БҰЙЫРАМЫН:
1. "Өткізуден түскен ақша өз билігінде қалатын, кіріс әкелетін қызметті жүзеге асыру құқығы берілген Қарулы Күштер мемлекеттік мекемелерінің тауарына (жұмысына, көрсетілетін қызметіне) тарифті (бағаны) бекіту туралы" Қазақстан Республикасы Қорғаныс министрінің 2025 жылғы 11 маусымдағы № 683 бұйрығына мынадай толықтырулар енгізілсін:
көрсетілген бұйрықпен бекітілген Өткізуден түскен ақша өз билігінде қалатын, кіріс әкелетін қызметті жүзеге асыру құқығы берілген Қарулы Күштер мемлекеттік мекемелерінің тауарына (жұмысына, көрсетілетін қызметіне) тарифте (бағада):
осы бұйрыққа 1-қосымшаға сәйкес 6-қосымшамен толықтырылсын;
осы бұйрыққа 2-қосымшаға сәйкес 7-қосымшамен толықтырылсын;
осы бұйрыққа 3-қосымшаға сәйкес 8-қосымшамен толықтырылсын;
осы бұйрыққа 4-қосымшаға сәйкес 9-қосымшамен толықтырылсын.
2. Қазақстан Республикасы Қарулы Күштерінің Әскери инфрақұрылым бас басқармасы Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасы Әділет министрінің 2023 жылғы 11 шілдедегі № 472 бұйрығымен бекітілген (Нормативтік құқықтық актілерді мемлекеттік тіркеу тізілімінде № 33059 болып тіркелген) Қазақстан Республикасы нормативтік құқықтық актілерінің мемлекеттік тізілімін, Қазақстан Республикасы нормативтік құқықтық актілерінің эталондық бақылау банкін жүргізу қағидалары 10-тармағының талаптарына сәйкес қол қойылған күнінен бастап бес жұмыс күні ішінде электрондық түрде қазақ және орыс тілдерінде Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;
2) осы бұйрықты алғашқы ресми жарияланған күннен кейін Қазақстан Республикасы Қорғаныс министрлігінің интернет-ресурсына орналастыруды;
3) осы бұйрық алғашқы ресми жарияланған күннен бастап күнтізбелік он күн ішінде осы тармақтың 1) және 2) тармақшаларының орындалуы туралы мәліметтерді Қазақстан Республикасы Қорғаныс министрлігінің Заң департаментіне жіберуді қамтамасыз етсін.
3. Осы бұйрықтың орындалуын бақылау Қазақстан Республикасы Қорғаныс министрінің жетекшілік ететін орынбасарына жүктелсін.
4. Осы бұйрық мүдделі лауазымды адамдарға және құрылымдық бөлімшелерге жеткізілсін.
5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Қорғаныс министрі авиация генерал-лейтенанты |
Д. Қосанов |
| Қазақстан Республикасы Қорғаныс министрінің 2026 жылғы 5 қаңтардағы № 3 бұйрығына 1-қосымша Қазақстан Республикасы Қорғаныс министрінің 2025 жылғы 11 маусымдағы № 683 бұйрығына 6-қосымша |
Жасалған шарттар шеңберінде тауарларды жауапты сақтау бойынша көрсетілетін қызметке тариф (баға)
Р/с | Тауар санаты | Тариф (баға), теңге | Баға белгілеу шарты |
1 | Бағалы тауар | 858 | Күнтізбелік күндер мен килограмм үшін салмақ негізінде есептеледі |
2 | Қауіпті тауар | 16 | Күнтізбелік күндер мен килограмм үшін салмақ негізінде есептеледі |
3 | Тез бұзылатын тауар | 2 | Сағатпен және салмақ үшін килограммен есептеледі |
4 | Кәдімгі тауар | 16 | Күнтізбелік күндер мен килограмм үшін салмақ негізінде есептеледі |
5 | Ауыр салмақты тауар (1 орын 150 кг астам) | 16 | Күнтізбелік күндер мен килограмм үшін салмақ негізінде есептеледі |
6 | Үлкен габаритті тауар (өлшемі екі немесе одан көп еуропаллетті алады) | 16 | Күнтізбелік күндер мен килограмм үшін салмақ негізінде есептеледі |
Ескертпе:
1. "Бағалы тауар" – құны жоғары электроника; өнер туындылары; сирек кездесетін ресурстар (мұнай, сирек кездесетін металл); премиум немесе эксклюзивті бұйымдар (құны жоғары).
