БҰЙЫРАМЫН:
1. "Ұшу қауіпсіздігін қамтамасыз етуге қатысатын авиация персоналының кәсіптік даярлығының үлгілік бағдарламасын бекіту туралы" Қазақстан Республикасы Көлік және коммуникация министрінің 2013 жылғы 28 қыркүйектегі 764 бұйрығына (Нормативтік құқықтық актілерді мемлекеттік тіркеу тізілімінде № 8785 болып тіркелген) мынадай өзгерістер мен толықтырулар енгізілсін:
кіріспе мынадай редакцияда жазылсын:
"Қазақстан Республикасының әуе кеңістігін пайдалану және авиация қызметі туралы" Қазақстан Республикасы Заңының 14-бабы 1-тармағының 15) тармақшасына сәйкес БҰЙЫРАМЫН:";
көрсетілген бұйрықпен бекітілген Ұшу қауіпсіздігін қамтамасыз етуге қатысатын авиация персоналының кәсіптік даярлығының үлгілік бағдарламасында:
4-тармақ мынадай мазмұндағы 90-1) тармақшасымен толықтырылсын:
"90-1) ұшу қауіпсіздігін басқару жүйесі (бұдан әрі – ҰҚБЖ) – ұйымдастырушылық құрылымды, жауапкершілік иерархиясын, міндеттерді, басшылық қағидаттары мен рәсімдерді қоса алғанда, ұшу қауіпсіздігін басқаруға арналған жүйелі тәсіл;";
206-тармақ мынадай редакцияда жазылсын:
"206. Ұшақтың класы бойынша (СRI) нұсқаушыларға арналған бағдарлама қамтиды:
1) оқыту және сабақ беру әдістемесі бойынша кемінде 25 сағат;
2) техникалық білімін қайталау, сабақ жоспарын дайындау және аудиторияда немесе тренажерде оқыту дағдысын дамыту бойынша 10 оқу сағаты.";
241-тармақ мынадай редакцияда жазылсын:
"241. Нұсқаушыларды ұшуға даярлау (CRI) ұшақ класы бойынша бір пилот басқаратын ӘК ұшқыштарды қауіпсіз және тиімді оқытуға қажетті білім, дағдылар мен ұстанымдарды игеруге бағытталған және мыналарды қамтиды: бір қозғалтқышты ұшақта 3 сағат немесе екі қозғалтқышты ұшақта 5 сағат.";
248-тармақ мынадай редакцияда жазылсын:
"248. Ұшу даярлығының көлемі мен оны өткізу қажеттілігі АОО-мен өз бетінше анықталады.";
294 және 295-тармақтар мынадай редакцияда жазылсын:
"294. Ұшу экипаждары мүшелерінің кәсіби деңгейін қолдау жөніндегі бағдарламалардың қосымша тізбесі осы Үлгілік бағдарламаларға 21 және 115-қосымшаларға сәйкес оқу курстарына арналған Үлгілік бағдарламалар негізінде әзірленеді.
295. Ұшу экипаждары мүшелерінің кәсіби деңгейін қолдау курстарынан өту мерзімдері осы Үлгілік бағдарламаларға 21 және 115-қосымшаларда көрсетілген.";
309 және 310-тармақтар мынадай редакцияда жазылсын:
"309. Ұшақ түрі бойынша нұсқаушы сертификатын (TRI (A)) ұзарту үшін өтініш беруші сертификаттың жарамдылық мерзімінің алдындағы соңғы 12 ай ішінде мынадай 3 талаптың 2-ін орындайды:
1) оқу курсының төмендегі тараудерінің бірін жүргізеді:
ұзақтығы 3 сағаттан кем емес жаттықтыру құрылғысында дайындық сессиясын немесе кем дегенде 2 ұшуды және қонуды қамтитын ӘК-де 1 сағаттан кем емес бір жаттығу;
2) сертификатталған (танылған) АОО-да TRI ретінде нұсқаушылардың біліктілігін арттыруды алады;
3) осы Үлгілік бағдарламаның 16-тарауының 4, 5-параграфтарының талаптарына сәйкес құзыреттілігін бағалаудан өтеді.
310. Тікұшақтың (TRI (Н)) немесе көтеру күшін арттыру жүйесі бар әуе кемесінің (TRI (PL)) түрі бойынша нұсқаушы сертификатын ұзарту үшін өтініш беруші TRI сертификатының қолданылу мерзімі ішінде мынадай 3 талаптың 2-ін орындайды:
1) ұшу даярлығы бағдарламасы бойынша оқу бағдарламасында қарастырылған әуе кемелерінің әрбір түрінде немесе тиісті FSTD жаттықтыру құрылғысының түрінде 50 сағат ұшу уақытының, оның 15 сағаттан кем болмайтыны TRI сертификатының қолданылу мерзімі өтетін күннің алдындағы 12 ай ішінде болуы.
TRI (PL) нұсқаушысы үшін бұл ұшу даярлығының сағаттары TRI не (TRE) түрінде емтихан қабылдаушы немесе SFI пилотаждық жаттықтыру құрылғысы жөнінде нұсқаушы не (SFE) емтихан қабылдаушы ретінде орындалады;
2) сертификатталған (танылған) АОО-ның уәкілетті ұйымында TRI ретінде нұсқаушыларды қайта даярлаудан өтеді;
3) осы Үлгілік бағдарламаның 16-тарауының 4, 5 - параграфтарының талаптарына сәйкес кәсіби деңгейін ұстау бойынша құзыреттілігін бағалаудан өтеді.";
411-тармақ мынадай редакцияда жазылсын:
" 411. АНА бойынша мамандардың кәсіби деңгейін ұстап тұру авиациялық оқу орталықтарында және (немесе) азаматтық авиация ұйымдарында аэронавигациялық ақпаратты қамтамасыз ету процесіне байланысты практикалық және теориялық даярлықты қамтитын бағдарламаларға сәйкес кемінде үш жылда бір рет жүргізіледі.";
419-тармақ мынадай редакцияда жазылсын:
"419. Аэронавигациялық рәсімдер жобалаушылардың кәсіби деңгейін ұстап тұру үш жылда кемінде бір рет жүргізіледі.
