"Байланыс туралы" Қазақстан Республикасы Заңының 41-1-бабының 1-1-тармағына сәйкес БҰЙЫРАМЫН:
1. Қоса беріліп отырған Телекоммуникациялар желілерінде Қазақстан Республикасы заңнамасының талаптарын сақтау мәселелері бойынша мемлекеттік органдардың өзара іс-қимыл жасасу қағидалары бекітілсін.
2. Ақпарат және қоғамдық даму министрлігінің Ақпарат комитеті Қазақстан Республикасының заңнамасында белгіленген тәртіппен:
1) осы бұйрыққа қол қойылғаннан кейін күнтізбелік он күн ішінде оны қазақ және орыс тілдерінде ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;
2) осы бұйрықты Қазақстан Республикасы Ақпарат және қоғамдық даму министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ақпарат және қоғамдық даму вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Министр | Д. Қыдырәлі |
|
"КЕЛІСІЛДІ" Қазақстан Республикасының Ауыл шаруашылығы министрлігі |
|
|
"КЕЛІСІЛДІ" Қазақстан Республикасының Бас прокуратурасы |
|
|
"КЕЛІСІЛДІ" Қазақстан Республикасының Бәсекелестікті қорғау және дамыту агенттігі |
|
|
"КЕЛІСІЛДІ" Қазақстан Республикасының Ғылым және жоғары білім министрлігі |
|
|
"КЕЛІСІЛДІ" Қазақстан Республикасының Денсаулық сақтау министрлігі |
|
|
"КЕЛІСІЛДІ" Қазақстан Республикасының Еңбек және халықты әлеуметтік қорғау министрлігі |
|
|
"КЕЛІСІЛДІ" Қазақстан Республикасының Индустрия және инфрақұрылымдық даму министрлігі |
|
|
"КЕЛІСІЛДІ" Қазақстан Республикасының Қаржы министрлігі |
|
|
"КЕЛІСІЛДІ" Қазақстан Республикасының Қаржылық мониторинг агенттігі |
|
|
"КЕЛІСІЛДІ" Қазақстан Республикасының Қаржы нарығын реттеу және дамыту агенттігі |
|
|
"КЕЛІСІЛДІ" Қазақстан Республикасының Қорғаныс министрлігі |
|
|
"КЕЛІСІЛДІ" Қазақстан Республикасының Мәдениет және спорт министрлігі |
|
|
"КЕЛІСІЛДІ" Қазақстан Республикасының Оқу-ағарту министрлігі |
|
|
"КЕЛІСІЛДІ" Қазақстан Республикасының Сауда және интеграция министрлігі |
|
|
"КЕЛІСІЛДІ" Қазақстан Республикасының Сыртқы істер министрлігі |
|
|
"КЕЛІСІЛДІ" Қазақстан Республикасының Төтенше жағдайлар министрлігі |
|
|
"КЕЛІСІЛДІ" Қазақстан Республикасының Ұлттық қауіпсіздік комитеті |
|
|
"КЕЛІСІЛДІ" Қазақстан Республикасының Ұлттық экономика министрлігі |
|
|
"КЕЛІСІЛДІ" Қазақстан Республикасының Цифрлық даму, инновациялар және аэроғарыш өнеркәсібі министрлігі |
|
|
"КЕЛІСІЛДІ" Қазақстан Республикасының Ішкі істер министрлігі |
|
|
"КЕЛІСІЛДІ" Қазақстан Республикасының Экология, геология және табиғи ресурстар министрлігі |
|
|
"КЕЛІСІЛДІ" Қазақстан Республикасының Энергетика министрлігі |
| Қазақстан Республикасы Ақпарат және қоғамдық даму министрінің 2022 жылғы 27 қыркүйектегі № 409 бұйрығымен бекітілген |
Телекоммуникациялар желілерінде Қазақстан Республикасы заңнамасының талаптарын сақтау мәселелері бойынша мемлекеттік органдардың өзара іс-қимыл жасасу қағидалары
Ескерту. Қағидалар жаңа редакцияда - ҚР Мәдениет және ақпарат министрінің м.а. 07.04.2026 № 159-НҚ (12.07.2026 бастап қолданысқа енгізіледі) бұйрығымен.
