ЗҚАИ-ның ескертпесі!
Осы шешім 01.04.2026 бастап қолданысқа енгізіледі.
Қазақстан Республикасының Су Кодексінің 26-бабына, Қазақстан Республикасы Өнеркәсіп және құрылыс министрінің 2025 жылғы 22 тамыздағы № 306 "Ауызсуды беру жөніндегі қызметтердің құны субсидиялауға жататын сумен жабдықтау жүйелерінен берілген ауызсудың бір текше метріне төлемақы мөлшерін есептеу әдістемесін бекіту туралы" бұйрығына сәйкес (Нормативтік құқықтық актілерді мемлекеттік тіркеу тізілімінде № 36700 болып тіркелген), Батыс Қазақстан облыстық мәслихаты ШЕШІМ ҚАБЫЛДАДЫ:
1. Батыс Қазақстан облысы бойынша ауызсуды беру жөніндегі қызметтердің құны субсидиялауға жататын сумен жабдықтау жүйелерінің тізбесіне енгізілген сумен жабдықтау жүйелерінен берілген ауызсудың бір текше метріне төлемақы мөлшері - ҚҚС есептемегенде 130 теңге болып бекітілсін.
2. Осы шешімнің орындалуын бақылау Батыс Қазақстан облысының энергетика және тұрғын үй-коммуналдық шаруашылық басқармасына жүктелсін.
3. Осы шешім 2026 жылғы 1 сәуірінен бастап қолданысқа енгізіледі.
| Мәслихат төрағасының міндетін атқарушы | Е. Салықов |
