2014 жылғы 29 мамырдағы Еуразиялық экономикалық одақ туралы шарттың 86-бабы 3-тармағының 1 және 4-тармақшаларына сәйкес, Жоғары Еуразиялық экономикалық кеңестің 2020 жылғы 11 желтоқсандағы № 12 Шешімімен бекітілген Еуразиялық экономикалық интеграцияны дамытудың 2025 жылға дейінгі стратегиялық бағыттарының 6.1.5-тармағын орындау және Еуразиялық үкіметаралық кеңестің 2022 ж. 26 тамыздағы № 19 өкімінің 1-тармағын ескере отырып, сондай-ақ бірыңғай көлік кеңістігін одан әрі қалыптастыру және Еуразиялық экономикалық одақ шеңберінде көлік инфрақұрылымын дамытуды үйлестіру мақсатында:
1. Еуразиялық үкіметаралық кеңестің 2022 жылғы 26 тамыздағы № 19 өкімімен бекітілген Еуразиялық экономикалық кеңеске мүше мемлекеттердің көлік саласындағы басым интеграциялық инфрақұрылымдық жобалар тізбесіне мынадай өзгерістер енгізілсін:
а) III бөлім мынадай мазмұндағы 41 және 42 тармақтармен толықтырылсын:
"41. "Орск-Қандыағаш – Мақат – Бейнеу – Болашақ", "Илецк – 1-Ақтөбе","Челябі – Тобыл – Никельтау", "Ақсарай – Мақат", "Шалқар – Бейнеу – Маңғыстау" учаскелерінде қолданыстағы теміржол инфрақұрылымын жаңғыртумен "Солтүстік – Оңтүстік Шығыс" халықаралық көлік дәлізін дамыту.
42. "Ресей - Орталық Азия елдері" дәлізін дамыту:
"Дарбаза-Мақтаарал" теміржол желісінің құрылысы;
"Қазалы-Арыс" учаскесінде екінші теміржол жолдарын салу."";
б) IV бөлім мынадай мазмұндағы 51 және 52 тармақтармен толықтырылсын:
"51. "Балықшы-Кочкор-Қара-Кече-Макмал-Джалал-Абад" темір жол жобасы.
52. "Бішкек қаласының солтүстік айналма жолын қайта жаңарту" автомобиль жолының жобасы".".
2. Осы өкім Еуразиялық экономикалық одақтың ресми сайтында жарияланған күнінен бастап күшіне енеді.
Еуразиялық үкіметаралық кеңестің мүшелері:
Армения |
Беларус |
Қазақстан |
Қырғыз |
Ресей |
