"Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына және "Жеке кәсіпкерлікті мемлекеттік қолдаудың кейбір шаралары туралы" Қазақстан Республикасы Үкіметінің 2024 жылғы 17 қыркүйектегі № 754 қаулысына сәйкес БҰЙЫРАМЫН:
1. Қоса беріліп отырған Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидалары бекітілсін.
2. Мыналардың:
1) "2021-2025 жылдарға арналған кәсіпкерлікті дамыту жөніндегі ұлттық жоба шеңберінде іске асырылатын жобаларға мониторинг жүргізу қағидаларын бекіту туралы" Қазақстан Республикасы Ұлттық экономика министрінің 2022 жылғы 1 маусымдағы № 41 бұйрығының (Нормативтік құқықтық актілерді мемлекеттік тіркеу тізілімінде № 28338 болып тіркелген);
2) "2021 – 2025 жылдарға арналған кәсіпкерлікті дамыту жөніндегі ұлттық жоба шеңберінде іске асырылатын жобаларға мониторинг жүргізу қағидаларын бекіту туралы" Қазақстан Республикасы Ұлттық экономика министрінің 2022 жылғы 1 маусымдағы № 41 бұйрығына өзгерістер мен толықтыру енгізу туралы" Қазақстан Республикасы Ұлттық экономика министрінің 2023 жылғы 18 қыркүйектегі № 162 бұйрығының (Нормативтік құқықтық актілерді мемлекеттік тіркеу тізілімінде № 33445 болып тіркелген) күші жойылды деп танылсын.
3. Қазақстан Республикасы Ұлттық экономика министрлігінің Кәсіпкерлікті мемлекеттік қолдау және қорғау департаменті заңнамада белгіленген тәртіппен осы бұйрықты Қазақстан Республикасының Әділет министрлігінде мемлекеттік тіркеуді және алғашқы ресми жарияланған күнінен кейін Қазақстан Республикасы Ұлттық экономика министрлігінің интернет-ресурсында орналастыруды қамтамасыз етсін.
4. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.
5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Премьер-Министрінің орынбасары – Ұлттық экономика министрі |
С. Жумангарин |
"КЕЛІСІЛДІ"
Қазақстан Республикасының
Бәсекелестікті қорғау
және дамыту агенттігі
"КЕЛІСІЛДІ"
Қазақстан Республикасы
Стратегиялық жоспарлау және
реформалар агенттігінің
Ұлттық статистика бюросы
| Қазақстан Республикасы Премьер-Министрінің орынбасары – Ұлттық экономика министрі 2026 жылғы 2 ақпандағы № 8 Бұйрықпен бекітілген |
Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидалары
1-тарау. Жалпы ережелер
1. Осы Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидалары (бұдан әрі – Мониторингтеу қағидалары) "Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына және "Жеке кәсіпкерлікті мемлекеттік қолдаудың кейбір шаралары туралы" Қазақстан Республикасы Үкіметінің 2024 жылғы 17 қыркүйектегі № 754 қаулысына (бұдан әрі – Қаулы) сәйкес әзірленген және Қаулымен бекітілген Субсидиялау қағидалары (бұдан әрі – Субсидиялау қағидалары), Кепілдік беру қорлары шеңберінде кепілдік беру қағидалары (бұдан әрі – Кепілдік беру қағидалары), Әлеуметтік кәсіпкерлік субъектілері үшін мемлекеттік гранттар беру қағидалары (бұдан әрі – Мемлекеттік гранттар беру қағидалары) шеңберінде іске асырылатын жобаларға мониторинг жүргізу тәртібін айқындайды.
Осы Мониторингтеу қағидаларының күші Қаулыда көрсетілген кәсіпкерлікті қолдаудың бұрын қолданыста болған бағдарламалары шеңберінде мақұлданған жобаларға да қолданылады.
2. "Даму" кәсіпкерлікті дамыту қоры" акционерлік қоғамы (бұдан әрі – қаржы агенттігі) Қаулыға сәйкес кредиттер/қаржы лизингі/шартты міндеттемелер/форвардтық шарттар/облигациялар/опциондар бойынша кепілдік беру, кредиттер/лизинг бойынша сыйақы мөлшерлемесінің бір бөлігін/облигациялар бойынша сыйақы мөлшерлемесінің бір бөлігін/ислам банктерінің кірісін құрайтын тауардың үстеме бағасы мен жалдау төлемінің бір бөліктерін/краудфандингтік платформа арқылы берілген қарыздарды субсидиялау және мемлекеттік гранттар беру бөлігінде мониторингтеуді жүзеге асырады.
3. Осы Мониторингтеу қағидаларында мынадай терминдер мен анықтамалар пайдаланылады:
1) банк – "Қазақстан Республикасындағы банктер және банк қызметі туралы" Қазақстан Республикасының Заңына сәйкес банк қызметін жүзеге асыруға құқылы коммерциялық ұйым болып табылатын заңды тұлға. Банкке "Қазақстанның Даму Банкі" акционерлік қоғамы да жатады;
2) банктік кредит/қарыз (бұдан әрі – кредит) – мерзімділік, ақылылық, қайтарымдылық, қамсыздандыру және мақсатқа сай пайдалану шарттарында, оның ішінде ақшалай талапты басқаға беру үшін қаржыландыру шарты шеңберінде (факторинг) банктік қарыз беру туралы шарттың/опциондық келісімнің/форвардтық шарттың негізінде кредитордың кәсіпкерге беретін ақшалай сомасы. Банктік кредитке кредиттік желі де жатады.
Ислам банкі үшін кредит деп тауар үшін ислам банкі/исламдық лизингтік компания кәсіпкерге ұсынатын төлемді кейінге қалдыру немесе бөліп төлеу және/немесе ислам банкі/исламдық лизингтік компания кәсіпкерге лизинг (жалдау) талаптарында мүлікті (лизинг нысанасын) беруі түсініледі;
3) грант – Мемлекеттік гранттар беру қағидаларының талаптарына сәйкес гранттар беру туралы шартқа сәйкес өтеусіз негізде грант алушыға бөлінетін мемлекет қаражаты;
4) грант алушы – Мемлекеттік гранттар беру қағидаларының талаптарына сәйкес конкурстық комиссияның шешіміне сәйкес грант берілетін шағын және орта кәсіпкерлік субъектісі, оның ішінде әлеуметтік кәсіпкерлік субъектілері;
5) грант беру туралы шарт – кәсіпкерлік жөніндегі уәкілетті орган бекітетін нысан бойынша өңірлік үйлестіруші, қаржы агенттігі және шағын кәсіпкерлік субъектісі арасында субсидиялаудың ақпараттық жүйесі веб-порталында электрондық түрде жасалатын үшжақты келісім, оның талаптары бойынша кәсіпкерге бизнес-идеяларды іске асыруға нысаналы грант беріледі;
6) есепті кезең – 1 қаңтарда басталып, 31 желтоқсанда аяқталатын күнтізбелік есепті кезең;
7) "жасыл" жобалар – бекітілген сыныптама (таксономия) негізінде айқындалған, Қазақстан Республикасының экологиялық заңнамасына сәйкес қолданыстағы табиғи ресурстарды пайдалану тиімділігін арттыруға, қоршаған ортаға теріс әсер ету деңгейін төмендетуге, энергия тиімділігін, энергия үнемдеуді арттыруға, климаттың өзгеру салдарларын жұмсартуға және климаттың өзгеруіне бейімделуге бағытталған жобалар;
8) "жасыл" таксономия – Қазақстан Республикасының экологиялық заңнамасына сәйкес "жасыл" облигациялар және "жасыл" кредиттер арқылы қаржыландыруға жататын "жасыл" жобалардың сыныптамасы;
9) жоба – кіріс алуға бағытталған және Қазақстан Республикасының заңнамасына қайшы келмейтін бастама жасайтын қызмет ретінде кәсіпкер жүзеге асыратын бизнестің әртүрлі бағыттарындағы іс-қимылдар мен іс-шаралар жиынтығы;
10) жобаны мониторингтеу – кәсіпкердің/грант алушының/эмитенттің қызметін мониторингтеу, оны қаржы агенттігі кредитормен бірлесіп, Қаулының шарттарына сәйкес жобаның іс жүзінде іске асырылуын тексеру, оның ішінде жоба іске асырылатын жерге бару арқылы және қаржы агенттігінің мобильдік қосымшасын пайдалана отырып жүргізеді;
11) ислам банкі – Қаулыны іске асыру шеңберінде "Қазақстан Республикасындағы банктер және банк қызметі туралы" Қазақстан Республикасы Заңының 4-1-тарауында көзделген банк қызметін лицензия негізінде жүзеге асыратын екінші деңгейдегі банк;
12) кәсіпкер – Қаулыға сәйкес айқындалатын шағын, орта және ірі кәсіпкерлік субъектісі, сондай-ақ әлеуметтік кәсіпкерлік субъектілерінің тізіліміне енгізілген жеке кәсіпкер және (немесе) заңды тұлға (ірі кәсіпкерлік субъектісін қоспағанда) тұлғасындағы әлеуметтік кәсіпкерлік субъектісі;
13) кепілдік – қаржы агенттігінің кредитор алдындағы кәсіпкердің кепілдік сомасы шегінде қарыз шарты/қаржы лизингі шарты/шартты міндеттеме/форвардтық шарт/опциондық келісім бойынша негізгі борыштың бір бөлігін төлеу бойынша/кепілдік шартынан туындайтын орналастырылған облигациялардың номиналдық құны сомасының бір бөлігін төлеу/жобаның құрылысын аяқтау туралы (жоба бойынша барлық шығындарды және басқа да қаржылық және қаржылық емес міндеттемелерді төлеуді немесе төлеуді және өтеуді қамтамасыз етуді қоса алғанда), акционерлерді/қатысушыларды қолдау туралы келісім (жобалық келісім) бойынша міндеттемелерінің орындалуына жауап беру міндеттемесі;
14) кепілдік беру – Қаулымен және кепілдік шартымен/кепілдік міндеттемесімен айқындалатын талаптармен кәсіпкердің кредиті/қаржы лизингі/шартты міндеттемесі/орналастырылған облигациялары бойынша міндеттемелердің орындалуын қамтамасыз ету ретінде ішінара кепілдік түрінде пайдаланылатын кәсіпкерлерді мемлекеттік қолдау нысаны;
15) кепілдік міндеттеме – кәсіпкердің кредиттік шарт/қаржы лизингі шарты/шартты міндеттеме/форвардтық шарт/облигациялар/опциондық келісім және өзге де міндеттемелер бойынша міндеттемелерін орындауына қаржы агенттігінің кредитор алдында жауап беруіне шығаратын, қаржы агенттігінің уәкілетті органы бекітетін міндеттеме.
Кепілдік міндеттеме қағаз тасымалдағышта/электрондық құжат нысанында беріледі, бұл ретте кепілдік міндеттеменің электрондық нысанына Қазақстан Республикасының қолданыстағы заңнамасына сәйкес электрондық цифрлық қолтаңба қойылады;
16) кепілдік шарты – кәсіпкерлік жөніндегі уәкілетті орган бекітетін нысан бойынша қаржы агенттігі, кредитор және кәсіпкер арасында жасалған кепілдік беру туралы үшжақты жазбаша келісім.
