Алатау қаласын дамытудың кейбір мәселелері туралы

Қазақстан Республикасы Президентінің 2025 жылғы 26 қыкүйектегі № 1015 Жарлығы.

Қазақстан Республикасы Президенті мен Үкіметі актілерінің жинағында жариялануға тиіс

Қазақстан Республикасының инновацияға бағдарланған экономикасының орнықты өсуін ынталандыру, жоғары технологиялық салаларға инвестициялар тарту және Алматы агломерациясының жинақталған әлеуеті негізінде өңірде халықаралық маңызы бар іскерлік және инновациялық белсенділік орталығын қалыптастыру мақсатында ҚАУЛЫ ЕТЕМІН:

1. Алатау қаласына даму қарқыны озық қала деген арнаулы мәртебе (бұдан әрі - арнаулы мәртебе) берілсін.

2. Мыналар:

1) кәсіпкерліктің өсіп келе жатқан және жаңа салаларына инвестициялар тарту және әртүрлі қызмет салаларына инновациялар ендіру есебінен Алатау қаласының әлеуметтік-экономикалық дамуын жеделдетуді қамтамасыз ететін ерекше институционалдық орта қалыптастыру;

2) Алатау қаласын дамытуға кез келген жекеше инвестицияларды тарту және сорғау үшін сапалық жаңа деңгейдегі институционалдық базаны қамтамасыз ету;

3) Алатау қаласын басқаруда, оның ішінде арнайы экономикалық аймақтың жұмыс істеуі жағдайларында жетекші халықаралық тәсілдр мен практикаларды қолдану арнаулы мәртебенің негізгі бағыты мен мазмұны болып айқындалсын.

3. Осы Жарлыққа 1-қосымшаға сәйкес құрамда Алатау қаласының кеңесі (бұдан әрі - Кеңес) құрылсын.

Ескерту. 3-тармақ жаңа редакцияда – ҚР Президентінің 08.07.2026 № 1352 Жарлығымен.

3-1. Осы Жарлыққа 2-қосымшаға сәйкес Кеңес туралы ереже бекітілсін.

Ескерту. 3-1-тармақпен толықтырылды – ҚР Президентінің 08.07.2026 № 1352 Жарлығымен.

4. Мыналар:

1) Алатау қаласының инвестицияларды тарту, іскерлік белсенділік пен инновацияларды дамыту мәселелері жөніндегі құжаттарды, сондай-ақ оның арнаулы мәртебесіне байланысты өзге де құжаттарды келісу және бекіту;

2) Алатау қаласының инвестицияларды тарту, іскерлік белсенділік пен инновацияларды дамыту мәселелері бойынша, сондай-ақ оның арнаулы мәртебесіне байланысты өзге де мәселелер бойынша орталық және жергілікті мемлекеттік органдардың орындауы үшін міндетті шешімдер қабылдау;

3) осы Жарлықтан және Қазақстан Республикасының заңнамасынан туындайтын өзге де мәселелерді шешу Кеңестің өкілеттіктері болып айқындалсын.

5. Қазақстан Республикасының Үкіметі:

1) 2025 жылғы 1 қарашаға дейін:

Кеңес туралы ережені бекіту;

жоғары басқару органы Кеңес болатын "Alatau City Authority" мемлекеттік қоры (бұдан әрі - АСА) нысанында заңды тұлға құру бойынша шаралар қабылдасын;

2) Алатау қаласының арнаулы мәртебе шеңберінде мемлекеттік бюджет қаражаты мен жеке көздер есебінен, оның ішінде:

қалалық кеңістікті, индустриялық және арнайы экономикалық аймақтарды басқарудың табысты халықаралық тәжірибесін ендіру;

жетекші халықаралық сарапшыларды, консультанттарды және жоғары білікті кадрларды тарту;

инвестициялар тарту мақсатында Алатау қаласын ілгерілетуге бағытталған іс-шаралар өткізуді ұйымдастыру;

Алатау қаласын дамытуға қатысты Кеңестің, орталық және жергілікті мемлекеттік органдардың барлық процестері мен шешімдерін іске асыру және үйлестіру арқылы жұмыс істеуін қамтамасыз ету АСА қызметінің мақсаты деп айқындасын;

3) 2025 жылғы 31 желтоқсанға дейін Қазақстан Республикасы Парламенті Мәжілісінің қарауына Алатау қаласының арнаулы мәртебесінің құқықтық негіздерін айқындауға бағытталған конституциялық заң жобасын енгізсін, онда мыналар көзделсін:

Алатау қаласында жергілікті мемлекеттік басқару органдарын ұйымдастырудың, олардың құрылымының, қызметін жүзеге асыруының және өкілеттіктерінің, оның ішінде олардың құқықтық актілер шығаруының, құқық нормаларын және/немесе инновациялық жобаларды, шешімдерді, сервистер мен технологияларды сынақтан өткізу мақсатында шығаруының ерекшеліктері;

климаттық бейтараптыққа көшуді ескере отырып, қалалық инфрақұрылым мен кеңістікті басқарудың ақпараттық-коммуникациялық технологияларын және Заттар интернетін (Smart City) әзірлеуді, ендіруді және пайдалануды реттеу ерекшеліктері;

объектілерді жобалау, қала құрылысы тұрғысынан жоспарлау және салу процестерін, сондай-ақ шетелдік заңды және жеке тұлғаларды қоса алғанда, жеке кәсіпкерлік субъектілерінің көрсетілген салаларға инвестиция салуының құқықгық тетіктерін реттеу ерекшеліктері;

Алатау қаласының аумағында озық халықаралық және шетелдік стандарттарды, практикаларды, жіктеуіштерді, техникалық регламенттерді, сертификаттау рәсімдерін, техникалық және технологиялық нормаларды тану және қолдану процестерін реттеу ерекшеліктері;

тұрғын үй, көші-қон саласындағы қатынастарды, еңбек қатынастарын реттеу және шетелдік, оның ішінде жоғары білікті жұмыс күшін тарту ерекшеліктері;

халықаралық озық практикаларды ескере отырып, мемлекеттік сатып алу саласындағы қатынастарды ретгеу ерекшеліктері;

тауарларға, жұмыстар мен көрсетілетін қызметтерге криптофиат арналары мен реттелетін стейблкоиндерді қолдана отырып, ақы төлеу мүмкіндіктерін қоса алғанда, цифрлық активтердің айналымын реттеу және олардың базасында цифрлық қаржы сервистерін ендіру ерекшеліктері;

