БҰЙЫРАМЫН:
1. "Спорт резерві мен жоғары дәрежелі спортшыларды даярлау жөніндегі оқу-жаттығу үдерісін жүзеге асыратын түрлі дене шынықтыру-спорттық ұйымдарының тізбесін және олардың қызмет қағидаларын бекіту туралы" Қазақстан Республикасы Мәдениет және спорт министрінің 2014 жылғы 22 қарашадағы № 106 бұйрығына (Нормативтік құқықтық актілерді мемлекеттік тіркеу тізілімінде № 10012 болып тіркелген) мынадай өзгерістер мен толықтырулар енгізілсін:
1-тармақ мынадай редакцияда жазылсын:
"1. Қоса беріліп отырған:
1) осы бұйрыққа 1-қосымшаға сәйкес спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын дене шынықтыру-спорт ұйымдары түрлерінің тізбесі;
2) осы бұйрыққа 2-қосымшаға сәйкес спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын балалар-жасөспірімдер спорт мектептері, мүгедектігі бар адамдарға арналған спорт мектептері қызметінің қағидалары;
3) осы бұйрыққа 3-қосымшаға сәйкес спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын Олимпиада резервін даярлау орталықтары қызметінің қағидалары;
4) осы бұйрыққа 4-қосымшаға сәйкес спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын Олимпиадалық даярлау орталықтары қызметінің қағидалары;
5) осы бұйрыққа 5-қосымшаға сәйкес спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын жоғары спорт шеберлігі мектептері қызметінің қағидалары;
6) осы бұйрыққа 6-қосымшаға сәйкес спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын балалар-жасөспірімдер дене шынықтыру клубтары қызметінің қағидалары;
7) осы бұйрыққа 7-қосымшаға сәйкес спорт резервін және жоғары сыныпты спортшыларды даярлау бойынша оқу-жаттығу процесі жүзеге асырылатын спорт клубтары, мүгедек адамдарға арналған спорт клубтары қызметінің қағидалары;
8) осы бұйрыққа 8-қосымшаға сәйкес спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын кәсіпқой спорт клубтары қызметінің қағидалары;
9) осы бұйрыққа 8-1-қосымшаға сәйкес спорт резервін және мүгедектігі бар жоғары дәрежелі спортшыларды даярлау жөніндегі оқу-жаттығу процесі жүзеге асырылатын дене мүмкіндіктері шектеулі адамдарға арналған спорттық даярлау орталығы қызметінің қағидалары;
10) осы бұйрыққа 8-2-қосымшаға сәйкес спорт түрлері бойынша Қазақстан Республикасының ұлттық және штаттық ұлттық командаларын даярлауды жүзеге асыратын ұйымдар қызметінің қағидалары;
11) осы бұйрыққа 8-3-қосымшаға сәйкес спорт түрлері бойынша облыстардың, республикалық маңызы бар қалалардың және астананың командаларын даярлауды жүзеге асыратын ұйымдар қызметінің қағидалары;
12) осы бұйрыққа 8-4-қосымшаға сәйкес спорт резервін және жоғары дәрежелі спортшыларды даярлау бойынша оқу-жаттығу процесі жүзеге асырылатын жаттығу орталықтары қызметінің қағидалары бекітілсін.";
көрсетілген бұйрықпен бекітілген спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын дене шынықтыру-спорттық ұйымдар түрлерінің тізбесі осы бұйрыққа 1-қосымшаға сәйкес редакцияда жазылсын;
көрсетілген бұйрықпен бекітілген спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын балалар-жасөспірімдер спорт мектептерінің, мүгедектігі бар адамдарға арналған спорт мектептері қызметінің қағидаларында:
5-тармақ мынадай редакцияда жазылсын:
"5. Осы Қағидаларда мынадай ұғымдар пайдаланылады:
1) ауыспалы құрам – оқу-жаттығу жиындары мен жарыстар кезінде тартылатын спортшылар құрамы;
2) спорттық нормативтері – орындалуы тиісті топқа ауысу үшін негізгі шарт болып табылатын оқушылардың спорт түрлерінен белгілі бір спорттық жаттығуларды орындауын есепке ала отырып, спорт мектептерінің оқушыларына қойылатын бақылау-ауыстыру талаптары;
3) тұрақты құрам – спорт мектебінің контингентіне басшының бұйрығымен қабылданған спортшылар.";
9, 9-1 және 10-тармақтар мынадай редакцияда жазылсын:
"9. Оқушыларды қабылдау, ауыстыру, оқудан шығару және оқуды бітіруі жаттықтырушы-оқытушының ұсынымы бойынша спорт мектебі басшысының бұйрығымен ресімделеді.
9-1. Спорт мектебіне мына талаптарға сәйкес келетін жалпы білім беретін мектептердің және басқа да оқу орындарының оқушылары қабылданады:
1) таңдаған спорт түрі бойынша спорттық норматив;
2) Спорт түрлері бойынша қабылдау үшін оқушылардың жасы "Спорт резерві және жоғары дәрежедегі спортшыларды даярлау бойынша оқу-жаттығу процесін жүзеге асыратын дене шынықтыру-спорт ұйымдарында спорт түрлері бойынша спортшылардың жас шамасын бекіту туралы" Қазақстан Республикасы Мәдениет және спорт министрінің 2014 жылғы 20 қазандағы № 42 бұйрығына сәйкес (Нормативтік құқықтық актілерді мемлекеттік тіркеу тізімінде № 9881 тіркелген).
10. "Балалар-жасөспірімдер спорт мектептеріне, мүгедектігі бар адамдарға арналған спорт мектептеріне құжаттарды қабылдау" мемлекеттік көрсетілетін қызметті (бұдан әрі - мемлекеттік көрсетілетін қызмет) балалар-жасөспірімдер спорт мектептері, мүгедектігі бар адамдарға арналған спорт мектептері (бұдан әрі – көрсетілетін қызметті беруші) көрсетеді.
Спорттық-сауықтыру топтарына және спорт түрлері бойынша бірінші оқу жылының бастапқы даярлық топтарына құжаттарды қабылдау оқу жылы бойы жүргізіледі.
Балалар-жасөспірімдер спорт мектептеріне, мүгедектігі бар адамдарға арналған спорт мектептеріне түсу үшін жеке тұлғалар (бұдан әрі – көрсетілетін қызметті алушы) көрсетілетін қызметті берушінің кеңсесіне немесе "электрондық үкіметтің" www.egov.kz веб-порталы (бұдан әрі – портал) арқылы осы Қағидалардың 2-қосымшасына сәйкес "Балалар-жасөспірімдер спорт мектептеріне, мүгедектігі бар адамдарға арналған спорт мектептеріне құжаттарды қабылдау" мемлекеттік қызмет көрсетуге қойылатын негізгі талаптардың тізбесінде көрсетілген құжаттарды қоса, еркін нысандағы өтінішті береді.
Дене шынықтыру және спорт саласындағы уәкілетті орган мемлекеттік қызметтер көрсету тәртібі және мемлекеттік қызмет көрсету тәртібін айқындайтын заңға тәуелді нормативтік құқықтық актілерге енгізілген өзгерістер және (немесе) толықтырулар туралы ақпаратты олар бекітілген немесе өзгертілген күннен бастап үш жұмыс күні ішінде Мемлекеттік корпорацияға береді.";
12-тармақ мынадай редакцияда жазылсын:
"12. Оқушыларды келесі оқу жылына және келесі оқу кезеңі топтарына ауыстыру:
1) тұрғылықты жері бойынша медициналық ұйым берген денсаулығы туралы медициналық анықтамасы бар болғанда;
2) Қазақстан Республикасы Денсаулық сақтау және әлеуметтік даму министрінің 2023 жылғы 29 маусымдағы № 260 бұйрығымен бекітілген Медициналық-әлеуметтік сараптама жүргізу қағидаларына 19-қосымшасына сәйкес нысан бойынша Мүгедектік туралы анықтама болған кезде (Нормативтік құқықтық актілерді мемлекеттік тіркеу тізілімінде № 32922 болып тіркелген);
3) осы топтарға арналған және спорт мектебінің басшысы бекіткен спорттық нормативтерді орындаған жағдайда жүзеге асырылады.";
17 және 18-тармақтар мынадай редакцияда жазылсын:
"17. Спорт мектебінде оқу барысында оқушылар келесі дайындық кезеңдерінен өтеді:
1) спорттық-сауықтыру даярлығы кезеңінде (оқудың барлық кезеңі) – сабақтар денсаулығын нығайту және қозғалудың табиғи қажеттілігін қанағаттандыру мақсатында дене шынықтырумен және спортпен шұғылданғысы келетін 6 жастан 15 жасқа дейінгі оқушылармен өткізіледі;
2) алғашқы даярлау кезеңі (1-3 жыл) – сабақтар оқу-жаттығу топтарына дарынды оқушыларды іріктеу мақсатында осы спорт түріне белгіленген жасқа сәйкес спортпен шұғылданғысы келетін балалармен өткізіледі;
3) оқу-жаттығу даярлығы кезеңі (4-5 жыл) – топтар спорт түрі бойынша мамандану мақсатында алғашқы спорттық даярлау курсын табысты игерген оқушылардан жасақталады;
4) спорттық жетілдіру кезеңі (3-4 жыл) – топтар жастар құрама командаларын толықтыру мақсатында оқу-жаттығу топтарында даярлану кезеңінен өткен және бақылау нормативтерін орындаған оқушылардан жасақталады;
5) жоғары спорт шеберлігі кезеңі (3 және одан жоғары жыл) – топтар спорт түрлері бойынша Қазақстан Республикасының ұлттық командаларын толықтыру мақсатында спорттық жетілдіру кезеңінен өткен оқушылардан жасақталады.
18. Әр оқушыға осы Қағидалардың 4-қосымшасына сәйкес спортшының жеке карточкасы ашылады.
Спорт мектептерінде толтырылады және өткізіледі:
1) сабақ кестесі;
2) қысқа мерзімді (күнделікті) және орта мерзімді жоспарлар;
3) білім алушылардың сабаққа қатысуын немесе қосымша білім берудің білім беру бағдарламасын меңгеруін есепке алу журналын (word (ворд) немесе pdf (пдф) электрондық форматында);
4) жаттықтырушы-оқытушының жұмысын есепке алу журналы;
5) қауіпсіздік техникасына нұсқау беру журналы;
6) жаттықтырушы-оқытушының жүктемесі туралы мәліметтер.";
21-тармақ мынадай редакцияда жазылсын:
"21. Осы Қағиданың негізінде әрбір спорт мектебі өзі таңдаған жұмысты, спорт түрлерінің ерекшелігін, материалдық-техникалық және қаржылық қамтамасыз етуді есепке алып, спорттық даярлықтың ұлттық стандарттарына сәйкес қызмет бағдарламасын әзірлейді. Қызмет бағдарламасын спорт мектебінің басшысы бекітеді.";
27-тармақ мынадай редакцияда жазылсын:
"27. Оқу-жаттығу топтарында, спорттық жетілдіру және жоғары спорт шеберлігі топтарында сабақты спорт түрі бойынша негізгі жаттықтырушы-оқытушы жүргізеді.
Оқу-жаттығу процесінде көмек көрсету үшін қосымша жаттықтырушы-оқытушы тартылады. Осы Қағидалардың 6-қосымшасына сәйкес бірінші топқа енгізілген спорт түрлерінде аралас спорт түрлерi бойынша, жалпы дене шынықтыру дайындығы бойынша жаттықтырушы-оқытушылар, сонымен қатар, техник-кеме жүргізуші, жаттықтырушы-кеңесші, жаттықтырушы-сервисмен, жаттықтырушы-майлаушы, , дәрігер, механик, қару-жарақ шебері, мал дәрігері, зоотехник, ұста, ат бағушы, әбзелші, жылқышы, жаттықтырушы-массажшы, нұсқаушы-берейтор (бессайыс), хореограф, аккомпониатор, психолог, сервисмен-конькиді қайраушы, сервисмен-шаңғы майлаушы тартылады.
Спорт мектебінің басшысы, басшының орынбасары, нұсқаушы және әдіскер тиісті жоғары кәсіптік білімі және біліктілік санаты болған кезде жаттықтырушы-оқытушылық жұмысты жүргізеді. Бұл ретте жаттықтырушы-оқытушылық жұмыс үшін жүктеме 0,5 мөлшерлемеден аспауы тиіс.";
29, 30 және 31-тармақтар мынадай редакцияда жазылсын:
"29. Спорт мектептерінің құрылымында тұрақты және ауыспалы құрам болады.
30. Республикалық мәртебесі бар спорт мектебіндегі оқушылар контингентін, оқу топтарының санын, оқу сағаттарының жылдық есебін және штаттық кестені жыл сайын 1 қыркүйектен кешіктірмей дене шынықтыру және спорт саласындағы уәкілетті органмен (бұдан әрі – уәкілетті орган) келісім бойынша спорт мектебінің басшысы бекітеді.
Облыстық, қалалық және аудандық мәртебесі бар спорт мектебіндегі оқушылар контингентін, оқу топтарының санын, оқу сағаттарының жылдық есебін және штаттық кестені жыл сайын 1 қыркүйектен кешіктірмей дене шынықтыру және спорт саласындағы тиісті жергілікті атқарушы органмен (бұдан әрі – жергілікті атқарушы орган) келісім бойынша спорт мектебінің басшысы бекітеді.
31. Оқу-жаттығу жұмысының тәртібі және топтардың толықтырылуы осы Қағидалардың 6-қосымшасына сәйкес айқындалған.
