"Әскери қызмет және әскери қызметшілердің мәртебесі туралы" Қазақстан Республикасының Заңы 12-бабының 4-тармағына, және "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасының Заңы 10-бабының 1) тармақшасына және "Мемлекеттiк статистика туралы" Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:
Ескерту. Кіріспе жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.1. Қоса беріліп отырған Қазақстан Республикасы Қорғаныс министрлігінің мамандандырылған ұйымдарында əскери-техникалық жəне өзге де мамандықтар бойынша əскерге шақырылушыларды, əскери міндеттілерді жинау, оларды жіберу жəне өтеусіз жəне өтеулі негіздерде оқыту, оқу-тəрбие процесін ұйымдастыру қағидалары, сондай-ақ оқу мерзімдері бекітілсін.
2. Қазақстан Республикасы Қарулы Күштері Бас штабының Ұйымдастыру-жұмылдыру жұмыстары департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты алғашқы ресми жарияланғанынан кейін Қазақстан Республикасы Қорғаныс министрлігінің интернет-ресурсына орналастыруды;
3) мемлекеттік тіркелген күннен бастап күнтізбелік он күн ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қорғаныс министрлігінің Заң департаментіне жолдауды;
4) мемлекеттік тіркелген күннен бастап үш жұмыс күні ішінде енгізілген өзгерістер мен (немесе) толықтырулар туралы ақпаратты Бірыңғай байланыс орталығына, "Азаматтарға арналған үкімет" мемлекеттік корпорациясы" коммерциялық емес акционерлік қоғамына, "электрондық үкіметтің" ақпараттық-коммуникациялық инфрақұрылымы операторына, Қорғаныс министрлігінің жергілікті әскери басқару органдарына және облыстардың, Астана, Алматы және Шымкент қалаларының, аудандардың және облыстық маңызы бар қалалардың жергілікті атқарушы органдарына жолдауды қамтамасыз етсін.
Ескерту. 2-тармақ жаңа редакцияда - ҚР Қорғаныс министрінің 04.01.2023 № 2 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.3. Осы бұйрықтың орындалуын бақылау Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығына жүктелсін.
4. Осы бұйрық лауазымды адамдарға, оларға қатысты бөлігінде жеткізілсін.
5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Қорғаныс министрі генерал-полковник |
С. Жасұзақов |
| Қазақстан Республикасы Қорғаныс министрінің 2017 жылғы 17 шілдедегі № 357 бұйрығымен бекітілген |
Қазақстан Республикасы Қорғаныс министрлігінің мамандандырылған ұйымдарында әскери-техникалық және өзге де мамандықтар бойынша әскерге шақырылушыларды, әскери міндеттілерді жинау, оларды жіберу және өтеусіз және өтеулі негіздерде оқыту, оқу-тәрбие процесін ұйымдастыру қағидалары, сондай-ақ оқу мерзімі
Ескерту. Қағидалар жаңа редакцияда - ҚР Қорғаныс министрінің 29.10.2025 № 1509 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
1-тарау. Жалпы ережелер
1. Осы Қазақстан Республикасы Қорғаныс министрлігінің мамандандырылған ұйымдарында әскери-техникалық және өзге де мамандықтар бойынша әскерге шақырылушыларды, әскери міндеттілерді жинау, оларды жіберу және өтеусіз және өтеулі негіздерде оқыту, оқу-тәрбие процесін ұйымдастыру қағидалары (бұдан әрі – Қағидалар), сондай-ақ оқу мерзімі Қазақстан Республикасы Қорғаныс министрлігінің мамандандырылған ұйымдарына (бұдан әрі – мамандандырылған ұйым) əскери-техникалық жəне өзге де мамандықтар бойынша əскерге шақырылушыларды, əскери міндеттілерді жинау, оларды жіберу жəне өтеусіз жəне өтеулі негіздерде оқыту, оқу-тəрбие процесін ұйымдастыру тәртібін, сондай-ақ оқу мерзімін айқындайды.
2. Осы Қағидаларда мынадай ұғымдар пайдаланылады:
1) "Қазақстан Республикасы Қорғаныс министрлігінің жұмылдыру ресурсы автоматтандырылған жүйесінің интеграциялық шлюзі" цифрлық жүйесі (бұдан әрі – ҚР ҚМ ЦЖ) – әскери есепке алуды автоматтандыруға және мемлекеттік қызмет көрсетуге арналған цифрлық жүйе;
2) оқу-материалдық база – мамандықтар бойынша әскери-техникалық және өзге де мамандарды даярлауды қамтамасыз ететін материалдық және техникалық құралдар, ғимараттар мен құрылысжай кешені;
3) өзіндік даярлық – оқып-үйренуші құрамның мамандық бойынша теориялық білім деңгейін, педагогикалық шеберлігін арттырудың негізгі әдісі.
Ескерту. 2-тармаққа өзгеріс енгізілді – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.3. Әскерге шақырылушылар мен әскери мiндеттiлердi әскери-техникалық және өзге де мамандықтар бойынша оқыту мамандандырылған ұйымдарда Қазақстан Республикасы Қарулы Күштерiнiң қажеттiлiгiне сәйкес өтеусiз негiзде және оқытуға арналған шығыстарды толық немесе iшiнара өтей отырып, өтеулi негiзде жүргiзiледi.
Азаматтарды әскери-техникалық және өзге де мамандықтар бойынша өтеулі негізде даярлау бойынша көрсетілетін қызметтің бағасы "Қазақстан Республикасы Қорғаныс министрлігінің әскери-техникалық мектебі" республикалық мемлекеттік қазыналық кәсіпорны өндіретін және өткізетін тауарлардың (жұмыстардың, көрсетілетін қызметтердің) бағасын бекіту туралы" Қазақстан Республикасы Қорғаныс министрінің 2024 жылғы 30 желтоқсандағы № 1507 бұйрығымен белгіленген.
Әскерге шақырылушылар мен әскери міндеттілердің оқуы үшін ақы төлеу Қазақстан Республикасы Қорғаныс министрлігінің мамандандырылған ұйымының есеп шотына жүргізіледі.
Ескерту. 3-тармақ жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.4. Қазақстан Республикасы Қарулы Күштерінің Бас штабы Қазақстан Республикасы Қарулы Күштерінің әскери-техникалық және өзге де мамандарға қажеттілігіне сәйкес алдағы күнтізбелік жылға:
осы Қағидаларға 1-қосымшаға сәйкес нысан бойынша тиісті жылға арналған Қазақстан Республикасы Қорғаныс министрлігінің мамандандырылған ұйымында өтеусіз негізде әскери-техникалық және өзге де мамандықтар бойынша даярлау жоспарын (бұдан әрі – өтеусіз негізде даярлау жоспары);
осы Қағидаларға 2-қосымшаға сәйкес нысан бойынша тиісті жылға арналған Қазақстан Республикасы Қорғаныс министрлігінің мамандандырылған ұйымында өтеулі негізде әскери-техникалық және өзге де мамандықтар бойынша даярлау жоспарын (бұдан әрі – өтеулі негізде даярлау жоспары) әзірлейді.
5. Алдағы күнтізбелік жылға арналған өтеусіз және өтеулі негізде даярлау жоспарын ағымдағы жылғы 1 желтоқсанға дейінгі мерзімде Қазақстан Республикасының Қорғаныс министрі бекітеді және жоспарлы кезеңге арналған шығысты жоспарлау және жұмысты ұйымдастыру үшін мамандандырылған ұйымға, жергілікті әскери басқару органына (бұдан әрі – ЖӘБО) және бюджеттік бағдарлама іс-шарасына жауапты орындаушыларға жеткізіледі.