токендеу технологияларын қолдануды, орталықтандырылмаған қаржының (DeFi) және интернет-технологиялардың (Web3) жұмыс істеуін реттеу ерекшеліктері;

жасанды интеллект және машиналық оқыту технологияларын қолдануды реттеу ерекшеліктері;

білім беру, денсаулық сақтау, биологиялық технологиялар, медициналық жабдықтарды шығару және пайдалану саласында технологиялық инновацияларды әзірлеуді, ендіруді және пайдалануды реттеу ерекшеліктері;

төмен биіктіктегі экономика саласын (LAE) және қалалық әуе ұтқырлығын (UAM) дамыту шеңберінде робот техникасы жүйелерін, пилотсыз аппараттарды, электр ұшу аппараттарын (eVTOL) шығарудың технологиялық инновацияларын әзірлеуді, ендіруді және пайдалануды реттеу ерекшеліктері;

жер қатынастарын, табиғи ресурстарды пайдалану және қоршаған органы қорғау саласындағы қатынастарды реттеу ерекшеліктері;

қала аумағында арнайы экономикалық аймақ құрудың, ұйымдастырудың және оның жұмыс істеуінің, креативті индустрия мен ойын қызметінің ерекшеліктері;

жауапкершілікті реттеу ерекшеліктері;

инвестициялау жағдайларының тұрақтылығына, инвестицияларды қорғауға және капитал қозғалысының ерекшеліктерін реттеуге кепілдік беру;

салық салудың және бюджеттік қатынастардың айрықша режимін қолдану;

Алматы агломерациясы шеңберінде Алатау қаласының, Алматы облысының және Алматы қаласының келісілген дамуы бойынша, оның ішінде көлік-логистика байланыстары, коммуналдық және энергетикалық инфрақұрылым, көші-қон саясаты мәселелеріндегі қатынастарды реттеу;

Алатау қаласының арнаулы мәртебе жағдайында жұмыс істеуі мақсаттарына қол жеткізуге бағытталған өзге де ерекшеліктер;

4) 2026 жылғы 1 қыркүйекке дейін Алатау қаласының арнаулы құқықтық режимін "Астана" халықаралық қаржы орталығы қызметінің режимін кеңейту және инвестицияларды құқықтық қорғаудың институционалдық тиімділігін айтарлықтай арттыратын басқа да шаралар есебінен одан әрі жетілдіру жөнінде ұсыныстар әзірлесін және енгізсін;

5) Алатау қаласын дамытуға инвесторларды, жекеше және егеменді инвестициялық қорларды кеңінен тарту, оның ішінде жекелеген халықаралық шарттар жасасу шеңберінде тарту бойынша шаралар қабылдасын.

6. Қазақстан Республикасының Үкіметі Қазақстан Республикасының Бас прокуратурасымен, Қазақстан Республикасының Ұлттық банкімен және Кеңеспен бірлесіп, 2026 жылғы 1 қыркүйекке дейін орталық және жергілікті мемлекеттік органдардың, сондай-ақ квазимемлекеттік сектор субъектілерінің орындауы үшін міндетті болатын Алатау қаласының арнаулы мәртебесінің құқықтық режимінің жұмыс істеуі тұжырымдамасын бекітсін.

7. Алатау қаласының арнаулы мәртебе жағдайында дамуы процестерін үйлестіруді күшейту мақсатында Қазақстан Республикасының Үкіметі және Алматы облысының әкімі:

1) "Alatau" арнайы экономикалық аймағының басқарушы компаниясы" жауапкершілігі шектеулі серіктестігінің жарғылық капиталына қатысу үлестерін иелену және пайдалану құқықтарын АСА-ға беру бойынша шаралар қабылдасын;

2) құрылатын АСА-мен "Alatau" арнайы экономикалық аймағында жоспарланатын жобалардың, Алатау қаласының шегінде жүзеге асырылатын индустриялық-инновациялық, инвестициялық жобалардың, мемлекеттік-жекешелік әріптестік және құрылыс салу жобаларының Алатау қаласының стратегиялық және өзге де қала құрылысы құжаттарына сәйкестігі тұрғысынан келісілуін қамтамасыз ету бойынша шаралар қабылдасын;

3) Алатау қаласының құжаттарына инвестициялар тарту, іскерлік белсенділік пен инновацияларды дамыту мәселелері бойынша, сондай-ақ оның арнайы мәртебесіне байланысты өзге де құжаттарға Кеңеспен келісілместен өзгерістер мен толықтырулар енгізуді болғызбасын және жұмыс істеп тұрған әрі жаңадан орналастырылатын барлық объектілер жобалары бойынша Кеңес шешімдерінің қатаң сақталуын қамтамасыз етсін;

4) 2026 жылғы 1 қаңтарға дейін құрылатын АСА-мен бірлесіп, Алатау қаласының бас жоспары шеңберінде 2025 - 2026 жылдары Алатау қаласының негізгі даму аймақтарында салынатын бірінші кезектегі инфрақұрылым объектілерін айқындасын және оларды қажетті қаржыландырумен, оның ішінде мемлекеттік-жекешелік әріптестік және "толық бітіріп берілетін" құрылыс объектілерін қаржыландыру тетіктері арқылы қамтамасыз етсін, ол үшін барлық қажетті құжаттар мен шешімдерді әзірлесін және бекітсін;

5) Алатау қаласындағы бірінші кезектегі объектілерді жобалау және салу процесінде заманауи халықаралық құрылыс нормаларын, қағидалары мен стандарттарын тікелей қолдану бойынша шаралар қабылдасын.

8. Қазақстан Республикасының Бас прокуратурасы мемлекеттік органдардың, мекемелердің, ұйымдардың, лауазымды және өзге де уәкілетті тұлғалардың осы Жарлықты және Қазақстан Республикасының Алатау қаласының арнаулы мәртебесі туралы заңнамасын орындау бойынша актілерінің, әрекеттерінің (әрекетсіздігінің) заңдылығын қадағалауды қамтамасыз етсін.

9. Қазақстан Республикасының Үкіметі, орталық және жергілікті атқарушы органдар, сондай-ақ Қазақстан Республикасының Президентіне тікелей бағынатын және есеп беретін мемлекеттік органдар өз қызметінде Алатау қаласын дамытуға байланысты барлық мәселелер бойынша осы Жарлықты басшылыққа алсын және одан туындайтын өзге де шараларды қабылдасын.

10. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.

11. Осы Жарлық қол қойылған күнінен бастап қолданысқа енгізіледі.

Қазақстан Республикасының Президенті

Қ. Тоқаев

Қазақстан Республикасы Президентінің 2025 жылғы 26 қыркүйектегі № 1015 Жарлығына 1-ҚОСЫМША

Алатау қаласы кеңесінің ҚҰРАМЫ

Ескерту. Қосымша жаңа редакцияда – ҚР Президентінің 08.07.2026 № 1352 Жарлығымен.

Қазақстан Республикасының Премьер-Министрі, Төраға

Қазақстан Республикасы Премьер-Министрінің өңірлік саясат мәселелерін үйлестіретін орынбасары, Төрағаның орынбасары

Вонг Хен Файн, төрағаның орынбасары (келісім бойынша)

Қазақстан Республикасы Ұлттық Банкінің Төрағасы

Қазақстан Республикасының Қаржы министрі

Алматы облысының әкімі

Алматы қаласының әкімі

"Астана" халықаралық қаржы орталығының басқарушысы

Доббс Гарри Уильям (келісім бойынша)

Жәмішев Болат Бидахметұлы (келісім бойынша)

Ким Вячеслав Константинович (келісім бойынша)

Цхай Юрий Андреевич (келісім бойынша)

Қазақстан Республикасы Президентінің 2025 жылғы 26 қыркүйектегі № 1015 Жарлығына 2-ҚОСЫМША

Алатау қаласының кеңесі туралы ереже

Ескерту. Ережемен толықтырылды – ҚР Президентінің 08.07.2026 № 1352 Жарлығымен.

1-тарау. Жалпы ережелер

1. Алатау қаласының кеңесі (бұдан әрі - Кеңес) - Қазақстан Республикасының Премьер-Министрі басқаратын Алатау қаласы әкімшілігінің (бұдан әрі - әкімшілік) тұрақты жұмыс істейтін жоғары алқалы басқару органы.

2. Кеңес өз қызметінде Қазақстан Республикасының Конституциясын, "Алатау қаласының арнаулы құқықтық режимі туралы" Қазақстан Республикасының Конституциялық заңын (бұдан әрі - Конституциялық заң), әкімшіліктің нормативтік құқықтық актілерін, әкімшілік туралы ережені және осы Ережені басшылыққа алады.

2-таpay. Кеңестің міндеттері

3. Кеңестің негізгі міндеттері:

1) Алатау қаласының стратегиялық даму бағыттарын айқындау;

2) "қарқынды дамитын қала" арнаулы құқықтық режимінің (бұдан әрі - арнаулы құқықтық режим) мақсатына қол жеткізуге және міндеттерін орындауға саяси, әкімшілік, қаржылық және инвестициялық жағынан жәрдемдесу;

3) арнаулы құқықтық режимнің қағидаттарына сәйкес Алатау қаласын мемлекеттік басқаруды ұйымдастыруға жәрдемдесу;

4) Алатау қаласын дамытуды мемлекеттік-жекешелік қаржыландыруды қамтамасыз ету.

3-тарау. Кеңестің құзыреті

4. Өз міндеттерін орындау үшін Кеңес:

1) әкімшіліктің ережелерін, қызмет режимін, басқару тәртібін, әкімшілік органдарын қалыптастыру, қайта ұйымдастыру және тарату тәртібін, оның ішінде өздеріне иеленуге, пайдалануға және билік етуге берілген мемлекеттік мүлікке қатысты мүліктік құқықтарды әкімшілік пен әкімшілік органдарының жүзеге асыруының өзге де ерекшеліктерін айқындайды;

2)
ЗҚАИ-ның ескертпесі!
2) тармақша 01.01.2027 бастап қолданысқа енгізіледі – ҚР Президентінің 08.07.2026 № 1352 Жарлығымен (мәтін алып тасталды).

3) Алатау қаласының әкімін Конституциялық заңда көзделген тәртіппен қызметтен босатады;

4) әкімдіктің және оның құрамындағы жергілікті мемлекеттік басқарудың жекелеген функцияларын жүзеге асыратын мемлекеттік органдардың құрамы мен құрылымын және олардың ережелерін айқындайды;

5) әкімшіліктің бас атқарушы директорын, оның орынбасарларын тағайындайды;

6) әкімшілік бюджетін бекітеді;

7) Алатау қаласының дизайн-кодын бекітеді;

8) Алатау қаласының стратегиялық құжаттарын бекітеді;

9) Алатау қаласының стратегиялық құжаттарын әзірлеу, түзету және іске асыру тиімділігін бағалау әдіснамасын айқындайды;

10) Конституциялық заңмен оның құзыретіне жатқызылған мәселелер бойынша реттеушілік ережелер түріндегі әкімшіліктің нормативтік құқықтық актілерін бекітеді;

11) блоктық бюджеттеу қағидаларын бекітеді;

12) резервтерді әкімшілік бюджетінің өзге қаражатынан міндетті түрде бөлек есепке алуды және резервтерді айрықша Алатау қаласын дамыту мақсаттарында пайдалануға қойылатын шектеулерді ескере отырып, әкімшілік бюджетінің резервтерін қалыптастыру, есепке алу, толықтыру және пайдалану тәртібін бекітеді;

13) әкімшілікке жекелеген іске асыру және (немесе) бақылау функцияларын және олармен байланысты құзыреті мен өкілеттіктерін береді;

14) оның ішінде әкімшілік бюджетінің атқарылуы туралы жылдық есепті қамтитын Алатау қаласының дамуы туралы жылдық есепті бекітеді;

15) Алатау қаласы мәслихаты төрағасының ұсынуы бойынша шығыстар мөлшерін, мәслихат аппаратын ұйымдастыруды және тұрақты немесе босатылған негізде жұмыс істейтін депутаттар санын айқындауды қоса алғанда, Алатау қаласы мәслихатының қызметін қамтамасыз ету нормаларын белгілейді;

16) әкімшіліктің қаржылық есептілігіне, оның қызметінің және әкімшіліктің қарамағындағы қаржы қаражатын пайдаланудың тиімділігіне сыртқы аудитті жүзеге асыратын халықаралық аудиторлық ұйымды айқындайды;