Мүгедектігі бар адамдар арасындағы оқу-жаттығу жұмысының тәртібі және топтардың толықтырылуы осы Қағидалардың 7-қосымшасына сәйкес айқындалған.
Жаттықтырушы-оқытушылар ауыспалы топтарды олимпиадалық резервтің республикалық, облыстық, республикалық маңызы бар қалалардың, астананың мамандандырылған мектеп-интернат-колледждерінің және спортта дарынды балаларға арналған облыстық, республикалық маңызы бар қалалардың, астананың мектеп-интернаттарының негізгі құрамында тұрған оқушылардан жасақтайды. Ауыспалы топтағы оқушылардың спорт мектебінің командасы үшін спорттық іс-шараларға қатысуы іссапарға жіберуші спорт мектебінің қаражаты есебінен жүзеге асырылады.
Бастапқы даярлық топтарын жаттықтырушы-оқытушылармен жасақтау ағымдағы оқу жылының 1 қазанына дейін жүзеге асырылады.
Спорттық және би жұптары үшін мәнерлеп сырғанаудан спорттық жетілдіру және жоғары спорт шеберлігі топтарында оқушылардың саны төрт адамды құрайды.";
34, 35-тармақтар мынадай редакцияда жазылсын:
"34. Спорт мектептерінде спорт түрлерінен бөлімшелер алғашқы даярлау топтарынан, оқу-жаттығу топтарынан, спорттық жетілдіру топтарынан және жоғары спорт шеберлігі топтарынан құрылады.
Облыстық, қалалық және аудандық спорт мектептерінде спорттық жетілдіру топтарын ашу тиісті жергілікті атқарушы органның келісуі бойынша спорт мектебі басшысының шешімімен жүзеге асырылады.
Республикалық спорт мектептерінде спорттық жетілдіру топтарын ашу, республикалық, облыстық, қалалық және аудандық спорт мектептерінде жоғары спорт шеберлігі топтарын ашу уәкілетті органның келісу бойынша спорт мектебі басшысының шешімімен жүзеге асырылады.
35. Спорт мектептерінің жаттықтырушы-оқытушылар құрамының жұмысы:
1) алғашқы даярлау топтарында – оқу топтары құрамының тұрақтылығы жалпы дене дайындығы бойынша талаптарды қоса алғанда, оқушылардың спорт мектептері бағдарламаларын игеру деңгейі, оқу-жаттығу топтарына ауыстырылған шұғылданушылардың санын есепке алып;
2) оқу-жаттығу топтарында – топ құрамының тұрақтылығы, жалпы және арнайы дене дайындығының нормативтік көрсеткіштерін орындауын, спорттық жарыстарда қол жеткізген нәтижелерін және кемінде екінші жасөспірімдік спорттық разрядының болуын, түлектер арасынан спорт төрешілерін дайындауды есепке алып;
3) спорттық жетілдіру топтарында – шұғылданушылардың бағдарлама, соның ішінде спорттық даярлау талаптарын орындауларын, спорт түрлері бойынша Қазақстан Республикасы құрама командаларына (негізгі, жастар және жасөспірімдер құрамы) даярланған үміткерлер саны, олардың республикалық және халықаралық жарыстарда өнер көрсетуінің нәтижелерін ескере отырып;
4) жоғары спорт шеберлігі топтарында – спорт түрлері бойынша Қазақстан Республикасы ұлттық командаларына (негізгі, жастар және жасөспірімдер құрамы) даярланған үміткерлердің санын, олардың республикалық және халықаралық жарыстарда өнер көрсетуінің нәтижелерін ескере отырып бағаланады.";
37, 38, 39 және 40-тармақтар мынадай редакцияда жазылсын:
"37. Спорт мектептерінде педагогикалық кеңес құрылады, оның ережесін және құрамын спорт мектебінің басшысымен бекітеді.
Педагогикалық кеңес тоқсан сайын кемінде бір рет өткізіледі. Педагогикалық кеңес отырысында оқу-жаттығу, тәрбие, әдістемелік, спорттық-бұқаралық жұмыстар, дәрігерлік бақылау тыңдалады және талқыланады және солар бойынша шешімдер қабылданады.
38. Спорт түрлері бойынша бөлімшелерде егер олардың әрқайсысының басшылығымен толық жүктемемен кемінде 3 жаттықтырушы-оқытушы жұмыс істейтін болса, онда спорт мектебі басшысының бұйрығымен жетекші жаттықтырушы-оқытушылар арасынан бөлімшенің аға жаттықтырушы-оқытушылары тағайындалады.
39. Спорт түрлерінен бөлімшелерде жаттықтырушылар кеңесі құрылады, оның ережесін және құрамын спорт мектебінің басшысы бекітеді.
Жаттықтырушылар кеңестерінде бөлімшелердің аға жаттықтырушы-оқытушыларының басшылығымен айына бір реттен кем емес оқу-жаттығу, тәрбие жұмысы, оқушыларды даярлаудың жеке жоспары, жарыстарға қатысу мәселелері қарастырылады, жаттықтырушы-оқытушылардың жаттығу процесі, кейіннен оларды талқылай және жұмыс тәжірибесімен алмаса отырып, ашық жаттығу сабақтарын өткізу әдістемелерін жетілдіру жөніндегі хабарламалар мен баяндамалар тыңдалады.
40. Спорт мектебі жұмысшыларының штатын, спорт мектебінде жүргізілетін спорт түрлерін және спорт ғимараттарын ескере отырып, уәкілетті органның (спорт мектебінің республикалық мәртебесі болған жағдайда) немесе тиісті жергілікті атқарушы органның (спорт мектебінің облыстық, қалалық және аудандық мәртебесі болған жағдайда) келісуімен спорт мектебінің басшысы бекітеді.";
44 және 45-тармақтар мынадай редакцияда жазылсын:
"44. Мемлекеттік қызметтер көрсету мәселелері бойынша шағымды қарауды көрсетілетін қызметті беруші, жоғары тұрған әкімшілік орган, лауазымды тұлға, мемлекеттік қызметтер көрсету сапасын бағалау және бақылау жөніндегі уәкілетті орган (бұдан әрі - шағымды қарайтын орган) жүргізеді.
45. Егер заңда өзгеше көзделмесе, сотқа дейінгі тәртіппен шағым жасалғаннан кейін сотқа жүгінуге жол беріледі. Егер заңда жоғары тұрған органға шағым жасау қажеттілігінсіз сотқа жүгіну мүмкіндігі көзделген жағдайда, әкімшілік актісіне, әкімшілік әрекетіне (әрекетсіздігіне) дау айтылатын әкімшілік орган, лауазымды адам сотқа пікірмен қатар жоғары тұрған әкімшілік орган басшысының, лауазымды адамының уәжді ұстанымын ұсынады.";
46-тармақ алынып тасталсын;
47, 48 және 49-тармақтар мынадай редакцияда жазылсын:
"47. Көрсетілетін қызметті берушінің атына келіп түскен көрсетілетін қызметті алушының шағымы "Мемлекеттік көрсетілетін қызметтер туралы" Қазақстан Республикасы Заңының 25-бабы 2-тармағына сәйкес тіркелген күнінен бастап бес жұмыс күні ішінде қаралуға жатады.
48. Шағымды қарайтын органның атына келіп түскен көрсетілетін қызметті алушының шағымы тіркелген күнінен бастап он бес жұмыс күні ішінде қаралуға жатады.
49. Көрсетілетін қызметті алушы алынған мемлекеттік қызмет нәтижелерімен келіспеген жағдайда лауазымды адамның шешіміне, әрекетіне (әрекетсіздігіне) шағымды қарайтын басқа органға немесе сотқа шағымдануға құқылы.";
спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын балалар-жасөспірімдер спорт мектептері, мүгедектігі бар адамдарға арналған спорт мектептері қызметінің қағидаларына 1 қосымша алынып тасталсын;
спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын балалар-жасөспірімдер спорт мектептері, мүгедектігі бар адамдарға арналған спорт мектептері қызметінің Қағидаларына 2-қосымшада:
"Балалар мен жасөспірімдер спорт мектептеріне, мүгедектігі бар адамдарға арналған спорт мектептеріне құжаттар қабылдау" мемлекеттік қызмет көрсетуге қойылатын негізгі талаптар тізбесінде:
реттік нөмірлері 7,8 және 10-жолдар мынадай редакцияда жазылсын:
"
77 | Көрсетілетін қызметті берушінің және ақпарат объектілерінің жұмыс графигі |
Көрсетілетін қызмет беруші: Қазақстан Республикасының еңбек заңнамасына сәйкес демалыс және мереке күндерінен басқа, дүйсенбіден бастап жұманы қоса алғанда, сағат 13.00 – ден 14.30 – ға дейінгі түскі үзіліспен сағат 9.00 – ден 18.30 – ға дейін. |
88 | Мемлекеттік қызмет көрсету үшін көрсетілетін қызметті алушыдан талап етілетін құжаттар мен мәліметтердің тізбесі |
Көрсетілетін қызметті берушінің кеңсесіне: |
110 | Мемлекеттік қызмет көрсетуді, оның ішінде электрондық нысанда көрсетілетін қызметті ескере отырып қойылатын өзге де талаптар |
Спорттық - сауықтыру топтарына және спорт түрлері бойынша бірінші оқу жылының бастапқы даярлық топтарына құжаттарды қабылдау оқу жылы бойы жүргізіледі. |
";
осы бұйрыққа 2-қосымшаға сәйкес Спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын балалар-жасөспірімдер спорт мектептері, мүгедектігі бар адамдарға арналған спорт мектептері қызметінің қағидаларына 5-қосымша жаңа редакцияда жазылсын;
спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын балалар-жасөспірімдер спорт мектептері, мүгедектігі бар адамдарға арналған спорт мектептері қызметінің Қағидаларына 6-қосымшада:
ескертулер мынадай редакцияда жазылсын:
"Ескертулер:
1. Бірінші, екінші, үшінші, төртінші және бесінші топтарға жататын спорт түрлері бойынша топтардағы адам саны:
1) бірінші топ: биатлон, спорттық гимнастика, көркем гимнастика, тау шаңғы спорты, шаңғы қоссайысы, шаңғы жарысы, коньки спорты, шорт-трек, ат спорты, жеңіл атлетика, желкенді спорт, суға секіру, батуттық гимнастика, шаңғымен трамплиннен секіру, жүзу, әртістік жүзу, тауға өрмелеу, садақтан ату, нысана көздеу, стендтік ату, қазіргі бессайыс, конькимен мәнерлеп сырғанау, фристайл, семсерлесу, велосипед спорты (велотрек, шоссе, маутинбайк), триатлон, үстел теннисі;
2) екінші топ: жоғары жетістіктер спортына кіретін ойын спорт түрлері, көкпар;
3) үшінші топ: жоғары жетістіктер спортына кіретін қалған барлық спорт түрлері;
4) төртінші топ: ат спортының ұлттық түрлері (бәйге, аударыспақ, теңге ілу, жамбы ату), байдарка мен каноэде есу, академиялық есу, жағажай волейболы;
5) бесінші топ: теннис, құсбегілік.";
спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын балалар-жасөспірімдер спорт мектептері, мүгедектігі бар адамдарға арналған спорт мектептері қызметінің қағидаларына 8-қосымша осы бұйрыққа 3-қосымшаға сәйкес жаңа редакцияда жазылсын;
көрсетілген бұйрықпен бекітілген спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын Олимпиада резервін даярлау орталықтары қызметінің Қағидаларында:
5-тармақ мынадай редакцияда жазылсын:
"5. Осы Қағидаларда мынадай ұғымдар қолданылады:
1) аға жаттықтырушы – спорт түрлері бойынша жаттықтырушылар құрамына жалпы басшылықты жүзеге асыратын және оқу-жаттықтырушылық қызметпен тікелей айналысатын спорт жаттықтырушысы;
2) ауыспалы құрам – оқу-жаттығу жиындары мен жарыстар кезінде тартылатын спортшылар құрамы;
3) жеке жаттықтырушы – спортшыны спорт түрі бойынша Қазақстан Республикасының ұлттық командасынан тыс болған кезеңінде оның жеке-дара даярлау жоспарын орындауына бағытталған даярлауды (кемінде үш жыл) жүзеге асыратын жаттықтырушы;
4) оқу-жаттығу жиыны – спортшылардың спорттық шеберлігін және оқу-жаттығу процесінің сапасын арттыру мақсатында ұйымдастырылған орталықтандырылған іс-шара;
5) спорт түрi – жаттығу ортасы, сайысу әрекетіндегі дене шынықтыру жаттығуларының немесе интеллектуалдық қабілеттердің жиынтығы және бір спорт федерациясының спорт түрлері қағидаларының ұқсастық белгілері бойынша біріктірілген жарыстар қағидалары айырым белгiлерi болып табылатын спорттың құрамдас бөлiгi;
6) спорттық-бұқаралық iс-шаралардың бірыңғай күнтiзбесi – халықаралық, республикалық және жергілікті деңгейлердегі жыл сайынғы жарыстардың, сондай-ақ жарыстарға дайындық жөніндегі іс-шаралардың тізбесі;
7) халықаралық спорттық жарыстар – шетелдік спортшылар (командалар) қатысатын спортшылар (командалар) арасындағы спорт түрi бойынша өтетін сайыстар.";
7-тармақ мынадай редакцияда жазылсын:
"7. Мыналар Орталықтың негізгі міндеттері:
1) спортшылардың спорттық шеберлігін арттыру және республикалық, халықаралық спорт аренасында табысты өнер көрсету;
2) Олимпиадалық даярлау орталықтарына, облыстардың, республикалық маңызы бар қалалардың, астананың командаларына және спорт түрлері бойынша Қазақстан Республикасының ұлттық командаларына қабылдау үшін спортшы-кандидаттарды іріктеу мен дайындау;
3) оқу-жаттығу үдерісін ұйымдастыруды және өткізуді қамтамасыз ету, оның нәтижелерін, физикалық қасиетіндегі жеке даму көрсеткішінің өсу динамикасын, спортшылардың техникалық-тактикалық дайындық деңгейіне талдауды жүзеге асыру болып табылады.";
9-тармақ мынадай редакцияда жазылсын:
"9. Мыналар Орталыққа спортшылар мен жаттықтырушыларды қабылдау талаптары:
1) Орталықтағы спорт түрлерінен спортшылардың жасөспірімдер, жеткіншектер, жастар мен ересектер жасындағы және Қазақстан Республикасы чемпионаттарының (біріншіліктерінің) немесе халықаралық жарыстардың жеңімпаздары мен жүлдегерлері болып табылатын спортшылар, сондай-ақ, спорт түрлері бойынша облыстар, республикалық маңызы бар қалалар және астана командаларының құрамына кіретін спортшылар;
2) спорттық ойын түрлері бойынша спортшылар Қазақстан Республикасының жасөспірімдер, жеткіншектер, жастар мен ересектер ұлттық командаларының мүшелері болып табылатын спортшылар;
3) жоғары деңгейдегі бірінші біліктілік санатынан төмен емес жаттықтырушылар болып табылады.";
14-тармақ мынадай редакцияда жазылсын:
"14. Бір спорт түріне барлық жас санаттарынан (жасөспірімдер, жеткіншектер, жастар және ересектер) жергілікті атқарушы органның келісімі бойынша Орталық басшысы жасөспірімдер, жеткіншектер, жастар және ересектер санаты бойынша облыстың, республикалық маңызы бар қаланың, астананың құрама командаларының аға жаттықтырушысы болып табылатын бір аға жаттықтырушыны тағайындайды.";
16-тармақ мынадай редакцияда жазылсын:
"16. Орталықтың ауыспалы құрамындағы спортшылар келесі спорттық ұйымдардың тұрақты құрамында қалады:
балалар мен жасөспірімдердің спорт мектебінің;
олимпиадалық резервтегі мамандандырылған балалар мен жасөспірімдер мектебінің;
облыстық спортта дарынды балаларға арналған мектеп-интернаттың;
олимпиадалық резервтің мамандандырылған мектеп-интернат-колледжі;
жоғарғы спорт шеберлігі мектебі.";
23-тармақ мынадай редакцияда жазылсын:
"23. Орталықтың аға жаттықтырушысы спортшыларды дайындаудың спорттық даярлықтың ұлттық стандарттарына сәйкес перспективалық жоспар әзірлейді және Орталықтың басшысымен келіседі, сонымен қатар оның орындалуын шақырылған жаттықтырушылармен бірлесіп бақылауға алады, спортшыларды дайындауды және оларды жарыстарға қатыстыруды ұйымдастырады, спортшылардың жарыстарға қатысу нәтижелеріне әрдайым талдау жасайды, спортшылардың дайындық жоспарларын және бағдарламасын іске асырады, оқу-жаттығу процесінің, жеке жоспарларының орындалуын бақылайды, спортшылармен патриоттық және тәрбиелік жұмыстарды ұйымдастырады және өткізеді.";
26-тармақ мынадай редакцияда жазылсын:
"26. Спорт түрлері бойынша Қазақстан Республикасының ұлттық командаларына қабылданған жасөспірімдер, жеткіншектер, жастар және ересектер жасындағы спортшылар Орталықтың ауыспалы құрамында қалады.";
көрсетілген бұйрықпен бекітілген спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын Олимпиадалық даярлау орталықтары қызметінің Қағидаларында:
5-тармақ мынадай редакцияда жазылсын:
"5. Осы Қағидаларда мынадай ұғымдар қолданылады:
1) аға жаттықтырушы – спорт түрлері бойынша жаттықтырушылар құрамына жалпы басшылықты жүзеге асыратын және оқу-жаттықтырушылық қызметпен тікелей айналысатын спорт жаттықтырушысы;
2) ауыспалы құрам – оқу-жаттығу жиындары мен жарыстар кезінде тартылатын спортшылар құрамы;
3) жеке жаттықтырушы – спортшыны спорт түрі бойынша Қазақстан Республикасының ұлттық командасынан тыс болған кезеңінде оның жеке-дара даярлау жоспарын орындауына бағытталған даярлауды (кемінде үш жыл) жүзеге асыратын жаттықтырушы;
4) оқу-жаттығу жиыны – спортшылардың спорттық шеберлігін және оқу-жаттығу процесінің сапасын арттыру мақсатында ұйымдастырылған орталықтандырылған іс-шара;
5) спорт түрi – жаттығу ортасы, сайысу әрекетіндегі дене шынықтыру жаттығуларының немесе интеллектуалдық қабілеттердің жиынтығы және бір спорт федерациясының спорт түрлері қағидаларының ұқсастық белгілері бойынша біріктірілген жарыстар қағидалары айырым белгiлерi болып табылатын спорттың құрамдас бөлiгi;
6) спорттық-бұқаралық іс-шаралардың бірыңғай күнтізбесі – Орталықтың күнтізбелік жылға арналған оқу-жаттығу жұмысын жоспарлауды және өткізуді регламенттейтін ресми құжат;
7) халықаралық спорттық жарыстар – шетелдік спортшылар (командалар) қатысатын спортшылар (командалар) арасындағы спорт түрi бойынша өтетін сайыстар.";
7-тармақ мынадай редакцияда жазылсын:
"7. Орталықтың негізгі міндеттері:
1) спортшылардың спорттық шеберлігін арттыру және халықаралық спорт аренасында табысты өнер көрсету;
2) спорт түрлері бойынша Қазақстан Республикасының ұлттық командаларының негізгі құрамына спортшыларды іріктеу мен дайындау;
3) оқу-жаттығу үдерісін ұйымдастыруды және өткізуді қамтамасыз ету, оның нәтижесіне, физикалық қасиетінің жеке даму көрсеткіштерінің өсу динамикасына, спортшылардың техника-тактикалық дайындық деңгейін арттыруға талдау жүргізу болып табылады.";
9-тармақ мынадай редакцияда жазылсын:
"9. Мыналар Орталыққа спортшылар мен жаттықтырушыларды қабылдаудың талаптары:
1) Олимпиадалық даярлау орталықтарындағы спорт түрлерінен спортшылардың жасөспірімдер, жеткіншектер мен жастар жасындағы және Қазақстан Республикасы чемпионаттарының (біріншіліктерінің) немесе халықаралық жарыстардың жеңімпаздары мен жүлдегерлері болып табылатын спортшылар, сондай-ақ спорт түрлері бойынша Қазақстан Республикасы ұлттық командаларының құрамына кіретін спортшылар;
2) спорт түрлерінің ерекшелігін ескере отырып, уәкілетті органның келісімі бойынша Олимпиадалық даярлау орталықтарындағы спорт түрлерінен спортшылардың жасөспірімдер, жеткіншектер мен жастар жасындағы көрсетілген жастан 3 жыл асқан спортшылар қабылданады;
3) спорттың ойын түрлері бойынша спортшылар Қазақстан Республикасының ұлттық жасөспірімдер, жеткіншектер және жастар командаларының мүшелері болып табылатын спортшылар;
4) жоғары деңгейдегі бірінші біліктілік санатынан төмен емес жаттықтырушылар болып табылады.";
14-тармақ мынадай редакцияда жазылсын:
"14. Орталық басшысы уәкілетті органның келісімімен бір спорт түрінен барлық жас санатты бойынша (жасөспірімдер, жеткіншектер және жастар) жасөспірімдер, жеткіншектер және жастар санаты бойынша Қазақстан Республикасының ұлттық командасының бір аға жаттықтырушысын тағайындайды.";
16-тармақ мынадай редакцияда жазылсын:
"16. Орталықтың ауыспалы құрамындағы спортшылар келесі спорттық ұйымдардың тұрақты құрамында қалады:
балалар мен жасөспірімдердің спорт мектебінің;
олимпиадалық резервтегі мамандандырылған балалар мен жасөспірімдер мектебінің;
облыстық спортта дарынды балаларға арналған мектеп-интернаттың;
олимпиадалық резервтің мамандандырылған мектеп-интернат-колледжі;
жоғарғы спорт шеберлігі мектебі.";
19-тармақ мынадай редакцияда жазылсын:
"19. Спортшы Орталықтан келесі негіздер бойынша шығарылады:
1) жеке жоспарына сәйкес жарыстарда медальдар және орындар иелену бөлігінде спорттық нәтижелерінің төмендеуі;
2) медициналық қортынды негізінде денсаулық жағдайына;
3) спортта тыйым салынған субстанциялар және (немесе) әдістер қолдануына;
4) Орталықтың ішкі тәртібін бұзуына байланысты.";
21-тармақ мынадай редакцияда жазылсын:
"21. Жүйелі түрде жоғары спорттық нәтижелер көрсететін (халықаралық жарыстардың бірнеше мәрте жеңімпаздары мен жүлдегерлері) және келешекте өзінің спорттық көрсеткіштерін арттыратын спортшылар спорт түрлері бойынша Қазақстан Республикасы ұлттық командаларына жіберіледі.";
23-тармақ мынадай редакцияда жазылсын:
"23. Орталықтың аға жаттықтырушысы спортшыларды дайындаудың спорттық даярлықтың ұлттық стандарттарына сәйкес перспективалық жоспар әзірлейді және Орталықтың басшысымен келіседі, сонымен қатар оның орындалуын шақырылған жаттықтырушылармен бірлесіп бақылауға алады, спортшыларды дайындауды және оларды жарыстарға қатыстыруды ұйымдастырады, спортшылардың жарыстарға қатысу нәтижелеріне әрдайым талдау жасайды, спортшылардың дайындық жоспарларын және бағдарламаларын іске асырады, оқу-жаттығу процесінің, жеке жоспарларының орындалуын бақылайды, спортшылармен тәрбие жұмыстарын ұйымдастырады және өткізеді.";
26-тармақ мынадай редакцияда жазылсын:
"26. Спорт түрлері бойынша Қазақстан Республикасы ұлттық командаларына қабылданған жасөспірімдер, жеткіншектер мен жастар жасындағы спортшылар Орталықтың ауыспалы құрамында қалады.";
көрсетілген бұйрықпен бекітілген спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын жоғары спорт шеберлігі мектептері қызметінің Қағидаларында:
2, 3, 4, 5 және 6-тармақтар мынадай редакцияда жазылсын:
"2. ЖСШМ республикалық, облыстық, республикалық маңызы бар қаланың, астананың немесе қалалық (аудандық) мәртебесі болады.
3. Осы Қағидада мынадай ұғымдар қолданылады:
1) ауыспалы құрам - оқу-жаттығу жиындары мен жарыстар уақытында тартылатын спортшылар;
2) жоғары спорт шеберлiгi топтары – спорттық жетiлдiру топтарында дайындықтан өткен және мынадай спорттық атақтар мен разрядтарды орындаған спортшылар топтары:
спорттың ойналатын түрлерiнен, көкпардан, коньки тебу спортынан, жеңiл атлетикадан – "Қазақстан Республикасының спорт шеберлігіне үмiткер";
спорттың басқа түрлерiнен – "Қазақстан Республикасының спорт шеберi";
3) спорттық жетiлдiру топтары – оқу-жаттығу топтарында дайындықтан өткен және мынадай атақтар мен разрядтарды орындаған спортшылар топтары:
спорттың ойын түрлерiнен, көкпардан, коньки тебу спортынан, жеңiл атлетикадан – 1-спорттық разряд;
спорттың басқа түрлерiнен – "Қазақстан Республикасының спорт шеберлігіне үмiткер";
4) спорт түрлері бойынша бөлімшенің аға жаттықтырушы–жаттықтырушылар құрамына жалпы басшылықты (толық жүктемесі бар үштен кем емес жаттықтырушылар-оқытушы) iске асыратын және оқыту қызметiмен тiкелей айналысатын спорттан жаттықтырушы;
5) тұрақты құрам - ЖСШМ контингентіне басшының бұйрығымен қабылданған спортшылар.
4. ЖСШМ құру үшін мына міндетті талаптар болуы керек:
1) ғылымның және тәжірибиенің қазіргі заманғы жетістіктеріне сәйкес оқу-жаттығу процесін ұйымдастыруға және сапалы өткізуге қабілетті білікті жаттықтырушы-оқытушы құрам (бiлiктiлiгi жоғары деңгейдегi бірiншi санаттан төмен емес);
2) спортшыларға оқу-жаттығу және тәрбиелік процестерді, қалпына келтіру іс-шараларын спортшылардың тиімді демалысын және рационалды тамақтануын, толық көлемде қамтамасыз етуге мүмкіндік беретін спорттың түрі (түрлері) бойынша материалдық-техникалық база (жеке немесе жалға алынған);
3) спорттық жетілдіру және жоғары спорт шеберлігі топтарындағы спорт мектептерінің спортшыларына қойылатын талапқа сай жасы және дайындық деңгейі бойынша спортшылар;
4) спортшыларды медициналық қамтамасыз ету.