6. Бекітілген өтеулі негізде даярлау жоспары ҚР ҚМ ЦЖ-ға енгізіледі.
Ескерту. 6-тармақ жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.7. Мамандандырылған ұйымды жасақтау аумақтық және эксаумақтық қағидат бойынша жүргізіледі.
8. Әскерге шақырылушылар мен әскери міндеттілер осы Қағидаларға 3-қосымшаға сәйкес нысан бойынша медициналық куәландыру картасы бойынша Қазақстан Республикасы Қорғаныс министрінің 2020 жылғы 21 желтоқсандағы № 716 бұйрығымен бекітілген Әскери-дәрігерлік сараптама жүргізу қағидаларына (бұдан әрі – Әскери-дәрігерлік сараптама жүргізу қағидалары) (Нормативтік құқықтық актілерді мемлекеттік тіркеу тізілімінде № 21869 болып тіркелген) және Әскери-дәрігерлік сараптама комиссиялары туралы ережеге және Қазақстан Республикасы Қорғаныс министрінің 2020 жылғы 22 желтоқсандағы № 722 бұйрығымен бекітілген Қазақстан Республикасының Қарулы Күштерінде, басқа да әскерлерi мен әскери құралымдарында қызмет өткеру үшiн адамдар денсаулық жағдайына қойылатын талаптарға сәйкес (Нормативтік құқықтық актілерді мемлекеттік тіркеу тізілімінде № 21863 болып тіркелген) медициналық куәландырудан өтеді.
9. Осы Қағидаларда:
1) әскерге шақырылушылар мен әскери міндеттілерді оқыту мерзімі;
2) әскерге шақырылушыларды қабылдау және өтеусіз негізде оқуға жіберу;
3) әскерге шақырылушылар мен әскери міндеттілерді қабылдау және өтеулі негізде оқуға жіберу;
4) оқу-тәрбие процесін ұйымдастыру;
5) мемлекеттік қызметті көрсету мәселесі бойынша лауазымды адамның шешіміне, әрекетіне (әрекетсіздігіне) шағымдану тәртібі;
6) құжаттардың нысандары және оларды жүргізу тәртібі көзделеді.
2-тарау. Әскерге шақырылушыларды қабылдау және өтеусіз негізде даярлауға жіберу тәртібі
10. Өтеусіз негізде əскери-техникалық жəне өзге де мамандықтар бойынша даярлауға денсаулық жағдайы бойынша əскери қызметке жарамды, он жеті жас алты айдан жиырма алты жасқа дейінгі, даярлықты бітіргеннен кейін мерзімді əскери қызметке шақырылуға жататын немесе жұмылдыру резервіне алынатын азаматтар тартылады.
Даярлауға қабылдауды ЖӘБО негізгі орта және одан жоғары білімі бар әскерге шақырылушылар қатарынан жүргізеді. Әскерге шақырылушыларды оқуға іріктеу кезінде бұрын алған мамандығы да ескеріледі.
11. Әскерге шақырылушыларды оқуға іріктеу оқу сабағы басталғанға дейін күнтізбелік он күннен кешіктірілмей аяқталады.
12. Даярлауға іріктеліп алынған әскерге шақырылушылар оқудың басталуына қарай ЖӘБО өкілінің бірге жүруімен осы Қағидаларға 4-қосымшаға сәйкес нысан бойынша екі данада жасалған өтеусіз негізде әскери-техникалық және өзге де мамандықтар бойынша даярлауға іріктеліп алынған әскерге шақырылушылардың атаулы тізімі бойынша (бұдан әрі – атаулы тізім) мамандандырылған ұйымға беріледі.
Атаулы тізімнің бірінші данасы және медициналық куәландыру картасы мамандандырылған ұйымға беріледі, атаулы тізімнің екінші данасы ЖӘБО-да сақталады.
Он жеті жас алты айдан он сегіз жасқа дейінгі әскерге шақырылушылардың атаулы тізіміне өтеусіз негізде әскери-техникалық және өзге де мамандықтар бойынша оқуға шарт жасауға олардың заңды өкілінің келісімі қоса тіркеледі.
13. Әскерге шақырылушыларды оқуға қабылдау атаулы тізім негізінде мамандандырылған ұйым басшысының не оның орнында болатын адамның бұйрығымен жүргізіледі.
14. Әскерге шақырылушылар оқу бітіргеннен кейін ЖӘБО өкілдерінің бірге жүруімен тұрақты (уақытша) тұратын жеріне кетеді.
15. Әскерге шақырылушыларды ЖӘБО-дан мамандандырылған ұйымға және кері қарай жеткізу шығысы өтеусіз негізде әскери-техникалық және өзге де мамандықтар бойынша оқыту құнының калькуляциясына қосылады.
16. Әскерге шақырылушылар үлгермеушілігі, тәртіпсіздігі, сондай-ақ өз қалауы бойынша мамандандырылған ұйымнан шығарылған жағдайда оқытуға жұмсалған шығынды жасалған шартқа сәйкес, ал бас тартқан жағдайда сот тәртібінде әскерге шақырылушылар өтейді.
17. ЖӘБО жыл сайын 30 маусымға және 31 желтоқсанға қарай (көктемгі және күзгі әскерге шақыру кезеңі аяқталғаннан кейін) Қазақстан Республикасы Қарулы Күштерінің Бас штабына осы Қағидаларға 5-қосымшаға сәйкес нысан бойынша Қазақстан Республикасы Қорғаныс министрлігінің мамандандырылған ұйымында даярланған әскери-техникалық және өзге де мамандар, бар кемшіліктер және оларды жою бойынша қабылданған шаралар туралы ақпарат ұсынады.
18. Оқыту процесінде Қазақстан Республикасы Қарулы Күштерінің Бас әскери-медициналық басқармасы әскери-емдеу мекемелері арқылы оқып-үйренушілерді қажетті дәрі-дәрмекпен қамтамасыз етуді және емдеуді жүзеге асырады.
3-тарау. Әскерге шақырылушылар мен әскери міндеттілерді қабылдау және өтеулі негізде даярлауға жіберу тәртібі
19. Өтеулі негізде әскери-техникалық және өзге де мамандықтар бойынша даярлауға:
денсаулық жағдайы бойынша әскери қызметке жарамды әскери міндеттілер;
жиырма төрт жастан жиырма жеті жасқа дейінгі, денсаулық жағдайы бойынша әскери қызметке жарамды немесе шектеулі жарамды, оның ішінде әскери қызметке шақыру кейінге қалдырылған әскерге шақырылушылар тартылады.
20. Әскерге шақырылушылар мен әскери міндеттілерді қабылдау және өтеулі негізде әскери-техникалық және өзге де мамандықтар бойынша даярлауға жіберу:
әскерге шақырылушылар мен әскери міндеттілерді әскери-техникалық және өзге де мамандықтар бойынша даярлауға жіберу үшін кезекке қою;
әскерге шақырылушылар мен әскери міндеттілерді әскери-техникалық және өзге де мамандықтар бойынша даярлауға жіберу мемлекеттік қызметін көрсету тәртібінде жүзеге асырылады.
Көрсетілген мемлекеттік қызметті Қазақстан Республикасының Қорғаныс министрлігі ҚР ҚМ ЦЖ-ны пайдаланып, ЖӘБО (бұдан әрі – көрсетілетін қызметті беруші) арқылы көрсетеді.
