БҰЙЫРАМЫН:
1. "Ақпараттандыру саласындағы тауарларды, жұмыстар мен көрсетілетін қызметтерді мемлекеттік сатып алуға арналған шығыстардың есеп-қисабын жасау, ұсыну және қарау жөніндегі нұсқаулықты бекіту туралы" Қазақстан Республикасы Инвестициялар және даму министрі міндетін атқарушысының 2016 жылғы 16 наурыздағы № 274 бұйрығына (Нормативтік құқықтық актілерді мемлекеттік тіркеу тізілімінде № 13631 болып тіркелген) мынадай өзгеріс енгізілсін:
көрсетілген бұйрықпен бекітілген Ақпараттандыру саласындағы тауарларды, жұмыстарды, қызметтерді мемлекеттік сатып алу шығыстарының есебін жасау, ұсыну және қарастыру жөніндегі нұсқаулықтың 1-1-қосымшасы осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Цифрлық даму, инновациялар және аэроғарыш өнеркәсібі министрлігінің Архитектура және цифрлық трансформация саясаты департаменті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық ресми жарияланғаннан кейін оны Қазақстан Республикасы Цифрлық даму, инновациялар және аэроғарыш өнеркәсібі министрлігінің интернет-ресурсында орналастыруды;
3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Цифрлық даму, инновациялар және аэроғарыш өнеркәсібі министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Цифрлық даму, инновациялар және аэроғарыш өнеркәсібі вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Цифрлық даму, инновациялар және аэроғарыш өнеркәсібі министрі |
Ж. Мадиев |
"КЕЛІСІЛДІ"
Қазақстан Республикасының
Ұлттық экономика министрлігі
Ақпараттандыру саласындағы тауарлардың, жұмыстардың, қызметтердің тізбесі
№ | Ақпараттандыру саласындағы тауарларды, жұмыстарды, қызметтерді мемлекеттік сатып алуға арналған шығындар атаулары | Ерекшелік |
1. Ағымдағы шығындар, қызметтер мен жұмыстарды сатып алу | ||
1) | "электрондық үкіметтің" ақпараттандыру объектісін сүйемелдеу | 158 |
2) | "электрондық үкіметтің" ақпараттандыру объектілерін интеграциялау | 158 |
3) | лицензияланған бағдарламалық қамтылымды техникалық қолдау | 158 |
4) | бағдарламалық қамтылымды техникалық қолдау | 158 |
5) | серверлік жабдықты және деректерді сақтау жүйесін техникалық қолдау | 158 |
6) | серверлік жабдықты жалға берілетін серверлік үй-жайға орналастыру | 158 |
7) | ақпараттық жүйенің аудиті | 158 |
8) | "электрондық үкіметтің" ақпараттандыру объектісінің ақпараттық қауіпсіздік талаптарына сәйкестігін сынау | 158 |
9) | серверлік жабдыққа және деректерді сақтау жүйесіне жүйелік-техникалық қызмет көрсету | 158 |
10) | ақпараттық жүйенің және электрондық ақпараттық ресурстың хостингі | 158 |
11) | "электрондық үкіметтің" ақпараттық-коммуникациялық платформасының бағдарламалық өнімін (бұдан әрі – платформалық бағдарламалық өнім) әзірлеу | 158 |
12) | платформалық бағдарламалық өнімді сүйемелдеу | 158 |
13) | платформалық бағдарламалық өнімді ақпараттық қауіпсіздік талаптарына сәйкестігін сынау | 158 |
14) | платформалық бағдарламалық өнім хостингі | 158 |
2. Негізгі құралдарды сатып алу | ||
1) | серверлік жабдық | 414 |
2) | деректерді сақтау жүйесі | 414 |
3) | резервтік көшіру жүйесі | 414 |
4) | аппараттық-бағдарламалық кешен | 414 |
3. Материалдық емес активтерді сатып алу | ||
1) | бағдарламалық қамтылым | 416 |
2) | лицензиялық-бағдарламалық қамтылым | 416 |
4. Дамытуға бағытталған күрделі шығындар | ||
1) | "электрондық үкіметтің" ақпараттандыру объектісін құру | 434 |
2) | "электрондық үкіметтің" ақпараттандыру объектісін енгізу | 434 |
3) | "электрондық үкіметтің" ақпараттандыру объектісін дамыту | 434 |
4) | "электрондық үкіметтің" ақпараттандыру объектісін құру немесе дамыту жөніндегі жобаны басқару | 434 |
5) | инвестициялық жобада көзделген серверлік жабдық | 434 |
6) | инвестициялық жобада көзделген деректерді сақтау және резервтік көшіру жүйелері | 434 |
7) | инвестициялық жобада көзделген бағдарламалық қамтылым | 434 |
8) | инвестициялық жобада көзделген лицензиялық-бағдарламалық қамтылым | 434 |