5. ЖСШМ негізгі мақсаты спортшылардың жоғары спорттық жетістіктерге қол жеткізуге бағытталған жоғары жетістіктер спорты бойынша жыл бойы оқу-жаттығу, спорттық-әдістемелік қызметін жүзеге асыру болып табылады.
6. ЖСШМ негізгі міндеттері:
1) спорт түрлері бойынша Қазақстан Республикасының ұлттық командасының негізгі құрамына спортшыларды іріктеу және дайындау;
2) оқу-жаттығу процесін ұйымдастыруды және өткізуді қамтамасыз ету, оның нәтижесін, физикалық сапасының жеке даму көрсеткішінің өсу динамикасын, спортшылардың техника-тактикалық дайындық деңгейін өсіруді талдауды жүзеге асыру;
3) спортшылардың жарыстарға қатысуын және сәтті өнер көрсетуін қамтамасыз ету;
4) ЖСШМ спортшыларының дайындық процесін материалдық-техникалық, әдістемелік, медико-биологиялық қамтамасыз етуді жүзеге асыру;
5) ЖСШМ-ның жаттықтырушы-оқытушы құрамын және басқа қызметкерлердің кәсіби біліктілігін арттыру жөніндегі жұмысты ұйымдастыру.";
8, 9 және 10-тармақтар мынадай редакцияда жазылсын:
"8. Оқуға қабылдау, оқу жылында ауысу, оқуды тәмәмдау, спортшыларды оқудан шығару ЖСШМ басшысының бұйрығымен дайындалады.
9. Республикалық ЖСШМ – республикалық спорттық жарыстардың чемпион және жүлдегер спортшылары қабылданады.
Облыстық, республикалық маңызы бар қаланың, астананың және қалалық (аудандық) ЖСШМ-ға спорт түрлері бойынша республикалық спорт жарыстарының, облыстық (республикалық маңызы бар қалалардың, астананың) чемпионаттарының чемпиондары мен жүлдегерлері қабылданады.
10. ЖСШМ-ның контингенті жоғары жетістіктер спорты бойынша Қазақстан Республикасының ұлттық командаларының, облыстардың, республикалық маңызы бар қалалардың және астананың командаларының 50%-нан кем емес мүшелерінен жасақталған спортшылардың тұрақты және ауыспалы құрамынан құрылады.";
12 және 13-тармақтар мынадай редакцияда жазылсын:
"12. Спорт түрлерінен бөлімшелердегі оқу-жаттығу процестері спорттық-сауықтыру лагерьлерін, оқу-жаттығу жиындарын, спорттық жарыстарды, қосқанда 52 аптаға есептелінген спорт түрлері бойынша спорттық даярлықтың ұлттық стандарттарына сәйкес өткізіледі.
13. ЖСШМ-ның контингенті спорттық жетілдіру және жоғары спорт шеберлігі тобына кіретін спортшылардан қалыптасады. Спорттық жетілдіру және жоғары спорт шеберлігі топтарына қабылданған спортшылардың жасы белгіленген спорттық нормативтер және осы топтардың талаптары жыл сайын расталған жағдайда шектелмейді.
Жоғары спорттық шеберлік топтары "Жарыстар түрлерінің, оқу-жаттығу жиындарының тізбесін және олардың сыныптамасын бекіту туралы" Қазақстан Республикасы Мәдениет және спорт министрінің 2015 жылғы 14 мамырдағы № 179 бұйрығына сәйкес (Нормативтік құқықтық актілерді мемлекеттік тіркеу тізімінде № 11437 тіркелген) жылдың басты республикалық спорттық жарыстарының жеңімпаздары мен жүлдегерлерінен, жылдың басты халықаралық спорттық жарыстарының жеңімпаздары, жүлдегерлері мен қатысушыларынан құралады.";
17, 18 және 19-тармақтар мынадай редакцияда жазылсын:
"17. ЖСШМ спортшыларды даярлау үшін өз қаржыландыруы шегінде жалпы дене шынықтыру даярлығы, арнайы даярлық және тактикалық-техникалық даярлық үшін ұзақтығы 18 күнтізбелік күнге дейін оқу-жаттығу жиындарын;
спортшыларға тексеру жүргізу үшін 7 күнтізбелік күнге дейін;
12 күнтізбелік күнге дейін - қалпына келтіруге;
18 күнге дейін республикалық жарыстар мен турнирлерге;
21 күнге дейін Қазақстан Республикасының чемпионаттары мен кубоктарына;
24 күнге дейін халықаралық жарыстарды өткізеді.
18. Облыстық және қалалық (аудандық) ЖСШМ-де спорттық жетілдіру топтарын ашу тиісті жергілікті атқарушы органның келісімі бойынша ЖСШМ басшысының шешімі бойынша жүргізіледі.
Республикалық ЖСШМ-де спорттық жетілдіру топтарын ЖСШМ жоғары спорттық шеберлік топтарын ашу, уәкілетті органның келісімі бойынша ЖСШМ басшысының шешімімен жүргізіледі.
19. ЖСШМ-де спорттық дайындыққа қатысушылар мыналар болып табылады:
1) жоғары жетістіктер спорты бойынша Қазақстан Республикасының ұлттық командаларының, облыстардың, республикалық маңызы бар қалалардың және астананың командаларының құрамына енгізілген спортшылар;
2) спорт түрлері бойынша бөлімшелердің аға жаттықтырушылары, білікті жаттықтырушы-оқытушылар;
3) спортшыларды даярлауға ЖСШМ шақырған дәрігерлер, әдіскерлер, массажистер, психологтар, дене шынықтыру және спорт саласындағы мамандар.";
29-тармақ алып тасталсын;
31, 32, 33, 34 және 35-тармақтар мынадай редакцияда жазылсын:
"31. Жаттықтырушы-оқытушы: ЖСШМ-ге қабылдау үшін спортшылардың іріктеуін жүзеге асырады; жеке жоспарларға сәйкес оқу-жаттығу және тәрбие жұмысын жүргізеді; спортшылардың спорттың шеберліктерінің артуын қамтамасыз етеді; спортшыларға спортта тыйым салынған субстанциялар және (немесе) әдістерін қабылдау жағдайларды алып тастауға көмек көрсетеді; жылдық және ағымдағы спортшыларды даярлау жоспарларын әзірлейді; жүйелі есеп және талдауды жүргізеді.
32. Нұсқаушы және әдіскер ЖСШМ-ге қабылдау үшін спортшылар іріктеу жұмысын үйлестіру және әдістемелік қамтамасыз етуді, оқу-жаттығу және тәрбие процесін ұйымдастыруды жүзеге асырады; топтарды қалыптастыру, оқу-жаттығу және тәрбие процесінің мазмұнына, нәтижесіне бақылауды жүзеге асырады, оқытушы-жаттықтырушылар біліктігін арттыру бойынша жұмысты ұйымдастырады, ЖСШМ-ның, бөлімшелердің немесе даярлық кезеңінің жұмыс нәтижелерінің статистикалық есебін жүргізеді, ЖСШМ қызмет нәтижелері туралы статистикалық есепті дайындауға қатысады.
33. ЖСШМ басшысы, басшының орынбасары, нұсқаушы және әдіскер тиісті жоғары кәсіптік білімі және біліктілік санаты болған кезде жаттықтырушы-оқытушылық жұмысты жүргізеді. Бұл ретте жаттықтырушы-оқытушылық жұмыс үшін жүктеме 0,5 мөлшерлемеден аспауы тиіс.
34. ЖШСМ-де ЖСШМ басшысы бекіткен педагогикалық кеңес, ереже және құрам құрылады.
Педагогикалық кеңес кемінде тоқсан сайын бір рет өткізіледі. Педагогикалық кеңес ЖСШМ-ның спорт түрлері бойынша бөлімшелердің жаттықтырушы кеңестерінің жұмысы, жоғары дәрежелі спортшыларды дайындау әдістемесі, оқу-жаттығу, тәрбиелік, ұйымдастыру-әдістемелік жұмыстарын алдыңғы тәжірибие тарату мәселелерін жүргізеді.
35. Спорт түрлерінен бөлімдерде ЖСШМ басшысы бекіткен жаттықтырушылар кеңесі, ереже және құрам құрылады.
ЖСШМ-де жаттықтырушылар кеңесі спорт түрлерінен аға жаттықтырушының басшылығымен айына кем дегенде бір рет өткізіледі. Жаттықтырушылар кеңесі отырысында оқу-жаттығу және тәрбие жұмысы, спортшыларды даярлаудың жеке жоспары, жарыстарға қатысу мәселелері қаралады, жаттықтырушы-оқытушылардың жаттығу процесін жетілдірудің әдістемеден хабарламалары мен баяндамалары тыңдалады.";
39-тармақ мынадай редакцияда жазылсын:
"39. ЖСШМ тәрбиелік жұмысты ЖСШМ басшысы бекіткен жоспар бойынша ұйымдастырады және өткізеді.";
көрсетілген бұйрықпен бекітілген спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын жоғары спорт шеберлігі мектептері қызметінің Қағидаларында 2-қосымшасында:
ескертулер мынадай редакцияда жазылсын:
"Ескертулер:
1. Бірінші, екінші, үшінші, төртінші және бесінші топтарға жататын спорт түрлері бойынша топтардағы адам саны:
1) бірінші топ: биатлон, спорттық гимнастика, көркем гимнастика, тау шаңғы спорты, шаңғы қоссайысы, шаңғы жарысы, коньки спорты, шорт-трек, ат спорты, жеңіл атлетика, желкенді спорт, суға секіру, батуттық гимнастика, шаңғымен трамплиннен секіру, жүзу, әртістік жүзу, тауға өрмелеу, садақтан ату, нысана көздеу, стендтік ату, қазіргі бессайыс, конькимен мәнерлеп сырғанау, фристайл, семсерлесу, велосипед спорты (велотрек, шоссе, маутинбайк), триатлон, үстел теннисі;
2) екінші топ: жоғары жетістіктер спортына кіретін ойын спорт түрлері, көкпар;
3) үшінші топ: жоғары жетістіктер спортына кіретін қалған барлық спорт түрлері;
4) төртінші топ: ат спортының ұлттық түрлері (бәйге, аударыспақ, теңге ілу, жамбы ату), байдарка мен каноэде есу, академиялық есу, жағажай волейболы;
5) бесінші топ: теннис, құсбегілік.";
көрсетілген бұйрықпен бекітілген спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын балалар-жасөспірімдер дене тәрбиесі даярлығы клубтары қызметінің Қағидаларында:
12, 13, 14 және 15-тармақтар мынадай редакцияда жазылсын:
"12. Клубты тікелей басқаруды дене шынықтыру және спорт саласындағы жергілікті атқарушы органдар тағайындайтын басшы жүзеге асырады.
13. Клубтың басшысы дене шынықтыру және спорт саласындағы жергілікті атқарушы органның келісімі бойынша клубтың штаттық кестесін, клуб қызметкерлерінің қызметтік нұсқаулықтарын, оқу жүктемесінің көлемін бекітеді.
14. Оқу-жаттығу үдерісі олардың даму динамикасы, оқу материалдарын игеру ерекшеліктері мен мүмкіндіктері және оқушыны одан әрі жетілдірудің келешек қағидаттары негізінде жүзеге асырылады.
Оқу аптасы ішінде сабақтардың ұзақтығы (3-4 күн) педагогикалық кеңеспен белгіленеді және клубтың басшысымен бекітіледі.
Оқу-жаттығу процесі спорттық даярлықтың ұлттық стандартына сәйкес жүзеге асырылады.
15. Балаларды клубқа қабылдау ата-аналарының (заңды өкілдерінің, қамқоршыларының, қорғаншыларының) атынан клуб басшысының атына өтініш, оған қоса оқу орнынан анықтама, екі 3x4 сурет, денсаулығы туралы медициналық анықтама ұсыну арқылы жүзеге асырылады.
Клубқа қабылдауға ұсынылған өтінішті қосымша құжаттармен бірге педагогикалық кеңес 3 күн ішінде қарастырады.