1-тарау. Жалпы ережелер
1. Осы Телекоммуникациялар желілерінде Қазақстан Республикасы заңнамасының талаптарын сақтау мәселелері бойынша мемлекеттік органдардың өзара іс-қимыл жасау қағидалары (бұдан әрі – Қағидалар) "Байланыс туралы" Қазақстан Республикасы Заңының 41-1-бабының 1-1-тармағына сәйкес әзірленді және Қазақстан Республикасы заңнамасының талаптарын масс-медиада, телекоммуникация желілерінде немесе онлайн-платформаларда сақтау мәселелері бойынша мемлекеттік органдардың өзара іс-қимыл жасау тәртібін айқындайды.
2. Осы Қағидаларда мынадай ұғымдар пайдаланылады:
1) масс-медиа-бұқаралық ақпарат құралы және интернет-ресурс;
2) масс-медиа саласындағы уәкiлеттi орган (бұдан әрi – уәкiлеттi орган) – масс-медиа саласында мемлекеттiк реттеудi жүзеге асыратын орталық атқарушы орган;
3) онлайн-платформа – қаржылық көрсетілетін қызметтер ұсынуға және электрондық коммерцияға арналған интернет-ресурсты және (немесе) интернет желісінде жұмыс істейтін бағдарламалық қамтылымды, және (немесе) лездік хабар алмасу сервисін қоспағанда, онлайн-платформаны пайдаланушының өзі ашқан аккаунт, жария қоғамдастық арқылы онлайн-платформадағы контентті алуға, жасауға және (немесе) орналастыруға, және (немесе) таратуға, және (немесе) сақтауға арналған интернет-ресурс және (немесе) интернет желісінде жұмыс істейтін бағдарламалық қамтылым, және (немесе) лездік хабар алмасу сервисі;
4) телекоммуникация желісі – коммутациялық жабдықтан (станциялардан, кіші станциялардан, концентраторлардан), жол-кәбілдік құрылыстардан (абоненттік жолдардан, жалғау жолдары мен байланыс арналарынан), беру жүйелері мен абоненттік құрылғылардан тұратын, телекоммуникация хабарларының берілуін қамтамасыз ететін телекоммуникация құралдары мен байланыс жолдарының жиынтығы;
5) цифрлық жүйе - цифрлық деректерді құруды, жинауды, өңдеуді, сақтауды және таратуды қамтамасыз ету мақсатында цифрлық инфрақұрылым объектілерін пайдаланатын, сондай-ақ цифрлық орта субъектілерінің өзара іс-қимылын автоматтандыратын және (немесе) цифрлық ортада қызметтер көрсетуді қамтамасыз ететін функционалдық байланысты цифрлық ресурстар кешені болып табылады;
6) электрондық құжат айналымы жүйесі – оған қатысушылар арасындағы қатынастар Қазақстан Республикасының Цифрлық кодексімен және Қазақстан Республикасының өзге де нормативтік құқықтық актілерімен реттелетін электрондық құжаттармен алмасу жүйесі.
2-тарау. Масс-медиа, телекоммуникация желілерінде немесе онлайн-платформаларда Қазақстан Республикасы заңнамасының талаптарын сақтау мәселелері бойынша мемлекеттік органдардың өзара іс-қимыл жасасу тәртібі
3. Масс-медиа, телекоммуникация желілерінде немесе онлайн-платформаларда заңнама талаптарын сақтау мәселелері бойынша мемлекеттік органдардың өзара іс-қимылы осы Қағидалардың талаптарына сәйкес цифрлық жүйелерді немесе электрондық құжат айналымы жүйесін пайдалана отырып, олардың құзыреті шегінде жүзеге асырылады.