Кепілдік шарты қағаз жеткізгіште/электрондық нысанда жасалады, бұл ретте кепілдік шартының электрондық нысанына Қазақстан Республикасының қолданыстағы заңнамасына сәйкес электрондық цифрлық қолтаңбамен қол қойылады.
Кепілдік шарты ұғымына сондай-ақ облигациялар бойынша кепілдік беру шарты – қаржы агенттігі, облигацияларды ұстаушылардың өкілі және эмитент арасында жасалатын үшжақты жазбаша келісім жатады, оның шарты бойынша қаржы агенттігі Қазақстан Республикасының заңнамасына сәйкес жеке кәсіпкерлік субъектілері шығарған, орналастырылған және қызметін Қазақстан Республикасының аумағында жүзеге асыратын қор биржасының ресми тізіміне енгізілген, сондай-ақ "Астана" халықаралық қаржы орталығы (бұдан әрі – АХҚО) актілеріне сәйкес және Қаулыға сәйкес кәсіпкерлік жөніндегі уәкілетті орган бекітетін нысан бойынша АХҚО қор биржасының тізіміне енгізілген облигациялардың номиналды құны сомасының бір бөлігін төлеуге кепілдік береді;
17) конкурстық комиссия – өңірлік үйлестіруші басшысының шешімімен шақырылатын, гранттар алуға үміткер кәсіпкерлердің өтінімдерін іріктеу жөніндегі алқалы-кеңесші орган;
18) краудфандинг – АХҚО аумағында тіркелген Қазақстан Республикасындағы лицензияланған инвестиция және қарыз краудфандингтік платформасы;
19) кредитор – осы Мониторингтеу қағидаларын іске асыру шеңберіндегі банк, ислам банкі, лизинг компаниясы, ислам лизингтік компаниясы, микроқаржы қызметін жүзеге асыратын ұйым, краудфандинг, инвестор, облигацияларды ұстаушылардың өкілі, ұлттық басқарушы холдингтің еншілес ұйымы, астық саласында мемлекеттік саясатты іске асыратын ұлттық компания, халықаралық, оның ішінде мемлекет қатысатын қаржы институттары, шетелдік банктер және өзге де заңды тұлғалар;
20) кредитті/қаржыландыруды/грантты/қаржы лизингін/шартты міндеттемені/орналастырылған облигациялардан түскен қаражатты мақсатына сай пайдалану – кәсіпкердің/грант алушының/эмитенттің қарыз шарты/грант беру туралы шарт/қаржы лизингі шарты/шартты міндеттеме/облигациялар шығару проспектісі бойынша қарыз шартында/грант беру туралы шартта/қаржы лизингі шартында/шартты міндеттемеде/қаржыландыру шартында/облигациялар шығару проспектісінде белгіленген және қаржы агенттігінің/конкурстық комиссияның шешімімен Қаулының талаптарына сәйкес келетін мақсаттар үшін орналастырылған облигациядан түскен кредитті/қаржыландыруды/грантты/ қаржы лизингті/шартты міндеттемені/ қаражатты пайдалануы.
Мақсатқа сай пайдалану тиісті құжаттармен расталады, олар жиынтығында кәсіпкердің/грант алушының/эмитенттің активті/жұмыстарды/көрсетілетін қызметтерді толық көлемде төлеуін, алуын, пайдалануын және көзбен шолып растауын (Қаулының талаптарына қайшы келмейтін қызмет шеңберінде) және (немесе) Қаулының талаптарына сәйкес басқа мақсаттарға қол жеткізуін растайды;
21) қаржы лизингі шарты – лизингтік компания/банк және кәсіпкер арасында жасалған жазбаша келісім, оның талаптары бойынша лизингтік компания/банк кәсіпкерге қаржы лизингін береді.
Исламдық лизингтік компания үшін – исламдық лизингтік компания мен кәсіпкер арасында жасалған жазбаша келісім, оның талаптары бойынша исламдық лизингтік компания кәсіпкерге лизинг (жалдау) шарттарында мүлікті (лизинг нысанасын) береді;
22) қарыз/микрокредит беру туралы шарт/опциондық келісім/форвардтық шарт/ақшалай талап етуді берумен қаржыландыру шарты (факторинг) (бұдан әрі – қарыз шарты) – кредитор мен кәсіпкер арасында жасалған жазбаша келісім, оның талаптары бойынша кәсіпкерге кредит беріледі. Қарыз шартына кредиттік желіні ашу туралы келісім де жатады.
Ислам банкі үшін қарыз шарты қаржыландыру шарты – ислам банкі мен кәсіпкер арасында жасалған жазбаша келісім деп түсініледі, оның талаптары бойынша ислам банкі кәсіпкерге – тауарды сатып алушыға немесе сатушыға коммерциялық кредит береді не кәсіпкерге лизинг (жалдау) талаптарымен мүлікті (лизинг нысанасын) береді (қаржыландыру шартына бас қаржыландыру келісімі де жатады, оның шеңберінде ислам банкі мен кәсіпкер коммерциялық кредит (қаржыландыру) беру туралы жекелеген шарттар жасасады);
23) лизингтік компания (оның ішінде исламдық лизингтік компания) – банк болып табылмайтын, өз қызметін "Қаржы лизингі туралы" Қазақстан Республикасының Заңына сәйкес жүзеге асыратын және Қаулыны іске асыру шеңберінде қатысатын заңды тұлға;
24) лизингтік мәміле (лизинг) – лизингке қатысушылардың азаматтық құқықтар мен міндеттерді белгілеуге, өзгертуге және тоқтатуға бағытталған, келісілген іс-қимылдарының жиынтығы;
25) микрокредит (бұдан әрі – кредит) – микроқаржы қызметін жүзеге асыратын ұйымның шағын, оның ішінде микрокәсіпкерлік субъектісіне тиісті қаржы жылына арналған республикалық бюджет туралы заңда белгіленген айлық есептік көрсеткіштің (бұдан әрі – АЕК) сегіз мың еселенген мөлшерінен аспайтын мөлшерде ақылылық, мерзімділік және қайтарымдылық шартымен Қазақстан Республикасының ұлттық валютасында беретін ақшасы;
26) микроқаржылық қызметті жүзеге асыратын ұйым (бұдан әрі – МҚҰ) – микрокредиттер беру жөніндегі қызметті жүзеге асыратын микроқаржы ұйымы;
27) мобильді қосымша – қаржы агенттігінің электрондық қосымшасы, ол берілген алгоритм бойынша жобаның объектілерін/активін/іске асырылу орнын қарап тексеруге мүмкіндік береді;
28) мониторингтік есеп – қаржы агенттігі белгілеген нысан бойынша қаржы агенттігі жасайтын, кредитор/өңірлік үйлестіруші/грант алушы/эмитент қол қоятын мониторинг туралы есеп;
29) облигацияларды ұстаушылардың өкілі – бағалы қағаздардың қайталама нарығында облигациялардың айналысы, облигациялар бойынша сыйақы төлеу және оларды өтеу процесінде эмитентпен жасалған шарт негізінде купондық сыйақының субсидияланатын мөлшерлемесі бар облигацияларды ұстаушылардың мүддесінде әрекет ететін, осы облигациялар эмитентінің үлестес тұлғасы болып табылмайтын бағалы қағаздар нарығының кәсіби қатысушысы;
30) опцион – тікелей инвестициялар қорының (бұдан әрі – ТИҚ) кәсіпкердің/өтінім берушінің қатысу үлесін/акцияларын сатуға құқығы және кәсіпкердің/өтінім берушінің/қатысушының және (немесе) акционердің және (немесе) өзге де тұлғаның ТИҚ бүкіл үлесін сатып алу бағасы бойынша не ТИҚ талабында көрсетілген бір бөлігін төлеу және сатып алу жөніндегі міндеттемесі;
31) опциондық келісім – кәсіпкер, ТИҚ, қатысушылар және (немесе) акционерлер және (немесе) жобаның шарттарында көзделген өзге де тұлғалар арасындағы келісім, онда кәсіпкерге инвестиция салу шарттары, оның ішінде (шектеусіз) ТИҚ-қа тиесілі акцияларды және (немесе) кәсіпкердің жарғылық капиталға қатысу үлестерін тәртіппен және шарттасқан мерзімде сатып алу жөніндегі тараптардың міндеттемелері көзделеді;
32) орталық депозитарий – "Бағалы қағаздар нарығы туралы" Қазақстан Республикасының Заңында көзделген қызмет түрлерін жүзеге асыратын мамандандырылған коммерциялық емес акционерлік қоғам;
33) өңірлік үйлестіруші – облыс (астана, республикалық маңызы бар қалалар) әкімі айқындайтын жергілікті атқарушы органның құрылымдық бөлімшесі;
34) субсидиялар – субсидиялау шарттары/банктік қарыз шарттары/қаржыландыру шарттары/қарыз шарттары және/немесе төлемдер кестесі негізінде кәсіпкерлерді субсидиялау шеңберінде қаржы агенттігі банкке/лизингтік компанияға/МҚҰ/эмитентке өтеусіз және қайтарымсыз негізде төлейтін мерзімді төлемдер;
35) субсидиялау – кәсіпкердің/эмитенттің банкке/лизингтік компанияға/МҚҰ/облигация ұстаушыға кредиттер/қаржы лизингі/ қаржыландыру/шығарылған облигациялар бойынша сыйақы немесе тауардың үстеме бағасы/жалдау төлемінің бір бөлігі ретінде болашақта кәсіпкердің/эмитенттің операциялық қызметіне жататын белгілі бір шарттарды орындауға айырбас ретінде төлейтін шығыстарын ішінара өтеу үшін пайдаланылатын кәсіпкерлерді мемлекеттік қаржылай қолдау нысаны;
36) субсидиялау шарты және (немесе) қосылу шарты (бұдан әрі – субсидиялау шарты) – Субсидиялау қағидаларына сәйкес айқындалатын үшжақты жазбаша келісім;
37) сыртқы бағалау провайдері – қаралып отырған жобаның "жасыл" таксономияның шекті мәніне сәйкестігі туралы тиісті қорытынды дайындай отырып, іске асырылуы жоспарланып отырған немесе іске асырылып жатқан "жасыл" жоба бойынша тәуелсіз бағалауды жүзеге асыратын ұйым;
38) форвардтық шарт – міндетті түрде орындалуға тиіс мерзімді келісімшарт, оған сәйкес сатып алушы мен сатушы келісілген сападағы және мөлшердегі тауарды немесе валютаны болашақта белгіленген күні жеткізуге уағдаласады, мұнда сатып алушы ретінде астық саласында мемлекеттік саясатты жүзеге асыратын ұлттық компания әрекет етеді;
39) франчайзинг (кешенді кәсіпкерлік лицензия) – айрықша құқықтар кешенінің құқық иеленушісі оны өтеулі негізде басқа тұлғаға пайдалануға беретін кәсіпкерлік қызмет;
40) шартты міндеттемелер – банктік кепілдіктер мен аккредитивтер түріндегі қаржыландыру;
41) эмитент – облигациялар шығаруды жүзеге асыратын кәсіпкер;
42) 2-ші кепілдік беру қоры – қаржыландыру көлемі 7 (жеті) миллиард теңгеден асатын жобалар үшін кредиттер/қаржы лизингі шарттары/облигациялар/опциондық келісімдер бойынша кепілдіктер беруге арналған қаржы агенттігінің жалғыз акционерінің, республикалық бюджеттің қаражаты, сондай-ақ кәсіпкерлерден кепілдікті шығарғаны үшін комиссиялар сомалары есебінен қалыптастырылатын қаражат жиынтығы.