Көрсетілген құжаттар топтамасын толық ұсынбау және теріс медициналық клубқа қабылдаудан бас тартуға негіздеме болып табылады.";
көрсетілген бұйрықпен бекітілген спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын кәсіпқой спорт клубтары қызметінің қағидаларында:
мынадай мазмұндағы 7-1-тармақпен толықтырылсын:
"7-1. Оқу-жаттығу процесі спорттық даярлықтың ұлттық стандарттарына сәйкес жүзеге асырылады.";
көрсетілген бұйрықпен бекітілген спорт резервін және жоғары дәрежелі мүгедектігі бар спортшыларды даярлау жөніндегі оқу-жаттығу процесі жүзеге асырылатын дене мүмкіндіктері шектеулі тұлғаларға арналған спорттық даярлау Орталығы қызметінің Қағидаларында:
3-тармақ мынадай редакцияда жазылсын:
"3. Осы Қағидалар мынадай ұғымдар қолданылады:
1) аға жаттықтырушы – спорт түрлерi бойынша жаттықтырушылар құрамына жалпы басшылықты жүзеге асыратын және оқу-жаттықтырушылық қызметпен тiкелей айналысатын спорт жаттықтырушысы;
2) ауыспалы құрам – оқу-жаттығу жиындары мен жарыстар кезінде тартылатын мүгедектігі бар спортшылар құрамы;
3) жеке жаттықтырушы – мүгедектігі бар спортшыны спорт түрі бойынша Қазақстан Республикасының ұлттық командасынан тыс болған кезеңінде оның жеке-дара даярлау жоспарын орындауына бағытталған даярлауды (кемінде үш жыл) жүзеге асыратын жаттықтырушы;
4) оқу-жаттығу жиыны – мүгедектігі бар спортшылардың спорттық шеберлігін және оқу-жаттығу процесінің сапасын арттыру мақсатында ұйымдастырылатын іс-шара;
5) спорт түрi – жаттығу ортасы, сайысу әрекетіндегі дене шынықтыру жаттығуларының немесе интеллектуалдық қабілеттердің жиынтығы және бір спорт федерациясының спорт түрлері қағидаларының ұқсастық белгілері бойынша біріктірілген жарыстар қағидалары айырым белгiлерi болып табылатын спорттың құрамдас бөлiгi;
6) спорттық-бұқаралық іс-шаралардың бірыңғай күнтізбесі – халықаралық, республикалық және жергілікті деңгейлердегі жыл сайынғы жарыстардың, сондай-ақ жарыстарға дайындық жөніндегі іс-шаралардың тізбесі;
7) халықаралық жарыстар – шетелдік спортшылар (командалар) қатысатын спортшылар (командалар) арасындағы спорт түрi бойынша өтетін сайыстар.";
5-тармақ мынадай редакцияда жазылсын:
"5. Жүйелі түрде жоғары спорттық нәтижелер көрсететін (халықаралық жарыстардың бірнеше мәрте жеңімпаздары мен жүлдегерлері) және келешекте өзінің спорттық көрсеткіштерін арттыратын мүгедектігі бар спортшылар спорт түрлері бойынша Қазақстан Республикасының штаттық ұлттық немесе ұлттық командасына жіберіледі.";
7-тармақ мынадай редакцияда жазылсын:
"7. Орталықтың аға жаттықтырушысы мүгедектігі бар спортшыларды дайындаудың перспективалық жоспарын әзірлейді және Орталықтың басшысымен келіседі, сондай-ақ шақырылған жаттықтырушылармен бірлесіп, оның орындалуын бақылауға алады, мүгедектігі бар спортшыларды дайындауды және оларды жарыстарға қатыстыруды ұйымдастырады, мүгедектігі бар спортшылардың жарыстарға қатысу нәтижелеріне әрдайым талдау жасайды, мүгедектігі бар спортшылардың дайындық жоспарларын және бағдарламаларын іске асырады, оқу-жаттығу процесінің, жеке жоспарларының орындалуын бақылайды, мүгедектігі бар спортшылармен тәрбиелік жұмыстарды ұйымдастырады және өткізеді.";
9 және 10-тармақтар мынадай редакцияда жазылсын:
"9. Спорт түрлері бойынша Қазақстан Республикасының штаттық ұлттық немесе ұлттық командаларына өткен жасөспірімдер, жеткіншектер, жастар мен ересектер жасындағы мүгедектігі бар спортшылар Орталықтың ауыспалы құрамында қалады.
10. Орталыққа мыналар қабылданады:
1) Орталықтарда спорт түрлерінен мүгедектігі бар спортшылардың жасөспірімдер, жеткіншектер, жастар мен ересектер жасындағы және Қазақстан Республикасы чемпионаттарының (біріншіліктерінің) немесе халықаралық жарыстардың жеңімпаздары мен жүлдегерлері болып табылатын мүгедектігі бар спортшылар, сондай-ақ спорт түрлері бойынша Қазақстан Республикасының штаттық ұлттық және ұлттық командаларының құрамына кіретін мүгедектігі бар спортшылар;
2) спорттың ойын түрлері бойынша Қазақстан Республикасының штаттық ұлттық және ұлттық жасөспірімдер, жеткіншектер, жастар және ересектер командаларының мүшелері болып табылатын мүгедектігі бар спортшылар;
3) жоғары деңгейдегі екінші біліктілік санатынан төмен емес жаттықтырушылар.";
15-тармақ мынадай редакцияда жазылсын:
"15. Орталық басшысы уәкілетті органның келісімімен бір спорт түрінен барлық жас санаты бойынша (жасөспірімдер, жеткіншектер, жастар және ересектер) жасөспірімдер, жеткіншектер, жастар және ересектер санаты бойынша Қазақстан Республикасының ұлттық командасының бір аға жаттықтырушысын тағайындайды.";
19-тармақ мынадай редакцияда жазылсын:
"19. Мүгедектігі бар спортшы Орталықтан келесі негіздер бойынша шығарылады:
1) жеке жоспарына сәйкес жарыстарда медальдар және орындар иелену бөлігінде спорттық нәтижелерінің төмендеуі;
2) медициналық қортынды негізінде денсаулық жағдайына;
3) спортта тыйым салынған субстанциялар және (немесе) әдістер қолдануына;
4) Орталықтың еңбек тәртібін бұзуына байланысты.";
4-қосымшаға сәйкес осы бұйрық 8-2-қосымшамен толықтырылсын;
5-қосымшаға сәйкес осы бұйрық 8-3-қосымшамен толықтырылсын;
6-қосымшаға сәйкес осы бұйрық 8-4-қосымшамен толықтырылсын.
2. Қазақстан Республикасы Туризм және спорт министрлігінің Спорт және дене шынықтыру істері комитетіне Қазақстан Республикасының заңнамасында белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрықтың Қазақстан Республикасы Туризм және спорт министрлігінің интернет-ресурсында орналастырылуын;
3) осы бұйрықтың 2-тармағының 1) және 2) тармақшалары орындалғаннан кейін үш жұмыс күні ішінде Қазақстан Республикасы Туризм және спорт министрлігінің Заң қызметі департаментіне орындалуы туралы ақпарат беру.
3. Осы бұйрықтың орындалуын бақылау жетекшілік ететін Қазақстан Республикасының Туризм және спорт министрінің орынбасарына жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы туризм және спорт министрі |
Е. Мырзабосынов |
Спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын дене шынықтыру-спорттық ұйымдар түрлерінің тізбесі
1. Балалар-жасөспірімдер спорт мектебі, мүгедектігі бар адамдарға арналған спорт мектебі.
2. Олимпиада резервін даярлау орталығы.
3. Олимпиадалық даярлау орталығы.
4. Жоғарғы спорт шеберлігі мектебі.
5. Балалар-жасөспірімдердің дене шынықтыру даярлығы клубы.
6. Спорт клубы, мүгедектігі бар адамдарға арналған спорт клубы.
7. Кәсіпқой спорт клубы.
8. Дене мүмкіндіктері шектеулі тұлғаларға арналған спорттық даярлау орталығы.
9. Спорт түрлері бойынша Қазақстан Республикасының ұлттық және штаттық ұлттық командаларын даярлауды жүзеге асыратын ұйымдар.
10. Спорт түрлері бойынша облыстардың, республикалық маңызы бар қалалардың және астананың командаларын даярлауды жүзеге асыратын ұйымдар.
11. Жаттығу орталықтары.
Спорт мектебінің картасы
Орналасқан жері ________________,
жабдықтар__________________,
Спорт түрі (түрлері) ___________________,
ашылған жылы ____________________
1-кесте
Даярлау кезеңдері | Оқу жылы | Оқушылардың, оқу топтардың саны | |||||||
20___ж. | 20___ж. | 20___ж. | 20___ж. | ||||||
топтар | оқушылар | топтар | оқушылар | топтар | оқушылар | топтар | оқушылар | ||
Алғашқы | 1 | ||||||||
2 | |||||||||
Оқу-жаттығу | 1 | ||||||||
2 | |||||||||
3 | |||||||||
4 | |||||||||
5 | |||||||||
Спорттық жетілдіру | 1 | ||||||||
2 | |||||||||
3 | |||||||||
Жоғары спорт шеберлігі | Барлық кезең | ||||||||
Барлығы | |||||||||
Оқушылардың сапалық құрамы (біліктілігі)
2-кесте
Оқушылардың жасы | Халықаралық дәрежедегі спорт шебері | Спорт шебері | Спорт шеберіне үміткер | 1 спорттық разряд | ||||||||||||
20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | |
Спорт резервін даярлау
3-кесте
Қазақстан Республикасы ұлттық командасының құрамы | Оқушылардың саны | |||
20___ж. | 20___ж. | 20___ж. | 20___ж. | |
Негізгі құрам | ||||
Жастар құрамы | ||||
Юниорлар құрамы | ||||
Жасөспірімдер құрамы | ||||
Қайта даярланған
4-кесте
Біліктілігі | Оқушылардың саны | |||
20___ж. | 20___ж. | 20___ж. | 20___ж. | |
Халықаралық дәрежедегі спорт шебері | ||||
Спорт шебері | ||||
Жарыстарға қатысқан оқушылардың саны
5-кесте
Құрамы | Иеленген орындары | Халықаралық | Республикалық | Облыстық | |||||||||
20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | 20 __ ж. | ||
Оқушылар | 10-ғы 1-3 орын | ||||||||||||
Жүлделі жеке және командалық орындар саны
6-кесте
Жарыс деңгейі | 20___ж. | 20___ж. | 20___ж. | 20___ж. |
Халықаралық | ||||
Республикалық | ||||
Облыстық |
Басшы ______________________________
Оқу бөлімінің меңгерушісі _____________
Аға жаттықтырушы ___________________
Жаттықтырушы-оқытушының жеке карточкасы
БЖСМ (МБЖСМ, ОРМБЖСМ) ___________________ бөлімдер ____________
керек-жарағы спорт түрі
____________________________________________________________________
тегі, аты, әкесінің аты (ол болған жағдайда)
Педагогтік жұмыс өтілі _____________ жыл,
Соның ішінде осы мектепте ___________________________________________
қай жылдан бастап
Спорттық атағы _____________ Құрметті атағы _______________________
Біліктілігін арттыру
1-кесте
Жыл | Қайта даярлау курстарының атауы | Қайта даярлаудың ұзақтығы | № ____ құжат берілді |
Жаттықтырушы-оқытушының біліктілігі
2-кесте
Жыл | № ___ бұйрықпен санат беру | Жыл | № ___ бұйрықпен қайта санат беру |
Жаттықтырушы-оқытушылардың тәрбиешілері – ресми халықаралық жарыстарға қатысушылар
3-кесте
Жыл | Спортшының Т.А.Ә. (ол болған жағдайда) | Туған жылы | Жарыстардың атауы | Бағдарламаның түрі | Иеленген орны |
Жұмыс көрсеткіштері
4-кесте
Көрсеткіштері | 202__ж. | 202__ж. | 202__ж. | 202__ж. | 202__ж. | 202__ж. | 202__ж. | 202__ж. |
Тариф бойынша апталық жүктемесі | ||||||||
Оқу топтарының және онда шұғылданушылардың саны: | ||||||||
Алғашқы даярлық | 1 | |||||||
2 | ||||||||
Оқу-жаттығу | 1 | |||||||
2 | ||||||||
3 | ||||||||
4 | ||||||||
5 | ||||||||
Спорттық жетілдіру | 1 | |||||||
2 | ||||||||
3 | ||||||||
Жоғары спорт шеберлігі | Кезең бойы | |||||||
Ұлттық командаларға даярланды: | ||||||||
негізгі құрам | ||||||||
Жастар құрамы | ||||||||
Юниорлар құрамы | ||||||||
жасөспірімдер құрамы | ||||||||
Жарыстардың жүлдегерлері (адам): | ||||||||
республикалық | ||||||||
халықаралық | ||||||||
Спорттық шеберлігін арттыру үшін келесі даярлау кезеңдеріне берілді: | ||||||||
оқу-жаттығу топтарына | ||||||||
спорттық жетілдіру топтарына | ||||||||
жоғары спорт шеберлігі топтарын | ||||||||
шеберлер командаларына | ||||||||
спортта дарынды балаларға арналған мамандандырылған мектеп-интернаттарға | ||||||||
олимпиада резервінің мамандандырылған мектеп-интернат-колледждеріне | ||||||||
жоғары спорт шеберлігі мектептеріне | ||||||||
Спорт мектебі оқушыларының арасынан оқуға түскендері: | ||||||||
спорттық ЖОО-ға | ||||||||
ЖОО-ның дене шынықтыру факультеттеріне | ||||||||
Басшының оқу жұмысы жөніндегі орынбасары ________________________
Басшы __________________________________________________
Спорт түрлері бойынша Қазақстан Республикасының ұлттық және штаттық ұлттық командаларын даярлауды жүзеге асыратын ұйымдар қызметінің қағидалары
1 тарау. Жалпы ережелер
1. Осы Қазақстан Республикасының ұлттық және штаттық ұлттық командаларын даярлауды жүзеге асыратын ұйымдар қызметінің қағидалары (бұдан әрі – Қағидалар) Қазақстан Республикасының ұлттық және штаттық ұлттық командаларын даярлауды жүзеге асыратын ұйымдар (бұдан әрі – Ұйымдар) қызметінің тәртібін айқындайды.
2. Ұйымдар заңды тұлға болып табылады және өз қызметінде Қазақстан Республикасының заңнамалық актілерін, Қазақстан Республикасының Президенті мен Үкіметінің актілерін, мемлекеттік мүлік, дене шынықтыру және спорт саласындағы уәкілетті органдардың бұйрықтарын және Қазақстан Республикасының өзге де нормативтік құқықтық актілерін, сондай-ақ осы Қағидалар мен ұйымның жарғысын басшылыққа алады.
3. Ұйымдар республикалық мәртебеге ие және өз филиалдарын аша алады.