2. "Қауіпті тауар" – жарылғыш заттар (пиротехника, оқ-дәрілер); тез тұтанатын сұйықтық (бензин, еріткіш); улы және уытты химикаттар; қысыммен жұмыс істейтін газ (пропан, оттегі); радиоактивті материалдар; биологиялық материалдар (вирустық дақылдар).
3. "Кәдімгі тауар" – киім, аяқ киім; кеңсе керек-жарағы; тұрмыстық химия (қауіпті деп жіктелмеген); ойыншықтар; ыдыс-аяқ; жиһаз (арнайы емес); азық-түлік емес тауарлардың көпшілігі.
4. "Тез бұзылатын тауар" – азық-түлік өнімдері.
5. "Ауыр салмақты тауар" – өнеркәсіптік жабдық (станок, басқыш); құрылыс техникасы (бульдозер, экскаватор); металл прокат (болат катушка, арқалық); ірі қозғалтқыштар мен турбиналар; генераторлар, трансформаторлар; қалау материалының (кірпіш, блок) үлкен партиялары.
6. "Үлкен габаритті тауар" – жиһаз: шкафтар, дивандар, кереуеттер, үстелдер; тұрмыстық техника: тоңазытқыштар, кір жуғыш машиналар, үлкен теледидарлар; құрылыс материалдары: ұзын құбырлар, гипсокартон табақтары, панельдер; спорттық және өнеркәсіптік жабдық; сантехника: ванна, душ кабиналары.
| Қазақстан Республикасы Қорғаныс министрінің 2026 жылғы 5 қаңтардағы № 3 бұйрығына 1-қосымша Қазақстан Республикасы Қорғаныс министрінің 2025 жылғы 11 маусымдағы № 683 бұйрығына 7-қосымша |
Кіреберіс теміржол бойынша көрсетілетін қызмет
Р/с | Көрсетілетін қызмет атауы | Өлшем бірлігі | Тариф, теңге |
1 | Жылжымалы құрамның өтуі үшін кіреберіс жолын беру | вагон-км | 580,72 |
2 | Маневрлік жұмыс, теміржол рампасында тиеу-түсіру бойынша көрсетілетін қызмет үшін кіреберіс жолын беру | вагон-сағат | 329,51 |
| Қазақстан Республикасы Қорғаныс министрінің 2026 жылғы 5 қаңтардағы № 3 бұйрығына 3-қосымша Қазақстан Республикасы Қорғаныс министрінің 2025 жылғы 11 маусымдағы № 683 бұйрығына 8-қосымша |
Инфрақұрылымды жөндеу және салу, бұйымдар өндіру саласындағы тауарға (жұмысқа, көрсетілетін қызметке) тариф (баға)
Р/с № | Тауардың (жұмыстың, көрсетілетін қызметтің) атауы |
Өлшем | Өлшем бірлігі үшін бағасы (теңге) |
Ғимараттарды, автомобиль жолдарын және жасанды құрылысжайды салу, жөндеу, реконструкциялау | |||
1. | Ғимараттарды, автомобиль жолдарын және жасанды құрылысжайды салу | көрсетілетін қызмет | Сметалық есептеу бойынша |
2. | Ғимараттарды, автомобиль жолдарын және жасанды құрылысжайды жөндеу | көрсетілетін қызмет | Сметалық есептеу бойынша |
3. | Ғимараттарды, автомобиль жолдарын және жасанды құрылысжайды реконструкциялау | көрсетілетін қызмет | Сметалық есептеу бойынша |
4. | Асфальт төсеушінің жол төсемінің және алаңның асфальт-бетонды қоспасын төсеуі және тегістеуі | 1 сағат | 27 000 |
5. | Топырақты, ұсақ тасты, қиыршық тасты, асфальтты катокпен тығыздау | 1 сағат | 16 000 |
6. | Конструкцияларды монтаждау, құбырларды, әртүрлі тіректерді салу, материалдарды, жабдықты кранмен тиеу және түсіру | 1 сағат | 21 000 |
Абаттандыру және көгалдандыру | |||