2-тарау. Қаржы агенттігінің мониторингті жүзеге асыруы
4. Жобаға мониторинг қаржы агенттігі бекітетін тиісті қаржы жылына арналған мониторинг жоспарына және көрсетілетін қызметтерді мемлекеттік сатып алу туралы шартқа сәйкес және осы Мониторингтеу қағидаларында, Қаулыда, қаржы агенттігінің кредитормен/кәсіпкермен/грант алушымен/эмитентпен жасасқан шарттарда/келісімдерде, қаржы агенттігінің кәсіпкерлердің жобалары бойынша мониторинг жүргізу тәртібін регламенттейтін Қазақстан Республикасының нормативтік құқықтық актілерінде айқындалған жағдайларда, сондай-ақ өңірлік үйлестірушінің, соттың, құқық қорғау органдарының және өзге де мемлекеттік органдардың сұрау салуы бойынша жүзеге асырылады.
5. Қаржы агенттігі жобалар бойынша келесі күнтізбелік жылғы жаңа мониторинг кезеңі басталғанға дейін 20 (жиырма) жұмыс күнінен кешіктірмей жобалар бойынша келесі күнтізбелік жылға арналған мониторинг жоспарын дайындауды және бекітуді жүзеге асырады.
6. Жобаларға мониторинг жүргізудің тәртібі мен мерзімдері мониторинг жоспарына сәйкес айқындалады және мониторингтеуге жататын жобалардың санына, тапсырыс берушілердің қаржы агенттігінің мониторинг функциясын жүзеге асыруына негіз болатын агенттік келісімдер мен өзге де шарттар шеңберіндегі талаптарына байланысты түзетіледі.
7. Қаржы агенттігінің мониторинг жүргізу туралы хабарламасы жіберілген күніне кәсіпкердің кредиттері өтелген не қаржы агенттігінің шешімі негізінде субсидиялау/кепілдік беру тоқтатылған жобалар бойынша, сондай-ақ бизнес-идеяларды іске асыру үшін мемлекеттік гранттар (бұдан әрі – гранттық қаржыландыру) ұсынылған жобалар, конкурстық комиссияның шешіміне сәйкес мониторинг жүргізу күніне қаражатты қайтару жүзеге асырылған жобалар бойынша мониторинг жүргізілмейді. Бұл талап қаржы агенттігі бұған дейін жобаның осы Мониторингтеу қағидалары талаптарына сәйкестігін (мақсатына сай пайдалануды) растау үшін қосымша мерзім берген жобаларға, сондай-ақ қаржы агенттігі кәсіпкердің қарсы міндеттемелерді (тиімділік өлшемшарттарын) орындауына мониторинг жүргізетін жобаларға қолданылмайды.
8. Жобаға мониторинг айналым қаражатын толықтыру мақсаттарына бағытталған жобалар бойынша оның іске асырылу орнына бармай жүргізіледі.
9. Инвестициялық мақсаттарға бағытталған жобалар бойынша қаржы агенттігі жобаның инвестициялық фазасы аяқталғаннан кейін (контрагентпен жасалған келісімшарт/шарт бойынша талаптардың орындалу мерзімі аяқталғаннан кейін), бірақ субсидиялау шарты жасалған күннен бастап 1 (бір) жылдан кешіктірмей жоба іске асырылатын орынға барады (жобаның іске асырылуын көріп растау). Кейіннен жоба іске асырылатын орынға бару мерзімдері Қаулының талаптарына сәйкес қаржы агенттігі берген қосымша мерзімге сәйкес айқындалады.
10. Жоба мониторингі қаржы агенттігінің жазбаша хабарлауы/сұрау салуы бойынша кредитор мен кәсіпкер/грант алушы/эмитент ұсынатын құжаттар негізінде жүзеге асырылады.
3-тарау. Жобаларға мониторинг жүргізу кезіндегі қаржы агенттігінің функциялары
11. Субсидияланатын жобаларға мониторинг жүргізу кезінде қаржы агенттігі:
1) кредитор ұсынатын деректер мен құжаттардың негізінде субсидиялау шартын жасасқан кәсіпкердің кредитті/лизингті/қаржыландыруды/ орналастырылған облигациялардан түскен қаражатты мақсатына сай пайдалануын мониторингтеуді;
2) кредитор ұсынатын деректер негізінде кәсіпкердің төлем тәртібін мониторингтеуді;
3) жобаның іске асырылуын, оның ішінде қаржылық лизинг шарты бойынша лизинг нысанасының пайдаланылуын мониторингтеуді;
4) жобаның және (немесе) кәсіпкердің Қаулының талаптарына және (немесе) қаржы агенттігінің/кредитордың шешіміне сәйкестігіне мониторингті жүзеге асырады.
Кәсіпкердің Қаулының талаптарына және (немесе) қаржы агенттігінің шешіміне сәйкестігіне мониторинг жүргізу үшін қаржы агенттігі жартыжылдық негізде (ағымдағы жылғы 15 қаңтардан және 15 шілдеден кешіктірмей) қолданыстағы субсидиялау шарттары бар кәсіпкерлердің тізбесін қоса бере отырып, Қазақстан Республикасы Қаржы министрлігінің Мемлекеттік кірістер комитетіне кәсіпкерлік субъектісінің мәртебесі (қызметін тоқтата тұру/тоқтату) бойынша сұрау салуды жібереді.
Қолданыстағы субсидиялау шарты болған кезде кәсіпкер қызметінің тоқтатыла тұруы/тоқтатылуы анықталған жағдайда, Қазақстан Республикасы Қаржы министрлігінің Мемлекеттік кірістер комитетінен ақпарат алғаннан кейін қаржы агенттігі кредитордан/эмитенттен кәсіпкердің қызметін тоқтата тұру/тоқтату себептерін анықтау бойынша жұмыс жүргізеді, оның негізінде қаржы агенттігі 20 (жиырма) жұмыс күні ішінде субсидиялауды тоқтату/тоқтату бойынша кейінге қалдыру не қайта бастау туралы шешім қабылдайды.
Қызметті тоқтата тұрған кәсіпкердің қызметі қайта басталған жағдайда, субсидиялау қаржы агенттігінің хаты негізінде кәсіпкер орналастырылған облигациялардан кредитті/лизингті/қаржыландыруды/қаражатты нысаналы пайдалануды растаған және жобаны іске асыруды растаған кезде тоқтатылған күннен бастап қайта басталады.
12. Купондық сыйақы мөлшерлемесінің бір бөлігін субсидиялау жобасына мониторинг жүргізу кезінде қаржы агенттігі:
1) эмитент, облигацияларды ұстаушылардың немесе ислам бағалы қағаздарын ұстаушылардың өкілі ұсынатын деректер мен құжаттар негізінде субсидиялау шартын жасасқан эмитенттің облигацияларды немесе ислам бағалы қағаздарын орналастырудан түскен ақшасын пайдаланылуына мониторингті;
2) АХҚО қор биржасының орталық депозитарийі немесе орталық депозитарийі ұсынатын деректер негізінде эмитенттің төлем тәртібіне мониторингті;
3) жобаның және/немесе эмитенттің купондық сыйақы мөлшерлемесінің бір бөлігін субсидиялау талаптарына сәйкестігіне мониторингті жүзеге асырады.
Эмитенттің купондық сыйақы мөлшерлемесінің бір бөлігін субсидиялау талаптарына және (немесе) қаржы агенттігінің шешіміне сәйкестігіне мониторинг жүргізу үшін қаржы агенттігі жартыжылдық негізде (ағымдағы жылғы 15 қаңтардан және 15 шілдеден кешіктірмей) қолданыстағы субсидиялау шарттары бар эмитенттердің тізбесін қоса бере отырып, Қазақстан Республикасы Қаржы министрлігінің Мемлекеттік кірістер комитетіне кәсіпкерлік субъектісінің мәртебесі (қызметін тоқтата тұру/тоқтату) бойынша сұрау салуды жібереді.
Қазақстан Республикасы Қаржы министрлігінің Мемлекеттік кірістер комитетінен ақпарат алғаннан кейін эмитент қызметінің тоқтатыла тұруы/тоқтатылуы анықталған жағдайда қолданыстағы субсидиялау шарты болған кезде қаржы агенттігі эмитентте қызметті тоқтата тұру/тоқтату себептерін анықтау бойынша жұмыс жүргізеді, оның негізінде қаржы агенттігінің уәкілетті органы 20 (жиырма) жұмыс күні ішінде субсидиялауды тоқтату/тоқтату бойынша кейінге қалдыру не қайта бастау туралы шешім қабылдайды.
Қызметті тоқтата тұрған эмитенттің қызметі қайта басталған жағдайда, кәсіпкер орналастырылған облигациялардан немесе ислам бағалы қағаздардан қаражатты мақсатына сай пайдалануды растаған және жобаның іске асырылуын растаған кезде субсидиялау қаржы агенттігінің хаты негізінде тоқтатыла тұрған күннен бастап қайта басталады.
13. "Жасыл" кредиттер бойынша қаржылық қолдау қаражатының мақсатына сай пайдаланылуына мониторинг жүргізу шеңберінде қаржы агенттігі шекті өлшемшарттарда:
1) энергия тұтынуды төмендетудің нақты ең төменгі мәндері;
2) парниктік газдар шығарындыларының ең төменгі деңгейлері;
3) қалдықтардың үлесін азайту/кәдеге жарату;
4) су тұтынуды төмендету;
5) ең озық қолжетімді технологиялар анықтамалықтарының талаптарына сәйкестігі (шекті өлшемшартта көрсетілген бөлігінде) көзделген жағдайларда, провайдерлердің сыртқы бағалауы негізінде қарыз алушының "жасыл" жоба бойынша мәлімделген "жасыл" таксономияның шекті өлшемшарттарына қол жеткізуін тексереді.
Сыртқы бағалау провайдерінің қорытындысын қарыз алушы ұсынады.
Жобаны субсидиялау басталғаннан бастап 2 (екі) жыл өткен соң қарыз алушы мәлімделген көрсеткіштерге қол жеткізуге тиісті тәуелсіз бағалауды не қаржы агенттігіне ұсынылатын энергия аудитін жүргізеді. Қарыз алушы мәлімдеген жоба бойынша "жасыл" таксономияның шекті өлшемшарттарының кейіннен орындалуына сыртқы тексерулерді жобаның "жасыл" таксономияның шекті өлшемшарттарына сәйкестігі туралы бастапқы қорытындыны берген бағалау провайдерлер жүргізуі мүмкін.
14. Кепілдік берілетін жобаларға мониторинг жүргізу кезінде қаржы агенттігі:
1) кредитор және кәсіпкер ұсынатын деректер мен құжаттар негізінде кепілдік шарты жасалған кәсіпкер кредитінің мақсатына сай пайдаланылуына мониторингті;
2) кредитор ұсынатын деректер және (немесе) қаржы агенттігі Қазақстан Республикасының заңнамасына қайшы келмейтін өзге де сенімді көздерден алған ақпарат негізінде кәсіпкердің төлем тәртібіне мониторингті;
3) жобаның және (немесе) кәсіпкердің Қаулының және (немесе) қаржы агенттігі/кредитор шешімінің талаптарына сәйкестігіне мониторингті;
4) жобаның іске асырылуына мониторингті (қаржы лизингі шарты бойынша лизинг нысанасын пайдалану) жүзеге асырады.