4. Цифрлық жүйелер масс-медиа, телекоммуникация желілерінде немесе онлайн-платформаларда заңды күшіне енген сот актілерімен немесе Қазақстан Республикасының заңдарымен таратуға тыйым салынған немесе өзгеше түрде шектелген ақпаратты анықтау, есепке алу және оларға қол жеткізуді тоқтата тұру бойынша мемлекеттік органдар жүргізетін жұмысты жүйелеуге арналған.
5. Мемлекеттік органдар өз құзыреті шегінде масс-медиа, телекоммуникация желілерінде немесе онлайн-платформаларда таратылатын материалдарды анықтайтын және есепке алуды жүргізетін және Қазақстан Республикасы заңнамасының талаптарын бұзатын ақпаратты қамтитын интернет-ресурстар мен сілтемелерді осы Қағидаларға 1-қосымшаға сәйкес нысан бойынша цифрлық жүйеге енгізетін қызметкерлердің, оның ішінде ведомстволық бағынысты ұйымдардың тізімін қалыптастырады және уәкілетті органға жібереді.
Осы тармақта көрсетілген мемлекеттік органдар өз қызметкерлерінің тізімін жарты жылда кемінде бір рет жаңартады және уәкілетті органға жаңартылған тізімді жібереді.
Цифрлық жүйелерге енгізілетін мәліметтер олардың заңдылық талаптарына сәйкес келеді.
6. Уәкілетті орган жарты жылда бір рет белсенділік белгілері жоқ және цифрлық жүйені қолданбайтын пайдаланушыларды есепке алу жазбаларының тізімін қалыптастырады.
7. Мемлекеттік органдар өз құзыреті шегінде масс-медиа, телекоммуникация желілерінде немесе онлайн-платформаларда заңды күшіне енген сот актілерімен немесе Қазақстан Республикасының заңдарымен таратуға тыйым салынған немесе өзгеше түрде шектелген материалдарға мониторинг жүргізеді.
8. Мемлекеттiк органдар масс-медиа, телекоммуникация желілерінде немесе онлайн-платформаларда заңды күшіне енген сот актілерімен немесе Қазақстан Республикасының заңдарымен таратуға тыйым салынған немесе өзгеше түрде шектелген материалдарды анықтаған кезде, цифрлық жүйе арқылы уәкiлеттi органға хабарлама жiбередi.
Хабарламаны жіберген кезде мемлекеттік орган цифрлық жүйеде талап етілетін деректерді: заңдылық пен негізділікті, цифрлық жүйеге енгізілетін мәліметтерді, олардың құқыққа қайшы екенін растайтын анықталған материалдардың скриншоттарын толық көлемде толтыруды қамтамасыз етеді.
9. Мемлекеттік органдар масс-медиа, телекоммуникация желілерінде немесе онлайн-платформаларда заңды күшіне енген сот актілерімен немесе Қазақстан Республикасының заңдарымен таратуға тыйым салынған немесе өзгеше түрде шектелген ақпаратты таратудың анықталған фактілерін цифрлық жүйеге енгізеді не уәкілетті органға осы Қағидалардың 2-қосымшасына сәйкес нысан бойынша электрондық құжат айналымы жүйесі арқылы бірінші басшының немесе оның орынбасарының қолы қойылған хабарламаны жібереді.
10. Масс-медиа, телекоммуникация желілерінде немесе онлайн-платформаларды пайдаланыла отырып заңды күшіне енген сот актілерімен немесе Қазақстан Республикасының заңдарымен таратуға тыйым салынған немесе өзгеше түрде шектелген ақпаратты таратудың расталған фактілері бойынша уәкілетті орган "Байланыс туралы" Қазақстан Республикасы Заңының 41-1-бабына сәйкес Қазақстан Республикасының аумағында оған қолжетімділікті шектеу жөнінде шаралар қабылдайды.
