ЗҚАИ-ның ескертпесі!
Осы қаулы 25.08.2025 ж. бастап қолданысқа енгізіледі
Қазақстан Республикасының Үкіметі ҚАУЛЫ ЕТЕДІ:
1. "Азаматтық қорғаныс объектілерін құру және пайдалану қағидаларын бекіту туралы" Қазақстан Республикасы Үкіметінің 2014 жылғы 19 желтоқсандағы № 1357 қаулысына мынадай өзгерістер мен толықтырулар енгізілсін:
көрсетілген қаулымен бекітілген Азаматтық қорғаныс объектілерін құру және пайдалану қағидаларында:
1) тармақша мынадай редакцияда жазылсын:
"1) азаматтық қорғаныс объектілері – қосалқы (қалалық, қала сыртындағы), көмекші және жылжымалы басқару пункттері, азаматтық қорғаныстың қорғаныш құрылыстары, қарапайым баспаналар, азаматтық қорғаныстың мүлкін сақтауға арналған қойма үй-жайлары;";
5) тармақша мынадай редакцияда жазылсын:
"5) көмекші басқару пункті – алдын ала құрылатын және соғыс жағдайы кезеңінде немесе соғыс уақытында күштер мен құралдарды азаматтық қорғаныстың басқару пункттерінен басқару қиындағанда немесе мүмкін болмағанда іске қосылатын арнайы жабдықталған құрылысжай, қосалқы басқару пункті;";
мынадай мазмұндағы 9-1) тармақшамен толықтырылсын:
"9-1) ең қарапайым жасырын пана – халықтың паналауына ыңғайластырылған, шұңқырлай қазылған үй-жай, жерасты кеңістігінің құрылысжайлары, жертөле немесе жерасты қабаты, автомобильдердің жерасты тұрағы, ғимаратың немесе құрылысжайдың жерге толығымен кіріп тұрған, қоршау және тірек құрылыс конструкцияларымен шектелген көлемінің паналайтын халықты қарапайым зақымдау құралдарының фугастық және жарықшақтық әрекетінің бағытталмаған не қайталама әсерінен, құрылыс конструкциялары сынықтарының зақымдауынан қорғауға арналған бөлігі;";
3, 3-1 және 3-2-тармақтар мынадай редакцияда жазылсын:
"3. Азаматтық қорғаныс объектілері Қазақстан Республикасының құрылыс нормалары мен қағидаларының талаптары, сондай-ақ азаматтық қорғау саласындағы уәкілетті органның жобалау бойынша ұсынымдары ескеріліп құрылады.
3-1. Азаматтық қорғау күштері мен құралдарын жедел басқару үшін алдын ала қосалқы (қалалық, қала сыртындағы), көмекші және жылжымалы басқару пункттері құрылады.
Азаматтық қорғау саласындағы уәкілетті орган Қазақстан Республикасының Азаматтық қорғаныс бастығы мен орталық атқарушы органдар үшін қосалқы (қала сыртындағы) және жылжымалы басқару пункттерін құруды қамтамасыз етеді. Бұл ретте жылжымалы басқару пункттері республикалық азаматтық қорғау қызметтерін қамтамасыз етуге және олардың жұмыс істеуіне жауапты орталық атқарушы органдар үшін ғана құрылады.
Орталық атқарушы органдар қосалқы (қалалық) және көмекші басқару пункттерін құруды қамтамасыз етеді.
Қазақстан Республикасының Президентіне тікелей бағынатын және есеп беретін мемлекеттік органдар, сондай-ақ жергілікті атқарушы органдар қосалқы (қалалық, қала сыртындағы), көмекші және жылжымалы басқару пункттерін құруды қамтамасыз етеді. Бұл ретте жылжымалы басқару пункттері азаматтық қорғаныс топтарына жатқызылған облыстардың, қалалардың жергілікті атқарушы органдары, сондай-ақ құқық қорғау органдары мен арнаулы мемлекеттік органдар үшін ғана құрылады.
Орталық атқарушы органдарды, Қазақстан Республикасының Президентіне тікелей бағынатын және есеп беретін мемлекеттік органдарды салалық белгісі бойынша бір қосалқы (қалалық, қала сыртындағы) басқару пунктінде бірге орналастыруға жол беріледі.
3-2. Қосалқы басқару пункттері азаматтық қорғаныс топтарына жатқызылған қалалардың (қалалық қосалқы басқару пункттерін қоспағанда) қирауы мүмкін аймақтарынан, апатты су жайылуы мүмкін аймақтардан және күшті әсер ететін улы заттар таралуы мүмкін аймақтардан тыс, сондай-ақ шекаралас мемлекеттермен шектеспейтін аудандарда орналастырылады.