15. Облигациялар бойынша кепілдік беру жобасына мониторинг жүргізу кезінде қаржы агенттігі мыналарды:
1) эмитент ұсынатын деректер мен құжаттар негізінде кепілдік шартын жасасқан эмитенттің облигациялық қарызды мақсатына сай пайдалануына мониторингті;
2) орталық депозитарий және/немесе АХҚО қор биржасының орталық депозитарийі ұсынатын деректер негізінде эмитенттің төлем тәртібінің мониторингін;
3) жобаның іске асыру мониторингін;
4) жобаның және/немесе эмитенттің облигациялар бойынша кепілдік беру талаптарына сәйкестігіне мониторингті жүзеге асырады.
16. Гранттық қаржыландыру жобаларына мониторинг жүргізу кезінде қаржы агенттігі:
1) гранттың мақсатына сай пайдаланылуына мониторингті;
2) қаржы агенттігі бекітетін мониторинг бойынша жоспарға сәйкес бизнес-жобаларды орындау жөніндегі грант алушы қызметіне мониторингті;
3) грант алушының жаңа жұмыс орындарын құру жөніндегі шарттардың орындалуына мониторингті;
4) грант алушының грант беру туралы шарт талаптарын орындауына мониторингті жүзеге асырады.
17. Жоба мониторингінің функцияларын жүзеге асыру үшін қаржы агенттігі кәсіпкерден/грант алушыдан/эмитенттен және (немесе) кредитордан кредиттің/қарыздың/қаржы лизингінің/гранттың/қаржыландырудың/ орналастырылған облигациялардан түскен қаражаттың мақсатына сай пайдаланылуын және жобаның осы Мониторингтеу қағидаларының талаптарына сәйкестігін растайтын қажетті құжаттарды, сондай-ақ жоба мониторингі нысанасына жататын, оның ішінде коммерциялық, банктік және салықтық құпияны құрайтын ақпаратты сұратады (салық төлеуші туралы мәліметтерді ұсыну бойынша кәсіпкерлік субъектілерінің келісімі болған кезде).
4-тарау. Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу тәртібі
1-параграф. Субсидияланатын жобаларды мониторингтеу
18. Жобаларға жоспарлы мониторинг жүргізу шеңберінде қаржы агенттігі мониторинг басталатын күнге дейін 20 (жиырма) жұмыс күннен кешіктірілмейтін мерзімде кредиторға/эмитентке мониторингке жататын жобалар тізбесімен, мониторинг жүргізу мерзімдерімен және осы Мониторингтеу қағидаларына 1-қосымшаға сәйкес субсидияланатын жобаларға мониторинг жүргізу үшін қажетті құжаттар тізбесі бар және/немесе 2-қосымшаға сәйкес облигациялар бойынша купондық сыйақы мөлшерлемесін субсидиялау кезінде жобаларға мониторинг жүргізу үшін қажетті құжаттар тізбесі бар Қаулы шеңберінде мониторинг жүргізу туралы хабарлама жолдайды.
19. Мониторинг жүргізуге жататын субсидияланатын жобалардың тізбесін қаржы агенттігі мониторинг жүргізу туралы қаржы агенттігінің хабарламасы жіберілген күнге кредиттері өтелген не олар бойынша субсидиялау қаржы агенттігі шешімінің негізінде тоқтатылған кәсіпкерлердің жобаларын қоспағанда, мониторингке жататын, тиісті кезеңде жасалған қолданыстағы субсидиялау шарттарының жалпы пулынан қалыптастырады.
20. Қаржы агенттігі кредитордан мынадай:
1) кредитті/қаржыландыруды мақсатына сай пайдаланбау;
2) жобаның және/немесе кәсіпкердің Субсидиялау қағидаларының шарттарына сәйкес келмеу фактілерінің анықталғаны туралы хабарлама алған кезде, сондай-ақ қаржы агенттігі осындай фактілерді өз бетінше анықтаған кезде портфельдік субсидиялау құралы бойынша қаржыландырылған жобалар бойынша жоспардан тыс мониторинг жүргізеді.
21. Кәсіпкерлік субъектісінің қызметін тоқтата тұрған/тоқтатқан кәсіпкерлердің/эмитенттердің жобалары бойынша қаржы агенттігі субсидиялауды тоқтата тұрады және Қаулыға сәйкес 20 (жиырма) жұмыс күні ішінде субсидиялауды тоқтата тұру, тоқтату немесе қайта бастау жөніндегі іс-шараларды жүргізу үшін мониторинг шеңберінде кредитордан/эмитенттен кәсіпкердің қызметін тоқтата тұру/тоқтату себептерін анықтау бойынша жұмыс жүргізеді.
Қызметті тоқтата тұрған кәсіпкердің қызметі қайта басталған жағдайда, субсидиялау қаржы агенттігінің хаты негізінде кәсіпкер орналастырылған облигациялардан кредитті/лизингті/қаржыландыруды/қаражатты нысаналы пайдалануды растаған және жобаны іске асыруды растаған кезде тоқтатылған күннен бастап қайта басталады.
22. Кредиттік қаражатты/қаржыландыруды/қаржылық лизингті/ облигацияларды орналастырудан түскен қаражатты мақсатсыз/ішінара мақсатсыз пайдалану және (немесе) кәсіпкер/эмитент жобасының Қаулының талаптарына сәйкес келмеу фактілері анықталған кезде, қаржы агенттігі субсидиялау шартына сәйкес кәсіпкердің/эмитенттің жоба бойынша төленген субсидиялар сомасын өтеуін қамтамасыз етеді, ал ішінара мақсатсыз пайдаланған кезде субсидияларды қайтару кредит қаражатын/ қаржыландыруды/қаржы лизингін/облигацияларды орналастырудан түскен қаражатты мақсатсыз пайдалану сомасына тепе-тең түрде жүзеге асырылады.
Субсидиялау тоқтатылған және субсидиялардың тиесілі сомалары қайтарылған жағдайда, қаржы агенттігі тиісті шешім негізінде кәсіпкерге/эмитентке субсидиялар сомасын қайтару үшін талап жіберілген күннен бастап 10 (он) жұмыс күні мерзімін белгілейді.
Кәсіпкер қайтыс болған/таратылған, контрагент мәміле бойынша өз міндеттемелерін орындамауына/жосықсыз орындауына, яғни кәсіпкерге байланысты емес объективті себептер бойынша сатып алынатын актив/жұмыстар/көрсетілетін қызметтер келіп түспеген жағдайларда, қаржы агенттігі (тергеу органының/прокуратураның кәсіпкерді жәбірленуші деп тану туралы қаулысы, қылмыстық іс бойынша сот үкімі, қаржы агенттігі мониторинг жүргізген кезде заңды күшіне енген азаматтық/әкімшілік іс бойынша сот шешімі болған кезде) қаржы агенттігінің тиісті шешімі негізінде төленген субсидиялар сомасын кәсіпкердің қайтаруы/өтеуі бойынша шаралар қолданбайды.
2-параграф. Кепілдік берілетін жобаларды мониторингтеу
23. 2-ші кепілдік беру қоры шеңберінде кепілдік беру жобаларын қоспағанда, кепілдік беру жобалары бойынша жоспардан тыс мониторингі кәсіпкер/эмитент күнтізбелік 60 (алпыс) күн ішінде және одан астам мерзімде (немесе кепілдік шартында белгіленген өзге де мерзімде) облигациялар бойынша қарыз/қаржыландыру/купондық сыйақы шарты бойынша негізгі борыш сомасын өтеу жөніндегі міндеттемелерді орындамаған жағдайларда немесе осы Мониторингтеу қағидаларында/Қаулыда айқындалған өзге де жағдайларда жүргізеді. Кредитор/эмитент кепілдік берілетін жобаларға жоспардан тыс мониторинг жүргізу үшін осы Мониторингтеу қағидаларына 3-қосымшаға сәйкес кепілдік берілетін жобаларға мониторинг жүргізу үшін қажетті құжаттар тізбесін немесе 4-қосымшаға сәйкес облигациялар бойынша кепілдік беру жобаларына мониторинг жүргізу үшін қажетті құжаттар тізбесін ұсынады.
24. Кепілдікті жою немесе кепілдік сомасын жүргізілген мониторинг нәтижесінде кәсіпкердің жобасы бойынша пайдаланылмаған кредит сомасына бара-бар түрде азайту жөніндегі іс-шараларды жүргізу тәртібі Қаулыға сәйкес жүзеге асырылады.
25. Банк/МҚҰ/лизингтік компания кәсіпкер жобасына мониторинг жүргізеді, оған кәсіпкер жобасының (жобаларының) іске асырылу барысына жүргізілген ай сайынғы ағымдағы мониторинг кіреді. Осы Мониторингтеу қағидаларына 5-қосымшаға сәйкес нысан бойынша банк/МҚҰ/лизингтік компания дайындаған кәсіпкерлікті қолдау бағдарламалары шеңберінде кәсіпкерлер жобасының (жобаларының) іске асырылу барысының ағымдағы мониторингі туралы есеп қаржы агенттігіне ақпаратты жинауға және алмасуға арналған ақпараттық жүйелер арқылы есепті айдан кейінгі айдың 5-і (бесінші) күнінен кешіктірмей, Қазақстан Республикасының заңнамасына сәйкес электрондық цифрлық қолтаңба қойылған қаржыландыру құралдары бөлінісінде жеке немесе жазбаша түрде ұсынылады (есепті жазбаша түрде ұсынған кезде қаржы агенттігінің атына ілеспе хат жіберіледі, ал есептің электрондық нысаны қаржы агенттігі айқындаған жауапты орындаушының электрондық мекенжайына қосымша жіберіледі).
26. Қаржы агенттігі ай сайын есепті айдан кейінгі айдың 30-ы (отызыншы) күніне дейін кәсіпкерлік жөніндегі уәкілетті органға осы Мониторингтеу қағидаларына 6-қосымшаға сәйкес нысан бойынша кәсіпкерлікті қолдау бағдарламалары шеңберінде кепілдік беру туралы есеп береді.
3-параграф. Мемлекеттік гранттар берілген жобалардың мониторингі
27. Гранттық қаржыландыру жобаларына мониторинг жүргізу шеңберінде қаржы агенттігі грант алушы алған қаражаттың мақсатына сай пайдаланылуына мониторинг жүргізеді және өңірлік үйлестірушіге грант алушылардың бизнес-жобаларды іске асыруы туралы есепті ұсынады.
28. Гранттық қаржыландыру жобалары бойынша қаржы агенттігі мониторинг жүргізу күніне дейін 10 (он) жұмыс күнінен кешіктірмей, грант алушыға және өңірлік үйлестірушіге грант алушының жобасына мониторинг жүргізу мерзімдері мен осы Мониторингтеу қағидаларына 7-қосымшаға сәйкес гранттық қаржыландыру жобаларына мониторинг жүргізу үшін қажетті құжаттар тізбесін көрсете отырып мониторинг жүргізу туралы хабарлама жолдайды.
Жобалардың тізімі көрсетілетін қызметтерді мемлекеттік сатып алу туралы шартта көрсетілген жобалар санына сәйкес мониторингтеуге жататын тиісті кезеңдегі грант беру туралы жасалған шарттардың ортақ пулынан қалыптастырылады.