11. Заңды күшіне енген сот актілерімен немесе Қазақстан Республикасының заңдарымен таратуға тыйым салынған немесе өзгеше түрде шектелген масс-медиа, телекоммуникация желілерінде немесе онлайн-платформаларда таратудың расталмаған фактілері бойынша цифрлық жүйе арқылы мемлекеттік органнан келіп түскен ақпарат Қазақстан Республикасының заңнамасын бұзудың жоқтығы туралы негіздемені көрсете отырып, қабылданбайды.
| Телекоммуникациялар желілерінде Қазақстан Республикасы заңнамасының талаптарын сақтау мәселелері бойынша мемлекеттік органдардың өзара іс-қимыл жасасу қағидаларына 1-қосымша |
Нысан
____________________________________________________
(Уәкілетті органның атауы)
Хабарлама
"Байланыс туралы" Қазақстан Республикасы Заңының 41-1-бабының 1-1-тармағына сәйкес бекітілген Телекоммуникациялар желілерінде Қазақстан Республикасы заңнамасының талаптарын сақтау мәселелері бойынша мемлекеттік органдардың өзара іс-қимыл жасасу қағидаларына сәйкес, масс-медиа, телекоммуникация желілерінде немесе онлайн-платформаларда таралатын құқыққа қайшы контентті анықтау және есепке алу және осындай контенті бар интернет-ресурстар мен сілтемелерді цифрлық жүйеге енгізу құзыретіне кіретін қызметкерлер туралы мәліметтерді жолдаймыз.
№ | Тегі, аты, әкесінің аты (ол болған жағдайда) | Жұмыс электрондық поштасы | Ұялы телефон |
Уәкілетті лауазымды адам
_____________________________________________________________________
_____________________________________________________________________
лауазым (қолы) (тегі, аты, әкесінің аты (ол болған жағдайда)
| Телекоммуникациялар желілерінде Қазақстан Республикасы заңнамасының талаптарын сақтау мәселелері бойынша мемлекеттік органдардың өзара іс-қимыл жасасу қағидаларына 2-қосымша |
Нысан
____________________________________________________
(Уәкілетті органның атауы)
Хабарлама
"Байланыс туралы" Қазақстан Республикасы Заңының 41-1-бабының 1-1-тармағына сәйкес бекітілген Телекоммуникациялар желілерінде Қазақстан Республикасы заңнамасының талаптарын сақтау мәселелері бойынша мемлекеттік органдардың өзара іс-қимыл жасасу қағидаларына сәйкес, Қазақстан Республикасының заңдарымен және (немесе) заңды күшіне енген сот шешімдерімен таратуға тыйым салынған ақпарат туралы мәліметтерді жолдаймыз.
1. Бұзушылық түрі
2. Қазақстан Республикасы заңнамалық актісінің нормасы
3. Қазақстан Республикасының заңнамасын бұзудың анықталған фактілерінің тізбесі (деректерді беру желісінде мекенжайлар, (IP-мекенжай) және (немесе) домендік атау және (немесе) интернет-ресурстың және (немесе) оның интернет-парағының сәйкестендіргіші көрсетіледі), деректерді беру желісінің интернет-ресурсы пайдаланатын хаттаманың түрі, сәйкестендіру, абоненттік құрылғының кодтары (Құрылғының MAC мекенжайы, IMEI-байланыс құралының коды):
1) ________________________;
2) ________________________;
3) ________________________;
4) ________________________.
Осы хабарламада көрсетілген мәліметтердің заңдылығы мен негізділігін растаймын.
Уәкілетті лауазымды тұлға
____________________________________________________________________
лауазымы (қолы) (тегі, аты, әкесінің аты (ол болған жағдайда)
Ескертпе: жолдардың саны хабарламаға енгізілетін Қазақстан Республикасының заңнамасын бұзудың анықталған фактілерінің санына байланысты болады.