Қалалық қосалқы басқару пункттері қала шегінде, азаматтық қорғаныс бойынша санаттарға жатқызылған ұйымдардың аумағынан тыс орналастырылады.";
мынадай мазмұндағы 3-3 және 3-4-тармақтармен толықтырылсын:
"3-3. Қосалқы басқару пункттерінің негізгі элементі басқару орталығы, басшылыққа, жедел құрамға, жедел-кезекші қызмет және мемлекеттік құпияларды қорғау бөлімшелеріне арналған үй-жайлары бар жедел зал болып табылады.
Қосалқы басқару пункттерінің құрамына қорғалған және қорғалмаған байланыс тораптары, қабылдаушы-таратушы орталық, орталықтандырылған құлақтандыру аппаратурасына, радиохабар тарату және спутниктік байланыс құралдарына, ақпаратты қабылдау және тарату пункттеріне арналған үй-жайлар да кіреді.
Жедел зал техникалық байланыс құралдарымен, ахуалды бейнелеу құралдарымен (оның ішінде бейнеқабырғалар), ұйымдастыру техникасымен және жұмыс құжаттамасымен жасақталады.
3-4. Әскери қақтығыстар туындаған кезде Қазақстан Республикасының Президентіне тікелей бағынатын және есеп беретін мемлекеттік органдардың қосалқы (қалалық, қала сыртындағы), көмекші және жылжымалы басқару пункттері істен шыққан жағдайда орталық және жергілікті атқарушы органдар ең қарапайым жасырын паналардың базасында қосымша басқару пункттерін құруды жүзеге асырады.";
4-тармақ мынадай редакцияда жазылсын:
"4. Азаматтық қорғаныс бойынша санаттарға жатқызылған ұйымдардың ең көп жұмыс істейтін ауысымын қорғау, сондай-ақ одан әрі эвакуациялануы хал-жағдайын нашарлатуы немесе өміріне қауіп төндіретін асқыну туғызуы мүмкін тасымалдауға болмайтын науқастарды, сондай-ақ медициналық ұйымдардың медициналық және қызмет көрсетуші персоналын қорғау үшін азаматтық қорғаныстың қорғаныш құрылысжайлары құрылады.
Ең көп жұмыс істейтін ауысым жұмылдыру тапсырмаларын (тапсырыстарын) орындауға және өз қызметін соғыс жағдайы кезеңінде немесе соғыс уақытында жалғастыратын ұйымның азаматтық қорғаныс іс-шараларын қамтамасыз етуге арналған.";
мынадай мазмұндағы 5-1 және 5-2-тармақтармен толықтырылсын:
"5-1. Азаматтық қорғаныстың мобильді қорғаныш құрылысжайларын қоспағанда, азаматтық қорғаныстың қорғаныш құрылысжайлары жылжымайтын мүлік объектілері орналасқан жерде құқықтық кадастрда мемлекеттік тіркелуге тиіс.
Ғимарат пен құрылысжай құрамында азаматтық қорғаныстың қорғаныш құрылысжайы (жеке тұрған немесе қосып салынған) дербес кадастрлық нөмір беріліп, жеке жылжымайтын мүлік объектісі ретінде қаралады.";
5-2. Мемлекеттік меншік болып табылатын және жылжымайтын мүлікке құқықтардың (құқықтар ауыртпалығының) туындауы, өзгеруі немесе тоқтатылуы Қазақстан Республикасының заңнамасына сәйкес тіркеуші органда мемлекеттік тіркелуге жататын азаматтық қорғаныстың қорғаныш құрылысжайларының тізбесі уәкілетті органның аумақтық органдарының ұсынуымен облыстардың, республикалық маңызы бар қалалардың және астананың жергілікті атқарушы органдарының шешімімен бекітіледі.";
мынадай мазмұндағы 14-2-тармақпен толықтырылсын:
"14-2. Соғыс жағдайы кезеңінде немесе соғыс уақытында халықты қарапайым зақымдаушы құралдардың, соның ішінде зымырандық, авиациялық және атыс қаруының зақымдаушы факторларынан қорғау үшін ең қарапайым жасырын паналар қолданылады.";
мынадай мазмұндағы 17-1-тармақпен толықтырылсын:
"17-1. Қосалқы (қалалық, қала сыртындағы), көмекші және жылжымалы басқару пункттерін іске қосу әскери қақтығыстар туындаған кезде жүзеге асырылады.
Қосалқы басқару пункттерінде орналастырылатын азаматтық қорғаудың басқару органдарының құрамы мен санын ықтимал ахуалға байланысты тиісті азаматтық қорғаныс бастықтары айқындайды.".
2. Осы қаулы 2025 жылғы 25 тамыздан бастап қолданысқа енгізіледі және ресми жариялануға тиіс.
|
Қазақстан Республикасының Премьер-Министрі |
О. Бектенов |
