спорт министрінің 2015 жылғы 14 мамырдағы № 179 бұйрығымен бекітілген (Нормативтік-құқықтық актілерді мемлекеттік тіркеу тізілімінде № 14052 болып тіркелді) жарыстар түрлерінің, оқу-жаттығу жиындарының тізбесіне және олардың сыныптамасына (бұдан әрі – Жарыстар түрлерінің, оқу-жаттығу жиындарының тізбесі және олардың сыныптамасы) сәйкес жыл сайынғы халықаралық және республикалық деңгейдегі спорттық жарыстар, сондай-ақ спорттық жарыстарға дайындық бойынша іс-шаралар күнтізбесін қамтиды және оны Заңның 7-бабының 39) тармақшасына сәйкес алдағы жылға дене шынықтыру және спорт саласындағы уәкілетті орган ағымдағы жылғы 20 желтоқсанға дейін бекітеді.
4. Бірыңғай өңірлік күнтізбе Жарыстар түрлерінің, оқу-жаттығу жиындарының тізбесіне және олардың сыныптамасына сәйкес жыл сайынғы халықаралық, республикалық және жергілікті деңгейдегі спорттық жарыстар, сондай-ақ спорттық жарыстарға дайындық бойынша іс-шаралар күнтізбесін қамтиды және оны Заңның 8-бабының 10) тармақшасына сәйкес алдағы жылға тиісті жергілікті атқарушы орган ағымдағы жылғы 25 желтоқсанға дейін бекітеді.
5. Бірыңғай республикалық күнтізбе негізінде халықаралық және республикалық спорттық жарыстар Бірыңғай өңірлік күнтізбеге енгізіледі.
6. Бірыңғай республикалық күнтізбенің және Бірыңғай өңірлік күнтізбенің негізінде дене шынықтыру-спорт ұйымдары және дене шынықтыру және спорт саласындағы қызметті жүзеге асыратын білім беру ұйымдары өздерінің спорттық-бұқаралық іс-шараларының күнтізбесін жасайды.
2-тарау. Бірыңғай республикалық күнтізбеге және Бірыңғай өңірлік күнтізбеге халықаралық, республикалық және жергілікті деңгейдегі спорттық жарыстарды, сондай-ақ спорттық жарыстарға дайындық бойынша іс-шараларды енгізу тәртібі
7. Бірыңғай республикалық күнтізбеге және Бірыңғай өңірлік күнтізбеге мемлекеттік бюджет қаражаты есебінен, сондай-ақ спорт федерациялары есебінен қаржыландырылатын Жарыстар түрлерінің, оқу-жаттығу жиындарының тізбесіне және олардың сыныптамасына сәйкес халықаралық, республикалық және жергілікті деңгейдегі спорттық жарыстар, сондай-ақ спорттық жарыстарға дайындық бойынша іс-шаралар енгізіледі.
8. Бірыңғай республикалық күнтізбе және Бірыңғай өңірлік күнтізбе мынадай құрылымнан тұрады:
1) халықаралық, республикалық және жергілікті деңгейдегі спорттық жарыстың, сондай-ақ спорттық жарыстарға дайындық бойынша іс-шараның атауы;
2) халықаралық, республикалық және жергілікті деңгейдегі спорттық жарыстың, сондай-ақ спорттық жарыстарға дайындық бойынша іс-шараның өткізілу мерзімі және орны;
3) халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын ұйымдар;
4) халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын команда құрамы;
5) халықаралық, республикалық және жергілікті деңгейдегі спорттық іс-шараларға, сондай-ақ спорттық жарыстарға дайындық бойынша іс-шараларға қатысатын спортшылар саны;
6) халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын жаттықтырушылар саны;
7) "Дене шынықтыру және спорт ұйымдарының басшылары, мамандары лауазымдарының үлгілік біліктілік сипаттамаларын бекіту туралы" Қазақстан Республикасы Мәдениет және спорт министрінің 2016 жылғы 29 маусымдағы № 191 бұйрығына сәйкес (Нормативтік-құқықтық актілерді мемлекеттік тіркеу тізілімінде № 14052 болып тіркелді) халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын төрешілер және дене шынықтыру мен спорт саласындағы өзге мамандар саны;
8) халықаралық, республикалық және жергілікті деңгейдегі спорттық жарысты, сондай-ақ спорттық жарыстарға дайындық бойынша іс-шараны ұйымдастырушы;
9) халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысушыларды іссапарға жіберуші ұйымдар.
