Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы", 2016 жылғы 6 сәуірдегі "Құқықтық актілер туралы" Заңдарына сәйкес Батыс Қазақстан облысының әкімдігі ҚАУЛЫ ЕТЕДІ:
1. Батыс Қазақстан облысы әкімдігінің 2022 жылғы 19 қазандағы № 226 "Батыс Қазақстан облысының жастар саясаты мәселелері басқармасы" мен "Батыс Қазақстан облысының ішкі саясат басқармасы" мемлекеттік мекемелерін қайта құру туралы" (облыс әкімдігінің 2025 жылғы 27 маусымдағы № 137 қаулысымен енгізілген өзгерістерді қоса) қаулысымен бекітілген "Батыс Қазақстан облысының қоғамдық даму басқармасы" мемлекеттік мекемесі туралы ереже осы қаулының 1-қосымшасына сәйкес жаңа редакцияда жазылсын.
2. Осы қаулының 2-қосымшасына сәйкес Батыс Қазақстан облысы әкімдігінің кейбір қаулылары жойылсын.
3. "Батыс Қазақстан облысы әкімі аппараты" мемлекеттік мекемесі осы қаулының Қазақстан Республикасы нормативтік құқықтық актілері эталондық бақылау банкінде ресми жариялануын қамтамасыз етсін.
4. Осы қаулының орындалуын бақылау Батыс Қазақстан облысы әкімінің жетекшілік ететін орынбасарына жүктелсін.
5. Осы қаулы алғашқы ресми жарияланған күнінен бастап қолданысқа енгізіледі.
| Облыс әкімі | Н. Төреғалиев |
| Батыс Қазақстан облысы әкімдігінің 2026 жылғы "__" ____________ №___қаулысына 1-қосымша |
"Батыс Қазақстан облысының қоғамдық даму басқармасы" мемлекеттік мекемесі туралы ереже
1. Жалпы ережелер
1. "Батыс Қазақстан облысының қоғамдық даму басқармасы" мемлекеттік мекемесі (бұдан әрі - Басқарма) облыстың ішкі және жастар саясаты салаларында басшылықты жүзеге асыратын Қазақстан Республикасының мемлекеттік органы болып табылады.
2. Басқарманың мынадай ведомстволары бар:
1) "Батыс Қазақстан облысы әкімдігі қоғамдық даму басқармасының "Қоғамдық келісім" коммуналдық мемлекеттік мекемесі;
2) Батыс Қазақстан облысы әкімдігі қоғамдық даму басқармасының "Өңірлік коммуникациялар қызметі" коммуналдық мемлекеттік мекемесі;
3) Батыс Қазақстан облысы әкімдігі қоғамдық даму басқармасының "Жастармен жұмыс жөніндегі ресурстық орталығы" коммуналдық мемлекеттік мекемесі;
4) "Жайық Пресс" жауапкершілігі шектеулі серіктестігі.
3. Басқарма өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
4. Басқарма мемлекеттік мекеме ұйымдық-құқықтық нысанындағы заңды тұлға болып табылады, оның Қазақстан Республикасының Мемлекеттік Елтаңбасы бейнеленген мөрлері және атауы мемлекеттік тілде жазылған мөртаңбалары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары бар.
5. Басқарма азаматтық-құқықтық қатынастарды өз атынан жасайды.
6. Басқармаға Қазақстан Республикасының заңнамасына сәйкес уәкілеттік берілген жағдайда ол мемлекеттің атынан азаматтық-құқықтық қатынастардың тарапы болуға құқылы.
7. Басқарма өз құзыретінің мәселелері бойынша заңнамада белгіленген тәртіппен "Батыс Қазақстан облысының қоғамдық даму басқармасы" мемлекеттік мекемесі басшысының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.
8. "Батыс Қазақстан облысының қоғамдық даму басқармасы" мемлекеттік мекемесіның құрылымы мен штат санының лимиті Қазақстан Республикасының заңнамасына сәйкес бекітіледі.
9. Заңды тұлғаның орналасқан жері: индекс 090000, Батыс Қазақстан облысы, Орал қаласы, Ж.Молдағалиев көшесі, 19 үй.
10. Осы Ереже Басқарманың құрылтай құжаты болып табылады.