29. Егер грант алушы мониторинг жүргізу мерзімінде жоба мониторингін жүргізу үшін мәліметтер ұсынбаса/ұсынудан бас тартса не оның орналасқан жерін айқындау мүмкін болмаса, қаржы агенттігі өңірлік үйлестірушіге жіберілетін мониторинг басталған күнге дейінгі мерзімде осы Мониторингтеу қағидаларына 8-қосымшаға сәйкес нысан бойынша жобаға мониторинг жүргізуге арналған мәліметтерді грант алушының ұсынбауына/ұсынудан бас тартуына байланысты мониторинг жүргізудің мүмкін еместігі туралы акт жасайды.
4-параграф. Кәсіпкер жобасының тиімділік өлшемшарттарына сәйкестігін мониторингтеу
30. Қаржы агенттігі жаңа тиімді инвестициялық жобаның және (немесе) өндірісті және франчайзингті жаңғыртуға және кеңейтуге бағытталған жобаның Қаулының талаптарына сәйкес тиімділік өлшемшарттарына сәйкестігі тұрғысынан мониторинг жүргізеді.
31. Жобаның Қаулының талаптарына сәйкес жұмыс орындарының орташа жылдық санын сақтау/ұлғайту/еңбекақы төлеу қорының көлемін ұлғайту/есепті кезең үшін бюджетке төленетін салықтар (корпоративтік табыс салығы/жеке табыс салығы) көлемі/кірістің өсуі (өткізуден түсетін табыс: негізгі қызметтен түсетін өткізілген тауарлардың, жұмыстардың, көрсетілетін қызметтердің құны) бойынша көрсеткіштерге қол жеткізуін тексеруді көздейтін тиімділік өлшемшарттарының мониторингін Қазақстан Республикасы Қаржы министрлігінің Мемлекеттік кірістер комитетінен алынған ақпарат негізінде қаржы агенттігі жүргізеді. Тиімділік өлшемшарттарының мониторингі сондай-ақ әлеуметтік төлемдер және (немесе) салық декларациялары жөніндегі ақпарат негізінде және (немесе) кредитор/кәсіпкер/эмитент берген бюджетпен есеп айырысулардың жай-күйі туралы жеке шоттан үзінді көшірмеге сәйкес жүргізіледі.
Тиімділік өлшемшарттарының мониторингі қаржы агенттігіне мониторинг жүргізу туралы хабарлама жіберілген күнге кредиттер өтелген не олар бойынша субсидиялау/кепілдік беру тиімділік өлшемшарттарын орындау мерзімі басталғанға дейін тоқтатылған жобалар бойынша жүргізілмейді.
32. Қаржы агенттігі өндіріс көлемін (ақшалай мәнде) айқындауды кәсіпкерден алынған өнеркәсіп өнімдерін (тауарларын, көрсетілетін қызметтерін) өндіру көлемін көрсететін ақпарат негізінде жүзеге асырады.
33. Тиімділік өлшемшарттарын есептеу кезінде қаржы агенттігі шешімінің күніне қарамастан, есепті күн келесі қаржы жылының басы болып табылады.
34. Жұмыс орындарының жылдық орташа саны, еңбекақы төлеу қорының көлемі, өткізуден түскен кіріс (негізгі қызметтен өткізілген тауарлар, жұмыстар, көрсетілген қызметтер құны), өндіріс көлемі (ақшалай мәндегі) көрсеткіштерінің өзгеруін айқындау үшін қаржы агенттігі есепті кезең аяқталғаннан кейінгі көрсеткіштерді есепті күннің басындағы ұқсас көрсеткіштермен салыстырады.
35. Төленетін салықтар (корпоративтік табыс салығы/жеке табыс салығы) көлемінің өзгеруін айқындау үшін қаржы агенттігі есепті күннің басындағы көрсеткіштермен салыстырғандағы есепті кезеңдегі салық төлемдерінің орташа мәнін есептейді.
36. Кәсіпкерлердің инвестициялық мақсаттарға бағытталған жобалары бойынша тиімділік өлшемшарттары жобаның инвестициялық фазасы аяқталғаннан кейін, яғни өнім берушімен жасалған келісімшарт/шарт бойынша жұмыстарды/көрсетілетін қызметтерді орындау мерзімі аяқталғаннан кейін расталады. Осындай жобалар бойынша тиімділік өлшемшарттарын растау үшін қаржы агенттігінің уәкілетті органының шешімі бойынша жеткізушінің арасында жасалған келісімшарт/шарт бойынша көрсетілетін жұмыстар/көрсетілетін қызметтер мерзімі аяқталған кезден бастап 1 (бір) қаржы жылынан аспайтын қосымша мерзім ұсынылады.
37. Қаржы агенттігі жеке кәсіпкерлік субъектісін тіркеу жылында мақұлдаған ісін жаңа бастаған кәсіпкерлердің жобалары бойынша жұмыс орындарының жылдық орташа санының өзгеруін айқындау кезінде кәсіпкер бизнесті ашу кезінде құрған жұмыс орындары ескеріледі.
38. Өз қызметін Қазақстан Республикасының арнайы экономикалық аймақтарында жүзеге асыратын не табиғи монополиялар субъектілеріне жататын, сондай-ақ жеңілдікті салық салынатын немесе салықтарды төлеуден босатылған не Қазақстан Республикасының салық заңнамасына сәйкес айқындалған өзге де преференциялар мен жеңілдіктерді иеленетін кәсіпкерлердің жобалары бойынша барлық көрсеткіштер бойынша тиімділік өлшемшарттары осы ерекшелік ескеріле отырып есепке алынады. Қазақстан Республикасы табиғи монополиялар туралы заңнамасының талаптары ескеріле отырып, мұндай өсім мүмкін болмаған жағдайларда, табиғи монополия субъектілеріне жататын кәсіпкерлердің жобалары бойынша жұмыс орындарының жылдық орташа санын сақтауды/арттыруды және еңбекақы төлеу қорын ұлғайтуды көздейтін тиімділік өлшемшарттары кәсіпкердің жобаның тиімділік көрсеткіштеріне қол жеткізуін айқындау үшін есепке алынбауы мүмкін. Осы көрсеткіштерге қол жеткізу мүмкін болмайтыны қаржы агенттігінің мониторингтік есебіндегі дәлелденген қорытынды негізінде айқындалады. Осыған ұқсас тәсіл Қазақстан Республикасы салық заңнамасының нормативтеріне сәйкес жеңілдікті салық салу көзделген қызмет түрлерінің өзіндік ерекшеліктері ескеріле отырып, кәсіпкерлер бойынша төленген салықтар көлемін есептеу кезінде де қолданылады.
5-тарау. Жобалар мониторингі нәтижелерін ресімдеу
39. Жобалар жүргізілген мониторингтің қорытындысы бойынша қаржы агенттігі мониторингтік есепті қалыптастырады, қаржы агенттігінің және кредитордың/өңірлік үйлестірушінің/грант алушының (мониторингтік есепте ескертулер/бұзушылықтар болса ғана)/эмитенттің уәкілетті өкілі (өкілдері) оны алған күннен бастап 5 (бес) жұмыс күнінен аспайтын мерзімде оған қол қояды. Бірнеше кредиттер (транштар)/гранттар берілген жоба бойынша бір мониторингтік есеп жасалады.
40. Кредитор/өңірлік үйлестіруші/грант алушы/эмитент қаржы агенттігінің тұжырымдарымен келіспеуіне байланысты мониторингтік есепке қол қоюдан бас тартқан, сондай-ақ мониторинг жүргізу үшін қажетті мәліметтерді ұсынбаған жағдайда, қаржы агенттігі осы Мониторингтеу қағидаларына 9-қосымшаға сәйкес нысан бойынша мониторинг туралы есепке қол қоюдан бас тартылғаны туралы актіні жасайды.
41. Қаржы агенттігі кәсіпкерлердің/эмитенттердің/грант алушылардың салып жатқан, құқық белгілейтін құжаттарды ресімдеу, жобаны іске асыру сатысындағы жобалары бойынша және (немесе) мынадай:
1) мониторинг жүргізілетін күні кредиттің игерілмеген немесе ішінара игерілген (желі толығымен игерілмеген, қаражат тауарға/жұмысқа/көрсетілетін қызметке кейіннен ақы төлеу үшін есеп айырысу шотында);
2) кредит шеңберінде сатып алынған тауарлардың жеткізілмеген/жұмыстар орындалмаған/қызметтер көрсетілмеген және жабдықты монтаждау жүргізілмеген (қажет болған жағдайда);
3) құрылыс/реконструкциялық/жөндеу жұмыстары, оның ішінде кредит қаражатына жүргізілген құрылыс/реконструкциялық/жөндеу жұмыстары аяқталмаған;
4) объектіні, оның ішінде кредит қаражатына салынған объектіні қабылдау актісі/пайдалануға беру актісін алмаған;
5) қарыз алушының/кредиттің/жобаның Қаулы шарттарына сәйкестігін және кредиттің мақсатына сай пайдаланылуын растайтын құжаттардың (шот-фактуралар, жүкқұжаттар және басқалар) толық көлемде ұсынылмаған (қарыз алушының мониторинг жүргізілген кезде ұсынбау негіздемелері болған жағдайда);
6) конкурстық комиссия шешіміне сәйкес жұмыс орындарының құрылуы расталмаған (гранттық қаржыландыру жобалары бойынша);
7) жобаны іске асыру (іске қосу) жүзеге асырылмау сияқты негізгі объективті себептер болған кезде ескертулерді жою үшін қосымша мерзім ұсынады.
| Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына |
|
| 1-қосымша |
Субсидияланатын жобаларға мониторинг жүргізу үшін қажетті құжаттар тізбесі
1. Бизнес-жоспар, техникалық-экономикалық қорытынды, аталған құжаттар болмаған жағдайда кредитордың кредиттік менеджерінің экономикалық қорытындысы не жобаның мәнін ашып көрсететін басқа да құжаттар.
2. Мониторинг жүргізу кезіндегі жағдай бойынша берешектердің баптарын толық жаза отырып (негізгі борыш, сыйақы, өсімпұлдар, айыппұлдар), мерзімінен кешіктірілген бөлігін бөліп көрсете отырып, кәсіпкердің несиелік берешегі туралы анықтама немесе кредитор мен кәсіпкер арасындағы салыстырып-тексеру актісі. Анықтамада кәсіпкердің шотына тыйым салудың бар/жоғы көрсетілуі қажет.
3. Қарыздың мақсатына сай пайдаланылуын (инвестициялық мақсаттар, сондай-ақ айналым қаражатын толтыру үшін) растайтын құжаттар, сондай-ақ:
1) тауарға, жұмысқа, көрсетілетін қызметке немесе қарыз шартында/қаржыландыру шартында/қаржы лизингі шартында көзделген қаражат жолдау мақсаттарға ақы төлеу фактісін: төлем тапсырмаларын және (немесе) шетел валютасында аударуға арналған өтініштерді және (немесе) фискалдық чектерді және (немесе) банк шотынан үзінді көшірмелерді (тексерілетін траншты/қарызды берген күннен/қаражатты іс жүзінде игеру күніне дейін қаржыландыруды бастаған күннен бастап) және (немесе) кассалық кіріс ордеріне түбіртектерді және Қазақстан Республикасының заңнамалық нормаларына қайшы келмейтін басқа да төлем құжаттарын;
2) қарыз шартында/қаржыландыру шартында/қаржы лизингі шартында көзделген тауарлардың алынғанын, жұмыстардың орындалғанын, қызметтердің көрсетілген және басқа да мақсаттарға қол жеткізілгенін растайтын: шарттарды/келісімшарттарды, шот-фактураларды және (немесе) жүкқұжаттарын және (немесе) кедендік жүк декларацияларын және (немесе) қабылдау-тапсыру актілерін;
3) құрылыс-монтаждау жұмыстары (бұдан әрі – ҚМЖ) жүзеге асырылған жағдайда: ҚМЖ жүзеге асырылып жатқан жер учаскесіне меншік құқығын/жер учаскесін жалдау құқығын растайтын құжаттарды, ҚМЖ-ға рұқсат беру құжаттары (болған кезде)/кәсіпкердің ҚМЖ өндірісінің басталғаны туралы хабарламасын, Қазақстан Республикасының уәкілетті органында тіркелген пайдалануға беру/қабылдау актілерін көріп растау.