Ескерту. 20-тармақ жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.21. "Әскерге шақырылушылар мен әскери міндеттілерді әскери-техникалық және өзге де мамандықтар бойынша даярлауға жіберу үшін кезекке қою" мемлекеттік көрсетілетін қызметін алу үшін әскерге шақырылушылар мен әскери міндеттілер (бұдан әрі – көрсетілетін қызметті алушылар) осы Қағидаларға 6-қосымшаға сәйкес нысан бойынша www.egov.kz "цифрлық үкімет" веб-порталы (бұдан әрі – портал) арқылы өтініш береді.
Көрсетілетін қызметті алушы өтінішке осы Қағидаларға 3-қосымшаға сәйкес нысан бойынша медициналық куәландыру картасының электрондық көшірмесін тіркейді. Медициналық куәландыру картасы әскери қызметке жарамдылық дәрежесі туралы қорытындыны алған сәттен бастап 10 жұмыс күні ішінде жарамды.
Өтінішті ресімдеу алдында портал көрсетілетін қызметті алушының жасы (24 жастан асқан) және жынысы бойынша белгіленген талаптарға сәйкес келуін тексереді. Көрсетілген талаптарға сәйкес келсе, көрсетілетін қызметті алушы оқу кезеңін және оқығысы келетін мамандандырылған ұйымды таңдайды.
Мемлекеттік қызмет көрсету процесінің сипаттамасы, нысаны, мазмұны мен нәтижесі қамтылатын мемлекеттік қызмет көрсетуге қойылатын негізгі талаптар тізбесі, сондай-ақ оны көрсету ерекшеліктері ескерілген өзге де мәліметтер осы Қағидаларға 7-қосымшаға сәйкес Мемлекеттік қызмет көрсетуге қойылатын негізгі талаптар тізбесінде жазылған.
Көрсетілетін қызметті алушының жеке басын куәландыратын құжаттар туралы және тұрғылықты жері немесе уақытша болатын жері бойынша тіркелгені туралы мәліметтерді көрсетілетін қызметті беруші мемлекеттік цифрлық жүйеден алады.
Көрсетілетін қызметті беруші көрсетілетін қызметті алушының "жеке кабинетіне" мемлекеттік қызметті көрсету нәтижесін алу күнін көрсетіп, өтініштің қабылданғаны туралы не көрсетілетін қызметті алушы толық емес және (немесе) жарамдылық мерзімі өткен құжат топтамасын ұсынған кезде мемлекеттік қызмет көрсетуге өтінішті қабылдаудан бас тарту туралы хабарлама жібереді.
Көрсетілетін қызметті беруші құжат түскен күні оны қабылдау, тіркеу және орындау үшін орындаушыға беруді жүзеге асырады.
Орындаушы құжат топтамасының осы Қағидаларда белгіленген талаптарға сәйкес келуін қарауды, мемлекеттік көрсетілетін қызмет нәтижесін басшыға қол қойғызуға дайындауды 1 жұмыс күні ішінде жүзеге асырады (өтініш пен құжаттар қабылданған күн қызмет көрсету мерзіміне кірмейді).
Мемлекеттік қызметті көрсету нәтижесі осы Қағидаларға 8-қосымшаға сәйкес нысан бойынша әскери-техникалық және өзге де мамандықтар бойынша даярлауға жіберу үшін кезекке қою туралы хабарлама не осы Қағидаларға 9-қосымшаға сәйкес нысан бойынша мемлекеттік қызметті көрсетуден бас тарту туралы хабарлама болып табылады.
Ескерту. 21-тармақ жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.22. алып тасталды - ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
23. "Әскерге шақырылушылар мен әскери міндеттілерді әскери-техникалық және басқа да мамандықтар бойынша даярлауға жіберу" мемлекеттік көрсетілетін қызметі көрсетілетін қызметті алушының ұялы байланыс абоненттік құрылғысының телефон нөмірі проактивті форматта порталға тіркелген кезде әскери-техникалық және өзге де мамандықтар бойынша даярлауға жіберу үшін кезекте тұрған көрсетілетін қызметті алушыға беріледі.
Абоненттік нөмірді порталдың есептік жазбасына қосу Қазақстан Республикасы Инвестициялар және даму министрінің міндетін атқарушының 2016 жылғы 25 қаңтардағы № 58 бұйрығымен бекітілген (Нормативтік құқықтық актілерді мемлекеттік тіркеу тізілімінде № 13195 болып тіркелген) Ұялы байланыстың абоненттік құрылғысы арқылы электрондық нысанда мемлекеттік және өзге де көрсетілетін қызметтерді алу үшін ұялы байланыс операторы беретін абоненттің абоненттік нөмірін тіркеу және оны "цифрлық үкіметтің" веб-порталының есептік жазбасына қосу қағидаларына сәйкес жүргізіледі.
Мемлекеттік қызмет көрсету процесінің сипаттамасы, нысаны, мазмұны мен нәтижесі қамтылатын мемлекеттік қызмет көрсетуге қойылатын негізгі талаптар тізбесі, сондай-ақ оны көрсету ерекшеліктері ескерілген өзге де мәліметтер осы Қағидаларға 12-қосымшаға сәйкес Мемлекеттік қызмет көрсетуге қойылатын негізгі талаптар тізбесінде жазылған.
Кезекті оқыту күні басталғанға дейін 3 жұмыс күні бұрын ҚР ҚМ ЦЖ автоматты режимде кезекте тұрған көрсетілетін қызметті алушыларды:
әскерге шақырылушы немесе әскери міндетті ретінде әскери есепте тұруы;
мүгедектікті белгілеу;
дерматология, онкология орталықтарында, "Фтизиатрия" фтизиопульмонология орталығында, "Психиатрия" және "Наркология" психикалық денсаулық орталығында динамикалық байқауда тұруы мәніне тексереді. Тексеру жүргізілгеннен кейін ҚР ҚМ ЦЖ автоматты түрде мемлекеттік қызмет көрсету нәтижесін қалыптастырады.
Мемлекеттік қызметті көрсету нәтижесі:
көрсетілетін қызметті алушының әскери есепте әскерге шақырылушы немесе әскери міндетті ретінде тұруы расталған, мүгедектікті белгілеу не динамикалық байқауда болмаған кезде осы Қағидаларға 13-қосымшаға сәйкес нысан бойынша әскери-техникалық және өзге де мамандықтар бойынша даярлыққа жіберу;
көрсетілетін қызметті алушы әскери есептен алып тасталған не шығарылған, мүгедектігі не динамикалық байқауда болуы анықталған кезде әскери-техникалық және өзге де мамандықтар бойынша даярлауға жіберу кезегінен шығара отырып, осы Қағидаларға 14-қосымшаға сәйкес нысан бойынша проактивті қызмет көрсетуден бас тарту туралы хабарлама жіберу.
Ескерту. 23-тармақ жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.24. Оқуға жіберілген көрсетілетін қызметті алушылар осы Қағидалардың 23-тармағына сәйкес мемлекеттік қызмет көрсету нәтижесінде алынған әскери-техникалық және өзге де мамандықтар бойынша даярлауға жолдамада көрсетілген уақытта мамандандырылған ұйымға өздері келеді.
25. Әскерге шақырылушылар мен әскери міндеттілерді оқуға қабылдау, оқуға уақытында келмеген не одан бас тартқан адамдарды қоспағанда, даярлауға жолдамалар негізінде мамандандырылған ұйым басшысының бұйрығымен жүргізіледі.