17) әкімшіліктің өзге де басқару органдарын құру, олардың құрылымын, құзыреті мен өкілеттіктерін айқындау, әкімшіліктің өкілдіктерін құру, оның коммерциялық емес және коммерциялық ұйымдарын, сондай-ақ өкілдіктерін құру, қайта ұйымдастыру және тарату туралы шешім қабылдайды;

18) әкімшіліктің өзге заңды тұлғаларға қатысуы немесе өзге заңды тұлғалардың қатысушылары (акционерлері) құрамынан шығуы туралы шешім қабылдайды;

19) әкімшіліктің бас атқарушы директорының ұсынуы бойынша әкімшілік пен әкімшілік органдарының ұйымдық құрылымы мен штат санының лимитін бекітеді;

20) Алатау қаласындағы әкімшілік-аумақтық бірліктерді құру және тарату, оларды басқару, олардың шекараларын белгілеу және өзгерту мәселелерін қоса алғанда, Алатау қаласындағы әкімшілік-аумақтық құрылыс мәселелері бойынша шешім қабылдайды;

21) реттеушілік комиссия мүшелерінің сандық құрамын, өкілеттік мерзімін айқындау, сайлау (қайта сайлау) және олардың өкілеттіктерін мерзімінен бұрын тоқтату туралы шешім қабылдайды;

22) реттеушілік комиссия мүшелеріне сыйақы төлеу мөлшері мен шарттарын айқындау, сондай-ақ осындай мүшелерге реттеушілік комиссияның жұмысына қатысуына тікелей байланысты шығыстарын өтеу туралы шешім қабылдайды;

23) реттеушілік комиссияның төрағасын тағайындау туралы шешім қабылдайды;

24) Кеңес хатшысын тағайындау және қызметтен босату, еңбекақы төлеу мен сыйлықақы беру мөлшері мен шарттарын айқындау туралы шешім қабылдайды;

25) Кеңеске есеп беретін қызметкерлерді тағайындау, оларға еңбекақы төлеу мен сыйлықақы беру мөлшері мен шарттарын айқындау туралы шешім қабылдайды;

26) әкімшіліктің басқару органдары туралы ережелерді бекітеді;

27) Конституциялық заңда және (немесе) осы Ережеде көзделген өзге де мәселелерді қарайды.

4-тарау. Кеңестің құқықтары

5. Өз міндеттеріне сәйкес Кеңес өз құзыреті шегінде құқылы:

1) Кеңестің құзыретіне кіретін мәселелер бойынша және Конституциялық заңда, осы ережеде және Әкімшіліктің өзге де нормативтік құқықтық актілерінде белгіленген шегінде орталық және жергілікті мемлекеттік органдардың, өзге де мемлекеттік органдардың орындауы үшін міндетті шешімдер қабылдауға;

2) инвестициялар тарту, Алатау қаласының іскерлік белсенділігі мен инновацияларын дамыту мәселелері, сондай-ақ оның арнаулы құқықтық режиміне байланысты өзге де мәселелер бойынша шешімдер қабылдауға;

3) Қазақстан Республикасының қолданыстағы заңнамасына өзгерістер мен толықтырулар енгізу туралы ұсыныстар әзірлеуге, сондай-ақ Алатау қаласының арнаулы құқықтық режимде жұмыс істеуін қамтамасыз ету мақсатында Қазақстан Республикасының Үкіметімен бірлесіп оларды дайындау мен іске асыруға қатысуға;

4) Қазақстан Республикасының орталық мемлекеттік, жергілікті атқарушы органдарымен және өзге де ұйымдармен өзара іс-қимылды жүзеге асыруға, олардың өкілдерін шақыруға және тыңдауға, қажетті материалдарды сұратуға және алуға, Алатау қаласын дамытуға байланысты мәселелер бойынша консультациялар өткізуге;

5) қаралатын мәселелер бойынша консультациялар өткізу үшін кәсіпкерлерді, ғалымдарды, мамандарды, сарапшылар мен консультанттарды тартуға;

6) әкімшілікте және (немесе) әкімшілік органдарында шетелдік және қазақстандық мамандар мен сарапшылар қатарынан консультативтік-кеңесші алқалы органдар құруға;

7) әкімшіліктің Кеңестің міндеттері мен функцияларынан туындайтын ішкі құжаттарын бекітуге және келісуге;

8) әкімшіліктің ішкі қызметіне байланысты кез келген мәселені қарауға қабылдауға, сондай-ақ әкімшіліктің ішкі қызметіне қатысты мәселелер бойынша әкімшілік басқару органдарының кез келген шешімінің күшін жоюға;

9) Конституциялық заңға, осы Ережеге және (немесе) әкімшіліктің нормативтік құқықтық актілеріне сәйкес өзге де құқықтарды жүзеге асыруға құқылы.

6. Кеңестің құзыретіне кіретін мәселелерді жедел шешу мақсатында Кеңес реттеушілік комиссияға әкімшілік қабылдайтын барлық немесе жекелеген реттеушілік ережелерді бекіту бойынша өз өкілеттіктерін беруге құқылы.

5-тарау. Кеңестің комитеттері

7. Кеңес осы комитеттерге Кеңестің кейбір өкілеттіктерін, соның ішінде реттеушілік ережелерді әзірлеу және бекіту бойынша өкілеттіктерді бере отырып, Кеңес мүшелерінің қатарынан Кеңестің комитеттерін құруға құқылы.

8. Кеңестің комитеттері нақты комитетте жұмыс істеу үшін қажетті кәсіби білімі, құзыреті мен дағдылары бар Кеңес мүшелерінен тұрады.

9. Кеңес комитеті мүшелерінің саны бес адамнан кем болмауға, олардың қырық пайызы тәуелсіз болуға тиіс.

10. Кеңестің комитеті өзіне берілген мәселелер бойынша қабылдаған шешімдер Кеңестің отырысында бөлек бекітуді талап етпейді, міндетті күші болады және Кеңес қабылдаған шешімдер деп есептеледі.

Кеңестің комитеттеріне 4-тармақтың 2), 3), 5), 13), 14), 17), 19), 21) және 22) тармақшаларында көзделген өкілеттіктер, сондай-ақ стратегиялық сипаттағы өзге де мәселелер мен Кеңестің шешімдері бойынша өкілеттіктер берілуі мүмкін емес.