7. | Тротуарларды, жаяу жүргіншілер жолдарын, веложолдарды, көлік қоятын орындарды, балалар және спорт алаңдарына арналған жабынды орнату және жөндеу | көрсетілетін қызмет | Сметалық есептеу бойынша |
8. | Шағын сәулет құрылыстары (орындықтарды, қоқыс жәшіктерін, қалқаларды, күркелерді, балалар және спорт алаңдарын, қоршау мен декоративті элементтерді орнату) | көрсетілетін қызмет | Сметалық есептеу бойынша |
9. | Шам бағаналары мен сәулеттік жарықтандыруды қоса алғанда, көшедегі жарықтандыруды монтаждау және қызмет көрсету | көрсетілетін қызмет | Сметалық есептеу бойынша |
10. | Нөсерлi кәрiздi және басқа да су бұру жүйесiн жайғастыру | көрсетілетін қызмет | Сметалық есептеу бойынша |
11. | Мерекелерге декорация орнату, көше көрсеткіштерін, ақпараттық стенділерді, мекенжай тақтайшаларын орналастыру | көрсетілетін қызмет | Сметалық есептеу бойынша |
12. | Ағаштарды, бұталарды отырғызу, газонды, гүлзарды орнату, саябақтар мен скверлерді салу | көрсетілетін қызмет | Сметалық есептеу бойынша |
Қарды тазалау, қатты тұрмыстық және құрылыс қалдықтарын жинау және шығару | |||
13. | Қар тазалау | 1 сағат | 20 000 |
14. | Қарды шығару | көрсетілетін қызмет | Өңірлік тариф (баға) бойынша* |
15. | Қатты тұрмыстық қалдықтарын шығару | көрсетілетін қызмет | Өңірлік тариф (баға) бойынша* |
16. | Құрылыс қалдықтарын шығару | көрсетілетін қызмет | Өңірлік тариф (баға) бойынша* |
Жер қазу жұмысы және топырақпен үю | |||
17. | Экскаватормен траншея қазу (шағын механизм) | 1 сағат | 12 000 |
18. | Қазаншұңқырларды, траншеяларды қазу, карьерді әзірлеу, сусымалы материалдарды тиеу және түсіру, топырақты қопсыту, экскаватормен үйінді жасау (топырақ үю) (орташа механизм) | 1 сағат | 13 000 |
19. | Қазаншұңқырларды, траншеяларды қазу, карьерді әзірлеу, сусымалы материалдарды тиеу және түсіру, топырақты қопсыту, экскаватормен үйінді жасау (топырақ үю) (үлкен механизм) | 1 сағат | 15 000 |
20. | Сусымалы материалдарды тиеу және түсіру, топырақты әзірлеу және орнын ауыстыру, тиегішпен (шағын механизм) үйінді жасау (топырақ үю) | 1 сағат | 13 000 |
21. | Сусымалы материалдарды тиеу және түсіру, топырақты әзірлеу және орнын ауыстыру, қазаншұңқырларды қазу, тиегішпен үйінді жасау (топырақ үю) (орташа механизм) | 1 сағат | 15 000 |
22. | Сусымалы материалдарды тиеу және түсіру, топырақты әзірлеу және орнын ауыстыру, қазаншұңқырларды қазу, тиегішпен (үлкен механизм) үйінді жасау (топырақ үю) | 1 сағат | 20 000 |
23. | Топырақты әзірлеу және орнын ауыстыру, алаңдарды жоспарлау және тегістеу, жолдарды, арналарды және әртүрлі құрылысжайды салу және жөндеу, үйінді жасау (топырақ үю), жерді рекультивациялау, құбыржолды жүргізу, ағаш дайындау жұмысы, бульдозермен авариялық-құтқару іс-шаралары | 1 сағат | 20 000 |
24. | Жолдың жер төсемiнiң бетiн дайындау және профильдеу, еңiстер мен үйiндiлердiң профилін жасау, топырақты, қиыршық тасты, шағыл тасты және басқа да сусымалы материалдарды қопсыту, кiрпiштеу, орнын ауыстыру және тегістеу, су ағынын ұйымдастыру үшiн кюветтер, бүйiрлік жыралар мен басқа да шұңқырлар жасау, жолды, әуеайлақтарды және басқа да инфрақұрылымдық объектілерді күтіп-ұстау және ұстау, автогрейдермен (орташа механизм) жолдарды және алаңдарды қардан тазалау | 1 сағат | 18 000 |