4. Мәлімделген бизнес-жоспарға/техникалық-экономикалық қорытындыға/жобаның мәнін ашатын өзге құжатқа сәйкес жобаның іске асырылуын растайтын құжаттар (бухгалтерлік/статистикалық есептілік, және (немесе) дайын өнімге арналған сертификаттар, және (немесе) шарттар, және (немесе) негізгі құралдар мен материалдарды сатып алу жөніндегі құжаттар, және (немесе) жүкқұжаттар, және (немесе) орындалған жұмыстардың актілері, және (немесе) электрондық шот-фактуралар, және (немесе) төлем құжаттары).
5. Кредитке не қаржылық лизинг шартын жасасуға байланысты комиссиялардың, алымдардың және (немесе) өзге де төлемдердің (бар болса) кәсіпкерге қайтарылуын растайтын кредитордың құжаттары.
6. Жоба бойынша тиімділік өлшемшарттарының орындалуын растайтын құжаттар (кәсіпкердің жеке шотынан алынған бюджетпен есеп айырысудың жай-күйі туралы, сондай-ақ әлеуметтік төлемдер бойынша үзінді көшірме және (немесе) кәсіпкердің салық декларациялары және (немесе) бухгалтерлік/статистикалық есептілік).
Мониторинг жүргізу мақсаттары үшін қаржы агенттігі жоғарыда санамаланған тізбеге кірмеген кредит қаражатының мақсатына сай пайдаланылуын және жобаның іске асырылуын растайтын қосымша құжаттарды сұратуға уәкілетті.
| Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына |
|
| 2-қосымша |
Облигациялар бойынша купондық сыйақы мөлшерлемесін субсидиялау кезінде жобаларға мониторинг жүргізу үшін қажетті құжаттар тізбесі
1. Бизнес-жоспар, техникалық-экономикалық қорытынды не жобаның мәнін ашатын басқа да құжаттар.
2. Облигациялар бойынша қамтамасыз ету құралының болуын растайтын құжаттар.
3. Қаржы нарығын және қаржы ұйымдарын реттеу, бақылау және қадағалау жөніндегі уәкілетті орган тіркеген облигациялар шығарылымының проспектісі (оған енгізілген өзгерістер).
4. Облигациялардың ISIN нөмірі, мониторинг жүргізу күніндегі жағдай бойынша облигация ұстаушылардың шоттарындағы облигациялар саны, облигация ұстаушылардың банктік шоттарына орталық депозитарий аударған жалпы сыйақы сомасы, орналастырылмаған облигациялар саны/сомасы, орталық депозитарий эмитенттен алған сома туралы ақпаратты қамтитын орталық депозитарийдің субсидиялау туралы есебі не осы ақпаратты қамтитын облигация ұстаушылардың өкілінен алынған есеп.
5. Қарыздың мақсатына сай пайдаланылуын (инвестициялық мақсаттарға, сондай-ақ айналым қаражатын толтыру үшін) растайтын құжаттар, сондай-ақ:
1) тауарға, жұмысқа, көрсетілетін қызметке немесе облигацияларды шығару проспектісінде көзделген қаражат жолдау мақсаттарына ақы төлеу фактісін: төлем тапсырмаларын, шетелдік валютаға аударуға арналған өтініштерді, фискалдық чектерді, банктік шоттан үзінді көшірмелерді (облигацияларды сатып алу басталған күннен бастап іс жүзінде игерілген күнге дейінгі), кіріс кассалық ордерге арналған түбіртектерді және Қазақстан Республикасының заңнамалық нормаларына қайшы келмейтін басқа да төлем құжаттарын;
2) тауарларды алу, жұмыстарды орындау, қызметтерді көрсету және облигацияларды шығару проспектісінде көзделген басқа да мақсаттарға қол жеткізу фактісін: шарттар/келісімшарттарды, шот-фактураларын, жүкқұжаттарды, кедендік жүк декларацияларын, қабылдау-тапсыру актілерін;
3) құрылыс-монтаждау жұмыстары (бұдан әрі – ҚМЖ) жүзеге асырылған жағдайда: ҚМЖ жүзеге асырылып жатқан жер учаскесіне меншік құқығын/жер учаскесін жалдау құқығын растайтын құжаттарды, ҚМЖ-ға рұқсат беру құжаттарын (болған кезде)/эмитентті ҚМЖ жүргізудің басталғаны туралы хабарламасын, Қазақстан Республикасының уәкілетті органында тіркелген пайдалануға беру/қабылдау актілерін көріп растау.
6. Мәлімделген бизнес-жоспарға/техникалық-экономикалық қорытындыға/жобаның мәнін ашатын өзге құжатқа сәйкес жобаның іске асырылуын растайтын құжаттар (бухгалтерлік/статистикалық есептілік, және (немесе) дайын өнімге арналған сертификаттар, және (немесе) шарттар, және (немесе) негізгі құралдар мен материалдарды сатып алу жөніндегі құжаттар, және (немесе) жүкқұжаттар, және (немесе) орындалған жұмыстардың актілері, және (немесе) электрондық шот-фактуралар, және (немесе) төлем құжаттары).
7. Жоба бойынша тиімділік өлшемшарттарының орындалуын растайтын құжаттар (кәсіпкердің жеке шотынан алынған бюджетпен есеп айырысудың жай-күйі туралы, сондай-ақ әлеуметтік төлемдер бойынша үзінді көшірме және (немесе) кәсіпкердің салық декларациялары және (немесе) бухгалтерлік/ статистикалық есептілік).
Мониторинг жүргізу мақсаттары үшін қаржы агенттігі жоғарыда санамаланған тізбеге кірмеген кредит қаражатының мақсатына сай пайдаланылуын және жобаның іске асырылуын растайтын қосымша құжаттарды сұратуға уәкілетті.
| Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына |
|
| 3-қосымша |
Кепілдік берілетін жобаларға мониторинг жүргізу үшін қажетті құжаттар тізбесі
1. Бизнес-жоспар, техникалық-экономикалық қорытынды, аталған құжаттар болмаған жағдайда кредитордың кредиттік менеджерінің экономикалық қорытындысы не жобаның мәнін ашатын басқа да құжаттар.
2. Мониторинг жүргізу сәтіндегі жағдай бойынша берешектердің баптарын толық жаза отырып (негізгі борыш, сыйақы, өсімпұлдар, айыппұлдар), мерзімінен кешіктірілген бөлігін бөліп көрсете отырып, кәсіпкердің несиелік берешегі туралы анықтама немесе кредитор мен кәсіпкердің арасындағы салыстырып тексеру актісі. Анықтамада кәсіпкердің шотына тыйым салудың бар/жоғын көрсету қажет.
3. Кредит/кредиттік желі бойынша қамтамасыз етудің болуын растайтын құжаттар (кепіл шарттары және оларға қосымша келісімдер).
4. Кредитордың және (немесе) кәсіпкердің кепілдіктің ерекше жарамдылық талаптарын және өзге де кепілдік беру талаптарын орындағанын растайтын құжаттар.
5. Жылжымайтын мүлікке тіркелген құқықтар (ауыртпалықтар) және кепіл мүлкінің техникалық сипаттамалары туралы анықтама. Анықтаманы ұсыну кәсіпкердің кредиті бойынша күнтізбелік 60 (алпыс) күннен артық (егер кепілдік шартында өзге мерзім белгіленбесе) кешіктірілген берешегі бар жоба бойынша мониторинг жүргізу кезінде жүзеге асырылады.
6. Кредиттің/кредиттік желінің ресімделуін растайтын құжаттар (кәсіпкермен жасалған қарыз шарты (барлық берілген транштар бойынша), сондай-ақ оларға қосымша келісімдер (бар болса).
7. Кредит/кредиттік желі бойынша түпкілікті қарыз алушыға ақша аударуды растайтын құжаттар (кәсіпкердің банк шотынан үзінді көшірме (тексерілетін транш/қарыз алынған күннен бастап іс жүзінде игерілген күнге дейін), оператордың төлем тапсырмасы және (немесе) төлем ордері).
8. Қарыздың мақсатына сай пайдаланылуын (инвестициялық мақсаттар, сондай-ақ айналым қаражатын толтыру үшін) растайтын құжаттар, сондай-ақ:
1) тауар, жұмыс, көрсетілетін қызмет үшін немесе қарыз шартында/қаржыландыру шартында/қаржы лизингі шартында көзделген қаражат жолдау мақсаттарға ақы төлеу фактісін: төлем тапсырмаларын және (немесе) шетел валютасында аударуға арналған өтініштерді және (немесе) фискалдық чектерді және (немесе) банк шотынан үзінді көшірмелерді (тексерілетін траншты/қарызды берген күннен бастап нақты игеру күніне дейін) және (немесе) кассалық кіріс ордеріне түбіртектерді және (немесе) Қазақстан Республикасының заңнамалық нормаларына қайшы келмейтін басқа да төлем құжаттары);
2) қарыз шартында/қаржыландыру шартында/қаржы лизингі шартында/форвардтық шартында/ақшалай талапты басқаға беруге арналған қаржыландыру шартында (факторинг) көзделген тауарлардың алынғанын, жұмыстардың орындалғанын, қызметтердің көрсетілгенін және басқа да мақсаттарға қол жеткізілгенін растайтын құжаттарды: шарттар/келісімшарттарды, шот-фактуралар және (немесе) жүкқұжаттарын және (немесе) кедендік жүк декларацияларын және (немесе) қабылдау-тапсыру актілерін;
3) құрылыс-монтаждау жұмыстары (бұдан әрі – ҚМЖ) жүзеге асырылған жағдайда: ҚМЖ жүзеге асырылатын жер учаскесіне меншік құқығын/жер учаскесін жалдау құқығын растайтын құжаттарды, ҚМЖ-ға рұқсат беру құжаттарын (болған жағдайда)/кәсіпкерге ҚМЖ басталғаны туралы хабардар ету, Қазақстан Республикасының уәкілетті органын тіркей отырып, іске қосу/пайдалануға беру актілерін көріп растау.
9. Кредит сомасы қоса алғанда 500 (бес жүз) миллион теңгеден асатын жобалар бойынша кәсіпкердің өзінің қатысуын растайтын құжаттар (ақша қаражатын ұсынған кезде – кәсіпкердің шотынан үзінді көшірме, жылжымалы/жылжымайтын мүлікті ұсынған кезде – мүлікке меншік құқығын растайтын құжаттар) ("Жеке кәсіпкерлікті мемлекеттік қолдаудың кейбір шаралары туралы" Қазақстан Республикасы Үкіметінің 2024 жылғы 17 қыркүйектегі № 754 қаулысымен бекітілген Кепілдік беру қорлары шеңберінде Кепілдік беру қағидаларында осы шарт болған жағдайда).