Мамандандырылған ұйым басшысының бұйрығы шыққаннан кейін оқу взводтарын толық жасақтауға тек бұрын оқыған және денсаулық жағдайы бойынша оқудан шығарылған әскерге шақырылушылар мен әскери міндеттілер сауыққаннан кейін өзі өтініш берген жағдайда жол беріледі.
Ескерту. 25-тармақ жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.26. Қазақстан Республикасының Қорғаныс министрлігі осы Қағидаларға енгізілген өзгерістер мен (немесе) толықтырулар туралы ақпаратты мемлекеттік тіркелген күннен бастап үш жұмыс күні ішінде Бірыңғай байланыс орталығына, "Азаматтарға арналған үкімет" мемлекеттік корпорациясы" коммерциялық емес акционерлік қоғамына, "цифрлық үкімет" ақпараттық-коммуникациялық инфрақұрылымы операторына және ЖӘБО-ға жібереді.
Ескерту. 26-тармақ жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.4-тарау. Оқыту және оқу-тәрбие процесін ұйымдастыру тәртібі
27. Әскерге шақырылушылар мен әскери міндеттілерді мамандандырылған ұйымда оқыту Қазақстан Республикасы Президентінің 2007 жылғы 5 шілдедегі № 364 Жарлығымен бекітілген Қазақстан Республикасы Қарулы Күштері, басқа да әскерлері мен әскери құралымдары жалпыәскери жарғыларының талаптарын ескеріп ұйымдастырылады.
28. Әскери міндеттілер мен әскерге шақырылушыларды оқыту барлық оқу кезеңі бойы құрамы тұрақты болып қалатын, саны 10 адамнан аспайтын оқу бөлімшелерінен тұратын саны 30 адамнан аспайтын оқу взводтарында ұйымдастырылады.
Әрбір оқу бөлімшесінде оқып-үйренушілер қатарынан үлкені тағайындалады.
29. Әскерге шақырылушылар мен әскери міндеттілерді оқыту Қазақстан Республикасының Азаматтық кодексіне сәйкес мамандандырылған ұйым мен оқып-үйренуші арасында жасалған шарт негізінде жүзеге асырылады.
Оқу кезеңінде әскерге шақырылушылар мен әскери міндеттілер далалық киім-кешекпен (маусым бойынша) қамтамасыз етіледі, үш мезгіл тамақтанып және монша-кір жуу қызметі көрсетіліп, тәулік бойы казармада тұрады, ол әскери-техникалық және өзге де мамандықтар бойынша даярлау құнына кіреді.
30. Оқытудың негізгі нысандары:
1) теориялық сабақ;
2) зертханалық және практикалық сабақ;
3) практикалық сабақ (жаттықтыру);
4) далалық жорық болып табылады.
Көрсетілген оқыту нысандары оқытушының (өндірістік оқыту шеберінің) жетекшілік етуімен оқу пәндері бойынша теориялық білімді меңгерту, бекіту және оқып-үйренушінің зерделенетін қару-жарақ пен техниканы қолдану шеберлігі мен дағдысын пысықтау мақсатында жүргізіледі.
Оқытуды ұйымдастыру үшін қажетті жоспарлау, есепке алу, ақпараттық және есеп беру құжаттарын мамандандырылған ұйым әзірлейді.
31. Әскерге шақырылушылар мен әскери міндеттілерді үлгермеушілігі, тәртіпсіздігі, денсаулық жағдайы бойынша (растайтын құжаттары мен медициналық көрсеткіштері болса), сондай-ақ өз қалауы бойынша мамандандырылған ұйымнан шығару мамандандырылған ұйым басшысының бұйрығымен жүргізіледі.
Жалпы ұзақтығы 40 академиялық сағаттан астам сабақта болмаған кезде әскерге шақырылушылар мен әскери міндеттілерді тәртіпсіздігі немесе денсаулық жағдайы бойынша филиалдан шығаруға жол беріледі.
32. Тәрбие жұмысы іс-шараларын ұйымдастыру мен жүргізу және әскерге шақырушылар мен әскери міндеттілерге әскери-патриоттық тәрбие беру жөніндегі мақсатқа бағытталған жұмысты мамандандырылған ұйымның және оның жастарға әскери-патриоттық тәрбие беру жөніндегі орынбасары (инспектор) қамтамасыз етеді.
Жұмысты ұйымдастыру үшін тәрбие, әлеуметтік-құқықтық және идеологиялық жұмыс жоспары жасалады.
33. Мамандандырылған ұйымда тәрбие жұмысы және әскерге шақырылушылар мен әскери міндеттілерге әскери патриоттық тәрбие беру сабақ кестесінде көзделген сағатта, сондай-ақ күн тәртібінде көзделген сабақтан тыс уақытта жүргізіледі.
34. Әскери-техникалық және өзге де мамандарды даярлауды ұйымдастыруды жоспарлау алдағы күнтізбелік жылға арналған өтеусіз және өтеулі негізде даярлау жоспарынан үзінді алынған сәттен басталады және кейіннен ағымдағы жылғы 25 желтоқсанға дейін іске асыру үшін орындаушыларға жеткізумен аяқталады.
35. Мамандандырылған ұйымның басшысы күнтізбелік жыл басталар алдында алдағы жылға әскери-техникалық және өзге де мамандарды даярлауды ұйымдастыру туралы бұйрық шығарады, онда:
1) мамандандырылған ұйымның алдағы жылда әскери-техникалық және өзге де мамандарды даярлау жөніндегі негізгі міндеттері;
2) алдағы жылда оқу-тәрбие процесін ұйымдастыру;
3) оқытушылармен (өндірістік оқыту шеберлерімен) оқу-әдістемелік сабақ (жиын) өткізу мерзімі;
4) ішкі тәртіпті ұйымдастыру;
5) жеке құрамға аумақты және оқу-материалдық база объектілерін бекітіп беру;
6) күн тәртібі;
7) педагогикалық кеңес құрамы;
8) ішкі тексеру комиссиясының құрамы;
9) қызметкерлерді аттестаттау және сыйақы беру жөніндегі комиссияның құрамы;
10) еңбек дауы жөніндегі келісім комиссиясы;
11) жол-көлік оқиғасының, жарақаттанудың алдын алу, өрт және экология қауіпсіздігі жөніндегі комиссия құрамы;
12) оқу-тәрбие процесіне қатысты мәселелер көрсетіледі.
36. Оқу жұмысы мамандандырылған ұйымның әскери-техникалық және өзге де мамандар даярлау жөніндегі қызметінің негізгі түрі болып табылады. Оқу процесі әскери-техникалық және өзге де мамандар даярлау бағдарламасына сәйкес жүзеге асырылады, ол әскери-техникалық және өзге де мамандар даярлаудың ұйымдастырылуын, идеялық-теориялық және іс жүзіндегі мазмұнын, сондай-ақ олар әскери-техникалық мамандық бойынша алатын теориялық білімнің, іс жүзіндегі дағдының ауқымын айқындайды.
37. Сабақтың басталу және аяқталу уақыты, үзілістің ұзақтығы күн тәртібімен белгіленеді.
38. Негізгі есепке алу құжаттары:
1) сабақ пен тәрбие жұмысын есепке алу журналы;
2) практикалық жұмыс пен көлік жүргізу есепке алынатын жеке кітапша;
3) әскерге шақырылушылар мен әскери міндеттілердің қолданыстағы агрегатта жұмыс істеуін есепке алу журналы (карточкасы);
4) қауіпсіздік техникасы бойынша нұсқау беруді есепке алу журналы;
5) педагогикалық кеңес отырысының хаттамалары кітабы болып табылады.