25. | Жолдың жер төсемінің бетін дайындау және профильдеу, еңістер мен үйінділердің профилін жасау, топырақты, қиыршық тасты, шағыл тасты және басқа да сусымалы материалдарды қопсыту, кірпіштеу, орнын ауыстыру және тегістеу, су ағынын ұйымдастыру үшін кюветтер, бүйірлік жыралар және басқа да шұңқырлар жасау, жолдарды, әуеайлақтарды және басқа да инфрақұрылымдық объектілерді күтіп-ұстау және ұстау, автогрейдермен (үлкен механизм) жолдар мен алаңдарды қардан тазалау | 1 сағат | 20 000 |
Ғимараттар мен құрылысжайды бұзу | |||
26. | 1 қабатты ғимараттар мен құрылысжайды бұзу | көрсетілетін қызмет | Сметалық есептеу бойынша |
27. | 2 қабатты ғимараттар мен құрылысжайды бұзу | көрсетілетін қызмет | Сметалық есептеу бойынша |
28. | 3 қабатты ғимараттар мен құрылысжайды бұзу | көрсетілетін қызмет | Сметалық есептеу бойынша |
Бетон бұйымдарын жасау | |||
29. | Борттық тас (бордюр) | дана | 1 400 |
30. | Борттық тас (ернеу тас) | дана | 700 |
31. | Тротуар плитасы (кеспе тас) | м2 | 2 700 |
32. | Жол плитасы | дана | 220 000 |
33. | 2 метрлік су ағызатын науа | дана | 17 000 |
Қиыршық тасты (шағыл тасты) және құмды карьерді әзірлеу | |||
34. | 0х5 мм фракциядағы шағыл тас | м3 | 1 200 |
35. | 5х20 мм фракциядағы шағыл тас | м3 | 2 900 |
36. | 10х20 мм фракциядағы шағыл тас | м3 | 3 000 |
37. | 20х40 мм фракциядағы шағыл тас | м3 | 3 000 |
38. | 40х70 мм фракциядағы шағыл тас | м3 | 2 600 |
39. | Құрылыс құмы | м3 | 6 500 |
Жиһаз жасау | |||
40. | Ағаш төсемі бар металл қаңқадан жасалған табурет | дана | 12 600 |
41. | Екі отырғышы бар 6 орындық ас ішетін үстел | ж-қ | 60 300 |
42. | Сынып үстелі (сабақ үшін) | ж-қ | 49 000 |
43. | Бір тумбалы үстел | дана | 82 900 |
44. | Кереует жанына қойылатын тумба | дана | 31 200 |
45. | Қағазға арналған тумба | дана | 36 900 |
46. | Киім шкафы | дана | 59 900 |
47. | Кеңсе шкафы | дана | 54 200 |
Металдан жасалған бұйымдарды өндіру және монтаждау | |||
48. | Қалқа жасау | м2 | Сметалық есептеу бойынша |
49. | Қақпа жасау | м2 | Сметалық есептеу бойынша |
Терезелерді, есіктерді қоса алғанда, пластиктен жасалған бұйымдарды өндіру және монтаждау, сондай-ақ орнату және қызмет көрсету бойынша қосымша жұмысты орындау | |||
50. | ПВХ бұйымдарынан терезе жасау | м2 | 31 500 |
Металл құрылысжай мен конструкцияларды жасау және монтаждау | |||
51. | Ангар (16х32х8 м) | дана | 28 400 |
52. | Ангар (18х32х9 м) | дана | 29 500 |
53. | Ангар (22х32х11 м) | дана | 33 000 |
Металл қоршау мен бөгетті жасау және монтаждау | |||
54. | 3Д қоршау (2,5х2м) | дана | 6 800 |
Қазақстан Республикасының аумағы бойынша көлік (автомобиль) логистикасы | |||
55. | Елді мекен шегінде тралда техниканы және басқа да жабдықты (мүлікті) жеткізу | рейс | 80 000 |