11. Кеңес комитеттерін қалыптастыру және олардың жұмыс тәртібі, олардың өкілеттіктері, комитеттердің сандық құрамы, Кеңеске берілген өкілеттіктер Кеңестің шешімдерімен және (немесе) әкімшіліктің Кеңес бекітетін ішкі құжаттарымен айқындалады.

12. Егер олардың ережелерінде өзгеше көзделмесе, Кеңес комитеттерінің отырыстары Кеңестің отырыстары өткізілетін тәртіппен өткізіледі.

6-тарау. Кеңестің мүшелері

13. Кеңес кемінде жеті мүшеден тұрады. Кеңестің тәуелсіз мүшелерінің саны Кеңестің барлық мүшелері санының кемінде қырық пайызын құрауы тиіс.

14. Некеде тұрған немесе жақын туыстық қатынастардағы адамдар Кеңес мүшелері бола алмайды.

15. Кеңестің тәуелсіз мүшелері өз функцияларын әкімшілікпен жасалған азаматтық-құқықтық шарттар негізінде жүзеге асырады.

16. Кеңес өз міндеттерін тиісінше орындамаған Кеңестің тәуелсіз мүшесінің өкілеттіктерін мерзімінен бұрын тоқтатуды Қазақстан Республикасының Президентіне ұсынуға құқылы.

17. Қазақстан Республикасының Премьер-Министрі Кеңестің Төрағасы болып табылады.

18. Кеңес Төрағасы немесе оның орынбасарлары:

1) Кеңес қызметіне жалпы басшылықты жүзеге асыруға;

2) Кеңес отырыстарына төрағалық етуге;

3) Кеңес шешімдерінің іске асырылуын жалпы бақылауды жүзеге асыруға;

4) осы Ережеде көзделген өзге де әрекеттерді жүзеге асыруға құқылы.

19. Кеңес Төрағасының екі орынбасары болады, олардың бірі Кеңестің тәуелсіз мүшесі болып табылады. Кеңес Төрағасы болмаған жағдайда оның функцияларын Кеңес Төрағасы айқындаған оның орынбасарларының бірі жүзеге асырады.

20. Кеңес Төрағасы мен оның орынбасарлары Кеңес мүшелерінің талқыланатын мәселелер бойынша өз көзқарастарын еркін білдіру қағидатын ұстанады, келісілген шешімді іздеуге, Кеңес мүшелерінің консенсусқа қол жеткізуіне, арнаулы құқықтық режимнің мақсаттарына толықтай жауап беретін шешімдердің қабылдануына ықпал етеді.

21. Кеңес мүшелері:

1) Кеңес отырысының ұсынылатын күн тәртібі қамтылған жазбаша хабарламаны Кеңес Төрағасына немесе оның орынбасарына жіберу арқылы Кеңес отырыстарына бастама жасауға;

2) Кеңес отырысының күн тәртібін қалыптастыру кезінде отырыстың күн тәртібі және мәселелерді талқылау тәртібі бойынша ұсыныстар енгізуге;

3) Кеңес отырыстарына материалдарды және олардың шешімдерінің жобаларын дайындауға қатысуға;

4) әкімшіліктен, орталық мемлекеттік және жергілікті атқарушы органдардан, квазимемлекеттік сектор субъектілерінен Кеңестің өкілеттіктеріне және Алатау қаласын дамыту мәселелеріне тікелей қатысы бар ақпарат пен материалдарды сұратуға және алуға;

5) Кеңес Төрағасына немесе оның орынбасарына жазбаша өтініш жіберу арқылы өз өкілеттіктерін мерзімінен бұрын тоқтатуға;

6) Конституциялық заңға, осы Ережеге және (немесе) әкімшіліктің нормативтік құқықтық актілеріне сәйкес өзге де құқықтарды жүзеге асыруға құқылы.

22. Кеңестің тәуелсіз мүшелері:

1) Алатау қаласын дамытуға инвестициялар тарту мақсатында Алатау қаласын ілгерілетуге ықпал етеді және шетелдік инвесторлармен, технологиялық компаниялармен, шет мемлекеттермен және халықаралық ұйымдармен қарым- қатынастарды дамытады;

2) арнаулы құқықтық режимнің мақсаттарына қол жеткізу мақсатында Алатау қаласын дамыту мәселелерін қарау кезінде сараптамалық үлес қосады, білімін, тәжірибесін және өзінің кәсіби пайымын ортаға салады, талқылауға қатысады және тиісті ұсынымдар мен ескертулер енгізеді.

Кеңестің тәуелсіз мүшелері өздеріне жүктелген функцияларды орындағаны үшін сыйақы алуға және Кеңес жұмысына қатысуымен тікелей байланысты шығыстарына өтем алуға құқылы.

23. Кеңес мүшелері:

1) әкімшіліктің мүлкін осы Ережеге, Кеңестің шешімдеріне қайшы, сондай-ақ жеке мақсаттарда пайдалануға және пайдалануға жол беруге;

2) өзінің дауыс беру құқығын басқа тұлғаға, оның ішінде Кеңестің басқа мүшесіне беруге;

3) өз өкілеттіктерін жүзеге асыру барысында өздеріне қолжетімді болған қолжетімділігі шектеулі ақпаратты жеке мақсаттарда пайдалануға, сондай-ақ оны жария етуге құқылы емес.

24. Кеңестің мүшелері:

1) Кеңестің, Кеңес комитеттерінің және өздері мүшелері болып табылатын өзге де жұмысшы және сарапшылық топтардың отырыстарына қатысуға;

2) Кеңес отырысына қатысуы мүмкін еместігі туралы отырыс басталғанға дейін алдын ала Кеңес Төрағасына және (немесе) оның орынбасарларына, Кеңес хатшысына өзінің болмау себептерін көрсете отырып хабарлауға;

3) Кеңестің сырттай отырысына қатыспау себебін Кеңес хатшысына ұсынуға;

4) әкімшіліктің стратегиялық мақсаттарына қол жеткізуге ықпал етуге және арнаулы құқықтық режимнің, әкімшіліктің, Алатау қаласының және олардың мақсаттарының мүдделері үшін барынша тиімді әрекет етуге;

5) Кеңес мүшелерінің жеке, корпоративтік немесе ведомстволық мүдделілігі олардың Кеңес мүшесінің міндеттерін тиісінше орындауына әсер етуі мүмкін және/немесе олардың мүдделері (немесе олармен аффилирленген тұлғалардың мүдделері) мен әкімшілік мүдделері арасындағы қайшылыққа алып келуі мүмкін әрекеттерден тартынуға және жағдайларға жол бермеуге міндетті. Мұндай мүдделер қақтығысы туындаған жағдайда Кеңес мүшесі Кеңес бекітетін мүдделер қақтығысын анықтау және реттеу саясатының қағидаларына сәйкес мүдделер қақтығысының бар екендігі туралы Кеңесті дереу хабардар етуге міндетті;

6) Қазақстан Республикасы заңнамасының, әкімшілік туралы ереженің және (немесе) Кеңес бекітетін әкімшіліктің ішкі құжаттарының талаптарына сәйкес өзге де міндеттерді атқаруға міндетті.