39. Оқу взводының сабағы мен тәрбие жұмысын есепке алу журналы әскери-техникалық және өзге де мамандарды оқу пәндері бойынша даярлау бағдарламасының орындалуын, оқу взводында тәрбие жұмысының жүргізілуін, әскерге шақырылушылар мен әскери міндеттілердің үлгерімі мен сабаққа қатысуын көрсететін негізгі құжат болып табылады.
40. Негізгі есеп беру құжаттары:
1) бітіру емтихандары хаттамалары;
2) емтихан комиссиясының актілері;
3) бітіру емтихандарының қорытындысы бойынша бұйрықтар болып табылады.
41. Оқу-жаттығу материалдық базаның негізгі элементтері:
1) оқу-жаттығу қару-жарағы мен әскери техникасы, зертхана жабдығы, оқу-жаттығу құралдары, компьютерлік техника, техникалық оқыту құралдары, аспап, көрнекі құралдар мен өзге де мүлік;
2) дәрісхана (дәріс залы), сынып, кабинет, зертхана, кітапхана, оқытушылар бөлмесі, зертханашылар бөлмесі, қаруды, әскери-техникалық мүлікті сақтауға арналған бөлме және өзге де үй-жай;
3) арнайы оқу-жаттығу кешені, оқу-жаттығу қалашығы (оқ ату, инженерлік, радиополигон), автоайлақ, атыс тирі, саптық плац, спорт қалашығы және жалпыәскери және арнайы даярлық жөніндегі бағдарламаларды пысықтау үшін арналған өзге де объектілер;
4) оқу-жаттығу шеберханасы, автомобиль гаражы, парк элементтері, әскери техниканы, қаруды, аспапты, әскери оқу-жаттығу және өзге де мүлікті сақтауға арналған қойма;
5) оқулықтар мен оқу құралдары, оқу-әдістемелік құжаттар мен өзге де материалдық және техникалық құралдар.
42. Мамандандырылған ұйым қажет болған кезде оқу процесінде Қазақстан Республикасы Қорғаныс министрлігі әскери бөлімдерінің, әскери оқу орындары мен мекемелерінің далалық оқу-жаттығу базасын пайдаланады.
5-тарау. Әскери-техникалық және өзге де мамандықтар бойынша оқыту мерзімі
43. Әскерге шақырылушылар мен әскери міндеттілерді әскери-техникалық және өзге де мамандықтар бойынша оқыту мерзімі:
1) өтеусіз негізде – оқу кезеңіне кіретін демалыс және мереке күні санын ескеріп, күнтізбелік 90 күннен 100 күнге дейін;
2) өтеулі негізде – оқу кезеңіне кіретін демалыс және мереке күні санын ескеріп, күнтізбелік 40 күннен 46 күнге дейін деп белгіленеді.
Оқып-үйренушілер саны мен оқыту кезеңі осы Қағидалардың 5-тармағына сәйкес әзірленетін өтеусіз және өтеулі негізде даярлау жоспарында белгіленеді.
44. Мамандандырылған ұйым басшысының оқуға қабылдау және одан шығару немесе оқуды аяқтау туралы бұйрығы шығарылған күн оқудың басталуы және аяқталуы болып саналады.
Бұйрық жобасы ҚР ҚМ ЦЖ-да әзірленіп, электрондық цифрлық қолтаңбамен қол қойылады.
Басшының қолжазба қолтаңбасы қойылып, басылып шығарылған бұйрықтар Қазақстан Республикасы Мәдениет және ақпарат министрінің 2025 жылғы 17 маусымдағы № 279-НҚ бұйрығымен бекітілген Сақтау мерзімін көрсете отырып, мемлекеттік және мемлекеттік емес ұйымдар қызметінде жасалатын үлгілік құжаттар тізбесіне сәйкес сақталуға тиіс.
Ескерту. 44-тармақ жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.6-тарау. Мемлекеттік қызметті көрсету мәселесі бойынша лауазымды адамның шешіміне, әрекетіне (әрекетсіздігіне) шағымдану
45. Көрсетілетін қызметті алушы мемлекеттік қызметті көрсету мәселесі бойынша шағымды шешіміне, әрекетіне (әрекетсіздігіне) шағым жасалатын көрсетілетін қызметті берушіге, лауазымды адамға береді.
Шешіміне, әрекетіне (әрекетсіздігіне) шағым жасалатын көрсетілетін қызметті беруші, лауазымды адам шағым келіп түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді.
Бұл ретте шешіміне, әрекетіне (әрекетсіздігіне) шағым жасалатын көрсетілетін қызметті беруші, лауазымды адам, егер ол 3 (үш) жұмыс күні ішінде шағымда көрсетілген талаптарды толық қанағаттандыратын қолайлы шешім қабылдаса, әрекет жасаса, шағымды қарайтын органға шағымды жібермейді.
"Мемлекеттік көрсетілетін қызметтер туралы" Заңның 25-бабының 2-тармағына сәйкес көрсетілетін қызметті алушының шағымы оны тіркеген күннен бастап 5 (бес) жұмыс күні ішінде қаралуға тиіс.
Мемлекеттік қызмет көрсету сапасын бағалау және бақылау жөніндегі уәкілетті органның мекенжайына келіп түскен көрсетілетін қызметті алушының шағымы тіркелген күнінен бастап 15 (он бес) жұмыс күні ішінде қаралуға тиіс.
Егер заңда өзгеше көзделмесе, сотқа жүгінуге сотқа дейінгі тәртіппен шағым жасалғаннан кейін жол беріледі.
20 __ жылға арналған Қазақстан Республикасы Қорғаныс министрлігінің мамандандырылған ұйымында өтеусіз негізде әскери-техникалық және өзге де мамандықтар бойынша даярлау жоспары
Р/с | Мамандық атауы | Казармалық қордың жалпы сыйымдылығы, төсек/орын | Оқытып-үйретуге жоспарланған адам саны |
Қорғаныс істері департаменті- | Оқытып-үйретуге жіберілуге тиіс, адам | оның ішінде оқу кезеңі бойынша | |
1-ші оқу кезеңі 20 __жылғы |
2-ші оқу кезеңі 20 __жылғы | ||||||
1 | 2 | 3 | 4 | 5 | 6 | 7 | 8 |
Жиыны: | |||||||
Қорғаныс министрінің бірінші орынбасары – Қазақстан Республикасы Қарулы Күштері
Бас штабының бастығы______________________________________________________
(әскери атағы, қолы, инициалы мен тегі)
20 __ жылға арналған Қазақстан Республикасы Қорғаныс министрлігінің мамандандырылған ұйымында өтеулі негізде әскери-техникалық және өзге де мамандықтар бойынша даярлау жоспары
Р/с№ | Мамандық атауы | Казармалық қордың жалпы сыйымдылығы, төсек/орын | Оқытып-үйретуге жоспарланған адам саны | оның ішінде оқу кезеңі бойынша | |||||||
1 | 2 | 3 | 4 | 5 | 6 | 7 | 8 | 9 | 10 | 11 | 12 |
Жиыны: | |||||||||||
Қорғаныс министрінің бірінші орынбасары – Қазақстан Республикасы Қарулы Күштері
Бас штабының бастығы______________________________________________________
(әскери атағы, қолы, инициалы мен тегі)
Медициналық куәландыру КАРТАСЫ
Ескерту. 3-қосымша жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
1. Тегі, аты, болса әкесінің аты _____________________________________
2. Туған күні ____________________________________________________
3. Куәландыру нәтижесі:
Зерттеу | |
Жалпы қан талдауы | |
Жалпы несеп талдауы | |
Мерезге микропреципитацияның реакциясы (микрореакция) | |
Электрокардиография (ЭКГ) | |
Эхокардиография (ЭхоУГ) | |
Кеуде қуысы органын флюорографиялық (рентгенологиялық) зерттеу (медициналық куәландыратын күні үш айдан кешіктірмей) | |
Құрсақ қуысы органын және бүйректі ультрадыбыстық зерттеу | |
Бруцеллезге (мал шаруашылығында жұмыс істейтіндерге және (немесе) жеке шаруашылығында малы барларға) қан талдауы, әдіс пен нәтиже көрсетіледі | |
Адамның иммундық тапшылығы вирусына антиденеге қанды зерттеу жүргізіледі | |
Бойы/дене салмағы | |
Маман-дәрігерлер | |
Хирург | |
Терапевт | |
Невропатолог | |
Окулист | |
Оториноларинголог | |
Стоматолог | |
Психиатр | |
Дерматовенеролог | |
Диагнозы | |
Қазақстан Республикасы Қорғаныс министрінің 2020 жылғы 22 желтоқсандағы № 722 бұйрығымен бекітілген (Қазақстан Республикасының Әділет министрлігінде 2020 жылғы 22 желтоқсанда № 21863 болып тіркелген) Қазақстан Республикасының Қарулы Күштерінде, басқа да әскерлерi мен әскери құралымдарында қызмет өткеру үшiн адамдар денсаулық жағдайына қойылатын талаптардың | |
Өтеусіз негізде әскери-техникалық және өзге де мамандықтар бойынша даярлау үшін іріктелген әскерге шақырылушылардың атаулы тізімі
_________________________________________________________________
(жергілікті әскери басқару органының атауы)
__________________________________________________________________
(мамандандырылған ұйым атауы)
___________________________________________________________________
_________________________________________________ мамандығы бойынша
жасақтау үшін.
