Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31-бабының 1-тармағының 14-1) тармақшасына, Қазақстан Республикасының Қылмыстық-атқару кодексінің 57-бабының 1-тармағына, 63-бабына, Қазақстан Республикасының Әкімшілік құқық бұзушылық туралы кодексінің 49-1-бабына сәйкес, Өскемен қаласының әкімдігі ҚАУЛЫ ЕТЕДІ:
1. Осы қаулыға 1-қосымшаға сәйкес қоғамдық жұмыстарға тарту түріндегі жазаны өтеу үшін белгілі бір біліктілікті талап етпейтін тегін қоғамдық пайдалы жұмыстардың түрлері бекітілсін.
2. Осы қаулыға 2-қосымшаға сәйкес қоғамдық жұмыстарға тарту түріндегі жазаны өтеу үшін белгілі бір біліктілігін талап етпейтін тегін қоғамдық пайдалы жұмыстар орындалатын ұйымдардың тізбесі бекітілсін.
3. Осы қаулының орындалуын бақылау Өскемен қаласы әкімінің жетекшілік ететін орынбасарына жүктелсін.
4. Осы қаулы оның алғашқы ресми жарияланған күнінен кейін қолданысқа енгізіледі.
| Өскемен қаласы әкімдігінің 2025 жылғы "02" қыркүйектегі № 2721 қаулысына 1 қосымша |
Қоғамдық жұмыстарға тарту түріндегі жазаны өтеу үшін белгілі бір біліктілікті талап етпейтін тегін қоғамдық пайдалы жұмыстардың түрлері
1. Аумақты тазалау және жинау.
2. Аумақты абаттандыру, көгалдандыру бойынша жұмыстар.
3. Суару жұмыстары.
| Өскемен қаласы әкімдігінің 2025 жылғы "02" қыркүйектегі № 2721 қаулысына 2 қосымша |
Қоғамдық жұмыстарға тарту түріндегі жазаны өтеу үшін белгілі бір біліктілікті талап етпейтін тегін қоғамдық пайдалы жұмыстары орындалатын ұйымдардың тізбесі
1. Өскемен қаласы әкімдігінің "ТАЗА ӨСКЕМЕН" шаруашылық жүргізу құқығындағы коммуналдық мемлекеттік кәсіпорны.
2. Өскемен қаласы әкімдігінің "Аумақтық басқару орталығы" коммуналдық мемлекеттік мекемесі.
