Қазақстан Республикасының Жер кодексінің 19-бабының 1-1) тармақшасына және 69-бабының 4-тармағына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 35-бабы 1-тармағының 6) тармақшасына сәйкес, Солтүстік Қазақстан облысы Ғабит Мүсірепов атындағы ауданның Бірлік ауылдық округінің әкімі ШЕШІМ ҚАБЫЛДАДЫ:
1. "Солтүстік Қазақстан облысы Ғабит Мүсірепов атындағы ауданы әкімдігінің сәулет, құрылыс, тұрғын үй-коммуналдық шаруашылық, жолаушылар көлігі және автомобиль жолдары бөлімі" коммуналдық мемлекеттік мекемесіне Солтүстік Қазақстан облысы, Ғабит Мүсірепов атындағы аудан, Бірлік селолық округі, Старобелка ауылы мекенжайы бойынша орналасқан су құбырына қызмет көрсету үшін ауданы 1,770 га жер учаскесін (жария сервитут) шектеулі нысаналы пайдалану құқығы қосымшаға сәйкес бекітілсін.
Жер учаскесі "Көкшетау Энерго" ЖШС ЭБЖ жанында орналасқан.
2. "Солтүстік Қазақстан облысы Ғабит Мүсірепов атындағы ауданы әкімдігінің сәулет, құрылыс, тұрғын үй-коммуналдық шаруашылық, жолаушылар көлігі және автомобиль жолдары бөлімі" коммуналдық мемлекеттік мекемесі Қазақстан Республикасының заңнамасында көзделген тәртіпте және шарттарда жер учаскесін шектеулі нысаналы пайдалану құқығына құқық белгілейтін құжатты (қауымдық сервитут) ресімдесін.
3. Осы шешімнің орындалуын бақылауды өзіме қалдырамын.
4. Осы шешім қол қойылған күнінен бастап қолданысқа енгізіледі.
| Ауылдық округ әкімі | А. Әржікеев |