Оқудың басталуы _________________________________________________.
Оқудың аяқталуы_________________________________________________.
Р/с№ | Аты, әкесінің аты (болса), тегі | Туған жылы, айы | Білімі | Жұмыс орны, мамандығы | Тұрақты (уақытша) тіркеу орны бойынша үй мекенжайы |
Құрамы ___ адамнан тұратын әскерге шақырылушылар тобы
20 ____ жылғы "___" ________________
__________________________________________________________________________
(жергілікті әскери басқару органының атауы)
мамандандырылған ұйымды немесе филиалды жасақтауға жауапты өкілі
_______________________________________________________________қатысуымен
(әскери атағы, қолы, инициалдары, тегі)
_______________________________________________________________ өкілі
(мамандандырылған ұйым атауы)
__________________________________________________________қабылдады.
(қолы, инициалдары, тегі)
Ескертпе: атаулы тізім әліпбилік ретпен жасалады.
20___жылғы "___" ________ арналған Қазақстан Республикасы Қорғаныс министрлігінің мамандандырылған ұйымында даярланған әскери-техникалық және өзге де мамандар, бар кемшіліктер және оларды жою бойынша_______________________________ Қазақстан Республикасы Қорғаныс министрлігінің мамандандырылған ұйымы қабылдаған шаралар туралы ақпарат
Ескерту. 5-қосымша жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
Ұсынылады: Қазақстан Республикасы Қарулы Күштерінің Бас штабына
Әкімшілік деректер нысаны www.mod.gov.kz. интернет-ресурсына орналастырылды.
Қазақстан Республикасы Қорғаныс министрлігінің мамандандырылған ұйымында даярланған әскери-техникалық және өзге де мамандар, бар кемшіліктер және оларды жою бойынша қабылданған шаралар туралы ақпарат. Әкімшілік деректер нысанының индексі (нысан атауының қысқаша әріптік-сандық мәні): Н6-ӘТМ.
Кезеңділігі: көктемгі және күзгі әскерге шақыру аяқталғаннан кейін
Есептік кезең: жыл сайын 30 маусымға және 31 желтоқсанға қарай
Ақпаратты ұсынатын адамдар тобы: жергілікті әскери басқару органы
Ұсыну мерзімі: 30 маусымнан және 31 желтоқсаннан кешіктірмей
Қазақстан Республикасы Қорғаныс министрлігінің мамандандырылған ұйымында даярланған әскери-техникалық және өзге де мамандар, бар кемшіліктер және оларды жою бойынша қабылданған шаралар туралы ақпарат, осы қосымшаға қоса берілетін "Қазақстан Республикасы Қорғаныс министрлігінің мамандандырылған ұйымында даярланған әскери-техникалық және өзге де мамандар, бар кемшіліктер және оларды жою бойынша қабылданған шаралар туралы ақпарат" әкімшілік деректерді жинауға арналған нысанға қосымшаға сәйкес толтырылады.
Р/с № | Оқу взводының нөмірі және олардың бейіні | Қорғаныс істері департаментінің жоспары бойынша құру мерзімі | Нақты құру мерзімі | Даярлау кезеңі 20__ ж. "___" ______ 20__ж. "___"______ | Адам саны | Ескертпе | |
іріктеліп алынды | бітіріп шықты | ||||||
1 | 2 | 3 | 4 | 5 | 6 | 7 | 8 |
Барлығы: | |||||||
Атауы __________________________________________________________________________
Мекенжайы______________________________________________________________________
Телефон нөмірі___________________________________________________________________
Орындаушы _________________________ ___________________________________________
(аты, әкесінің аты (болса), тегі, телефон нөмірі)
Бірінші басшы немесе есепке қол қоюға өкілеттік берілген адам
___________________________________________________________________
(аты, әкесінің аты (болса), тегі, қолы)
Әкімшілік деректер нысанын толтыру бойынша түсіндірме
Қазақстан Республикасы Қорғаныс министрлігінің мамандандырылған ұйымында даярланған әскери-техникалық және өзге де мамандар туралы ақпарат (индексі: Н6-ӘТМ, кезеңділігі: көктемгі және күзгі әскерге шақыру аяқталғаннан кейін):
1. Осы әкімшілік деректер нысанын толтыру бойынша түсіндірме (бұдан әрі – Түсіндірме) "Қазақстан Республикасы Қорғаныс министрлігінің мамандандырылған ұйымында даярланған әскери-техникалық және өзге де мамандар, бар кемшіліктер және оларды жою бойынша қабылданған шаралар туралы ақпарат" нысанын (бұдан әрі – нысан) толтырудың бірыңғай талаптарын айқындайды.
2. Нысан "Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына сәйкес әзірленді.
3. Нысанды Қазақстан Республикасы Қорғаныс министрлігінің мамандандырылған ұйымында даярланған әскери-техникалық және өзге де мамандардың санын көрсетіп, жергілікті әскери басқару органы толтырады.
4. Нысанды толтыру кезінде пайдаланылатын өлшем бірлігі даярланған әскери-техникалық және өзге де мамандар (адам) санында белгіленеді.
5. Нысанға бірінші басшы немесе ол есепке қол қоюға өкілеттік берген адам қол қояды.
Нысанды толтыру бойынша түсіндірме
6. 2-бағанды толтыру кезінде оқу взводының нөмірі және оны даярлау бейіні көрсетіледі.
7. 3-бағанда қорғаныс істері департаментінің жоспары бойынша оқу взводын құру мерзімі көрсетіледі.
8. 4-бағанда оқу взводын құрудың нақты мерзімі көрсетіледі.