Ұшу рәсімдері мен картографияны жобалаушылардың кәсіби деңгейін ұстап тұру бағдарламалары аспаптар мен картография бойынша ұшу схемаларын әзірлеу процесіне байланысты практикалық және теориялық дайындықты қамтиды.";
мынадай мазмұндағы 20-1 және 20-2-тараулармен толықтырылсын:
"20-1-тарау. Ұшу экипаждары бойынша емтихан алушылардың кәсіби деңгейін қайта даярлау және ұстап тұру .
419-1. Ұшу экипаждары бойынша емтихан алушыларды кәсіптік даярлау авиация персоналының біліктілік деңгейін айқындау үшін уәкілетті ұйым тағайындайтын жеке тұлғаларға қойылатын талаптарға сәйкестікті қамтамасыз ету мақсатында жүзеге асырылады.
419-2. Ұшу экипаждары бойынша емтихан алушыларды кәсіптік даярлау осы біліктілігі жоқ ұшу экипажы мүшелерінің куәлігін ұстаушыларды қайта даярлау және ұшу экипаждары бойынша уәкілетті ұйым тағайындаған емтихан алушылардың кәсіптік деңгейін ұстап тұру ретінде іске асырылады.
419-3. Қайта даярлау:
1) пилот-нұсқаушының қолданыстағы арнайы белгісі;
2) оқытудың алдындағы кезеңде пилот–нұсқаушы ретінде кемінде 3 жыл үздіксіз жұмыс өтілі бар тұлғалар үшін жүргізіледі.
419-4. Қайта даярлау, оның ішінде бұрын осы оқудан өткен, бірақ ұшу экипаждары бойынша емтихан алушы ретінде қызметін жүзеге асырмаған не уәкілетті ұйым тағайындамаған адамдар үшін, оқу аяқталған күннен бастап 5 жыл ішінде ұшу экипаждары бойынша емтихан алушы ретінде жүргізіледі.
419-5. Қайта даярлау осы Үлгілік бағдарламаларға 113-қосымшада көрсетілген бағыттарға сәйкес іске асырылады. Бағдарламаның жалпы көлемі кемінде 28 оқу сағатын қамтамасыз етеді.
419-6. Ұшу экипаждары бойынша емтихан алушылардың кәсіби деңгейін ұстап тұру қайта даярлау бағдарламасының бағыттары бойынша кемінде 14 сағат көлемінде теориялық даярлықты қамтиды.
419-7. Ұшу экипаждары бойынша емтихан алушылардың кәсіби деңгейін ұстап тұру кезеңділігі 3 жылда кемінде 1 рет белгіленеді.
20-2-тарау. Әуе кемесіне техникалық қызмет көрсету бойынша емтихан алушы мен бағалаушының кәсіби деңгейін қайта даярлау және ұстап тұру.
419-8. ӘК ТҚК бойынша емтихан алушыны және (немесе) бағалаушыны кәсіптік даярлау ӘК ТҚК бойынша персоналдың біліктілік деңгейін айқындау үшін уәкілетті ұйым тағайындайтын жеке тұлғаларға қойылатын талаптарға сәйкестікті қамтамасыз ету мақсатында жүзеге асырылады.
419-9. Қайта даярлау, оның ішінде бұрын осы оқудан өткен, бірақ ӘК ТҚК бойынша емтихан алушы немесе бағалаушы ретінде қызметін жүзеге асырмаған не уәкілетті ұйым ӘК ТҚК бойынша емтихан алушы немесе бағалаушы ретінде тағайындамаған адамдар үшін оқу аяқталған күннен бастап 5 жыл ішінде жүргізіледі.
419-10. Қайта даярлау осы Үлгілік бағдарламаларға 114-қосымшада көрсетілген бағыттарға сәйкес іске асырылады. Бағдарламаның жалпы көлемі кемінде 12 оқу сағатын қамтамасыз етеді.
419-11. ӘК ТҚК бойынша емтихан алушының немесе бағалаушының кәсіби деңгейін ұстап тұру қайта даярлау бағдарламасының бағыттары бойынша кемінде 6 сағат көлемінде теориялық даярлықты қамтиды.
419-12. ӘК ТҚК бойынша емтихан алушы мен бағалаушының кәсіби деңгейін ұстап тұру кезеңділігі 3 жылда кемінде 1 рет белгіленеді.";
мынадай мазмұндағы 465-1-тармақпен толықтырылсын:
"465-1. Ұшу диспетчерін практикалық даярлау бағдарламасына пайдаланушы орындайтын бағыттардың бірінде әуе кемесі экипажының кабинасында таныстыру ұшуы енгізіледі. Таныстыру ұшуы кемінде 12 айда бір рет орындалады.";
557-тармақ мынадай редакцияда жазылсын:
"557. Авиациялық білімі бар азаматтық авиация ұйымдарының басшылары үшін осы Үлгілік бағдарламалар көлемінде оқыту ұйымның ҰҚБЖ саласындағы даярлықты қоспағанда, міндетті болып табылмайды.";
611-тармақ мынадай редакцияда жазылсын:
"611. Заңының 54-бабына сәйкес авиациялық персоналын кәсіптік даярлау мыналардан тұрады:
1) бастапқы даярлауды қамтитын мынадай міндетті модульдерден:
авиациялық танысу даярлығы;
кабиналық экипаж мүшелерінің міндеттері;
қалыпты, штаттан тыс және авариялық рәсімдер;
әуе кемесі типін, модификациясын мен пайдаланушы даярлығын ескере отырып даярлау;
қауіпті жүктер;
адамның мүмкіндіктері;
кабинада денсаулық сақтау, санитария және алғашқы көмек көрсету;
авиациялық қауіпсіздік;
адам саудасын анықтау және оған ден қою.
