Панфилов ауданы бойынша бөлшек салықтың арнаулы салық режимін қолдану кезінде салық мөлшерлемесінің мөлшерін төмендету туралы

Күшін жойған

Жетісу облысы Панфилов аудандық мәслихатының 2024 жылғы 19 наурыздағы № 8-19-83 шешімі. Жетісу облысы Әділет департаментінде 2024 жылы 20 наурызда № 179-19 болып тіркелді. Күші жойылды - Жетісу облысы Панфилов аудандық мәслихатының 2025 жылғы 23 желтоқсандағы № 8-52-228 шешімімен

Ескерту. Күші жойылды - Жетісу облысы Панфилов аудандық мәслихатының 23.12.2025 № 8-52-228 (01.01.2026 бастап қолданысқа енгiзiледi) шешімімен.
Ескерту. 01.01.2024 бастап қолданысқа енгізіледі - осы шешімнің 2-тармағымен.

Қазақстан Республикасының "Салық және бюджетке төленетін басқа да міндетті төлемдер туралы" Кодексінің (Салық кодексі) 696-3-бабының 5-тармағына сәйкес, Панфилов аудандық мәслихаты ШЕШІМ ҚАБЫЛДАДЫ:

1. Панфилов ауданы бойынша бөлшек салықтың арнаулы салық режимін қолдану кезінде салық мөлшерлемесінің мөлшері 4 % (төрт пайыздан) 3 % (үш пайызға) дейін төмендетілсін.

2. Осы шешім 2024 жылдың 1 қаңтарынан бастап қолданысқа енгізіледі және ресми жариялануға жатады.

Аудандық мәслихат төрағасының өкілеттігін
уақытша атқарушы	А. Дарубаева