Қазақстан Республикасы Жер кодексінің 17-бабына, 69-бабының 4-тармағына, "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31-бабына сәйкес, Жылыой ауданының әкімдігі ҚАУЛЫ ЕТЕДІ:
1. "Каспий-Құбыр Консорциумы-Қ" акционерлік қоғамына "Теңіз-Новороссийск" магистралдық мұнай құбырының Жылыой ауданының босалқы жерлерінде орналасқан 220кВ электр жеткізу әуе желісін (ӘЖ-220кВ) пайдалану және оған қызмет көрсету үшін көлемі 60,6617 гектар жер учаскесін меншік иелері мен жер пайдаланушылардан алып қоймай 49 жыл мерзімге жария сервитут белгіленсін.
2. Осы қаулының орындалуын бақылау Жылыой ауданы әкімінің орынбасары Н.Сармановқа жүктелсін.
3. Осы қаулы қол қойылған күннен бастап күшіне енеді және қолданысқа енгізіледі.
| Аудан әкімі | Ж. Қаражанов |