9. Бірыңғай республикалық күнтізбе және Бірыңғай өңірлік күнтізбе мынадай бөлімдерден тұрады:
1) 1-бөлім – кешенді халықаралық және республикалық жарыстар;
2) 2-бөлім – дене шынықтыру-бұқаралық және сауықтыру іс-шаралары;
3) 3-бөлім – ұлттық спорт түрлері;
4) 4-бөлім – мүгедектігі бар адамдар арасындағы спорттық іс-шаралар;
5) 5-бөлім – жазғы олимпиадалық спорт түрлері;
6) 6-бөлім – қысқы олимпиадалық спорт түрлері;
7) 7-бөлім – олимпиадалық емес спорт түрлері;
8) 8-бөлім – әскери-қолданбалы және қызметтік-қолданбалы, техникалық спорт түрлері;
9) 9-бөлім – дене-шынықтыру спорт ұйымдары және дене шынықтыру және спорт саласындағы қызметті жүзеге асыратын білім беру ұйымдары өткізетін іс-шаралар.
10. Алдағы жылға арналған Бірыңғай республикалық күнтізбеге осы қағиданың 9-тармақтағы 3, 4, 5, 6, 7 және 8-бөлімдерге енгізу үшін ұсыныстарды дене шынықтыру және спорт саласындағы уәкілетті органға алдағы жылға 1 желтоқсанға дейін спорт түрлерінен ұлттық аккредиттелген спорт федерациялары, осы қағиданың 9-тармақтағы 1, 2 және 9-бөлімдерге дене шынықтыру-спорт ұйымдары және дене шынықтыру және спорт саласындағы қызметті жүзеге асыратын білім беру ұйымдары береді.
11. Бірыңғай өңірлік күнтізбеге алдағы жылға енгізу үшін ұсыныстарды дене шынықтыру және спорт саласындағы жергілікті атқарушы органға алдағы жылға 1 желтоқсанға дейін спорт түрлерінен жергілікті аккредиттелген спорт федерациялары береді.
12. Спорттық іс-шараны Бірыңғай республикалық күнтізбеге және Бірыңғай өңірлік күнтізбеге енгізу үшін мынадай құжаттар тапсырылады:
1) спорт түрінен (түрлерінен) республикалық, өңірлік, жергілікті аккредиттелген спорт федерацияларының өтінішхаты;
2) осы Қағидаларға 1 және 2-қосымшаларға сәйкес нысан бойынша ақпараты.
3-тарау. Бірыңғай республикалық күнтізбеге және Бірыңғай өңірлік күнтізбеге өзгерістер мен толықтырулар енгізу тәртібі
13. Бірыңғай республикалық күнтізбеге және Бірыңғай өңірлік күнтізбеге өзгерістер мен толықтырулар мынадай жағдайларда енгізіледі:
1) халықаралық деңгейдегі спорттық жарыстардың, сондай-ақ Қазақстан Республикасы аумағынан тыс жерлерде өткізілетін спорттық жарыстарға дайындық бойынша іс-шаралардың өткізілу мерзімдері мен (немесе) орындарының, қатысушылар санының өзгеруі;
2) жергілікті атқарушы органмен келісім бойынша Қазақстан Республикасының аумағында өткізілетін халықаралық, республикалық және жергілікті деңгейдегі спорттық жарыстардың өткізілу мерзімдері мен (немесе) орындарының, қатысушылар санының өзгеруі;
3) ұлттық аккредиттелген спорт федерацияларының ұсыныстары бойынша бірыңғай республикалық күнтізбеге және жергілікті аккредиттелген спорт федерацияларының ұсыныстары бойынша бірыңғай өңірлік күнтізбеге Қазақстан Республикасының аумағында өткізілетін спорттық жарыстарға дайындық бойынша іс-шараларды өткізілу мерзімдері мен (немесе) орындарының, қатысушылар санының өзгеруі;
4) ұлттық немесе жергілікті аккредиттелген спорт федерациясының бастамасымен.
14. Халықаралық, республикалық және жергілікті деңгейдегі іс-шаралар, сондай-ақ спорттық жарыстарға дайындық бойынша іс-шаралар Бірыңғай республикалық күнтізбе мен Бірыңғай өңірлік күнтізбеден халықаралық спорт федерацияларының және (немесе) ұлттық және жергілікті аккредиттелген спорттық федерациялардың іс-шараларды өткізуден бас тартқан жағдайларда алып тасталады.
15. Бірыңғай күнтізбеге өзгерістер мен толықтырулар енгізу ұлттық аккредиттелген спорт федерацияларының, сондай-ақ дене шынықтыру-спорт ұйымдарының және дене шынықтыру және спорт саласындағы қызметті жүзеге асыратын білім беру ұйымдары өтінішхаты бойынша іске асырылады.
16. Бірыңғай республикалық күнтізбеге өзгерістер мен толықтырулар дене шынықтыру және спорт саласындағы уәкілетті органның бұйрығымен айына бір реттен артық енгізілмейді.
17. Бірыңғай өңірлік күнтізбеге өзгерістер мен толықтырулар дене шынықтыру және спорт саласындағы жергілікті атқарушы органның бұйрығымен енгізіледі.