2) ӘК типін ескере отырып даярлаудан тұратын қайта даярлау, модификациялау (егер қолданылатын болса) және пайдаланушының даярлығын ескере отырып қайта даярлау;
3) әуе кемесіне бару;
4) таныстыру ұшуы;
5) кәсіптік деңгейін ұстау, жыл сайын және үш жылдық кезеңділікпен қайта даярлаудан тұрады;
6) қайта аттестаттау алдындағы дайындық.";
674-тармақ мынадай редакцияда жазылсын:
"674. Таныстыру ұшулары мыналарды қамтиды:
1) пайдаланушымен белгілеген кабиналық экипаждың, соның ішінде өзгелерін қамтитын міндеттері:
ұшу алдындағы және ұшудан кейінгі міндеттер (мысалы, брифингтерге қатысу, орындау, ұшу алдындағы тексерулер, құжаттаманы қарау);
штаттан тыс және авариялық жағдайларды, тиісті рәсімдерді және авариялық құтқару жабдықтарын қарау; және қалыпты жағдайда ұшу қауіпсіздігін және авиациялық қауіпсіздікті қамтамасыз ету рәсімдері.
2) ұшу және қону кезіндегі кабиналық экипажы мүшелерінің жұмыс орындары (яғни креслолардың орналасуы), таныстыру ұшуын жүргізетін тұлғалар үшін және кабиналық экипаждың тағылымдамадан өтушілер үшін;
3) экипаж мүшелерінің келіссөздер рәсімдері (ішкі телефон байланысын және жалпы байланыс жүйесін пайдалануды қоса алғанда).";
676 және 677-тармақтар мынадай редакцияда жазылсын:
"676. Тағылымдама бөлімше басшысының бұйрығы негізінде жүргізіледі, әрбір тағылымдамадан өтушіге тағылымдама басшысы бекітіледі (нұсқаушы), мақсаты, объектісі, басталу және аяқталу мерзімі белгіленеді.
Таныстыру ұшуларды (рейстік тағылымдама) орындау кезінде пайдаланушы таныстыру ұшуын жүргізетін бір нұсқаушыға/емтихан алушыға келетін тағылымдамадан өтушілер санына шектеу қояды.
Егер нұсқаушы/емтихан алушы қызметін атқаратын, жұмыс істейтін кабиналық экипаж мүшесі бар болса, осы нұсқаушы/емтихан алушыға бір тағылымдамадан өтуші беріледі.
Егер нұсқаушыға/емтихан алушыға таныстыру ұшуын өткізуден басқа қандай да бір міндеттерді орындау тапсырылмаса, тағылымдамадан өтушілер мен нұсқаушылардың/емтихан алушылардың арақатынасы нұсқаушыға/емтихан алушыға екі тағылымдамадан өтушіге дейін ұлғаяды. Қосымша факторларға мыналар жатады: әуе кемесінің мөлшері (мысалы, тар денелі немесе кең денелі әуе кемесі), кабиналық экипаждың құрамы және ұшу кезінде кабиналық экипаждың болжамды жұмыс жүктемесі.
Тағылымдамадан өтушілер саны кабиналық экипаждың талап етілетін ең төменгі құрамының 50%-дан аспайды. Егер кабиналық экипажының ең аз құрамына сегіз мүше кірсе, ұшу кезінде төрт тағылымдамадан өтушілер көп болмауы керек, бұл ретте тағылымдамадан өтушілер кабиналық экипаждың жұмыс істейтін мүшелерінің ең аз санына кірмейді.
677. Рейстік тағылымдама кабиналық экипаж мүшесі білім алушының қатысымен қауіпсіздікті қамтамасыз етуге байланысты ұшу алдындағы, ұшу кезіндегі, қону алдындағы және ұшудан кейінгі міндеттерін орындайды.
Ұшумен танысу деректері әрбір кабиналық экипаж мүшесінің даярлауды есепке алу карточкасына тіркеледі. Сондай-ақ, пайдаланушы танысу рейсін тоқтатуды талап етуі мүмкін жағдайларды анықтайды.
Мұндай жағдайларға:
1) кез келген штаттан тыс немесе төтенше жағдай;
2) заңсыз араласу актілерімен байланысты жағдай;
3) таныстыру ұшуын жүргізетін тұлғаның жұмыс қабілеттілігін жоғалту;
4) кабиналық экипаж тағылымдамадан өтушіге таныстыру ұшуын аяқтауға кедергі келтіретін жағдай жатады.";
695 және 696-тармақтар мынадай редакцияда жазылсын:
"695. Әрбір 36 ай сайын өткізілетін кезеңдік даярлау бағдарламасының қосымша элементтеріне мыналар кіреді:
1) қалыпты және авариялық шығу/есіктерін пайдалану бойынша оқыту есіктердің автоматты ашылуы және олардың істен шығуы, траптарды ашу және пайдалану кезінде кабиналық экипаждан талап етілетін іс-әрекеттері мен күш-жігерін, сондай-ақ қажет болған жағдайда кабиналық экипаж мүшелері үшін екі жақты шығу/есіктеріне жауаптыға қосымша даярлау жүргізуді қамтиды;
2) бортта үлгісі бар өртке қарсы, түтіннен қорғайтын жабдықтарды пайдалану бойынша оқыту мыналарды қамтиды, салонында әр кабиналық экипаж мүшесі жанудың барлық түрлерін сөндіру бойынша практикалық сабақтар, сонымен қатар оқу мақсатында галлонды өрт сөндіргіштердің орнына балама құралдарды пайдалану ұсынылады;
3) өрт немесе түтіннің нақты көзін анықтауға бағытталған өрт сөндіру бойынша оқыту.
