Ескерту. 01.01.2026 бастап қолданысқа енгізіледі – осы шешімнің 2-тармағымен.
Қазақстан Республикасының 2025 жылғы 18 шілдедегі Салық кодексінің 582-бабының 1-тармағына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 6 бабына, сәйкес Петропавл қалалық мәслихаты ШЕШТІ:
1. Қазақстан Республикасының жер заңнамасына сәйкес жүргізілген жерлерді аймақтарға бөлу жобаларына (сызбаларына) сәйкес, Петропавл қаласы бойынша жер салығының мөлшерлемелері Қазақстан Республикасының 2025 жылғы 18 шілдедегі Салық кодексінің 577 және 578-баптарында белгіленген базалық мөлшерлемелерден елу пайызға арттырылсын, келесі жер учаскелерін қоспағанда: автотұрақтар (паркингтер), автожанармай құю станциялары үшін бөлінген, казино орналастырылған, сондай-ақ тиісті мақсатта пайдаланылмайтын немесе Қазақстан Республикасының заңнамасын бұза отырып пайдаланылып жатқан жер учаскелері.
2. Осы шешім ресми жариялауға жатады және 2026 жылғы 01 қаңтардан қолданысқа енгізіледі.
| Петропавл қалалық мәслихатының төрағасы | А. Бердағұлов |