4. Осы Қағидаларда мынадай ұғымдар қолданылады:
1) жоғары жетістіктер спорты – Олимпиадалық, Паралимпиадалық, Сурдлимпиадалық, Азия, Параазиялық ойындардың бағдарламаларына енгізілген ұлттық спорт түрлері мен спорт түрлері;
2) оқу-жаттығу жиыны – спортшылардың спорттық шеберлігін және оқу-жаттығу процесінің сапасын арттыру мақсатында ұйымдастырылған орталықтандырылған іс-шара;
3) спорттық-бұқаралық iс-шаралардың бірыңғай күнтiзбесi – халықаралық, республикалық және жергілікті деңгейлердегі жыл сайынғы жарыстардың, сондай-ақ жарыстарға дайындық жөніндегі іс-шаралардың тізбесі;
4) спорт түрлері бойынша Қазақстан Республикасының ұлттық командалары – жоғары жетістіктер спорты бойынша халықаралық спорттық жарыстарға даярлықты жүзеге асыратын және Қазақстан Республикасының Мемлекеттік Туын көтеріп қатысатын спортшылар, жаттықтырушылар, отандық және шетелдік мамандар ұжымдары;
5) спорттық даярлықтың ұлттық стандарттары – дене шынықтыру және спорт саласындағы уәкілетті орган дене шынықтыру-спорт ұйымдары үшін әзірлеген және бекіткен спорт түрі (түрлері) бойынша спорттық даярлыққа қойылатын ең төмен талаптардың жиынтығы;
6) спорт түрі бойынша Қазақстан Республикасы ұлттық командасының бас жаттықтырушысы – спорт түрi бойынша Қазақстан Республикасының ұлттық командасына басшылық жасауға, оның даярлығына, қалыптастырылуына және әлем чемпионаттарына, Олимпиадалық, Паралимпиадалық, Сурдлимпиадалық ойындарға және басқа да халықаралық жарыстарға қатысуына жауап беретiн жаттықтырушы;
7) спорт түрлері бойынша Қазақстан Республикасының штаттық ұлттық командалары – Қазақстан Республикасының бюджет заңнамасында көзделген қаржылық шарттармен спорттық қызметті жүзеге асыратын және Қазақстан Республикасының Мемлекеттік Туын көтеріп халықаралық спорттық жарыстарға қатысатын спортшылар, жаттықтырушылар, отандық және шетелдік мамандар ұжымдары;
8) спорт түрi – жаттығу ортасы, сайысу әрекетіндегі дене шынықтыру жаттығуларының немесе интеллектуалдық қабілеттердің жиынтығы және бір спорт федерациясының спорт түрлері қағидаларының ұқсастық белгілері бойынша біріктірілген жарыстар қағидалары айырым белгiлерi болып табылатын спорттың құрамдас бөлiгi;
9) халықаралық спорттық жарыстар – шетелдік спортшылар (командалар) қатысатын спортшылар (командалар) арасындағы спорт түрi бойынша өтетін сайыстар.
2 тарау. Мақсаттары, міндеттері, функциялары
5. Ұйымдарды құрудың мақсаты – спорт түрлері бойынша Қазақстан Республикасының ұлттық және штаттық ұлттық командаларын ұстау, Олимпиада және Азия ойындарына, Әлем және Азия чемпионаттарына, Әлем кубоктары мен кубок кезеңдеріне, басқа да халықаралық спорт жарыстарына қатысуға дайындауда медициналық, материалдық-техникалық және ғылыми-әдістемелік қамтамасыз ету.
6. Ұйымдардың міндеттері:
1) спортшылардың спорттық шеберлігін арттыру және халықаралық спорт аренасында табысты өнер көрсету;
2) жоғары жетістіктер спорты бойынша Қазақстан Республикасының ұлттық және штаттық ұлттық командалары спортшыларының жоғары нәтижелерге қол жеткізуі болып табылады.
7. Ұйымдардың функциялары:
1) Қазақстан Республикасының аумағында және одан тыс жерлерде жоғары деңгейдегі спортшыларды және жоғары жетістіктер спортынан спорттық резервті даярлау;
2) спорт түрлері бойынша Қазақстан Республикасының штаттық ұлттық командасының құрамына кандидат-спортшыларды іріктеу және даярлау;
3) оқу-жаттығу процесін ұйымдастыруды және өткізуді қамтамасыз ету, медициналық және ғылыми-әдістемелік қамтамасыз ету, оның нәтижесіне, физикалық қасиетінің жеке даму көрсеткіштерінің өсу динамикасына, спортшылардың техника-тактикалық дайындық деңгейін арттыруға талдау жүргізу;
4) спорттық-бұқаралық іс-шаралардың бірыңғай республикалық күнтізбесіне сәйкес Қазақстан Республикасының аумағында республикалық (Қазақстан Республикасының чемпионаттары мен кубоктарын, республикалық кешенді спорттық-бұқаралық іс-шараларды) және дене шынықтыру-сауықтыру спорттық жарыстарды, сондай-ақ халықаралық спорттық жарыстарды ұйымдастыру және өткізу;
5) спорт түрлері бойынша Қазақстан Республикасының ұлттық және штаттық ұлттық командаларын спорттық мүкәммалмен және жабдықтармен қамтамасыз ету;
6) спортшыларды даярлау жөніндегі спорт ұйымдарының озық жұмыс тәжірибесін зерделеуге қатысу және енгізу;
7) спортшыларды, жаттықтырушыларды және өзге де мамандарды, оның ішінде белгіленген критерийлерге сәйкес келетін шетелдік азаматтарды халықаралық жарыстарға даярлау және қатысу жөніндегі спорттық қызмет туралы шарттар жасасу жолымен тарту;
8) халықаралық спорттық жарыстардың чемпиондары мен жүлдегерлеріне, спорт түрлері бойынша Қазақстан Республикасы ұлттық командаларының жаттықтырушылары мен мүшелеріне ақшалай көтермелеулер төлеуді және оларды қайтаруды, сондай-ақ спорт түрлері бойынша Қазақстан Республикасы ұлттық командаларының мүшелеріне олар жарыстарда жарақат алған және мертіккен кезде өтемақы төлеуді ұйымдастыру;
9) Ұйымдардың бюджеті шеңберінде спорттық-бұқаралық іс-шаралардың бірыңғай республикалық күнтізбесіне сәйкес өткізілетін Қазақстан Республикасының аумағында республикалық және халықаралық жарыстарды ұйымдастыру және өткізу үшін қажетті шығындарды қамтамасыз ету;
10) дене шынықтыру және спорт саласындағы уәкілетті органның келісімі бойынша спорттық ұйымдардың, оның ішінде шетелдік спорт ұйымдарының спортшылары, жаттықтырушылары және басқа да мамандарымен алмасуды жүзеге асыру;
11) жетекші спортшылар мен жаттықтырушылар үшін профилактикалық және қалпына келтіру іс-шараларын ұйымдастыру;
12) жарыстар, жаттығулар мен жиындар кезінде, оның ішінде Қазақстан Республикасынан тыс жерлерде Қазақстан Республикасының ұлттық және штаттық ұлттық командаларын жазатайым оқиғалардан сақтандыруды ұйымдастыру;
13) дене шынықтыру және спорт саласындағы уәкілетті органның келісімі бойынша спорт түрлерін қаржыландыруды бекіту;
14) жоғары жетістіктер спорты мәселелері, оның ішінде Ұйымдардың мамандары мен жұмыскерлерін даярлау, біліктілігін арттыру бойынша семинарларды, кеңестерді, конференцияларды ұйымдастыру және қатысу;
15) спортшылардың спорттық жарыстарда өнер көрсету нәтижелеріне тұрақты талдау жүргізу;
16) халықаралық, оның ішінде кешенді халықаралық спорттық жарыстарға қатысушы спортшыларды қарсы алу мен шығарып салуды ұйымдастыру және өткізу;
17) осы Қағидаларда белгіленген өз қызметіне жатқызылған мәселелер бойынша құзырет шеңберінде дене шынықтыру-спорт ұйымдарымен, дене шынықтыру және спорт саласындағы уәкілетті органмен және жергілікті атқарушы органдармен бірлесіп іс-қимыл жасау.
3-тарау. Спорт контингентін қалыптастыру тәртібі
8. Ұйымдардың контингенті "Спорт түрлері бойынша Қазақстан Республикасының ұлттық және штаттық ұлттық командаларының құрамын қалыптастыру қағидаларын бекіту туралы" Қазақстан Республикасы Спорт және дене шынықтыру істері агенттігі Төрағасының 2014 жылғы 25 шілдедегі № 289 бұйрығына (Нормативтік құқықтық актілердің мемлекеттік тіркеу тізілімінде № 9682 болып тіркелген) сәйкес белгіленген тәртіппен айқындалады.
9. Контингентті Ұйымдарға қабылдау (спортшылар, жаттықтырушылар, сервис жөніндегі жаттықтырушылар, кеңесшілер, мамандар, оның ішінде шетелдік, психологтар, дәрігерлер, массажистер) дене шынықтыру және спорт саласындағы заңнаманың талаптарын ескере отырып, еңбек және азаматтық заңнамада белгіленген тәртіппен жүзеге асырылады.
10. Ұйымдардың контингенті тұрақты және ауыспалы құрамдардан құрылады.
11. Тұрақты құрам спорт түрлері бойынша Қазақстан Республикасының шлтаттық ұлттық командаларының мүшелері болып табылатын тұлғалар қатарынан тұрады. Ауыспалы құрам спорт түрлері бойынша Қазақстан Республикасы ұлттық командасының мүшелері болып табылатын, спорт түрлері бойынша Қазақстан Республикасының штаттық ұлттық командаларының құрамына кірмеген тұлғалар қатарынан тұрады.
12. Тұрақты құрамға кіретін спортшылар Ұйымдарға "Дене шынықтыру және спорт ұйымдарының басшылары, мамандары лауазымдарының үлгілік біліктілік сипаттамаларын бекіту туралы" Қазақстан Республикасы Мәдениет және спорт министрінің 2016 жылғы 29 маусымдағы № 191 бұйрығына (Нормативтік құқықтық актілердің мемлекеттік тіркеу тізілімінде № 14052 болып тіркелген) сәйкес құжаттарын ұсынады.
13. Спортшылар тұрақты құрамнан келесі жағдайларда шығарылады:
1) медициналық қарсы көрсеткіштер;
2) спорттық көрсеткіштердің төмендеуі;
3) спорттық әдеп ережелерін бұзу;
4) спортта тыйым салынған субстанцияларды және (немесе) әдістерді қолдану;
5) допингке қарсы ережелерді бұзу;
6) өз еркімен;
7) спорттық қызмет туралы шарттың немесе еңбек шартының талаптарын орындамау, қолданыс мерзімінің аяқталуы, сондай-ақ оны Ұйыммен мерзімінен бұрын бұзу;
8) Қазақстан Республикасының ұлттық және штаттық ұлттық командаларының құрамынан шығару.
14. Ауыспалы құрамға қабылданған спортшылар басқа дене шынықтыру-спорт ұйымдарының тұрақты құрамында немесе өзге тұлғалармен қандай да бір еңбек немесе азаматтық қатынастарда бола алады.
15. Ұйымдардың спорттық қызметі туралы шарттар жасасу тәртібі "Жоғары дәрежелі спортшылармен, жоғары дәрежелі спортшыларды даярлауды жүзеге асыратын жаттықтырушылармен және дене шынықтыру және спорт саласындағы мамандармен спорттық қызмет туралы шарттар бойынша ақша төлемінің мөлшерін бекіту туралы" Қазақстан Республикасы Спорт және дене шынықтыру істері агенттігі төрағасының 2014 жылғы 28 шілдедегі № 296 бұйрығымен (Нормативтік құқықтық актілердің мемлекеттік тіркеу тізілімінде № 9677 болып тіркелген) айқындалады.
4-тарау. Оқу-жаттығу процесін ұйымдастыру
16. Спортшыларды даярлау Ұйымдардың спорттық күнтізбесіне және "Жарыстар түрлерінің, оқу-жаттығу жиындарының тізбесін және олардың сыныптамасын бекіту туралы" Қазақстан Республикасы Мәдениет және спорт министрінің 2015 жылғы 14 мамырдағы № 179 бұйрығына (Нормативтік құқықтық актілердің мемлекеттік тіркеу тізілімінде № 11437 болып тіркелген) сәйкес жыл бойы жүзеге асырылады.
17. Спорт түрі бойынша Қазақстан Республикасы ұлттық командасының бас жаттықтырушысы өз құзыреті шеңберінде спорт түрі бойынша келісе отырып, Ұйымдардың спорттық күнтізбесін әзірлейді, сондай-ақ тартылатын жаттықтырушылармен және кеңесшілермен бірлесіп оның орындалуын бақылайды және іске асырады, спортшыларды даярлау жөніндегі жұмысты және олардың жарыстарда өнер көрсетуін ұйымдастырады, спортшылармен және жаттықтырушылармен тәрбиелік және өзге де жұмыстарды ұйымдастырады және жүргізеді.
18. Спортшыларды орталықтандырылған даярлау және спорттық жарыстарға қатысу кезеңінде, Ұйымдар шығуға байланысты шығындарды өтей отырып, жеке жаттықтырушыларды тарта алады. Жеке жаттықтырушы жеке дайындық жоспары бойынша жаттығу сабақтарын өткізеді және спорт түрі бойынша Қазақстан Республикасы ұлттық командасының бас жаттықтырушысының тікелей басшылығымен жұмыс істейді.