696. Жолаушылардың ерекше санаттары үшін стандартты және авариялық рәсімдер бойынша дайындық ол бағыттың сызбасын, жолаушылардың бейінің, пайдаланылатын әуе кемелерінің үлгілерін, маусымдық қажеттіліктер мен пайдалану түрін есепке алуды негізге ала отырып, жолаушылардың ерекше санаттарын тасымалдау үшін оператор белгілеген жекелеген рәсімдерді қамтиды.
Жолаушылардың ерекше санаттарына әуе арқылы саяхаттау кезінде көмек немесе жабдық талап етілетін бала (балалар), бірге ілесіп жүрушісі жоқ кәмелетке толмаған жолаушылар, мүмкіндіктері шектеулі тұлғалар (мүгедектігі бар тұлғалар), Қазақстан Республикасының аумағына кіруге тыйым салынған, Қазақстан Республикасының шегінен тыс мәжбүрлеу тәртібімен шығарып жіберілген, күзетпен ұсталатын тұлғалар жатады.";
701-тармақ мынадай редакцияда жазылсын:
"701. Қалпына келтіру даярлығы егер кабиналық экипаж мүшесімен соңғы тиісті кезеңдік даярлау және тексеруден бастап алты ай бойы қатарынан мынадай жағдайлар болғанда жүргізіледі:
1) ұшу қызметінде үзілісі болған. Мұндай жағдайда міндеттерді орындауға қайта тағайындау алдында кабиналық экипаж мүшесі өзі тағайындалатын әрбір ӘК үлгісінен қалпына келтіру даярлығынан және тексеруден өтеді.
2) ӘК-нің белгілі бір үлгісінде ұшу қызметінен үзілісі болған. Мұндай жағдайда міндеттерді орындауға қайта тағайындауда кабиналық экипаж мүшесі сол ӘК үлгісінен қалпына келтіру даярлығынан және тексеруден немесе осы Үлгілік бағдарламаның 28-тарауының 14-параграфына сәйкес екі таныстыру ұшуынан өтеді.";
706-тармақ мынадай редакцияда жазылсын:
"706. Кабиналық экипаждың аға мүшесінің бастапқы даярлығы мен кәсіби деңгейін ұстауды пайдаланушының өзі теориялық және практикалық даярлық нысанында, сондай-ақ авиациялық оқу орталығында жеке курс (тренинг) нысанында іске асырады. Уәкілетті ұйымда даярлау бағдарламасын келісу талап етілмейді, бірақ пайдаланушы осы Үлгілік бағдарламалардың 28-тарауына сәйкес міндетті элементтерді зерделеуді қамтамасыз етеді.";
708 және 709-тармақтар мынадай редакцияда жазылсын:
"708. Кабиналық экипаждың аға мүшесін бастапқы даярлау және кәсіби деңгейде ұстау курсы (жыл сайын) кабиналық экипаждың аға мүшелерінің жауапкершілігі мен міндеттерінің барлық түрлерін қамтиды және бастапқыда мыналарды қамтиды:
1) ұшудың ерекше жағдайларын (мысалы, метеорологиялық болжамдар, межелі пункттегі саяси толқулар, жолаушылардың ерекше санаттары және т. б.), сондай-ақ Пайдаланушының ұшу қауіпсіздігіне қатысты оқиғалар және рәсімдерге соңғы өзгерістер туралы деректерін ескере отырып, нұсқама беру (қалыпты жағдайларда, штаттан тыс және авариялық жағдайларда);
2) ақпаратпен алмасу, экипажбен және басқа да персоналмен үйлестіру және өзара іс-қимыл жасау;
3) пайдаланушының рәсімдері және азаматтық авиация саласындағы Қазақстан Республикасының нормативтік құқықтық талаптары;
4) пайдаланушы тапсыратын әкімшілік міндеттер;
5) адам факторы және экипаж жұмысын оңтайландыру (CRM);
6) деректерді жинау жүйелері және ақпаратты ұсынуға қойылатын талаптар;
7) шаршауды бақылау;
8) көшбасшылық қасиеттер.
Кабина экипажының аға мүшесінің кәсіби деңгейін (жыл сайын) ұстау кезінде мыналарды қамтиды:
1) ақпаратпен алмасу, үйлестіру және экипажбен өзара іс-қимыл жасау;
2) адам факторы және экипаж жұмысын оңтайландыру (CRM);
3) деректерді жинау жүйелері және ақпаратты ұсынуға қойылатын талаптар;
4) шаршау қаупін бақылау;
5) көшбасшылық қасиеттер;
6) қауіпсіздік деңгейін талдау/арттыру;
7) пайдаланушының рәсімдік бюллетеньдері және нормативтік құжаттаманы жаңарту.
709. Кабиналық экипаждың аға мүшесін бастапқы даярлау және кәсіби деңгейін ұстау бағдарламасының егжей-тегжейлі мазмұны осы Үлгілік бағдарламаларға 104-қосымшада ұсынылған.";
21 және 22-параграфтар жаңа редакцияда жазылсын:
"21-параграф. Кабиналық экипаж нұсқаушыларын бастапқы даярлау және кәсіби деңгейде ұстап тұру (бортсерік-нұсқаушы).