11. Басқарма қызметін қаржыландыру Қазақстан Республикасының заңнамасына сәйкес жергілікті бюджеттен жүзеге асырылады.
12. Басқарма кәсіпкерлік субъектілерімен Басқарманың өкілеттіктері болып табылатын міндеттерді орындау тұрғысынан шарттық қарым-қатынас жасауға тыйым салынады.
Егер Басқармада заңнамалық актілермен кірістер әкелетін қызметті жүзеге асыру құқығы берілсе, онда алынған кіріс, егер Қазақстан Республикасының заңнамасында өзгеше белгіленбесе, мемлекеттік бюджетке жіберіледі.
2. Мемлекеттік органның мақсаттары мен өкілеттіктері
13. Мақсаттары:
1) облыс тұрғындарының әлеуметтік көңіл-күйін қалыптастыру, азаматтық қоғам институттарын дамыту мен қолдау және аймақтың ақпараттық кеңістігінің бәсекелестік қабілетін арттыру жолымен қоғамдық-саяси тұрақтылықты жүзеге асыру;
2) облыс аумағында мемлекеттік жастар саясатын іске асыру;
3) этносаралық қатынастар саласындағы мемлекеттік саясатты қалыптастыруға және іске асыруға қатысу, Басқарманың құзыретіне жататын қызмет салаларында салааралық үйлестіруді жүзеге асыру.
14. Өкілеттіктері:
1) құқықтары:
мемлекеттік органдардан және лауазымды тұлғалардан, өзге де ұйымдардан және азаматтардан өз функцияларын орындауға қажетті ақпараттарды белгіленген тәртіппен сұрау, Басқарманың құзырына кіретін мәселелерді пысықтау үшін мемлекеттік органдардың және өзге де ұйымдардың қызметкерлерін тарту, тиісті ұсыныстар әзірлеу үшін уақытша жұмыс топтарын құру;
ішкі саясат саласындағы мемлекеттік органдардың қызметін ұйымдастыруды жетілдіру бойынша облыс әкіміне ұсыныстар енгізу, Басқарманың қарауына жататын мәселелер бойынша ақпараттық-талдау және өзге де материалдарды дайындауды жүзеге асыру;
мемлекеттік органдар және лауазымды тұлғаларға Басқарма құзырына кіретін мәселелер бойынша ұйымдастырушылық-әдістемелік, ақпараттық және өзге де көмек көрсету;
тиісті мемлекеттік органдар мен лауазымды тұлғаларға Басқарманың қызмет саласына қатысты тапсырмалар беруге, олардың орындалуын бақылауға, сондай-ақ орталық және жергілікті атқарушы органдар өткізетін іс-шараларға қатысу;
2) міндеттері:
өңірде ішкі саяси тұрақтылықты, ел бірлігін қамтамасыз ету және қоғамды топтастыру жөніндегі мемлекеттік саясатты іске асыру;
өңірдегі жергілікті атқарушы органдардың әлеуметтік-экономикалық, мәдени және қоғамдық-саяси салалардағы мемлекеттік саясаттың негізгі басымдықтарын іске асыру жөніндегі қызметтерін үйлестіру;
облыста Қазақстан Республикасының мемлекеттік жастар саясатын іске асыру;
Қазақстан Республикасы Президентінің және Үкіметінің, облыс әкімі және әкімдігінің, Басқарманың құзырына қатысты мәселелер бойынша құқықтық актілері мен тапсырмаларының орындалуын қамтамасыз ету;
ішкі саясат саласындағы өңірлік маңызы бар бағдарламалық құжаттарды әзірлеу және іске асыру жөніндегі жұмыстарды үйлестіру;
өңірде ішкі саясат саласындағы жұмыстарды ұйымдастыру, Қазақстан дамуының ұзақ мерзімді басымдықтарын тиімді іске асыру бойынша ұсыныстар әзірлеу;
өңірдегі ішкі саяси процестерді және олардың даму үрдістерін зерделеу мен оларға талдау жүргізуді қамтамасыз ету;
азаматтық қоғам институттарымен, өңір жұртшылығы өкілдерімен өзара іс-қимыл жасау;
Батыс Қазақстан облысы Қазақстан халқы Ассамблеясы Кеңесі мен Сессиясының кезекті отырысына материалдар дайындауды ұйымдастыру және отырыста әзірленген ұсынымдарды жүзеге асыру, сондай-ақ жетекшілік ететін мәселелер бойынша облыс әкімінің өкімдері мен шешімдерінің және облыс әкімдігі қаулыларының орындалуын қамтамасыз ету;
Батыс Қазақстан облысы Қазақстан халқы Ассамблеясы Хатшылығының негізгі қызметі бойынша құжаттардың орындалуын бақылауды және жоғары тұрған органдарға уақтылы әрі сапалы жолдануын жүзеге асыру;
жариялануға жататын мәслихаттардың нормативтік құқықтық шешімдерін, әкімдіктің нормативтік құқықтық қаулылары мен облыс әкімінің нормативтік құқықтық шешімдерін ресми жариялауды жүзеге асыру.