56. | Елді мекеннен тыс жерде (қалааралық) тралда техниканы және басқа да жабдықты (мүлікті) жеткізу | км | 1 400 |
57. | Елді мекен шегінде 20 тоннаға дейін жартылай тіркемемен жүкті және басқа да жабдықты (мүлікті) жеткізу | рейс | 60 000 |
58. | Елді мекеннен тыс жерде (қалааралық) 20 тоннаға дейін жартылай тіркемемен жүкті және басқа да жабдықты (мүлікті) жеткізу | км | 1 300 |
59. | Елді мекен шегінде 8 тоннаға дейін манипуляторда жүкті және басқа жабдықты (мүлікті) жеткізу | сағат | 15 000 |
60. | Елді мекеннен тыс жерде (қалааралық) 8 тоннаға дейін манипуляторда жүкті және басқа да жабдықты (мүлікті) жеткізу | км | 1 000 |
61. | Елді мекен шегінде 10 тоннаға дейін манипуляторда жүкті және басқа жабдықты (мүлікті) жеткізу | сағат | 17 000 |
62. | Елді мекеннен тыс жерде (қалааралық) 10 тоннаға дейін манипуляторда жүкті және басқа да жабдықты (мүлікті) жеткізу | км | 1 100 |
63. | Елді мекен шегінде 15 тоннаға дейін самосвалда жүкті және басқа да жабдықты (мүлікті) жеткізу | км | 24 000 |
64. | Елді мекеннен тыс жерде (қалааралық) 15 тоннаға дейін самосвалда жүкті және басқа да жабдықты (мүлікті) жеткізу | км | 1 100 |
65. | Елді мекен шегінде 20 тоннаға дейін самосвалда жүкті және басқа да жабдықты (мүлікті) жеткізу | км | 26 000 |
66. | Елді мекеннен тыс жерде (қалааралық) 20 тоннаға дейін самосвалда жүкті және басқа да жабдықты (мүлікті) жеткізу | км | 1 300 |
Ескертпе:
Қарды, қатты тұрмыстық қалдықтарды, құрылыс қалдықтарын шығаруға өңірлік тариф (баға) екі есептеу әдісімен белгіленуі мүмкін:
1. Қызмет көрсетілетін елді мекендер мен аудандардың жергілікті атқарушы органдары жасаған шарттар бойынша тарифке (бағаға) сәйкес.
2. ЖЖМ, жабдық пен техниканың амортизациясы, жалақы енгiзiлген нақты шығысқа сәйкес, рентабельдiлiгі – нақты шығыстың кемiнде 10 %-ы.
Қарды, қатты тұрмыстық қалдықтарды, құрылыс қалдықтарын шығаруға түпкілікті тариф (баға) жоғарыда аталған есептеу әдістері арасындағы ең жоғары тариф (баға) негізінде айқындалады.
| Қазақстан Республикасы Қорғаныс министрінің 2026 жылғы 5 қаңтардағы № 3 бұйрығына 4-қосымша Қазақстан Республикасы Қорғаныс министрінің 2025 жылғы 11 маусымдағы № 683 бұйрығына 9-қосымша |
Қонақүй ісі саласында өткізілетін қызметке тариф (баға)
Р/с | Тауар санаты | Өлшем бірлігі | Өлшем бірлігі үшін бағасы (теңге) бір тәулікке | Өлшем бірлігі үшін бағасы (теңге) жарты тәулікке |
1. | Екі кереуеті бар нөмірлер беру | бөлме | 10 000 | 7 000 |
2. | Бір екі кісілік кереуеті бар люкс нөмірін беру | бөлме | 20 000 | 13 000 |
3. | Бір адамды орналастырумен нөмірде орын беру | төсек | 7 000 | 4 000 |
4. | Жеке заттарды жуу | көрсетілетін қызмет | 1 зат 2 000 | |
5. | Жеке заттарды үтіктеу | көрсетілетін қызмет | 1 зат 1 500 | |
6. | Таңғы ас | 1 тағам | 1 900 | 1 900 |
7. | Түскі ас | - | мәзір бойынша | мәзір бойынша |
8. | Кешкі ас | - | мәзір бойынша | мәзір бойынша |