711. Кабиналық экипаж нұсқаушыларының (бортсерік-нұсқаушы) бастапқы даярлау және кәсіби деңгейін ұстап тұру бағдарламалары осы Үлгілік бағдарламаларға 116-қосымшаға сәйкес әзірленеді.
22-параграф. Дайындық, тексеру бағдарламалары және тиісті құжаттама. ӘК типіне және модификациясына біліктілік рұқсаттарының тізімі.
712. Кабиналық экипаж мүшелерін даярлау және тексеру бағдарламаларын уәкілетті ұйым келіседі және пайдаланушының ұшуларын жүргізу жөніндегі басшылықтың "D" Training (дайындау)" бөлігіне енгізіледі.
713. Кабиналық экипаж оқу курсын сәтті аяқтағаннан және тиісті тексеруден кейін пайдаланушы:
1) кабиналық экипажды даярлау туралы есептердегі жазбаларды жаңартады;
2) кабиналық экипаж мүшесіне дайындықтан өткен ӘК үлгісінде және модификациясында ұшуларды орындауға біліктілік рұқсаттарының қолданылу мерзімдері көрсетілген тізімді ұсынады.
714. Оқу курсын және тиісті тексеруді сәтті аяқтаған кабиналық экипаж мүшелеріне ӘК үлгілері мен модификацияларына біліктілік рұқсаттарының қолданылу мерзімдері бар жаңартылған тізімді ұсынған кезде Пайдаланушы осы Үлгілік бағдарламаларға 105-қосымшада ұсынылған форматты пайдаланады. Басқа форматты пайдалану кезінде осы Үлгілік бағдарламаларға 105-қосымшада көзделген 1, 2, 3 және 4-бағандарда көрсетілген элементтер, сондай-ақ біліктілік рұқсаттарының қолданылу мерзімдерін белгілеу үшін осы Үлгілік бағдарламаларға 105-қосымшада көзделген 1 және 2-бағандарда көрсетілген мәліметтер көрсетіледі.";
775-тармақ мынадай редакцияда жазылсын:
"775. Іздестіру мен құтқаруды үйлестіру орталығы мамандарын бастапқы даярлауға авиациялық білімі немесе азаматтық авиация маманының кез-келген санаты (кәсіп, мамандық, мамандандыру) бойынша кәсіби даярлығы бар, сондай-ақ пайдаланушылық қызметте үш жылдан кем емес жұмыс тәжірибесі бар тұлғалар жіберіледі."
9-параграфтың тақырыбы мынадай редакцияда жазылсын:
"9-параграф. Ұшу қауіпсіздігін басқару жүйесі саласындағы мамандарды бастапқы даярлау, қайта даярлау және кәсіби деңгейін ұстау";
793, 794 және 795-тармақтар мынадай редакцияда жазылсын:
"793. ҰҚБЖ шеңбері бойынша мәселелерді шешуге тікелей байланысты мамандарда кәсіби қызметіне пайдаланатын мамандандырылған білімі мен дағдыларын алу мақсатында оқыту қарастырылған аталған даярлаудан өткені туралы тиісті куәліктермен (сертификаттармен) расталған тиісті арнайы даярлығы болуы керек.
794. Ұшу қауіпсіздігін басқару саласында мамандарды даярлау ҰҚБЖ шеңберінде персоналға жүктелген функционалдық міндеттер ескеріле отырып жүргізіледі.
795. Ұшу қауіпсіздігін басқару саласында мамандарды даярлау Қазақстан Республикасының сертификатталған авиациялық оқу орталықтарында немесе шетелдік авиациялық оқу орталықтарында жүргізіледі.";
мынадай мазмұндағы 796-1, 796-2 және 796-3-тармақтарымен толықтырылсын:
"796-1. Азаматтық авиация ұйымында тиімді ҰҚБЖ әзірлеуге және қолдауға жауапты маманды даярлау бағдарламасы ҰҚБЖ-нің мынадай элементтерін қамтиды:
1) ұшу қауіпсіздігін қамтамасыз ету саясаты мен мақсаттары;
2) ұшу қауіпсіздігін қамтамасыз ету саласындағы жауапкершілік пен міндеттер иерархиясын қоса алғандағы ұшу қауіпсіздігін қамтамасыз ету үшін жауапкершілік, ұшу қауіпсіздігін қамтамасыз етудің оң мәдениетін және тәртіптік шараларды қолдану саясатын қалыптастыру;
3) ұшу қауіпсіздігі жөніндегі комитеттер мен жұмыс топтарын қалыптастыруды қоса алғандағы негізгі персоналды тағайындау;
4) апаттық жағдай болған жағдайда іс-шараларды жоспарлау және үйлестіру;
5) ҰҚБЖ бойынша құжаттама;
6) ұшу қауіпсіздігі бойынша міндетті және ерікті хабарламалар жүйесін қоса алғандағы қауіптерді (қауіпті факторларды) анықтау;
7) бақылау әдістерін қоса алғандағы ұшу қауіпсіздігі үшін тәуекелдерді (тәуекел факторларын) талдау, бағалау және азайту;
8) ұшу қауіпсіздігінің жай-күйін және тәуекелдерді бақылау құралдарының тиімділігін бағалауды қоса алғандағы қауіпсіздік көрсеткіштерін мониторингілеу және өлшеу;
9) ұшу қауіпсіздігінің жай-күйіне әсер етуі мүмкін өзгерістерді анықтау және осы өзгерістер нәтижесінде туындауы мүмкін тәуекелдерді бақылау;
10) процестерді бағалау және ҰҚБЖ-ны тұрақты жетілдіру;
11) ұйымның ҰҚБЖ шеңберіндегі жеке міндеттерді ескере отырып, ұйым персоналын даярлау бағдарламасы;
12) ұшу қауіпсіздігі бойынша коммуникация және ақпарат тарату құралдары;
13) ұйымның ҰҚБЖ шеңберіндегі өзара іс-қимыл субъектілері.