25. Кеңес мүшелері өз функцияларын жүзеге асыру кезінде:

1) арнаулы құқықтық режимде Алатау қаласын дамытудың мүдделері үшін барынша тиімді әрекет етеді;

2) жеке, корпоративтік немесе ведомстволық сипаттағы мүдделер қақтығысының туындауына жол бермейді.

7-тарау. Кеңестің отырыстарын ұйымдастыру

26. Кеңестің отырыстары тиісті күнтізбелік жылдың жартыжылдығында кемінде 1 (бір) рет Кеңес Төрағасының немесе оның орынбасарларының бірінің өз бастамасы бойынша немесе Кеңес мүшесінің бастамасы бойынша өткізіледі.

27. Кеңестің бірінші отырысының, сондай-ақ мәселелерді кейінге қалдырмай қарау қажеттілігіне, оның ішінде жедел шешімдер қабылдауды талап ететін мән-жайлар туындаған кезде, әкімшіліктің үздіксіз қызметін қамтамасыз етуге, Қазақстан Республикасы Президентінің тапсырмаларын орындауға байланысты басқа да отырыстардың күні мен уақытын Кеңес Төрағасы немесе оның орынбасары осы Ережеде айқындалған мерзімдерден қысқа мерзімде айқындайды.

Кеңестің бірінші отырысында Кеңес хатшысы тағайындалады.

Осы тармақта көзделген жағдайларда Кеңес отырысының күн тәртібі және оған материалдар Кеңес мүшелеріне дайын болуына қарай жіберіледі.

28. Кеңес отырыстары Кеңес мүшелерінің отырысқа жеке қатысуы арқылы да, сондай-ақ олардың отырысқа аудио- және бейнеконференция арқылы қатысуы арқылы да бетпе-бет өткізілуі мүмкін.

29. Кеңестің отырыстары Кеңес мүшелерінің ұсынылған күн тәртібіндегі мәселелерді қарауы және олар бойынша дауыс беруі арқылы сырттай өткізілуі мүмкін. Сырттай дауыс беру мерзімі дауыс беру үшін материалдар мен күн тәртібін таратқан күннен бастап 10 (он) сағаттан кем болмауға және 2 (екі) жұмыс күнінен аспауға тиіс. Кеңес мүшелері дауыс беру нәтижелерін Кеңес хатшысына күн тәртібіндегі әрбір мәселе бойынша қағаз жеткізгіште және (немесе) электрондық пошта арқылы Кеңес хатшысы күн тәртібіндегі мәселелерді таратқан кезде көрсетілген мерзім ішінде жібереді.

Көрсетілген мерзімде жауап болмаған жағдайда, Кеңес мүшесі дауыс беруден қалыс қалды деп есептеледі.

30. Кеңес отырысын шақыру кезінде Кеңес отырысын өткізудің нысаны, күні, орны мен уақыты айқындалады.

Кеңес хатшысы барлық Кеңес мүшелерін электрондық пошта арқылы, қолма-қол немесе хабарламаны алғанын растайтын өзге де тәсілмен, қалыптастырылған күн тәртібін және өзге де қажетті материалдарды, алдағы Кеңес отырысының күн тәртібіне енгізілген мәселелер туралы ақпаратты қоса бере отырып хабардар етеді.

31. Егер осы Ережеде өзгеше көзделмесе, Кеңес отырысының күні мен уақыты отырыс өткізілгенге дейін 2 (екі) аптадан кешіктірілмей айқындалуға тиіс.

32. Кеңес отырысының нысаны, орны, күні немесе уақыты өзгергені туралы барлық Кеңес мүшелерін Кеңес хатшысы алдын ала хабардар етуге тиіс.

Кеңес отырысының орны, күні немесе уақыты өзгергені туралы хабарлама Кеңес мүшелеріне Кеңес мүшесінің хабарламаны алуына кепілдік беретін кез келген нысанда жіберіледі.

33. Кеңес мүшелері Кеңес отырысы туралы хабарламаны алғаннан кейін 1 (бір) жұмыс күні ішінде күн тәртібіне қаралуға жататын қосымша мәселелерді енгізуге құқылы.

34. Егер осы Ережеде өзгеше көзделмесе, Кеңес отырысының түпкілікті күн тәртібін Кеңес хатшысы қалыптастырады, ол Төрағамен (Төрағаның орынбасарымен) келісіледі және отырыс күніне дейін 1 (бір) аптадан кешіктірілмей қажетті материалдармен бірге Кеңес мүшелеріне таратылуға тиіс.

35. Кеңес отырысында Кеңес төрағасы, ал отырысты Төрағаның орынбасары шақырған жағдайда - тиісті орынбасар төрағалық етеді.

Кеңес отырысында Кеңес Төрағасы болмаған жағдайда, Кеңес Төрағасы айқындаған оның орынбасарларының бірі төрағалық етеді. Кеңес отырысында

36. Кеңестің шешімі хаттамамен ресімделеді, оған Кеңес отырысында төрағалық еткен адам қол қояды және оны хатшы дайындайды.

Кеңестің шешімі бетпе-бет отырысқа қатысып отырған Кеңес мүшелерінің дауыс беруі арқылы қабылданады.

Кеңестің сырттай отырысы болған жағдайда, хатшы хаттаманы дайындау кезінде сырттай дауыс берудің қорытындыларын ескереді.

37. Бетпе-бет, сондай-ақ сырттай тәртіппен өткізілетін Кеңес отырыстары Кеңес мүшелерінің жалпы санының кемінде үштен екісі қатысқан кезде заңды болады. Кворум болмаған кезде Кеңес Төрағасы немесе оның орынбасары отырысты кейінге қалдыратыны туралы жариялайды және оны өткізудің жаңа күнін айқындайды.