19. Спортшылардың функционалдық даярлығының жай-күйін медициналық бақылау және диагностика жасау, профилактикалық іс-шараларды жүргізу және қалпына келтіру процестерін оңтайландыру үшін Ұйым сондай-ақ бөлінетін қаржыландыру шегінде тиісті медициналық қызмет көрсетуді және тексеруден өтуді қамтамасыз етеді.
20. Ұйымдар қажетті дәрігерлік бақылауды қамтамасыз ету мақсатында тиісті рұқсаттары (лицензиялары) бар болған кезде спортшыларды спорттық жарыстарға дайындауға және қатысуына спорт дәрігерлерін тарта алады. Дәрігерлік бақылаулардың нәтижелерін Ұйымның жаттықтырушылар құрамы пайдаланады.
21. Ұйымдар Ұлттық спорттық медицина және оңалту ұйымымен бірлесіп Ұйымдардың тұрақты құрамына кіретін спортшылардың жылына екі рет медициналық тексеруден өтуін қамтамасыз етеді.
22. Оқу-жаттығу процесі мыналарды қамтиды:
1) оқу-жаттығу жиындарын ұйымдастыру және өткізу;
2) спорттық жарыстарға қатысу;
3) дайындық жоспарын құру, оны іске асыру және талдау;
4) қалпына келтіру, сауықтыру және алдын алу іс-шараларын жүргізу;
5) медициналық тексеру;
6) спорт контингентінің біліктілігін арттыру, оның ішінде спортта тыйым салынған субстанцияларды және (немесе) әдістерді қолдануға тыйым салу;
7) спортшыларға медициналық және психологиялық көмек көрсету.
23. Ұйымдардың спорттық күнтізбесі Спорттық-бұқаралық іс-шаралардың бірыңғай республикалық күнтізбесі бекітілген күннен бастап 10 (он) жұмыс күнінен кешіктірілмей бекітіледі.
24. Аккредиттелген ұлттық спорт федерацияларының ұсынуымен спорт түрлері бойынша Қазақстан Республикасы ұлттық командаларының бас жаттықтырушыларын және спорт түрлері бойынша мемлекеттік жаттықтырушыларды лауазымға тағайындау және босату тәртібін дене шынықтыру және спорт саласындағы уәкілетті органмен келісім бойынша айқындайды.
25. Спорт түрлері бойынша Қазақстан Республикасы ұлттық командаларының жаттықтырушылар құрамының лауазымдық міндеттері Қазақстан Республикасы Мәдениет және спорт министрінің 2016 жылғы 29 маусымдағы № 191 бұйрығымен (Нормативтік құқықтық актілердің мемлекеттік тіркеу тізілімінде № 14052 болып тіркелген) бекітілген Дене шынықтыру және спорт ұйымдарының басшылары, мамандары лауазымдарының үлгілік біліктілік сипаттамаларымен айқындалған.
26. Ұйымдар спортшылардың тамақтану нормативін "Оқу-жаттығу процесі мен спорттық іс-шаралар кезеңінде спортшыларды, оның ішінде барлық санаттағы әскери қызметшілерді және құқық қорғау және арнаулы мемлекеттік органдардың қызметкерлерін тамақтандыру және фармакологиялық қамтамасыз ету нормативтерінің әдістемесін бекіту туралы" Қазақстан Республикасы Мәдениет және спорт министрінің 2014 жылғы 22 қарашадағы № 107 бұйрығына сәйкес (Нормативтік құқықтық актілердің мемлекеттік тіркеу тізілімінде № 10005 болып тіркелген) қамтамасыз етеді.
27. Қазақстан Республикасының аумағы бойынша және одан тысқары жерлерге іссапарға бару және шығу кезінде Ұйымдар контингент шығындарын "Бюджет қаражаты есебінен қызметтік іссапарларға, оның ішінде шет мемлекеттерге қызметтік іссапарларға арналған шығыстарды өтеу қағидаларын бекіту туралы" Қазақстан Республикасы Үкіметінің 2018 жылғы 11 мамырдағы № 256 қаулысында белгіленген тізбе бойынша және шығындар сомасының мөлшерін спорттық жарыстарды ұйымдастырушылар болып табылатын халықаралық спорт ұйымдары белгілейтін және жоғарыда көрсетілген Қағидалардың нормаларынан асатын жағдайларды қоспағанда, нормалар шеңберінде қамтамасыз етуді жүзеге асырады.
28. Оқу-жаттығу процесі жүзеге асырылатын Ұйымдарға арналған құжаттамалардың тізбесі:
1) Ұйымдардың жылдық жұмыс жоспары;
2) Ұйымдардың штат кестесі;
3) спорттық-бұқаралық іс-шаралардың спорттық күнтізбесі;
4) спорттық-бұқаралық іс-шаралардың қаржылық күнтізбесі;
5) спорт түрлері бойынша Қазақстан Республикасы ұлттық командаларының тізімдері;
6) спорт түрлері бойынша Қазақстан Республикасының штаттық ұлттық командаларының тізімдері;
7) спортшыларды тіркеу туралы куәліктер;
8) тұрақты спорт контингентінің жеке істері;
9) спорттық жарыстардың хаттамалары және спортшылардың өнерін талдау;
10) спорттық қызмет туралы шарттардың тізілімі;
11) Қазақстан Республикасының аумағындағы спорттық жарыстардың, оның ішінде республикалық және халықаралық жарыстардың ережелері (регламенттері);
12) Ұйымдардың ішкі актілерінде айқындалған өзге де қажетті құжаттар.
29. Спорттық контингенттің және Ұйымдардың өзге де жұмыскерлерінің еңбекақы төлеу жүйесін Қазақстан Республикасының Үкіметі белгілейді. Ұйымның штат кестесі дене шынықтыру және спорт саласындағы уәкілетті органының келісімі бойынша жыл сайын ағымдағы жылдың 10 қаңтарынан кешіктірілмей бекітіледі.
Спорт түрлері бойынша облыстардың, республикалық маңызы бар қалалардың және астананың командаларын даярлауды жүзеге асыратын ұйымдар қызметінің қағидалары
1 тарау. Жалпы ережелер
1. Осы облыстардың, республикалық маңызы бар қалалардың және астананың командаларын даярлауды жүзеге асыратын ұйымдар қызметінің қағидалары (бұдан әрі - Қағидалар) дене шынықтыру және спорт саласындағы жергілікті атқарушы органдар (бұдан әрі - жергілікті атқарушы орган) құратын спорт түрлері бойынша облыстардың, республикалық маңызы бар қалалардың және астананың командаларын даярлауды жүзеге асыратын ұйымдар (бұдан әрі - Ұйымдар) қызметінің тәртібін анықтайды.
2. Ұйымдар заңды тұлға болып табылады және өз қызметінде Қазақстан Республикасының заңнамалық актілерін, Қазақстан Республикасының Президенті мен Үкіметінің актілерін, мемлекеттік мүлік, дене шынықтыру және спорт жөніндегі уәкілетті органдардың бұйрықтарын және Қазақстан Республикасының өзге де нормативтік құқықтық актілерін, сондай-ақ осы Қағидалар мен Ұйымдардың жарғысын басшылыққа алады.
3. Ұйымдар ұлттық спорт түрлері бойынша және олимпиадалық спорт түрлерінен басқа, жоғары жетістіктер спорты бойынша құрылады.
4. Осы қағидаларда мынадай ұғымдар пайдаланылады:
1) аға жаттықтырушы – спорт түрлерi бойынша жаттықтырушылар құрамына жалпы басшылықты жүзеге асыратын және оқу-жаттықтырушылық қызметпен тiкелей айналысатын спорт жаттықтырушысы;
2) ауыспалы құрам – оқу-жаттығу жиындары мен жарыстар кезінде тартылатын спортшылар құрамы;
3) жеке жаттықтырушы – спортшыны спорт түрі бойынша Қазақстан Республикасының ұлттық командасынан тыс болған кезеңінде оның жеке-дара даярлау жоспарын орындауына бағытталған даярлауды (кемінде үш жыл) жүзеге асыратын жаттықтырушы;
4) оқу-жаттығу жиыны – спортшылардың спорттық шеберлігін және оқу-жаттығу процесінің сапасын арттыру мақсатында ұйымдастырылатын орталықтандырылған іс-шара;
5) спорттық-бұқаралық іс-шаралардың біріңғай өңірлік күнтізбесі - жергілікті атқарушы орган бекітетін халықаралық, республикалық және жергілікті деңгейлердегі жыл сайынғы жарыстардың, сондай-ақ жарыстарға дайындық жөніндегі іс-шаралардың тізбесі.
2 тарау. Мақсаттары, міндеттері, функциялары
5. Ұйымдарды құрудың мақсаты - облыстардың, республикалық маңызы бар қалалардың және астананың командалары спортшыларының спорттық шеберлігін арттыру және спорт резервін даярлау үшін орталықтандырылған даярлықты қамтамасыз ету, ұйымдастыру және өткізу болып табылады.
6. Ұйымдардың міндеттері:
1) Ұйымдардың ауыспалы құрамының спортшыларының республикалық және халықаралық деңгейдегі оқу-жаттығу жиындары мен спорттық жарыстарға қатысуы арқылы олардың спорттық шеберлігін арттыру;
2) Қазақстан Республикасының ұлттық командаларына қабылдау үшін спортшыларды даярлау;
3) спорттық жарыстарды, оның ішінде облыстардың, республикалық маңызы бар қалалардың және астананың іріктеу чемпионаттарын өткізу;
4) оқу-жаттығу үдерісін ұйымдастыру және өткізу бойынша үйлестіруді қамтамасыз ету, оның нәтижелерін талдауды жүзеге асыру, спорттық жетістіктердің жеке көрсеткіштерінің өсу серпіні, спортшылардың техникалық және тактикалық дайындығының деңгейін арттыру;
5) Ұйымдардың жаттықтырушылар құрамы мен басқа да мамандарының кәсіби біліктілігін арттыру;
6) спорттық мүкәммалмен және керек-жарақтармен қамтамасыз етілуге тиіс.
7. Ұйымдардың функциялары:
1) ауыспалы құрамның, жаттықтырушылардың және Ұйымдардың басқа да қызметкерлерінің спорт резервін және жоғары дәрежедегі спортшыларды даярлау жөніндегі оқу-жаттығу жиындарына қатысу және оларды өткізу;
2) Ұйымдардың ауыспалы құрамын даярлау үдерісін әдістемелік, материалдық-техникалық, медициналық-биологиялық қамтамасыз етуді жүзеге асыру;
3) спорттық-бұқаралық іс-шараларды ұйымдастыру және облыстардың, республикалық маңызы бар қалалардың және астананың іріктеу чемпионаттарын жүйелі түрде өткізу;
4) аккредиттелген жергілікті спорт федерацияларының ұсыныстары бойынша спорттық-бұқаралық іс-шаралардың бірыңғай өңірлік күнтізбесін және облыстар, республикалық маңызы бар қалалар және астана командаларының құрамдарын қалыптастыру және жергілікті атқарушы органға бекітуге ұсыну;
5) жоғары жетістіктер спорты бойынша облыстардың, республикалық маңызы бар қалалардың және астананың спортшыларына ай сайынғы материалдық қамсыздандырудың төленуін қамтамасыз ету;
6) облыстардың, республикалық маңызы бар қалалардың және астананың команда мүшелерімен спорттық қызмет туралы шарттар жасасу;
7) Ұйымдардың жаттықтырушылар құрамы мен басқа да мамандарының кәсіби біліктілігін арттыру бойынша жұмысты ұйымдастыру;
8) қажеттілігіне қарай кешенді ғылыми топтарды, қалпына келтіру және емдеу кабинеттерін құру;
9) семинарларды, кеңестерді, конференцияларды ұйымдастыру және өткізу;
10) патриотизмді қалыптастыруға бағытталған тәрбие жұмысын ұйымдастыру және жүргізу;
11) жергілікті атқарушы орган белгілеген міндеттемелерді орындау.
3 тарау. Контингентті қалыптастыру тәртібі
8. Ұйымдардың контингенті ағымдағы жылдың 10 қаңтарынан кешіктірмей жергілікті атқарушы органмен келісілген жоғары жетістіктер спорты бойынша облыстардың, республикалық маңызы бар қалалардың және астананың командаларының мүшелері кіретін ауыспалы құрам болып табылады.
9. Ауыспалы құрамды есепке алу, ауыстыру, оқудан шығару жергілікті атқарушы органмен келісім бойынша Ұйымдардың басшысының бұйрығымен ресімделеді.
10. Облыстық, республикалық маңызы бар қалалардың және астананың командалары (ересектер, жастар, жасөспірімдер, жасөспірімдер) спорт түрлері бойынша аккредиттелген жергілікті спорт федерацияларының ұсыныстары бойынша облыстық, республикалық маңызы бар қалалардың, астананың және республикалық спорттық жарыстардың, спорт түрлері бойынша біріншіліктердің жеңімпаз және жүлдегер спортшылардан құралады.
11. Ұйымдардың ауыспалы құрамына қабылданған кезде спортшылар келесі құжаттарды тапсырады:
1) туу туралы куәліктің көшірмесі немесе спортшының жеке басын куәландыратын құжат;
2) спорттық атақ немесе разряд беру туралы куәліктің немесе бұйрықтың көшірмесі;
3) тұрғылықты жері бойынша медициналық ұйым және (немесе) спорттық медицина ұйымы ұсынған денсаулық жағдайы туралы медициналық анықтама;
4) осы Қағидаларға 1-қосымшаға сәйкес спортшының жеке картасын ұсынады;
5) жарыстардың хаттамалары.