796-2. Тергеп-тексеру жүргізуге қатысатын маманды даярлау бағдарламасы мыналарды қамтиды:
1) авиациялық оқиғалар мен оқыс оқиғаларды тергеп-тексеру, соның ішінде:
әкімшілік мәселелер (авиациялық оқиғалар мен оқыс оқиғаларды тергеп-тексеру бөлігінде Чикаго конвенциясының 13-қосымшасын қоса алғандағы қолданылатын нормативтік-құқықтық актілер мен халықаралық келісімдер, жергілікті және мемлекеттік өкілетті органдармен өзара іс-қимыл тетігі, авиациялық оқиғаларды тергеп-тексеру жөніндегі мемлекеттік өкілетті органның құрылымы, авиациялық оқиғаларды тергеп-тексеру жөніндегі нұсқаулықтар және тиісті қағидалар, авиациялық оқиғаларды айқындау және жіктеу, жабдықтар мен құралдар, тергеу кезінде қолданылатын, көлікті ұйымдастыру, тергеушінің этикасы мен мінез-құлқы, шығындарды бақылау);
бастапқы ден қою қағидалары (хабарлау тәртібі, ұлттық өкілетті органдар мен ұйымдарды хабардар ету, жазбалар мен үлгілердің сақталуын қамтамасыз ету, оқиға орнындағы юрисдикция және қауіпсіздік, психологиялық күйзелісті қоса алғандағы тергеушінің қауіпсіздігін қамтамасыз ету, адам қалдықтарын алу, аутопсия жүргізуге сұрау салу және зардап шеккендердің отбасыларына көмек көрсету);
тергеп-тексеруді жүргізу рәсімдері (тергеп-тексерудің өкілеттіктері мен жауапкершілігі, ауқымы мен шеңбері, тергеп-тексеруді басқаруды ұйымдастыру, мамандарды тарту, тергеп-тексеру тараптары, аккредиттелген өкілдер, кеңесшілер мен байқаушылар, бұқаралық ақпарат құралдарына ақпарат беру);
2) адам факторы саласындағы авиациялық оқиғаларды тергеп-тексеру жөніндегі мамандарды оқыту (адам факторын тергеп-тексерудің қажеттілігі мен мақсаттары, тергеп-тексеру жүргізу тәртібі, оқиғалар мен оқыс оқиғаларды болғызбау жөнінде есептер мен ұсынымдар жасау, адам факторының бақылау тізбелері, авиациялық оқиғалар мен оқыс оқиғаларды туралы деректер базасы, ҰҚБЖ шеңберінде оқыс оқиғаларға тергеп-тексеру жүргізу).
796-3. Ұшу деректерін талдаудың бағдарламасын (бұдан әрі - ҰДТБ) әзірлеуге және қолдауға қатысатын мамандарды (бар болса) даярлау бағдарламасы мыналарды қамтиды:
1) ҰҚБЖ мен ҰДТБ арасындағы өзара байланыстың сипаттамасы;
2) ҰДТБ элементтеріне жалпы шолу;
3) ӘК стандартты пайдалану режимдерінің ауқымынан шығу жағдайларын анықтау мақсатында ұшу ақпаратын жинау және талдау негіздері, үрдістерді анықтау, ұйымның ҰҚБЖ шеңберінде және авиациялық оқыс оқиғалар мен оқиғаларды тексеру кезінде ұшу деректерін пайдалану.";
797 және 798-тармақтар мынадай редакцияда жазылсын:
"797. Қазақстан Республикасының авиациялық оқу орталықтарында ұшу қауіпсіздігін басқару саласындағы мамандарды кәсіптік даярлау үшін іске асырылатын бағдарламалар (курстар) уәкілетті ұйыммен міндетті келісуді талап етеді, бұл ретте осы қызмет бағыттарына қатысты Қазақстан Республикасының азаматтық авиация саласындағы нормативтік құқықтық актілерінің және азаматтық авиация саласындағы халықаралық стандарттардың және осы Үлгілік бағдарламалардың 796-1, 796-2 және 796-3-тармақтарында ұсынылатын талаптар ескеріледі.
798. Ұшу қауіпсіздігін басқару саласындағы мамандардың ИКАО, ИАТА, Еуробақылау, ұшу қауіпсіздігі жөніндегі Еуропалық агенттік және басқа да халықаралық ұйымдар жүргізетін озық тәжірибелерді зерделеу және енгізу, ұшу қауіпсіздігін басқару саласындағы құзыреттілік пен хабардарлықты қолдау мақсатында өткізілетін семинарлар мен тренингтерге қатысуы семинарға қатысушының сертификаты болған кезде қайта даярлау бағдарламасынан өту және кәсіби деңгейді ұстау ретінде ескеріледі.";
799-тармақ алып тасталсын;
800, 801 және 802-тармақтар мынадай редакцияда жазылсын:
"800. Ұшу қауіпсіздігін басқару саласындағы мамандардың кәсіби деңгейін ұстау өзінің функционалдық міндеттерін орындау кезінде персоналдың құзыреттілегін қамтамасыз ету жөніндегі үздіксіз процесс болып табылады және персоналдың кәсіби деңгейін ұстап тұру жөніндегі бағдарламадан (курстардан) өтумен қамтамасыз етіледі.
