Ескерту. 01.01.2026 жылдан бастап қолданысқа енгізіледі осы шешімнің 2 тармағымен.
Қазақстан Республикасының Салық кодексінің 582-бабының 1-тармағына сәйкес, Қызылорда қалалық мәслихаты ШЕШІМ ҚАБЫЛДАДЫ:
1. Қызылорда қалалық мәслихатының 2025 жылғы 26 ақпандағы № 242-34/4 шешімімен (Нормативтік құқықтық актілерді мемлекеттік тіркеу тізілімінде № 8590-11 болып тіркелген) бекітілген Қызылорда қаласының жерлерін аймақтарға бөлу жобасының (схемасының) негізінде, Қызылорда қаласында жер салығының мөлшерлемелері Қазақстан Республикасының Салық кодексiнiң 577 және 578-баптарында белгiленген жер салығының базалық мөлшерлемелерiнен 35 (отыз бес) пайызға жоғарылатылсын.
2. Осы шешiм 2026 жылдың 1 қаңтарынан бастап қолданысқа енгiзiледі және ресми жариялануға жатады.
| Қызылорда қалалық мәслихатының төрағасы | И. Құттықожаев |