15. Функциялары:
1) ішкі саясаттың негізгі бағыттары бойынша, соның ішінде білім, денсаулық сақтау, халықты әлеуметтік қамтамасыз ету және қорғау, жұмыспен қамту, этносаралық және конфессияаралық келісім, патриоттық тәрбие беру және жастар саясаты, мемлекеттік рәміздерді насихаттау, тіл, ақпараттық, мәдени, гендерлік және отбасылық-демографиялық салалардағы мәселелер бойынша өңірдегі жергілікті атқарушы органдардың қызметтерін ақпараттық-идеологиялық сүйемелдеу;
2) ішкі саяси тұрақтылықты, ел бірлігін және қоғамды топтастыруды қамтамасыз етуге бағытталған практикалық және өзге де іс-шаралар кешенін іске асыру;
3) өңірдегі ірі қоғамдық-маңызды іс-шараларды ақпараттық-талдамалық және ұйымдастырушылық-техникалық сүйемелдеу;
4) қоғамдық-саяси тұрақтылықты нығайту және әлеуметтік шиеленіс ошақтарына жол бермеу, мемлекеттік жастар саясатын тиімді іске асыру, мемлекеттік органдар мен азаматтық сектордың өзара іс-қимылының сапасын арттыру бойынша басқарушылық шешім қабылдау үшін практикалық ұсынымдар әзірлеу;
5) этносаралық қатынастар саласындағы мемлекеттік саясатты қалыптастыруға және этносаралық толеранттылық пен қоғамдық келісім, мемлекеттік тілді және Қазақстан халқының басқа да тілдерін дамыту саласындағы шараларды ұйымдастыруға және іске асыруға қатысу;
6) этносаралық қатынастар саласындағы келіспеушіліктер мен дауларды реттеу, даулы жағдайларға жол бермеу жөнінде ұсынымдарды әзірлеп, практикалық шараларды жүзеге асыру;
7) Президенттің Қазақстан халқына жыл сайынғы Жолдауларын және басқа да стратегиялық құжаттарды түсіндіру мен насихаттау жөніндегі республикалық және өңірлік деңгейдегі ақпараттық топтардың өңірдегі қызметін ұйымдастыру, ақпараттық-әдістемелік қамтамасыз ету;
8) саяси партиялармен, үкіметтік емес, жастар, этномәдени және басқа да қоғамдық ұйымдармен, құқық қорғау, кәсіптік одақтармен, бұқаралық ақпарат құралдарымен, ғылыми және шығармашылық қауымдастықтармен, қоғамдық пікір көшбасшыларымен өзара іс-қимыл жасауды жүзеге асыру;
9) Басқарма құзыретіне кіретін мәселелер бойынша облыс әкімінің (әкімдігінің) жанындағы кеңесші органдар мен жұмыс топтарын материалдармен қамтамасыз ету;
10) өңірдегі қоғамдық-саяси ахуалға талдау жасау және болжамдау;
11) облыстың әлеуметтік-экономикалық және қоғамдық-саяси өміріне жастарды тарту бойынша және жастардың азаматтық жауапкершілігі мен патриотизмін дамыту бойынша жұмыстарды үйлестіру;
12) мемлекеттік жастар саясатын іске асырудың тиімділігін арттыру үшін жастардың қажеттіліктеріне мониторинг және бағалау жүргізуді қамтамасыз ету;
13) Басқарманың құзыреттері шегінде гендерлік және отбасылық-демографиялық саясатты іске асыру;
14) әлеуметтік маңызды жобаларды орындауға арналған мемлекеттік әлеуметтік тапсырыстарды тиімді іске асыруды қамтамасыз ету, оның ішінде конкурстық рәсімдер мен жобалардың іске асырылу барысына мониторинг жүргізу;