10. Мәлімделген бизнес-жоспарға/техникалық-экономикалық қорытындыға/жобаның мәнін ашатын өзге құжатқа сәйкес жобаның іске асырылуын растайтын құжаттар (бухгалтерлік/статистикалық есептілік, және (немесе) дайын өнімге арналған сертификаттар, және (немесе) шарттар, және (немесе) негізгі құралдар мен материалдарды сатып алу жөніндегі құжаттар, және (немесе) жүкқұжаттар, және (немесе) орындалған жұмыстардың актілері, және (немесе) электрондық шот-фактуралар, және (немесе) төлем құжаттары).
11. Кредитордың кәсіпкерге кредитке не қаржы лизингі шартын жасасуға байланысты комиссиялардың, алымдардың және (немесе) өзге де төлемдердің (бар болса) қайтарылғанын растайтын құжаттары.
12. Жоба бойынша тиімділік өлшемшарттарының орындалуын растайтын құжаттар (кәсіпкердің жеке шотынан алынған бюджетпен есеп айырысудың жай-күйі туралы, сондай-ақ әлеуметтік төлемдер бойынша үзінді көшірме және (немесе) кәсіпкердің салық декларациялары және (немесе) бухгалтерлік/статистикалық есептілік).
Мониторинг жүргізу мақсаттары үшін қаржы агенттігі жоғарыда санамаланған тізбеге кірмеген кредит қаражатының мақсатына сай пайдаланылуын және жобаның іске асырылуын растайтын қосымша құжаттарды сұратуға уәкілетті.
| Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына |
|
| 4-қосымша |
Облигациялар бойынша кепілдік беру жобаларына мониторинг жүргізу үшін қажетті құжаттар тізбесі
1. Бизнес-жоспар, техникалық-экономикалық қорытынды не жобаның мәнін ашатын басқа да құжаттар.
2. Облигациялар бойынша қамтамасыз ету құралының болуын растайтын құжаттар.
3. Эмитенттің кепілдік жарамдылығының ерекше шарттарын және кепілдік шартына сәйкес кепілдік берудің өзге де шарттарын орындағанын растайтын құжаттар.
4. Қаржы нарығын және қаржы ұйымдарын реттеу, бақылау және қадағалау жөніндегі уәкілетті орган тіркеген облигацияларды шығару проспектісі (оған енгізілген өзгерістер).
5. Жылжымайтын мүлікке тіркелген құқықтар (ауыртпалықтар) және кепілдік мүлікке оның техникалық сипаттамалары туралы анықтама.
6. Облигациялардың ISIN нөмірі, мониторинг жүргізу күніндегі жағдай бойынша облигация ұстаушылардың шоттарындағы облигациялар саны, облигация ұстаушылардың банктік шоттарына орталық депозитарий аударған жалпы сыйақы сомасы, орналастырылмаған облигациялар саны/сомасы, орталық депозитарий эмитенттен алған сома туралы ақпаратты қамтитын орталық депозитарийдің есебі не осы ақпаратты қамтитын облигация ұстаушылардың өкілінен алынған есеп.
7. Қарыздың мақсатына сай пайдаланылуын (инвестициялық мақсаттарға да, айналым қаражатын толықтыруға да) растайтын құжаттар, сондай-ақ:
1) тауарға, жұмысқа, көрсетілетін қызметке немесе облигацияларды шығару проспектісінде көзделген қаражат жолдау мақсаттарға ақы төлеу фактісін: төлем тапсырмаларын және (немесе) шетел валютасында аударуға арналған өтініштерді және (немесе) фискалдық чектерді және (немесе) банк шотынан үзінді көшірмелерді (тексерілетін транш/қарыз берілген күннен бастап нақты игеру күніне дейін) және (немесе) кассалық кіріс ордеріне түбіртектерді және (немесе) Қазақстан Республикасының заңнамалық нормаларына қайшы келмейтін басқа да төлем құжаттарын;
2) тауарлардың алынғанын, жұмыстардың орындалғанын, қызметтердің көрсетілгенін және облигацияларды шығару проспектісінде көзделген басқа да мақсаттарға қол жеткізу фактісін: шарттарды/келісімшарттарды, шот-фактураларды және (немесе) жүкқұжаттарды және (немесе) кедендік жүк декларацияларын және (немесе) қабылдау-тапсыру актілерін;
3) құрылыс-монтаждау жұмыстары (бұдан әрі – ҚМЖ) жүзеге асырылған жағдайда: ҚМЖ жүзеге асырылып жатқан жер учаскесіне меншік құқығын/жер учаскесін жалдау құқығын растайтын құжаттарды, ҚМЖ-ға рұқсат беру құжаттарын (болған жағдайда)/эмитентті ҚМЖ жүргізудің басталғаны туралы хабарламасын, Қазақстан Республикасының уәкілетті органында тіркелген пайдалануға беру/қабылдау актілерін көріп растау.
8. Мәлімделген бизнес-жоспарға/техникалық-экономикалық қорытындыға/жобаның мәнін ашатын өзге құжатқа сәйкес жобаның іске асырылуын растайтын құжаттар (бухгалтерлік/статистикалық есептілік, және (немесе) дайын өнімге арналған сертификаттар, және (немесе) шарттар, және (немесе) негізгі құралдар мен материалдарды сатып алу жөніндегі құжаттар, және (немесе) жүкқұжаттар, және (немесе) орындалған жұмыстардың актілері, және (немесе) электрондық шот-фактуралар, және (немесе) төлем құжаттары).
9. Жоба бойынша тиімділік өлшемшарттарының орындалуын растайтын құжаттар (кәсіпкердің жеке шотынан алынған бюджетпен есеп айырысудың жай-күйі туралы, сондай-ақ әлеуметтік төлемдер бойынша үзінді көшірме және (немесе) кәсіпкердің салық декларациялары және (немесе) бухгалтерлік/статистикалық есептілік).
Мониторинг жүргізу мақсаттары үшін қаржы агенттігі жоғарыда санамаланған тізбеге кірмеген кредит қаражатының мақсатына сай пайдаланылуын және жобаның іске асырылуын растайтын қосымша құжаттарды сұратуға уәкілетті.
| Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына |
|
| 5-қосымша |
Нысан
______жылдан бастап______ жыл аралығындағы кезеңге кәсіпкерлікті қолдау бағдарламалары шеңберінде кәсіпкерлер жобасының (жобаларының) іске асырылу барысын ағымдағы мониторингтеу туралы есеп
Р/с № | Банктің/микроқаржы ұйымының (МҚҰ) атауы | Жеке кәсіпкерлік субъектісі жүгінген орын (өңір) | Қарыз алушының атауы | Қарыз алушының жеке сәйкестендіру нөмірі (ЖСН)/бизнес сәйкестендіру нөмірі (БСН) |
1 | 2 | 3 | 4 | 5 |
кестенің жалғасы
Заңды мәртебесі (жауапкершілігі шектеулі серіктестік, жеке кәсіпкер, шаруа қожалығы, кәсіпкерлік кооперативі) | Қарыз шартының/кредиттік желіні ашу туралы келісімнің № | Қарыз шартының/кредиттік желіні ашу туралы келісімнің күні | Бағдарлама атауы (бағдарлама бағыты) |
6 | 7 | 8 | 9 |
кестенің жалғасы
Кредит мерзімі | Кредит сомасы | Кредит бойынша сыйақы мөлшерлемесі | Негізгі борышты өтеу бойынша жеңілдікті кезең | Сыйақы төлеу бойынша жеңілдікті кезең |
10 | 11 | 12 | 13 | 14 |
кестенің жалғасы
Кредит (транш) бойынша берілген күні | Нақты берілген қаражат сомасы | Есепті күнге негізгі борыш берешегінің қалдығы | Кепілдік шартының нөмірі |
15 | 16 | 17 | 18 |
кестенің жалғасы
Кепілдік беру шартының күні | Қаржы агенттігі кепілдігінің сомасы | Қаржы агенттігінің кепілдік бойынша міндеттемелерін орындау сомасы | Негізгі борыш бойынша мерзімі өткен берешек сомасы |
19 | 20 | 21 | 22 |
кестенің жалғасы
Негізгі борыш бойынша мерзімі өткен күндер саны | Сыйақы төлеу бойынша мерзімі өткен күндер саны | Кредит беру объектісі (инвестициялық кредит/айналым қаражатын толықтыру) | Экономикалық қызмет түрлерінің жалпы жіктеуіші (ЭҚЖЖ) бойынша код |
23 | 24 | 25 | 26 |
кестенің жалғасы
Жоба бойынша бизнес (енді басталатын/жұмыс істеп тұрған) | Қарыз шарты/кредиттік желіні ашу туралы келісім бойынша қолжетімді кезең | Банктің/МҚҰ уәкілетті органының шешім қабылдаған күні | Кредиттік желі (қайта жаңғыртылатын (ҚЖКЖ)/ жаңғыртылмайтын (ЖМКЖ)/аралас (АКЖ)/ банктік қарыз (БҚ)/ микрокредит/қаржы лизингі/қаржыландыру |
27 | 28 | 29 | 30 |
Лауазымды адам ________________________ тегі, аты, әкесінің аты (болған жағдайда)
(қолы, мөр (болған жағдайда)
Жауапты жұмыскер ____________________тегі, аты, әкесінің аты (болған жағдайда)
(қолы, мөр (болған жағдайда)
| Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына 6-қосымша Әкімшілік деректерді жинауға арналған нысан |
Ұсынылады: кәсіпкерлік жөніндегі уәкілетті органға.
Әкімшілік деректерді өтеусіз негізде жинауға арналған нысан орналастырылған интернет-ресурс: www.economy.gov.kz
Әкімшілік нысанның атауы: Кәсіпкерлікті қолдау бағдарламалары шеңберінде кепілдік беру туралы есеп.
Әкімшілік деректерді өтеусіз негізде жинауға арналған нысанының индексі: ОГ-1.
Кезеңділік: ай сайын.
Есепті кезең: 20 _____ж. _____ бастап _____ аралығындағы кезеңге.
Әкімшілік деректерді өтеусіз негізде жинауға арналған нысанды ұсынатын адамдар тобы: "Даму" кәсіпкерлікті дамыту қоры" акционерлік қоғамы (бұдан әрі – қаржы агенттігі).
Әкімшілік деректерді өтеусіз негізде жинауға арналған нысанды ұсыну мерзімі: есепті айдан кейінгі айдың 30-күніне (отызыншы) дейін.
ЖСН/БСН |
|
Жинау әдісі: Қазақстан Республикасының заңнамасына сәйкес электрондық цифрлық қолтаңба қойылған ақпаратты жинауға және онымен алмасуға арналған ақпараттық жүйелер арқылы немесе жазбаша түрде (есепті жазбаша түрде ұсынған кезде есептің электрондық нысаны жауапты орындаушының электрондық мекенжайына қосымша жіберіледі).
