1995 жылға арналған республикалық бюджетте қалалық қоғамдық көлiктi дамытуға көзделген қаражатты бөлу туралы

Қазақстан Республикасы Үкiметiнiң Қаулысы 1995 жыл 16 қазандағы N 1332

"1995 жылға арналған республикалық бюджет туралы" Қазақстан Республикасы Президентiнiң 1995 жылғы 15 наурыздағы N 2120 U952120_ Заң күшi бар Жарлығына өзгертулер мен толықтырулар енгiзу туралы" Қазақстан Республикасы Президентiнiң 1995 жылғы 20 шiлдедегi N 2371 U952371_ Заң күшi бар Жарлығын жүзеге асыру туралы" Қазақстан Республикасы Министрлер Кабинетiнiң 1995 жылғы 14 тамыздағы N 1120 P951120_ қаулысын орындау, қалалық қоғамдық көлiктiң жұмысын нысаналы қаржыландыру мақсатында Қазақстан Республикасының Үкiметi қаулы етедi:
1. Қазақстан Республикасының Қаржы министрлiгi 1995 жылға арналған республикалық бюджетте қалалық қоғамдық көлiктi дамытуға көзделген соманы жергiлiктi бюджеттерге берiп, оны кейiн қосымшаға сәйкес республикалық бюджетпен өзара есеп айырысу шотына жатқызсын.
2. Облыстардың және Алматы қаласының әкiмдерi бөлiнетiн қаржының жолаушылар көлiгiнiң залалын өтеуге және жылжымалы құрам паркiн жаңғыртуға мақсатты пайдаланылуын қамтамасыз етсiн.
Қазақстан Республикасының Көлiк және коммуникациялар министрлiгiне аталған мақсатқа жұмсалатын соманың шегiнде автобустар, троллейбустар және трамвайлар сатып алуына тапсырыс берiлсiн.
1996 жылдан бастап қалалық жолаушылар көлiгiнiң жұмысына

байланысты шығындарды дербес қаржыландыруды қамтамасыз ету
жөнiнде шаралар қолданылсын.
     3. Қазақстан Республикасының Көлiк және коммуникациялар
министрлiгi облыстардың және Алматы қаласы әкiмдерiнiң
тапсырыстары негiзiнде республикадағы қалалық жолаушылар
көлiгi кәсiпорындарын пайдаланудың техникалық мүмкiндiктерiн
ескерiп, тиiсiнше маркалардағы жылжымалы құрамды орталықтандырып
сатып алуға арналған келiсiмдердi (контрактыларды) ресiмдеудi
қамтамасыз етсiн.

     Қазақстан Республикасының
         Премьер-министрi

                                   Қазақстан Республикасы 
                                   Үкiметiнiң
                                   1995 жылғы 16 қазандағы
                                     N 1332 қаулысына
                                        қосымша

             Қалалық қоғамдық көлiктi дамытуға
                    арналған қаражатты
                          Бөлу
________________________________________________________________
         Облыстар                    Қаражат сомасы
                                     (миллион теңге)
________________________________________________________________ 
     Ақтөбе                                80
     Алматы                                40
     Ақмола                                30
     Атырау                                40
     Шығыс Қазақстан                      110
     Жамбыл                                50
     Жезқазған                             40
     Батыс Қазақстан                       40
     Қарағанды                            120
     Қызылорда                             30
     Көкшетау                              40
     Қостанай                              80
     Маңғыстау                             40
     Павлодар                             110
     Солтүстiк Қазақстан                   40
     Семей                                 40
     Талдықорған                           30
     Торғай                                10
     Оңтүстiк Қазақстан                   130
     Алматы қаласы                        400
                              _________________________
                             Жиыны        1500   
                    Резервтiк қор          500
                              _________________________
                             Барлығы      2000