Екібастұз қалалық мәслихаты ШЕШІМ ҚАБЫЛДАДЫ:
1. Екібастұз қалалық мәслихатының "Екібастұз қаласында тұрғын үй көмегін көрсетудің мөлшері мен тәртібін айқындау туралы" 2024 жылғы 6 ақпандағы № 118/15 шешіміне (Нормативтік құқықтық актілерді мемлекеттік тіркеу тізілімінде № 7474-14 болып тіркелген) келесі өзгерістер енгізілсін:
көрсетілген шешімнің атауы келесі редакцияда жазылсын:
"Екібастұз қаласында тұрғын үй көмегін көрсетудің мөлшері мен қағидаларын бекіту туралы";
көрсетілген шешімнің 1-тармағы келесі редакцияда жазылсын:
"1. Осы шешімнің 1-қосымшасына сәйкес Екібастұз қаласында тұрғын үй көмегін көрсетудің мөлшері мен қағидалары бекітілсін";
көрсетілген шешімнің 1-қосымшасымен бекітілген Екібастұз қаласында тұрғын үй көмегін көрсетудің мөлшері мен тәртібінде:
атауы келесі редакцияда жазылсын:
"Екібастұз қаласында тұрғын үй көмегін көрсетудің мөлшері мен қағидалары"
көрсетілген шешімнің 1-қосымшасының 3-тармағы жаңа редакцияда жазылсын:
"3. Тұрғын үй көмегінің мөлшерін Қазақстан Республикасы Өнеркәсіп және құрылыс министрінің 2023 жылғы 8 желтоқсандағы "Тұрғын үй көмегін беру қағидаларын бекіту туралы" № 177 бұйрығының (Нормативтік құқықтық актілерді мемлекеттік тіркеу тізілімінде № 33763 болып тіркелген) ( бұдан әрі – Қағидалар) 4-1 тармағына сәйкес көрсетілетін қызметті беруші есептейді.";
көрсетілген шешімнің 1-қосымшасының 5-тармағы алынып тасталсын;
көрсетілген шешімнің 1-қосымшасының 9-тармағы жаңа редакцияда жазылсын:
"9. Аз қамтылған отбасының (азаматтың) жиынтық табысын уәкілетті орган Қағидалар негізінде тұрғын үй көмегін тағайындауға өтініш берген тоқсанның алдындағы тоқсанға есептейді.";
2. Осы шешімнің орындалуын бақылау Екібастұз қалалық мәслихатының тұрақты комиссиясына жүктелсін.
3. "Екібастұз қаласы мәслихатының аппараты" мемлекеттік мекемесі заңнамамен белгіленген тәртіпте:
1) осы шешімді Қазақстан Республикасы Әділет министрлігінде мемлекеттік тіркеуді;
2) осы шешімді мемлекеттік органның интернет-ресурсында оның алғашқы ресми жарияланған күнінен кейін орналастыруды қамтамасыз етсін.
4. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Екібастұз қалалық мәслихатының төрағасы | |
| Н. Макраев |