18. Дене шынықтыру-спорт ұйымдарының және дене шынықтыру және спорт саласындағы қызметті жүзеге асыратын білім беру ұйымдарының спорттық-бұқаралық іс-шаралар күнтізбесіне өзгерістер мен толықтырулар сол ұйым басшысының бұйрығымен енгізіледі.
| Спорттық-бұқаралық іс-шаралардың бірыңғай күнтізбесін қалыптастыру қағидаларына 1-қосымша |
Нысан
Спорттық-бұқаралық іс-шаралардың бірыңғай республикалық күнтізбесі
№ | Халықаралық, республикалық және жергілікті деңгейдегі спорттық жарыстың, сондай-ақ спорттық жарыстарға дайындық бойынша іс-шараның атауы | Халықаралық, республикалық және жергілікті деңгейдегі спорттық жарыстың, сондай-ақ спорттық жарыстарға дайындық бойынша іс-шараның өткізілу мерзімі және орны | Халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын ұйымдар | Халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын команда құрамы | Халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын спортшылар саны | Халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын жаттықтырушылар саны | Халықаралық, республикалық деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын төрешілер мен дене шынықтыру және спорт саласындағы өзге мамандар саны | Халықаралық, республикалық және жергілікті деңгейдегі спорттық жарысты, сондай-ақ спорттық жарыстарға дайындық бойынша іс-шараны ұйымдастырушы | Халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысушыларды іссапарға жіберуші ұйымдар |
1 | 2 | 3 | 4 | 5 | 6 | 7 | 8 | 9 | 10 |
1-бөлім – Кешенді халықаралық және республикалық жарыстар | |||||||||
2-бөлім – Дене шынықтыру-бұқаралық және сауықтыру іс-шаралары | |||||||||
3-бөлім – Ұлттық спорт түрлері | |||||||||
4-бөлім – Мүгедектігі бар адамдар арасындағы спорттық іс-шаралар | |||||||||
5-бөлім – Жазғы олимпиадалық спорт түрлері | |||||||||
6-бөлім – Қысқы олимпиадалық спорт түрлері | |||||||||
7-бөлім – Олимпиадалық емес спорт түрлері | |||||||||
8-бөлім – Әскери-қолданбалы және қызметтік-қолданбалы, техникалық спорт түрлері | |||||||||
9-бөлім – Дене-шынықтыру спорт ұйымдары және дене шынықтыру және спорт саласындағы қызметті жүзеге асыратын білім беру ұйымдары өткізетін іс-шаралар | |||||||||
| Спорттық-бұқаралық | |
| іс-шаралардың бірыңғай | |
| күнтізбесін қалыптастыру қағидаларына 2-қосымша |
Нысан
Спорттық-бұқаралық іс-шаралардың бірыңғай өңірлік күнтізбесі
№ | Халықаралық, республикалық және жергілікті деңгейдегі спорттық жарыстың, сондай-ақ спорттық жарыстарға дайындық бойынша іс-шараның атауы | Халықаралық, республикалық және жергілікті деңгейдегі спорттық жарыстың, сондай-ақ спорттық жарыстарға дайындық бойынша іс-шараның өткізілу мерзімі және орны | Халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын ұйымдар | Халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын команда құрамы | Халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын спортшылар саны | Халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын жаттықтырушылар саны | Халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысатын төрешілер мен дене шынықтыру және спорт саласындағы өзге мамандар саны | Халықаралық, республикалық және жергілікті деңгейдегі спорттық жарысты, сондай-ақ спорттық жарыстарға дайындық бойынша іс-шараны ұйымдастырушы | Халықаралық, республикалық және жергілікті деңгейдегі спорттық жарысқа, сондай-ақ спорттық жарыстарға дайындық бойынша іс-шараға қатысушыларды іссапарға жіберуші ұйымдар |
1 | 2 | 3 | 4 | 5 | 6 | 7 | 8 | 9 | 10 |
1-бөлім – Кешенді халықаралық және республикалық жарыстар | |||||||||
2-бөлім – Дене шынықтыру-бұқаралық және сауықтыру іс-шаралары | |||||||||
3-бөлім – Ұлттық спорт түрлері | |||||||||
4-бөлім – Мүгедектігі бар адамдар арасындағы спорттық іс-шаралар | |||||||||
5-бөлім – Жазғы олимпиадалық спорт түрлері | |||||||||
6-бөлім – Қысқы олимпиадалық спорт түрлері | |||||||||
7-бөлім – Олимпиадалық емес спорт түрлері | |||||||||
8-бөлім – Әскери-қолданбалы және қызметтік-қолданбалы, техникалық спорт түрлері | |||||||||
9-бөлім – Дене-шынықтыру спорт ұйымдары және дене шынықтыру және спорт саласындағы қызметті жүзеге асыратын білім беру ұйымдары өткізетін іс-шаралар | |||||||||