15) концептуалдық құжаттарды әзірлеуге, Басқарма құзырына кіретін мәселелер бойынша облыс әкімі актілерінің жобаларын дайындауға және оларға талдау жасауға қатысу;
16) жоғары тұрған мемлекеттік органдармен, Парламентпен, мәслихатпен, облыс әкімінің аппаратымен Басқарманың құзырына кіретін мәселелер бойынша өзара іс-қимыл жасау;
17) қайырымдылық, медиация және қоғамдық бақылау саласындағы жаңа жұмыс бағыттарын дамытуға қолдау көрсету;
18) мемлекеттік органдардың мемлекеттік рәміздерді кеңінен танымал ету жөніндегі жұмысын ұйымдастыру және Қазақстан Республикасының осы саладағы заңнамасының сақталуына мониторинг жүргізу;
19) коммерциялық емес ұйымдардың, Батыс Қазақстан облысы аумағында қызметін жүзеге асыратын шетелдік және халықаралық коммерциялық емес ұйымдар филиалдары мен өкілдіктерінің (оқшауланған бөлімшелерінің) үкіметтік емес ұйымдарымен өзара іс-қимыл саласындағы уәкілетті органға өз қызметі туралы, оның ішінде өзінің құрылтайшылары (қатысушылары), мүлкінің құрамы, ақшаның қалыптасу көздері және жұмсалу бағыттары туралы мәліметтерді ұсынбауы, уақтылы ұсынбауы, сол сияқты анық емес немесе көрінеу жалған мәліметтерді ұсынуын бақылауды жүзеге асыру;
20) "Бұқаралық ақпарат құралдары туралы" Қазақстан Республикасы Заңына сәйкес бұқаралық ақпарат құралдары арқылы мемлекеттік ақпараттық саясатты іске асыру;
21) "Бұқаралық ақпарат құралдары туралы" Қазақстан Республикасы Заңында қарастырылған, сондай-ақ бұқаралық ақпарат құралдары арқылы таратылатын жарнамаларға қатысты талаптардың сақталуына мониторинг жүргізу;
22) мемлекеттік мерекелерге, атаулы оқиғаларға және тарихи күндерге арналған іс-шараларға орайластырылған әлеуметтік жарнаманың орналастырылуын және сыртқы безендірілуін қамтамасыз ету және бақылауды жүзеге асыру;
23) Басқарманың құзырына кіретін мәселелер бойынша ақпараттық базаны жасақтау, жинақтау, жинап-қорыту және жіктеу;
24) телерадио хабарларын тарату операторларының қызметтеріне шартты қолжетімді карталарды және телерадио хабарларын тарату саласында лицензиясы жоқ және Қазақстан Республикасының аумағында меншікті спутниктік хабар тарату жүйелері жоқ телерадио хабарларын тарату операторларының теле-, радиосигналын жеке-дара қабылдауға арналған жабдықтарды таратуына тыйым салу жөніндегі талаптардың сақталуын мемлекеттік бақылауды жүзеге асыру;
25) Қазақстан Республикасының заңнамаларында қарастырылған өзге де функцияларды жүзеге асыру.
3. Мемлекеттік органның бірінші басшысының мәртебесі, өкілеттіктері
16. Басқарманы басқаруды бірінші басшы жүзеге асырады, ол Басқармаға жүктелген міндеттердің орындалуына және оның өз өкілеттіктерін жүзеге асыруына дербес жауапты болады.
17. Басқарманың бірінші басшысы Қазақстан Республикасының заңнамасына сәйкес лауазымға тағайындалады және лауазымнан босатылады.
18. Басқарманың бірінші басшысының Қазақстан Республикасының заңнамасына сәйкес лауазымға тағайындалатын және лауазымнан босатылатын орынбасарлары болады.