12. Спортшылар келесі жағдайларда оқудан шығарылады:
1) медициналық қарсы көрсетілімдерде;
2) жеке (перспективалық) дайындық жоспарларын орындамау, спорттық дайындық режимін сақтамау немесе бұзу;
3) спорттық нәтижелердің төмендеуіне;
4) спорттық әдеп қағидаларын бұзу;
5) спортта тыйым салынған субстанцияларды және (немесе) әдістерді қолдану;
6) допингке қарсы ережелерді бұзу;
7) өз қалауы бойынша;
8) спортшы мен Ұйымдардың арасындағы спорттық қызмет туралы шарттың орындалмауы, қолданылу мерзімінің аяқталуы және (немесе) оның мерзімінен бұрын бұзылуы.
13. Ұйымдардың ауыспалы құрамына қабылданған спортшылар оларды Ұйымдарға берген келесі спорттық ұйымдардың тұрақты құрамында қалады:
1) балалар-жасөспірімдер спорт мектебі;
2) жоғары спорт шеберлігі мектебі;
3) спорт клубы.
4 тарау. Оқу-жаттығу процесін ұйымдастыру
14. Оқу-жаттығу процесі мыналарды қамтиды:
1) оқу-жаттығу жиындарын ұйымдастыру және өткізу;
2) спорттық жарыстарға қатысу;
3) жеке (перспективалық) жоспарды жасау, оны жүзеге асыру және талдау;
4) қалпына келтіру, сауықтыру және профилактикалық іс-шараларды жүргізу;
5) медициналық тексеруден өту;
6) нұсқаушылық және төрешілік практиканы қамтиды;
7) мақсатты тәрбие жұмысын қамтамасыз ету.
15. Оқу-жаттығу және тәрбие жұмысын жеке жаттықтырушылар жеке (перспективалық) жоспарға сәйкес жүзеге асырады.
16. Ұйымдар өз қызметін күнтізбелік жыл бойы жүзеге асырады.
17. Спортшыларды даярлау жыл бойы жүзеге асырылады, спорттық жарыстарға орай, жалпы денешынықтыру дайындығы бойынша оқу-жаттығу жиындары, спортшыларды тексеру үшін өткізілген іс-шаралар, қалпына келтіру жиындар жылына 250 күнге дейін пайдалануға мүмкіндігі бар.
18. Ұйым басшысының шешімімен жергілікті атқарушы органның келісімі бойынша спорттың әрбір түрі бойынша аға жаттықтырушы немесе спорт түрінен облыс, республикалық маңызы бар қала командасының аға жаттықтырушылары болып табылатын спорттың әр жас санаты бойынша аға жаттықтырушы тағайындалады.
Ұйымдардағы аға жаттықтырушылармен еңбек шарттарының қолданылу мерзімі күнтізбелік жылмен анықталады.
Аға жаттықтырушының лауазымдық міндеттері "Дене шынықтыру және спорт ұйымдарының басшылары, мамандары лауазымдарының үлгілік біліктілік сипаттамаларын бекіту туралы" Қазақстан Республикасы Мәдениет және спорт министрінің 2016 жылғы 29 маусымдағы № 191 бұйрығымен айқындалады. (Нормативтік құқықтық актілерді мемлекеттік тіркеу тізілімінде № 14052 болып тіркелген).
19. Спортшылардың функционалдық дайындығының жай-күйін медициналық бақылау және диагностикалау, профилактикалық іс-шараларды жүргізу және қалпына келтіру процестерін оңтайландыру үшін жергілікті атқарушы орган Ұйымдарды тиісті медициналық мақсаттағы бұйымдармен және бөлінген қаражат шегінде дәрі-дәрмектермен қамтамасыз етеді.
20. Спорт дәрігерлері Ұйымдардың жаттықтырушыларымен бірлесе отырып, оқу-жаттығу жиындары, спорттық жарыстар және демалыс кезінде спортшыларға медициналық бақылауды жүзеге асырады. Дәрігерлік бақылаулардың нәтижелерін жаттықтырушылар Ұйымдардың спортшыларын даярлаудың жеке (перспективалық) жоспарларын түзету үшін пайдаланады.
21. Ұйымдардың спортшылары жылына екі рет тереңдетілген медициналық тексеруден өтеді.
22. Оқу-жаттығу жұмыстарын ұйымдастыру үшін Ұйымдардың мынадай құжаттамасы болады:
1) Ұйымдардың жылдық жұмыс жоспары;
2) штаттық кесте;
3) спорттық-бұқаралық іс-шаралардың бірыңғай өңірлік күнтізбесі;
4) спорттық-бұқаралық іс-шаралардың қаржылық күнтізбесі;
5) спорт түрлері бойынша облыс командаларының тізімдері;
6) спортшылардың жеке карточкалары;
7) спортшыларды даярлаудың жеке (перспективалық) жоспарлары;
8) жарыс хаттамалары және Ұйымдардың спортшыларының өнерін талдау;
9) жаттықтырушылар кеңестері мен Ұйымдар кеңестерінің ережесі, құрамы және материалдары;
10) міндетті статистикалық деректердің нысандары;
11) өзге де қажетті құжаттар.
23. Штаттық кестені Ұйымдардың басшысы бекітеді және жыл сайын ағымдағы жылдың 10 қаңтарынан кешіктірмей жергілікті атқарушы органмен келісіледі.
5 тарау. Ұйымдардың Кеңесі
24. Ұйымдарда кеңес құрылады, оның ережесі мен құрамын Ұйымдардың басшысы бекітеді.
25. Ұйымдар кеңесінің құрамына басшы, басшының орынбасары, бөлім басшылары, әдіскерлер, Ұйымдардың аға жаттықтырушылары және жергілікті атқарушы органның өкілдері (келісім бойынша), дене шынықтыру-спорт ұйымдарының өзге де мамандары.
26. Кеңестің отырысы тоқсанына кемінде бір рет өткізіледі.
27. Кеңес Ұйымдар қызметінің мәселелерін, спорт түрлері бойынша жаттықтырушылар кеңестерінің қызметін, жоғары дәрежелі спортшыларды және спорт резервін даярлау әдістемесін, оқу-жаттығу, тәрбие, ұйымдастырушылық-әдістемелік жұмыстардың озық тәжірибелерін тарату және Ұйымдар қызметін жоспарлауды қарастырады, спорттық жарыстардың нәтижелеріне анализ жасайды.
28. Кеңестің шешімдері хаттамамен ресімделеді.
| Қосымша спорт түрлері бойынша облыстардың, республикалық маңызы бар қалалардың және астананың командаларын даярлауды жүзеге асыратын ұйымдар қызметінің қағидаларына |
Нысан
СПОРТШЫНЫҢ ЖЕКЕ КАРТОЧКАСЫ
1. Тегі _________________________________________________
2.Аты-жөні _____________________________________________
3. Әкесінің аты (ол болған жағдайда)________________________
4. Туған күні ____________________________________________
(күні, айы, күні)
5. Туған жері ____________________________________________
(облыс, аудан, қала, ауыл)
6. Білім беру _____________________________________________
(білім деңгейі, оқу орнының атауы)
Республикалық және халықаралық спорттық жарыстарға қатысу:
№ | Жарыстардың атауы | Өткізілетін орны, мерзімі және күні (хронология бойынша) | Жоспарланған нәтиже | Көрсетілген нәтиже |
1 | ||||
2 |
Спортшының қолы ______________
Жаттықтырушының қолы ________
Спорт резервін және жоғары дәрежелі спортшыларды даярлау бойынша оқу-жаттығу процесі жүзеге асырылатын жаттығу орталықтары қызметінің қағидалары
1. Жалпы ережелер
1. Осы Спорт резервін және жоғары дәрежелі спортшыларды даярлау бойынша оқу-жаттығу процесі жүзеге асырылатын жаттығу орталықтары қызметінің қағидалары (бұдан әрі – Қағидалар), дене шынықтыру және спорт саласындағы уәкілетті органмен (бұдан әрі – Уәкілетті орган) немесе облыстық, республикалық маңызы бар қалалардың және астананың жергілікті атқарушы органдармен құрылатын жаттығу Орталықтары (бұдан әрі – Орталық) қызметінің тәртібін анықтайды.
2. Орталық заңды тұлға болып табылады және өз қызметінде Қазақстан Республикасының заңнамалық актілерін, Қазақстан Республикасының Президенті мен Үкіметінің актілерін, мемлекеттік мүлік, дене шынықтыру және спорт жөніндегі уәкілетті органдардың бұйрықтарын және Қазақстан Республикасының өзге де нормативтік құқықтық актілерін, сондай-ақ осы Ережелер мен Орталықтың жарғысын басшылыққа алады.
3. Орталықтың республикалық, облыстық мәртебесі болуы мүмкін және филиалдар аша алады.
4. Орталық жоғары жетістіктер спорты бойынша құрылады.
2. Мақсаттары, міндеттері, функциялары
5. Орталықты құрудың мақсаты спорт түрлері бойынша Қазақстан Республикасының ұлттық және штаттық ұлттық командаларын, спорт түрлері бойынша облыстардың, республикалық маңызы бар қалалардың командаларын олардың спорттық шеберлігін арттыру үшін жыл бойына орталықтандырылған дайындықты ұйымдастыру және өткізу болып табылады.
6. Орталықтың міндеттері:
1) спорт түрлері бойынша Қазақстан Республикасы ұлттық және штаттық ұлттық командаларының, спорт түрлері бойынша облыстардың, республикалық маңызы бар қалалардың командаларының спортшыларын толыққанды даярлау үшін қажетті инфрақұрылымды құру;
2) спорт түрлері бойынша Қазақстан Республикасы ұлттық және штаттық ұлттық командалары спортшыларының, спорт түрлері бойынша облыстар, республикалық маңызы бар қалалар командаларының спортшыларының оқу-жаттығу жиындарын, сондай-ақ республикалық және халықаралық маңызы бар жарыстарды ұйымдастыру және өткізу;
3) Орталықтың әлемдік аренада бәсекеге қабілеттілігін қамтамасыз ету болып табылады.
7. Қойылған міндеттерді жүзеге асыру үшін Орталық келесі функцияларды орындайды:
1) инфрақұрылым бағыты бойынша:
Орталықты заманауи жабдықтармен және технологиялармен жабдықтау;
спортшылардың жыл бойы дайындығы үшін жағдайларды қамтамасыз ету (жабық ареналар, бассейндер, залдар);
мамандандырылған аймақтарды ұйымдастыру (тамақтану, тұру, қалпына келтіру, медицина);
2) оқу-жаттығу жиындары мен жарыстардың бағыты бойынша:
оқу-жаттығу жиындары мен жарыстардың күнтізбесін әзірлеу және бекіту;
жаттығу үдерісін үйлестіру;
жарыстарды техникалық қамтамасыз етуді ұйымдастыру;
жаттықтырушыларға, спортшыларға және басқа мамандарға шеберлік сыныптарын, дәрістер мен семинарлар өткізу;
3) орталықтың бәсекеге қабілеттілігі бағыты бойынша:
оқыту үдерісіне озық технологиялар мен ғылыми әзірлемелерді енгізу;
халықаралық сарапшыларды, жаттықтырушыларды және спорт ғалымдарын тарту;
халықаралық спорт ұйымдарымен және федерациялармен ынтымақтастық;
республикалық және халықаралық спорттық іс-шараларды ұйымдастыру;
спорт саласында білім беру және ғылыми бағдарламаларды құру;
спортшыларды әлемдік стандарттар бойынша даярлаудың тиімділігін мониторингілеу және талдау.
3. Орталықтың жұмысын ұйымдастыру
8. Орталықтың жұмысы келесі бағыттар бойынша жүргізіледі:
1) материалдық-техникалық қамтамасыз ету, белгіленген әлемдік стандарттар мен озық технологияларға (құрылыстар, құрал-саймандар, жабдықтар) сәйкес оқу-жаттығу үдерісі мен жарыстарды сапалы қамтамасыз ету.
Спорттық жарыстар мен оқу-жаттығу процесін өткізуге арналған құрылымдық бөлімшелердің, спорт түрлері бойынша мамандандырылған залдардың болуы;
2) медициналық-биологиялық қамтамасыз ету, спортшылардың денсаулық жағдайын сақтау және функционалдық мүмкіндіктерін арттыру, диагностикалық, профилактикалық, емдік және сауықтыру іс-шараларының кешенін жүргізу, оның ішінде спортшылар ағзасының резервтік мүмкіндіктерін арттыру, допингке қарсы іс-шараларды ұйымдастыру және өткізу;
3) ғылыми қамтамасыз ету, білім мен технологияларды әзірлеу және енгізу, іргелі және қолданбалы зерттеулердің, ғылыми әзірлемелердің тәртібі; спорттық дайындықты ғылыми-әдістемелік қамтамасыз ету, келісім-шарт негізінде Қазақстан Республикасының және басқа елдердің мамандарын тарту;
4) Орталықтың жаттықтырушылар құрамының және басқа да мамандарының кәсіби біліктілігін арттыру бойынша жұмысты ұйымдастыру, семинарлар, мәжілістер мен конференциялар өткізу;
5) Қазақстан Республикасының ұлттық командаларының, спорт түрлері бойынша Қазақстан Республикасының командаларының, олардың спорттық шеберліктерін арттыру бойынша, спорт түрлері бойынша облыстардың, республикалық маңызы бар қалалардың командаларымен ұйымдастырушылық мәселелер бойынша басқару органдарымен өзара әрекеттесу.