38. Кеңес шешімдері оның Кеңеске қатысып отырған мүшелерінің қарапайым көпшілік дауысымен қабылданады. Дауыстар тең болған жағдайда, төрағалық етушінің дауысы шешуші болады.

39. Кеңес мүшелері отырыстарға жеке өздері және өкілеттік беру құқығынсыз қатысады.

40. Отырысқа қатысушы Кеңес мүшелері отырыстың күн тәртібіндегі мәселені қарау кезінде жеке, корпоративтік немесе ведомстволық сипаттағы мүдделер қақтығысының бар екені туралы мәлімдеуге міндетті.

Мұндай қақтығыс болған жағдайда ол Кеңес бекітетін мүдделер қақтығысын анықтау және реттеу саясатының қағидаларына сәйкес реттелуге тиіс.

8-таpay. Кеңес отырыстарын қамтамасыз ету, Кеңес хатшысы

41. Кеңес отырыстарын материалдық-техникалық қамтамасыз ету, оның ішінде қажетті орынмен қамтамасыз ету, сондай-ақ бетпе-бет отырыс өткізілген жағдайда Кеңестің тәуелсіз мүшелерінің ұшу және тұру шығыстарын өтеу әкімшілік есебінен жүзеге асырылады.

42. Хатшы Кеңестің мүшесі болып табылмайды.

43. Кеңес хатшысы:

1) Кеңестің және Кеңес комитеттерінің отырыстарын өткізуді ұйымдастырады;

2) Кеңестің және Кеңес комитеттерінің күн тәртібіндегі мәселелер бойынша ұсынылған материалдарды жинауды жүзеге асырады;

3) Кеңестің және Кеңес комитеттерінің мүшелерін күн тәртібі, Кеңес пен Кеңес комитеттері отырысының өтетін күні, уақыты мен орны туралы хабардар етеді және оларды қажетті материалдармен уақтылы қамтамасыз етеді;

4) Кеңес пен Кеңес комитеттері отырыстарының хаттамаларын жүргізеді, хаттамалардың, Кеңес және Кеңес комитеттері отырыстары материалдарының сақталуын қамтамасыз етеді;

5) Кеңес отырысының күн тәртібінің жобасын және түпкілікті күн тәртібін қалыптастырады;

6) Кеңес немесе Кеңес комитеті қабылдаған шешімдер туралы ақпаратты жауапты және мүдделі тұлғалардың назарына жеткізеді;

7) отырыстардың хаттамаларынан және Кеңес пен Кеңес комитеттерінің шешімдерінен үзінді көшірмелер қалыптастырады;

8) орталық мемлекеттік және жергілікті атқарушы органдарға, сондай-ақ өзге де ұйымдарға Кеңестің міндеттерін орындау үшін қажетті ақпарат пен материалдарды ұсыну туралы Кеңестің және оның мүшелерінің сұрау салуларын жібереді;

9) Кеңес шешімдерінің орындалуына мониторинг жүргізеді және жартыжылдықтың қорытындысы бойынша олардың нәтижелері туралы Кеңес мүшелерін хабардар етеді;

10) Кеңестің жаңадан тағайындалған мүшелерін олардың өкілеттіктерін жүзеге асыру үшін қажетті ақпаратпен және әкімшіліктің ішкі құжаттарымен қамтамасыз етеді;

11) әкімшілік туралы ережеге және (немесе) әкімшіліктің ішкі құжаттарына сәйкес өзге де функцияларды жүзеге асырады.

О некоторых вопросах развития города Алатау

Указ Президента Республики Казахстан от 26 сентября 2025 года № 1015.

Подлежит опубликованию в Собрании актов Президента и Правительства Республики Казахстан

В целях стимулирования устойчивого роста инновационно ориентированной экономики Республики Казахстан, привлечения инвестиций в высокотехнологичные отрасли и формирования регионального центра деловой и инновационной активности международного значения на основе накопленного потенциала Алматинской агломерации ПОСТАНОВЛЯЮ:

1. Придать городу Алатау специальный статус города опережающего развития (далее - специальный статус).

2. Основными направлением и содержанием специального статуса:

1) формирование особой институциональной среды, обеспечивающей ускоренное социально-экономическое развитие города Алатау за счет инвестиций в растущие и новые отрасли предпринимательства и внедрения инноваций в различные сферы деятельности;

2) обеспечение качественно нового уровня институциональной базы для привлечения и защиты любых частных инвестиций в развитие города Алатау;

3) применение ведущих международных подходов и практик в управлении городом Алатау, в том числе в условиях функционирования специальной экономической зоны.

3. Создать Совет по развитию города Алатау (далее - Совет) в составе согласно приложению к настоящему Указу.

4. Определить следующие полномочия Совета:

1) согласование и утверждение документов по вопросам привлечения инвестиций, развития деловой активности и инноваций города Алатау, а также иных документов, связанных с его специальным статусом;

2) принятие решений по вопросам привлечения инвестиций, развития деловой активности и инноваций города Алатау, а также иным вопросам, связанным с его специальным статусом, обязательных для исполнения центральными и местными государственными органами;

3) решение иных вопросов, вытекающих из настоящего Указа и законодательства Республики Казахстан.

5. Правительству Республики Казахстан:

1) до 1 ноября 2025 года принять меры по:

утверждению Положения о Совете;

созданию юридического лица в форме государственного фонда "Alatau City Authority" (далее - АСА) с высшим органом управления в лице Совета;

2) определить целью деятельности АСА обеспечение функционирования города Алатау в рамках специального статуса за счет средств государственного бюджета и частных источников, в том числе путем:

внедрения успешного международного опыта управления городским пространством, индустриальной и специальной экономической зонами;

привлечения ведущих международных экспертов, консультантов и высококвалифицированных кадров;

организации проведения мероприятий, направленных на продвижение города Алатау в целях привлечения инвестиций;

реализации и координации всех процессов и решений Совета, центральных и местных государственных органов, касающихся развития города Алатау;

3) до 31 декабря 2025 года внести на рассмотрение Мажилиса Парламента Республики Казахстан проект конституционного закона, направленного на определение правовых основ специального статуса города Алатау, предусматривающего:

особенности организации, структуры, осуществления деятельности и полномочий органов местного государственного управления в городе Алатау, в том числе по изданию ими правовых актов в целях апробации норм права и / или инновационных проектов, решений, сервисов и технологий;