19. Басқарманың бірінші басшысының өкілеттіктері:
1) Басқарманың құрылымдық бөлімдері басшыларының міндеттері мен өкілеттіктерін белгілейді;
2) сыбайлас жемқорлыққа қарсы іс-қимыл жөніндегі жұмыстарды жүргізеді және осы бағыттағы жұмысқа дербес жауап береді.
3) Басқарма қызметкерлерін және ведомстволық бағынысты ұйымдардың басшыларын тағайындайды және лауазымдарынан босатады;
4) заңнамада белгіленген тәртіппен Басқарма қызметкерлерін және ведомстволық бағынысты ұйымдардың басшыларын ынталандыру, материалдық көмек көрсету, тәртіптік жаза қолдану мәселелерін шешеді;
5) Басқарманың құрылымдық бөлімшелері туралы ережелерін және қызметкерлердің лауазымдық нұсқаулықтарын бекітеді;
6) өз құзыреті шеңберінде бұйрықтар шығарады, нұсқаулар береді, қызметтік құжаттарға қол қояды;
7) Қазақстан Республикасының заңнамасына сәйкес мемлекеттік органдарда, өзге де ұйымдарда Басқарма атынан өкілдік етеді;
8) белгіленген тәртіппен қаржылық-экономикалық және шаруашылық қызмет мәселелерін шешеді, бюджеттік қаражаттардың тиімді және мақсатты орындалуын бақылайды;
9) Басқарма құзырына кіретін мәселелер бойынша нормативтік құқықтық актілерді, бағдарламалардың жобаларын және басқа да құжаттардың орындалу барысын бақылайды.
10) Қазақстан Республикасының заңнамасына сәйкес өзге де өкілеттіктерді жүзеге асырады;
Басқарманың бірінші басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға жүзеге асырады.
20. Бірінші басшы өз орынбасарларының өкілеттіктерін қолданыстағы заңнамаға сәйкес айқындайды.
4. Мемлекеттік органның мүлкі
21. Басқарма заңнамада көзделген жағдайларда жедел басқару құқығында оқшауланған мүлкі болуы мүмкін.
Басқарманың мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.
22. Басқармаға бекітілген мүлік коммуналдық меншікке жатады.
23. Егер заңнамада өзгеше көзделмесе, Басқарманың өзіне бекітілген мүлікті және қаржыландыру жоспары бойынша өзіне берілген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.
5. Мемлекеттік органды қайта ұйымдастыру және тарату
24. Басқарманы қайта ұйымдастыру және тарату Қазақстан Республикасының заңнамасына сәйкес жүзеге асырылады.
| Батыс Қазақстан облысы әкімдігінің 2026 жылғы "__" ____________ №___қаулысына 2-қосымша |
Батыс Қазақстан облысы әкімдігінің жойылатын қаулыларының тізімі
1. Батыс Қазақстан облысы әкімдігінің 2023 жылғы 6 қаңтардағы № 8 "Батыс Қазақстан облысы әкімдігінің 2022 жылғы 19 қазандағы № 226 "Батыс Қазақстан облысының жастар саясаты мәселелері басқармасы" мен "Батыс Қазақстан облысының ішкі саясат басқармасы" мемлекеттік мекемелерін қайта құру туралы" қаулысына өзгеріс енгізу туралы" қаулысы;
2. Батыс Қазақстан облысы әкімдігінің 2023 жылғы 24 қарашадағы № 295 "Батыс Қазақстан облысы әкімдігінің 2022 жылғы 19 қазандағы № 226 "Батыс Қазақстан облысының жастар саясаты мәселелері басқармасы" мен "Батыс Қазақстан облысының ішкі саясат басқармасы" мемлекеттік мекемелерін қайта құру туралы" қаулысына өзгеріс енгізу туралы" қаулысы;
3. Батыс Қазақстан облысы әкімдігінің 2025 жылғы 16 маусымдағы № 130 "Батыс Қазақстан облысы әкімдігінің 2022 жылғы 19 қазандағы № 226 "Батыс Қазақстан облысының жастар саясаты мәселелері басқармасы" мен "Батыс Қазақстан облысының ішкі саясат басқармасы" мемлекеттік мекемелерін қайта құру туралы" қаулысына өзгеріс енгізу туралы" қаулысы.