9. 5-бағанда әскери-техникалық және өзге де мамандарды даярлау кезеңі көрсетіледі.
10. 6, 7-бағандарда нақты іріктеліп алынған және бітіріп шыққан техникалық мамандар саны көрсетіледі.
Әскери-техникалық және өзге де мамандықтар бойынша даярлауға жіберу үшін кезекке қою туралы өтініш
Ескерту. 6-қосымша жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
Мені Қазақстан Республикасы Қорғаныс министрлігінің мамандандырылған ұйымында әскери-техникалық және өзге де мамандықтар бойынша даярлауға жіберу үшін кезекке қоюыңызды сұраймын.Өтінішке мыналарды қоса беремін:
_______________________________________________________________
_______________________________________________________________
_______________________________________________________________
Мемлекеттік қызмет көрсету, оның ішінде проактивті форматта "Әскерге шақырылушылар мен әскери міндеттілерді әскери-техникалық және өзге де мамандықтар бойынша даярлауға жіберу" мемлекеттік қызметін көрсету кезінде дербес деректі жинауға және өңдеуге келісемін.
20__ жылғы "___" ______________ сағат ___ ___ минут
_______________________________________________________________
(инициалдары мен тегі) (қолы)
Мемлекеттік қызмет көрсетуге қойылатын негізгі талаптардың тізбесі
Ескерту. 7-қосымша жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
1 | Мемлекеттік көрсетілетін қызмет атауы | Әскери-техникалық және өзге де мамандықтар бойынша даярлауға жіберу үшін әскерге шақырылушылар мен әскери міндеттілерді кезекке қою |
2 | Мемлекеттік көрсетілетін қызметтің кіші түрінің (бар болса) атауы | Жоқ |
3 | Көрсетілетін қызметті берушінің атауы | Қазақстан Республикасы Қорғаныс министрлігінің жергілікті әскери басқару органы |
4 | Мемлекеттік қызметті және оның кіші түрлерін (бар болса) көрсету тәсілдері | www.egov.kz "цифрлық үкімет" веб-порталы (бұдан әрі – портал) |
5 | Мемлекеттік қызметті және оның кіші түрлерін (бар болса) көрсету мерзімі | 1 жұмыс күні |
6 | Мемлекеттік қызметті және оның кіші түрлерін (бар болса) көрсету нысаны | Электрондық (ішінара цифрландырылған) |
7 | Мемлекеттік қызметті және оның кіші түрлерін (бар болса) көрсету нәтижесі | Көрсетілетін қызметті берушінің ЭЦҚ-сы қойылған әскери-техникалық және өзге де мамандықтар бойынша даярлауға жіберу үшін кезекке қою туралы хабарлама не осы Тізбенің 11-бөлімінде көзделген негiз бойынша мемлекеттiк қызметтi көрсетуден бас тарту туралы дәлелдi жауап |
8 | Мемлекеттік қызметті және оның кіші түрлерін (бар болса) көрсету кезінде көрсетілетін қызмет алушыдан алынатын төлем мөлшері және Қазақстан Республикасы заңнамасында көзделген жағдайда оны алу тәсілдері | Тегін |
9 | Көрсетілетін қызметті берушінің, Мемлекеттік корпорацияның және ақпарат объектілерінің жұмыс графигі |
1) көрсетілетін қызметті берушіде – Қазақстан Республикасының еңбек заңнамасына сәйкес демалыс және мереке күнінен басқа, дүйсенбіден бастап жұмаға дейін сағат 9.00-ден 18.00-ге дейін, түскі асқа үзіліс сағат 13.00-ден 14.00-ге дейін; |
10 | Мемлекеттік қызметті және оның кіші түрлерін (бар болса) көрсету үшін көрсетілетін қызметті алушыдан сұратылатын құжаттар мен мәліметтер тізбесі |
Осы Қағидаларға 7-қосымшаға сәйкес көрсетілетін қызметті алушының ЭЦҚ-сымен немесе бір реттік парольмен куәландырылған электрондық құжат нысанында әскери-техникалық және өзге де мамандықтар бойынша даярлауға жіберу үшін кезекке қою туралы өтініш; |
11 | Қазақстан Республикасының заңдарында белгіленген мемлекеттік қызметті көрсетуден бас тарту үшін негіздер |
1) көрсетілетін қызметті алушы мемлекеттік көрсетілетін қызметті алу үшін ұсынған құжаттардың және (немесе) олардағы деректің (мәліметтің) дұрыс еместігін анықтау; |
12 | Мемлекеттік қызмет көрсету, оның ішінде электрондық нысанда және Мемлекеттік корпорация арқылы көрсетілетін ерекшеліктері ескерілген өзге де талаптар |
Мемлекеттік қызмет әскери есепте тұрған Қазақстан Республикасының ер азаматтарына көрсетіледі, оның ішінде: |
"Тіркеу нөмірі" № _______________
"Өтініш берілген күн" ____________
Әскери-техникалық және өзге де мамандықтар бойынша даярлауға жіберу үшін кезекке қою туралы хабарлама
Ескерту. 8-қосымша жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
________________________________________________________________________________________________________________________________________Сіз
аты, әкесінің аты (болса), тегі
Қазақстан Республикасы Қорғаныс министрлігінің мамандандырылған ұйымында оқу үшін №______ болып кезекке қойылдыңыз.
Анықтама:
Әскери-техникалық және өзге де мамандықтар бойынша даярлауға жіберу туралы хабарлама не даярлауға жіберуден бас тарту туралы дәлелді жауап оқу басталғанға дейін 3 жұмыс күні бұрын жіберіледі.
Азаматтарды әскери-техникалық және өзге де мамандықтар бойынша өтеулі негізде даярлау бойынша көрсетілетін қызметтің бағасы "Қазақстан Республикасы Қорғаныс министрлігінің әскери-техникалық мектебі" республикалық мемлекеттік қазыналық кәсіпорны шығаратын және өткізетін тауарға (жұмысқа, көрсетілетін қызметке) бағаны бекіту туралы" Қазақстан Республикасы Қорғаныс министрінің 2024 жылғы 30 желтоқсандағы № 1507 бұйрығымен белгіленген.
Көрсетілетін қызметті берушінің атауы: ____________________________
Қызметкер: ____________________________________________________.
Осы құжат Қазақстан Республикасының Цифрлық кодексі 62-бабының 2-тармағына сәйкес қағаз жеткізгіштегі құжатпен бірдей.
"Тіркеу нөмірі" № _______________
"Өтініш берілген күн" ____________
_____________________________________ (көрсетілетін қызмет атауы) мемлекеттік қызметін көрсетуден бас тарту туралы хабарлама
Ескерту. 9-қосымша жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
"Мемлекеттік және әлеуметтік жауапкершілігі бар көрсетілетін қызметтер
туралы" ҚР Заңы 19-1-бабының 2-тармағына сәйкес Сізге ______________
________________________________________________________________
_______________________________________________________________
себебінен мемлекеттік қызметті көрсетуден бас тартылғаны туралы хабарлаймыз.
Мемлекеттік қызмет көрсетуден бас тартумен келіспеген жағдайда Сіз қабылданған
шешімге Қазақстан Республикасының Әкімшілік рәсімдік-процестік кодексінде
көзделген мерзімде және тәртіппен шағымдануға құқылысыз.
Көрсетілетін қызметті берушінің атауы: ____________________________.
Қызметкер: ____________________________________________________.
Осы құжат Қазақстан Республикасының Цифрлық кодексі 62-бабының 2-тармағына сәйкес қағаз жеткізгіштегі құжатпен бірдей.
