Осакаров ауданында қылмыстық-атқару инспекциясы пробация қызметінің есебінде тұрған адамдар үшін, сондай-ақ бас бостандығынан айыру орындарынан босатылған адамдар үшін жұмыс орындарына квота белгілеу туралы

Күшін жойған

Қарағанды облысы Осакаров ауданы әкімдігінің 2012 жылғы 1 ақпандағы N 03/02 қаулысы. Қарағанды облысы Осакаров ауданының Әділет басқармасында 2012 жылғы 17 ақпанда N 8-15-162 тіркелді. Күші жойылды - Қарағанды облысы Осакаров ауданының әкімдігінің 2016 жылғы 3 мамырдағы N 22/01 қаулысымен

Ескерту. Күші жойылды - Қарағанды облысы Осакаров ауданының әкімдігінің 03.05.2016 № 22/01 (алғаш ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
Ескерту. Қаулының тақырыбы жаңа редакцияда - Қарағанды облысы Осакаров ауданы әкімдігінің 2012.08.14 N 29/01 (алғаш ресми жарияланған күнінен кейін қолданысқа енгiзiледi) қаулысымен.
"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 31 бабына, "Халықты жұмыспен қамту туралы" Қазақстан Республикасының 2001 жылғы 23 қаңтардағы Заңының 7 бабының 5-5) тармақшасына сәйкес, аудан әкімдігі ҚАУЛЫ ЕТЕДІ:
1. Осакаров ауданында қылмыстық-атқару инспекциясы пробация қызметінің есебінде тұрған адамдар үшін, сондай-ақ бас бостандығынан айыру орындарынан босатылған адамдар үшін жұмыс орындарына жұмыс орындарының жалпы санынан бір пайызы көлемінде квота белгіленсін.
Ескерту. 1 тармақ жаңа редакцияда - Қарағанды облысы Осакаров ауданы әкімдігінің 2012.08.14 N 29/01 (алғаш рет ресми жарияланған күннен бастап қолданысқа енгiзiледi) қаулысымен.
2. Осы қаулының орындалуын бақылау аудан әкімінің орынбасары Нұрлан Рахметоллаұлы Бикеновке жүктелсін.
3. Осы қаулы ресми жарияланған күннен бастап қолданысқа енгізіледі.

Осакаров ауданының әкімі

С. Аймақов