801. Ұшу қауіпсіздігін басқару саласындағы мамандарды қайта даярлау персоналға жүктелген функционалдық міндеттер ҰЖҚБ шеңберінде өзгерген жағдайда жүзеге асырылады және осы Үлгілік бағдарламалардың 796-1, 796-2 және 796-3-тармақтарында қойылатын талаптарды ескере отырып жүзеге асырылады.
802. Ұшу қауіпсіздігін басқарумен байланысты мамандардың кәсіби деңгейін ұстау бағдарламасынан өту кезеңділігі маманның атқаратын функционалдық міндеттерін даярлау көлемінде кемінде 3 жылда бір рет жүзеге асырылады.";
803-тармақ алып тасталсын;
мынадай мазмұндағы 32-тараумен толықтырылсын:
"32-тарау. Қауіпті жүктер саласындағы авиациялық персоналды даярлау бағдарламасы.
817. Қауіпті жүктер саласындағы авиациялық персоналды даярлау және кәсіби деңгейін ұстап тұру бағдарламалары осы Үлгілік бағдарламаларға 117-қосымшаға сәйкес әзірленеді.
818. Қауіпті жүктер саласындағы авиациялық персоналдың кәсіби деңгейін ұстап тұру екі жылда бір реттен жиі емес жүргізіледі. Егер қауіпті жүктер саласындағы авиациялық персоналдың кәсіби деңгейін ұстап тұру алдыңғы даярлықтың қолданысы аяқталғанға дейінгі соңғы үш ай ішінде жүргізілген болса, онда оның қолданылу мерзімі алдыңғы кәсіптік даярлықтың қолданылу мерзімі аяқталған сәттен бастап 24 айға ұзартылады.";
21-қосымша осы бұйрыққа 1-қосымшаға сәйкес жаңа редакцияда жазылсын;
95-қосымша осы бұйрыққа 2-қосымшаға сәйкес жаңа редакцияда жазылсын;
99 және 100-қосымшалар осы бұйрыққа 3 және 4-қосымшаларға сәйкес жаңа редакцияда жазылсын;
102, 103 және 104-қосымшалар осы бұйрыққа 5, 6 және 7-қосымшаларға сәйкес жаңа редакцияда жазылсын;
осы бұйрыққа 8 және 9-қосымшаларға сәйкес 113 және 114-қосымшалармен толықтырылсын;
осы бұйрыққа 10, 11 және 12-қосымшаларға сәйкес 115, 116 және 117-қосымшалармен толықтырылсын.
2. Қазақстан Республикасы Көлік министрлігінің Азаматтық авиация комитеті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық ресми жарияланғаннан кейін Қазақстан Республикасы Көлік министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Көлік вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасы Көлік министрінің міндетін атқарушы |
М. Калиакпаров |
Даярлау түрлері бойынша кәсіби деңгейін қолдау курстарын жүргізу мерзімі
Атауы | Мазмұны | Жиілігі | Даярлау кезеңдері | ||
Теориялық | Жаттығу | Ұшу | |||
Авариялық-құтқару дайындығы | Әуе кемесінің авариялық-құтқару жабдықтары бойынша даярлау және авариялық эвакуациялау рәсімдеріне жаттығу |
жылына | + | + | |
Авиациялық қауіпсіздік | Авиациялық қауіпсіздік саласына даярлау |
1 жылда | +/сынақ | ||
Қауіпті жүкті тасымалдау | Қауіпті жүкті тасымалдау бойынша даярлау |
2 жылда | +/емтихан | ||
Ұшуларды орындауда қалыпты рәсімдерін орындау және авариялық жағдайларда әрекет ету | Емтихан тапсыруды және ұшу жаттықтыру құрылғысында жаттығуды және тексеруді қоса алғанда ұшуларды орындауда және апатты жағдайлар әрекетінде қалыпты рәсімдерді орындауға дайындау |
6 айда | +/емтихан | +/тексеру | |
Қалыпты процедуралардың орындалуын тексеру | Әуе кемесінде қалыпты рәсімдердің орындалуын тексеру |
жылына | +/тексеру | ||
Ерекше жағдайларда ұшуларды орындау | Емтихан тапсыруды қосқанда, ерекше жағдайларда ұшуларға дайындау |
жылына | +/емтихан | ||
Күрделіндірілген ұшу жағдайларында және күрделі жағдайындағы әрекеттер | Тексеруді қосқанда апатты жағдайларға жатқызылмайтын барлық жүйелердің істен шығуы бойынша ұшу жаттығу құрылғысында жаттығу. |
3 жылда | +/тексеру | ||
Күрделі кеңістіктік күйінен әуе кемесін шығару бойынша дайындау | Теориялық дайындық және күрделі кеңістік күйінен, алдын ала бұзылу режимінен, құлау режимінен әуе кемесін шығару бойынша жаттықтыру |
3 жылда | + | + | |
Желдің қозғалу жағдайында ұшуды орындау | Емтиханды тапсыруды қоса алғанда, желдің қозғалу жағдайларында ұшуды орындауға дайындау және тексеруді қоса алғанда, ұшу жаттықтыру құрылғысында жаттығу |
жылына | +/емтихан | +/тексеру | |
Жерге жақындағандығы туралы ескерту жүйелері істен шығу кезіндегі әрекеттер мен маневрлерді орындауға дайындау | Ұшу жаттықтыру құрылғысында жаттығуды және тексеруді, емтихан тапсыруды қосқанда жерге жақындағандығы туралы ескерту жүйелері істен шығу кезіндегі әрекеттер мен маневрлерді орындауға теориялық дайындау |