Ескерту. 10-қосымша алып тасталды – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
Ескерту. 11-қосымша алып тасталды – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
Мемлекеттік қызметті көрсетуге қойылатын негізгі талаптардың тізбесі
Ескерту. 12-қосымша жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
1 | Мемлекеттік көрсетілетін қызмет атауы | Әскерге шақырылушылар мен әскери міндеттілерді әскери-техникалық және өзге де мамандықтар бойынша даярлауға жіберу |
2 | Мемлекеттік көрсетілетін қызметтің кіші түрінің (бар болса) атауы | Жоқ |
3 | Көрсетілетін қызметті берушінің атауы | Қазақстан Республикасы Қорғаныс министрлігінің жергілікті әскери басқару органы |
4 | Мемлекеттік қызметті және оның кіші түрлерін (бар болса) көрсету тәсілдері | "Қазақстан Республикасы Қорғаныс министрлігінің жұмылдыру ресурсы автоматтандырылған жүйесінің интеграциялық шлюзі" цифрлық жүйесі (бұдан әрі – ҚР ҚМ ЦЖ) |
5 | Мемлекеттік қызметті және оның кіші түрлерін (бар болса) көрсету мерзімі | 1 жұмыс күні |
6 | Мемлекеттік қызметті және оның кіші түрлерін (бар болса) көрсету нысаны |
Электрондық (толық цифрландырылған)/проактивті. |
7 | Мемлекеттік қызметті және оның кіші түрлерін (бар болса) көрсету нәтижесі | Осы Тізбенің 11-бөлімінде көзделген негіздер бойынша әскери-техникалық және өзге де әскери мамандықтар бойынша даярлауға жіберу туралы хабарлама не проактивті қызмет көрсетуден бас тарту туралы дәлелді жауап |
8 | Мемлекеттік қызметті және оның кіші түрлерін (бар болса) көрсету кезінде көрсетілетін қызмет алушыдан алынатын төлем мөлшері және Қазақстан Республикасы заңнамасында көзделген жағдайда оны алу тәсілдері | Тегін |
9 | Көрсетілетін қызметті берушінің, Мемлекеттік корпорацияның және ақпарат объектілерінің жұмыс графигі |
1) көрсетілетін қызметті берушіде – Қазақстан Республикасының еңбек заңнамасына сәйкес демалыс және мереке күнінен басқа, дүйсенбіден бастап жұмаға дейін сағат 9.00-ден 18.00-ге дейін, түскі асқа үзіліс сағат 13.00-ден 14.00-ге дейін; |
10 | Мемлекеттік қызметті және оның кіші түрлерін (бар болса) көрсету үшін көрсетілетін қызметті алушыдан сұратылатын құжаттар мен мәліметтер тізбесі | Көрсетілетін қызметті алушының жеке басын куәландыратын құжат, мүгедектікті және динамикалық байқаудағы жай-күйі туралы мәліметтерді көрсетілетін қызметті беруші тиісті цифрлық жүйелерден алады. |
11 | Қазақстан Республикасының заңдарында белгіленген мемлекеттік қызметті көрсетуден бас тарту үшін негіздер |
1) көрсетілетін қызметті алушының мемлекеттік қызмет көрсету үшін қажетті осы Қағидаларда белгіленген талаптарға сәйкес келмеуі; |
12 | Мемлекеттік қызмет көрсету, оның ішінде электрондық нысанда және Мемлекеттік корпорация арқылы көрсетілетін ерекшеліктері ескерілген өзге де талаптар |
Мемлекеттік қызмет порталға көрсетілетін қызметті алушының ұялы байланыс абоненттік қондырғысының телефон нөмірі тіркелген кезде кезектілік тәртібімен әскери-техникалық және өзге де мамандықтар бойынша даярлауға жіберу үшін кезекте тұрған Қазақстан Республикасының азаматтарына проактивті форматта көрсетіледі. |
Әскери-техникалық және өзге де мамандықтар бойынша даярлауға жіберу
Ескерту. 13-қосымша жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
Құрметті ______________________________________________________,
аты, әкесінің аты (болса), тегі
Сіз 20 ___ жылғы___ _______ бастап 20 ___ жылғы ___ ______ дейінгі кезеңде оқу үшін 20 ___ жылғы ___ ______ сағат _______-ге қарай _________________________________ мекенжайы бойынша орналасқан Қазақстан Республикасы Қорғаныс министрлігінің мамандандырылған ұйымына келуіңіз қажет.
Анықтама:
Азаматтарды әскери-техникалық және өзге де мамандықтар бойынша өтеулі негізде даярлау бойынша көрсетілетін қызметтің бағасы "Қазақстан Республикасы Қорғаныс министрлігінің әскери-техникалық мектебі" республикалық мемлекеттік қазыналық кәсіпорны шығаратын және өткізетін тауарға (жұмысқа, көрсетілетін қызметке) бағаны бекіту туралы" Қазақстан Республикасы Қорғаныс министрінің 2024 жылғы 30 желтоқсандағы № 1507 бұйрығымен белгіленген.
Оқыту үшін ақы төлеу "Төлемдер және төлем жүйелері туралы" Қазақстан Республикасының Заңына сәйкес Қазақстан Республикасы Қорғаныс министрлігінің мамандандырылған ұйымының есеп шотына жүргізіледі.
Өзіңізбен бірге жеке заттар, гигиена құралдары және осы хабарламаның көшірмесі болуға тиіс.
Хабарлама "Қазақстан Республикасы Қорғаныс министрлігінің жұмылдыру ресурсы автоматтандырылған жүйесінің интеграциялық шлюзі" цифрлық жүйесінен жіберілді.
Осы құжат Қазақстан Республикасының Цифрлық кодексі 62-бабының 2-тармағына сәйкес қағаз жеткізгіштегі құжатпен бірдей.
_______________________________________________________ (көрсетілетін қызмет атауы) проактивті қызметін көрсетуден бас тарту туралы хабарлама
Ескерту. 14-қосымша жаңа редакцияда – ҚР Қорғаныс министрінің 25.06.2026 № 692 (12.07.2026 бастап қолданысқа енгізіледі) бұйрығымен.
"Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасы Заңының 19-1-бабы 2-тармағының 2) тармақшасына сәйкес Сізге мемлекеттік қызмет көрсетуден бас тарту туралы хабардар етеміз, ______________________________________________________
____________________________________________________________________.
Жазылғанды ескеріп, Сіз әскери-техникалық және өзге де мамандықтар бойынша даярлауға жіберу үшін кезектен шығарылдыңыз.
Кезекке қайта қою үшін "Әскери-техникалық және өзге де мамандықтар бойынша даярлауға жіберу үшін әскери міндеттілер мен әскерге шақырылушыларды кезекке қою" мемлекеттік қызметін көрсету үшін белгіленген тәртіппен жүгінуіңіз қажет.
Мемлекеттік қызмет көрсетуден бас тартумен келіспеген жағдайда Сіз қабылданған шешімге Қазақстан Республикасының Әкімшілік рәсімдік-процестік кодексінде көзделген мерзімде және тәртіппен шағымдануға құқылысыз.
Хабарлама "Қазақстан Республикасы Қорғаныс министрлігінің жұмылдыру ресурсы автоматтандырылған жүйесінің интеграциялық шлюзі" цифрлық жүйесінен жіберілді.
Осы құжат Қазақстан Республикасының Цифрлық кодексі 62-бабының 2-тармағына сәйкес қағаз жеткізгіштегі құжатпен бірдей.