Кепілдік беру туралы есеп
Р/с | Облыс атауы | Қарыз шарты бойынша кредит сомасы, (мың теңге) | Қаржы агенттігі кепілдігінің сомасы, (мың теңге) | Қаржы агенттігінің кепілдіктер бойынша орындаған міндеттемелерінің сомасы, (мың теңге) |
1 | 2 | 3 | 4 | 5 |
Атауы ___________________ Мекенжайы_______________________
Телефоны ___________________________
Электрондық пошта мекенжайы _______________________________
Орындаушы ________________________________ _______________________
тегі, аты, әкесінің аты (болған жағдайда) қолы, телефон
Басшы немесе оның міндетін атқарушы адам
____________________________________________ _______________
тегі, аты, әкесінің аты (болған жағдайда) қолы
Мөрдің орны _______________________________
| "Кәсіпкерлікті қолдау бағдарламалары шеңберінде кепілдік беру туралы есеп" нысанына |
|
| қосымша |
Өтеусіз негізде "Кәсіпкерлікті қолдау бағдарламалары шеңберінде кепілдік беру туралы есеп" әкімшілік деректерін жинауға арналған нысанды толтыру жөніндегі түсіндірме
(Индексі – ОГ-1, кезеңділігі: ай сайын)
1. Әкімшілік нысанында пайдаланылатын терминдер мен анықтамалар:
1) ақпараттық жүйе – ақпараттық өзара іс-қимыл арқылы белгілі бір технологиялық әрекетті іске асыратын және нақты функционалдық міндеттерді шешуге арналған ақпараттық-коммуникациялық технологиялардың, қызмет көрсетуші персоналдың және техникалық құжаттаманың ұйымдастырылып, ретке келтірілген жиынтығы;
2) кепілдік – қаржы агенттігінің кредитор алдындағы кәсіпкердің кепілдік сомасы шегінде қарыз шарты/қаржы лизингі шарты/шартты міндеттеме/форвардтық шарт/опциондық келісім бойынша негізгі борыштың бір бөлігін төлеу бойынша/кепілдік беру міндеттемесінен туындайтын орналастырылған облигациялардың номиналдық құны сомасының бір бөлігін төлеу/жобаның құрылысын аяқтау туралы (жоба бойынша барлық шығындарды және басқа да қаржылық және қаржылық емес міндеттемелерді төлеуді немесе төлеуді және өтеуді қамтамасыз етуді қоса алғанда), акционерлерді/қатысушыларды қолдау туралы келісім (жобалық келісім) бойынша міндеттемелерінің орындалуына жауап беру міндеттемесі;
3) кепілдік беру – "Жеке кәсіпкерлікті мемлекеттік қолдаудың кейбір шаралары туралы" Қазақстан Республикасы Үкіметінің 2024 жылғы 17 қыркүйектегі № 754 қаулысында және кепілдік шартымен/кепілдік міндеттемесімен айқындалатын шарттарда кәсіпкердің кредит/қаржы лизингі/шартты міндеттеме/кәсіпкердің орналастырылған облигациялары бойынша негізгі қарыздың бір бөлігін төлеу жөніндегі міндеттемелерін және банктер алдындағы өзге де міндеттемелерін орындауы үшін қаржы агенттігінің кредиторлар алдында кепілдік беруі;
4) қарыз шарты – кредитор мен кәсіпкер арасында жасалған жазбаша келісім, оның талаптары бойынша кәсіпкерге кредит беріледі (кредиттік желі ашу туралы келісім де қарыз шартына жатады).
2. Нысанды толтыру жөніндегі түсіндірмелер
Осы түсіндірмеде өтеусіз негізде "Кәсіпкерлікті қолдау бағдарламалары шеңберінде кепілдік беру туралы есеп" әкімшілік деректерін жинауға арналған нысанды (бұдан әрі – Нысан) толтыру жөніндегі бірыңғай талаптар айқындалады.
Нысанды қаржы агенттігі ай сайын жасайды. Нысандағы деректер, егер өзгеше көрсетілмесе, теңгемен толтырылады.
Нысанға бірінші басшы немесе есепке қол қоюға уәкілетті адам және орындаушы қол қояды.
Нысанда мынадай деректер қамтылады:
"Р/с №" деген 1-бағанда реттік нөмір санымен көрсетіледі. Кейінгі ақпаратты жазғанда, нөмірлеу реті үзілмейді;
"Облыс атауы" деген 2-бағанда кәсіпкерді тіркеу/қаржыландыру орнына сәйкес келетін, ұлттық Әкімшілік-аумақтық объектілердің жіктеуішіне (ӘАОЖ) сәйкес облыс немесе республикалық маңызы бар қала немесе астана көрсетіледі;
"Қарыз шарты бойынша кредит сомасы" деген 3-бағанда кредит желісін ашу туралы келісім/қарыз шарты шеңберінде облыс бойынша берілген кредиттің жалпы сомасы теңгемен көрсетіледі;
"Қаржы агенттігі кепілдігінің сомасы" деген 4-бағанда кредиттік желіні ашу туралы келісім/қарыз шарты шеңберінде берілген кепілдіктің жалпы сомасы теңгемен көрсетіледі;
"Қаржы агенттігінің кепілдіктер бойынша орындаған міндеттемелерінің сомасы" деген 5-бағанда облыс бойынша қаржы агенттігінің орындаған талаптарының жалпы сомасы теңгемен көрсетіледі.
| Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына |
|
| 7-қосымша |
Гранттық қаржыландыру жобаларына мониторинг жүргізу үшін қажетті құжаттар тізбесі
1. Бизнес-жоспар, техникалық-экономикалық қорытынды.
2. Грант сомасының мақсатына сай пайдаланылуын (инвестициялық мақсаттар, сондай-ақ айналым қаражатын толтыру үшін) растайтын құжаттар:
1) тауарға, жұмысқа, көрсетілетін қызметке немесе грант беру туралы шартта көзделген қаражат жолдау мақсаттарға ақы төлеу фактісін растайтын құжаттар: төлем тапсырмалары және (немесе) шетелдік валютаға аударуға арналған өтініштер және (немесе) фискалдық чектер және (немесе) банк шотынан үзінді көшірмелерді (тексерілетін траншты/қарызды берген күннен бастап іс жүзінде игерілген күнге дейін) және (немесе) кассалық кіріс ордеріне түбіртектер және Қазақстан Республикасының заңнамалық нормаларына қайшы келмейтін басқа да төлем құжаттары;
2) тауарлардың алынғанын, жұмыстардың орындалғанын, қызметтердің көрсетілгенін және кепілдік беру туралы шартта көзделген басқа да мақсаттарға қол жеткізуді растайтын құжаттар: шарттар/келісімшарттар, шот-фактуралар және (немесе) жүкқұжаттар және (немесе) кедендік жүк декларациялары, қабылдау-тапсыру актілері;
3) құрылыс-монтаждау жұмыстары (бұдан әрі – ҚМЖ) жүзеге асырылған жағдайда: ҚМЖ жүзеге асырылып жатқан жер учаскесіне меншік құқығын/жер учаскесін жалдау құқығын растайтын құжат, ҚМЖ жүргізуге рұқсат беру құжаттары (болған жағдайда), грант алушының ҚМЖ жүргізе бастағаны туралы хабарламасы, Қазақстан Республикасының уәкілетті органында тіркелген пайдалануға беру/қабылдау актілері.
3. Меншік қаражатпен бизнес-жобаны іске асыру шығыстарын қоса қаржыландыруды растайтын құжаттар, сондай-ақ көріп растау (ақша қаражаты берілген кезде – кәсіпкердің шотынан үзінді көшірме, жылжымалы/жылжымайтын мүлік берілген кезде – мүлікке меншік құқығын растайтын құжаттар).
4. Қазақстан Республикасы заңнамасының нормаларына қайшы келмейтін нысан бойынша жаңа жұмыс орындарының құрылғанын растайтын Грант алушының салық декларацияларының көшірмелері.
5. Бизнес-жобаның іске асырылу барысын растайтын құжаттар, оның ішінде бизнес-жоба шеңберінде өнімнің өндірілгенін, жұмыстардың орындалғанын, қызметтердің ұсынылғанын растайтын құжаттар.
Мониторинг жүргізу мақсаттары үшін қаржы агенттігі жоғарыда аталған тізбеге кірмеген кредит қаражатының мақсатына сай пайдаланылуын және жобаның іске асырылуын растайтын қосымша құжаттарды сұратуға уәкілетті.
| Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына 8-қосымша |
|
| Нысан |
20___ жылғы "___" _________
Грант алушының жобаға мониторинг жүргізуге арналған мәліметтерді ұсынбауына/ұсынудан бас тартуына байланысты мониторинг жүргізудің мүмкін еместігі туралы акт
Біз, төменде қол қоюшылар, _____________________________________
Директордың/директор орынбасарының тегі, аты, әкесінің аты (болған жағдайда),
_____________________________________________________________
Маманның (мамандардың) тегі, аты, әкесінің аты (болған жағдайда)
___ жылғы _____ (банктің/лизингтік компанияның/микроқаржы ұйымының/грант алушының/эмитенттің атауы) жобаға мониторинг жүргізу үшін қажетті мәліметтерді ұсынбағаны/ұсынудан бас тартқаны туралы осы Актіні жасадық.
Қаржы агенттігінің өңірлік филиалының директоры/директорының орынбасары
________________________________ ______________________________
Тегі, аты, әкесінің аты (болған жағдайда) қолы, мөр (болған жағдайда)
Қаржы агенттігінің өңірлік филиалының маманы
________________________________ ______________________________
Тегі, аты, әкесінің аты (болған жағдайда) қолы, мөр (болған жағдайда)
| Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларына 9-қосымша |
|
| Нысан |
20___ жылғы "___" _________
Мониторинг туралы есепке қол қоюдан бас тарту туралы акт
Біз, төменде қол қоюшылар, ______________________________________
Қаржы агенттігі директорының/директоры орынбасарының тегі, аты,
әкесінің аты (болған жағдайда),
_____________________________________________________________________
Қаржы агенттігі маманының (мамандарының) тегі, аты, әкесінің аты (болған жағдайда)
____ жылғы ___.___ "Даму" кәсіпкерлікті дамыту қоры" акционерлік қоғамның өңірлік филиалы (банк бөлімшесінің/лизингтік компанияның/микроқаржы ұйымының (бұдан әрі – МҚҰ)/грант алушының/эмитенттің атауы) (құжаттың атауы (Жобалардың құжаттамалық мониторингі туралы есеп/Жоба бойынша мониторингтік есеп) (жіберілу тәсілі (қолға, тапсырыс хат) жолдағаны, ___ жылғы .___.___. дейінгі қол қою мерзімімен ____ жылғы ___.___. (банктің /лизингтік компанияның/МҚҰ/грант алушының/эмитенттің атауы) алғаны (табыс етілгені туралы түбіртекпен алғаны туралы кеңсе белгісімен) расталатын осы Актіні жасадық.
_____жылғы ___.___. жағдай бойынша мониторинг туралы осы есепке (банктің/лизингтік компанияның/МҚҰ атауы/эмитенттің/грант алушының) уәкілетті өкілі қол қойған жоқ (қажеттісін көрсету).
Қаржы агенттігі өңірлік филиалының директоры/директорының орынбасары
_______________________________ _______________________________
Тегі, аты, әкесінің аты (болған жағдайда) қолы, мөр (болған жағдайда)
Қаржы агенттігі өңірлік филиалының маманы
_______________________________ _______________________________
Тегі, аты, әкесінің аты (болған жағдайда) қолы, мөр (болған жағдайда)
