Еуразиялық экономикалық одақ Кеден кодексінің 22-бабының 1-тармағының бірінші абзацына сәйкес Еуразиялық экономикалық комиссия алқасы шешті:
1. Спортпен, фитнеспен, кардио жаттығуларымен және емдік дене шынықтырумен айналысу кезінде дене жаттығуларын (жүру, жүгіру) орындауға арналған, бойлай жүруге арналған жүгіру төсемі мен электр жетектері бар жақтаудан, басқару панелі мен тұтқалары бар қатты тіреу бағанынан тұратын жүгіру жолы Сыртқы экономикалық қызметтің тауар номенклатурасын түсіндірудің 1-негізгі ережесіне сәйкес Еуразиялық экономикалық одақтың сыртқы экономикалық қызметінің Бірыңғай тауар номенклатурасының 9506 тауар позициясында сыныпталсын.
2. Жарақаттар мен оталардан кейін пациенттердің аяқтарын оңалту және физиотерапия жөніндегі іс-шараларды дәрігердің бақылауымен жүргізуге арналған, бойлай жүруге арналған жүгіру төсемі мен электр жетектері бар жақтаудан, тірек-қимыл жүйесіне жүктемені азайту мақсатында пациентті қолдауды қамтамасыз ететін құралмен жабдықталған басқару панелі мен тұтқалары бар қатты тіреу бағанынан тұратын гравитацияға қарсы жүгіру жолы Сыртқы экономикалық қызметтің тауар номенклатурасын түсіндірудің 1-негізгі ережесіне сәйкес Еуразиялық экономикалық одақтың сыртқы экономикалық қызметінің Бірыңғай тауар номенклатурасының 9019 тауар позициясында сыныпталады.
3. Осы шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономкалық комиссиясы алқасының төрағасы |
Б. Сағынтаев |