особенности регулирования разработки, внедрения и использования информационно-коммуникационных технологий и Интернет вещей управления городской инфраструктурой и пространством (Smart City) с учетом перехода к климатической нейтральности;

особенности регулирования процессов проектирования, градостроительного планирования и строительства объектов, а также правовых механизмов инвестирования в указанные сферы субъектами частного предпринимательства, в том числе иностранными юридическими и физическими лицами;

особенности регулирования процессов признания и применения на территории города Алатау передовых международных и иностранных стандартов, практик, классификаторов, технических регламентов, процедур сертификаций, технических и технологических норм;

особенности регулирования отношений в области жилищных отношений, миграции, трудовых отношений и привлечения иностранной рабочей силы, в том числе высококвалифицированной;

особенности регулирования отношений в области государственных закупок с учетом передовых международных практик;

особенности регулирования оборота цифровых активов и внедрения на их базе цифровых финансовых сервисов, включая возможности уплаты товаров, работ и услуг с применением криптофиатных каналов и регулируемых стейблкоинов;

особенности регулирования применения технологий токенизации, функционирования децентрализованных финансов (DeFi) и интернет-технологий (Web3);

особенности регулирования применения технологий искусственного интеллекта и машинного обучения;

особенности регулирования разработки, внедрения и использования технологических инноваций в сфере образования, здравоохранения, биологических технологий, производства и использования медицинского оборудования;

особенности регулирования разработки, внедрения и использования технологических инноваций производства робототехнических систем, беспилотных аппаратов, электрических летательных аппаратов (eVTOL) в рамках развития отрасли экономики малых высот (LAE) и городской воздушной мобильности (UAM);

особенности регулирования земельных отношений, отношений в области использования природных ресурсов и охраны окружающей среды;

особенности создания, организации и функционирования специальной экономической зоны на территории города, креативной индустрии и игорной деятельности;

особенности регулирования ответственности;

предоставление гарантий стабильности условий инвестирования, защиты инвестиций и регулирования особенностей движения капитала;

применение особого режима налогообложения и бюджетных отношений;

регулирование отношений по согласованному развитию города Алатау, Алматинской области и города Алматы в рамках Алматинской агломерации, в том числе в вопросах транспортно-логистических связей, коммунальной и энергетической инфраструктуры, миграционной политики;

иные особенности, направленные на достижение целей функционирования города Алатау в специальном статусе;

4) до 1 сентября 2026 года проработать и внести предложения по дальнейшему совершенствованию специального правового режима в городе Алатау за счет распространения режима деятельности Международного финансового центра "Астана" и других мер, существенно повышающих институциональную эффективность правовой защиты инвестиций;

5) принять меры по привлечению в развитие города Алатау инвестиций от широкого круга инвесторов, частных и суверенных инвестиционных фондов, в том числе в рамках заключения отдельных международных договоров.

6. До 1 сентября 2026 года Правительству Республики Казахстан совместно с Генеральной прокуратурой Республики Казахстан, Национальным Банком Республики Казахстан и Советом утвердить концепцию функционирования правового режима специального статуса города Алатау, обязательную для исполнения центральными и местными государственными органами, а также субъектами квазигосударственного сектора.

7. В целях усиления координации процессов развития города Алатау в специальном статусе Правительству Республики Казахстан и акиму Алматинской области:

1) принять меры по передаче АСА прав владения и пользования долями участия в уставном капитале товарищества с ограниченной ответственностью "Управляющая компания специальной экономической зоны "Alatau";

2) принять меры по обеспечению согласования с создаваемым АСА планируемых проектов специальной экономической зоны "Alatau", промышленно-инновационных, инвестиционных проектов, проектов государственно-частного партнерства и строительства, осуществляемых в пределах города Алатау, на предмет соответствия стратегическим и иным градостроительным документам города Алатау;

3) исключить внесение изменений и дополнений в документы города Алатау по вопросам привлечения инвестиций, развития деловой активности и инноваций, а также иные документы, связанные с его специальным статусом, без согласования с Советом и обеспечить неукоснительное соблюдение решений Совета по всем проектам размещения текущих и новых объектов;

4) до 1 января 2026 года определить совместно с создаваемым АСА первоочередные объекты инфраструктуры для строительства в ключевых зонах развития города Алатау на 2025 - 2026 годы в рамках Генерального плана города Алатау и обеспечить их необходимым финансированием, в том числе через механизмы государственно-частного партнерства и финансирования объектов строительства "под ключ", разработав и утвердив для этого все необходимые документы и решения;

5) принять меры по прямому применению современных международных строительных норм, правил и стандартов для процесса проектирования, и строительства первоочередных объектов в городе Алатау.

8. Генеральной прокуратуре Республики Казахстан обеспечить надзор за законностью актов, действий (бездействия) государственных органов, учреждений, организаций, должностных и иных уполномоченных лиц по исполнению настоящего Указа и законодательства Республики Казахстан о специальном статусе города Алатау.

9. Правительству Республики Казахстан, центральным и местным исполнительным органам, а также государственным органам, непосредственно подчиненным и подотчетным Президенту Республики Казахстан, по всем вопросам, связанным с развитием города Алатау, руководствоваться в своей деятельности настоящим Указом и принять иные меры, вытекающие из него.

10. Контроль за исполнением настоящего Указа возложить на Администрацию Президента Республики Казахстан.

11. Настоящий Указ вводится в действие со дня его подписания.

Президент Республики Казахстан

К. Токаев

ПРИЛОЖЕНИЕ к Указу Президента Республики Казахстан от 26 сентября 2025 года № 1015

СОСТАВ
Совета по развитию города Алатау

Премьер-Министр Республики Казахстан, председатель

Заместитель Премьер-Министра Республики Казахстан, координирующий вопросы региональной политики, заместитель председателя

Вонг Хэн Файн, заместитель председателя (по согласованию)

вице-министр национальной экономики Республики Казахстан, секретарь

Министр финансов Республики Казахстан

Председатель Национального Банка Республики Казахстан

аким города Алматы

аким Алматинской области

Управляющий Международным финансовым центром "Астана"

Ким Вячеслав Константинович (по согласованию)

Цхай Юрий Андреевич (по согласованию)

Жамишев Болат Бидахметович (по согласованию)

Доббс Гарри Уильям (по согласованию)