жылына | +/емтихан | +/тексеру | |
Соғысуларды алдын алудың борттық жүйесі САБЖ | Тексеруді, емтихан тапсыруды және үшу жаттықтыру құрылғысында жаттығуды қосқанда САБЖ-ның істен шығуы кезіндегі әрекеттер мен маневрді орындауға дайындау |
жылына | +/емтихан | +/тексеру | |
LOFT | Бағыт бойынша нақты ұшу жағдайларының сценарийлері бойынша ұшу жаттықтыру құрылғысында жаттығу. |
жылына | + | ||
CRM әуе кемесі экипажының кабинасы ресурстары мен дайындалу және басқару | Әуе кемесі экипажының кабинасының ресурстарымен жаттығу және теориялық дайындық |
3 жылда | + | + | |
Әуе кемесі экипажының кабиналарының ресурстарымен басқаруды бағалау | Әуе кемесінде және жаттықтыруда әуе кемесі экипажының кабиналарының ресурстарымен басқаруды бағалау |
жылына | + | + | |
Әуе кемесі және оның жүйелері | Емтиханды тапсыруды қосқанда әуе кемесінің жүйелерінің білімі бойынша дайындық және ұшу сипаттамаларына байланысты оны анықтау шеберлігі |
жылына | +/емтихан | ||
Оң жақтағы ұшқыш орындығымен ӘКК ұшуларын орындау | Әуе кемесі немесе ұшу жаттықтыру құрылғысында жаттығуды және емтихан тапсыруды сонымен бірге, тексеруді қосқанда оң жақтағы ұшқыш орындығымен ӘКК ұшуларын орындауға дайындау |
жылына | +/емтихан | +/тексеру | +/тексеру |
ИКАО-ның II/III санаттарының шарттары бойынша қонуға беттеу және қону | Ұшу жаттықтыруында жаттығуды қосқанда және емтихан тапсыруды, тексерді қосқанда, 400 м болатын қашықтықтағы ҰҚЖ-ға көріну кезінде ұшуды және ИКАО-ның II/III санаттарының шарттары бойынша қонуға беттеуге және қонуды орындауға дайындау |
жылына | +/емтихан | +/тексеру |
* Оң жақтаудағы ұшқыш орындығымен ӘКК ұшуларын орындау ұшу дайындығында немесе жаттықтыру кезеңдері бойынша орындалады.
Бұйрығына 2-қосымша Ұшу қауіпсіздігін қамтамасыз етуге қатысатын авиация персоналын кәсіби даярлаудың үлгілік бағдарламасына 95-қосымша |
Азаматтық авиация ұйымдарының басшыларын кәсіби даярлау.
№ р/с | Атауы | Қысқаша мазмұны | Ең төменгі көлемі, оқу сағаты |
1. | Халықаралық және ұлттық стандарттар | Ұлттық және халықаралық авиациялық ұйымдар және ассоциациялар, халықаралық стандарттар және ұсынылған практика, ұлттық және халықаралық әуе құқығы, еңбек туралы заң, еңбекті қорғау және қауіпсіздік техникасы және қоршаған ортаны қорғау. | 8 |
2. | Персоналды басқару | Қазіргі заман менеджмент жүйесінде персоналды басқару, авиация персоналын басқару жүйесі, кадрлық саясат және персоналды басқару стратегиясы, жалдану, бейімделу және босату, оқыту және дамыту, еңбек қызметін талаптандыру және ынталандыру, әдепті басқару. | 4 |
3. | Ұшулардың қауіпсіздігін басқару жүйесі | Тәуекелдерді басқарудың негізгі қағидаттары, ұшу қауіпсіздігін қамтамасыз ету жөніндегі саясат пен мақсаттар, басшылықтың міндеттемелері, ұшу қауіпсіздігін қамтамасыз етудің оң мәдениетін және тәртіптік шараларды қолдану саясатын қалыптастыру, ұшу қауіпсіздігін қамтамасыз ету саласындағы міндеттер мен жауапкершіліктердің иерархиясы, ұшу қауіпсіздігі мен ҰҚБЖ үшін жауапты жетекші қызметкерлерді тағайындау, ресурстарды бағалау мен жоспарлауды қоса алғанда, ұшу қауіпсіздігін қамтамасыз ету тиімділігін бақылау және сапалы бағалау, ұшу қауіпсіздігін қамтамасыз ету саласындағы мақсаттарды белгілеуді және оларға қол жеткізуді қоса алғанда, ҰҚБЖ тиімділігін бақылау және мониторингілеу. | 6 |
4. | Жалпы және стратегиялық басқару (бөлімдерге бөлінуі мүмкін). |
Қазіргі заман компаниясы: басқарудың тиімді жүйесін құру, жоғарғы-менеджменттің бизнес-қызметін және жұмысын ұйымдастыруға жүйелі көзқарас. Ұйымды құрылымдау, басқару қағидаттары, ақпараттар, қызметкерлері ынталандыру. Қарамағындағылардың қызметін оңтайлы ұйымдастыру құралдары. Ресурстарды пайдалану. Стратегия және тәсілдер. Іскерлік қатынастағы байланыс, келіссөздерді жүргізу. | 8 |
5. | Сапаны басқару жүйесі | Сапаны басқару жүйесіне қатысты саясат, стандарттар жиынтығы, құжаттар, аудит процестері, сәйкес келмеу туралы есептер және түзеу шаралары, нұсқаулар, сертификаттау кезеңдері. | 6 |
6. | Адами факторы, адамның мүмкіндіктері мен шектеулері | Кіріспе. Адами факторына қатысты басшының рөлі, жұмыста алған білімі мен дағдысы, авиация персоналының қате жіберуіне ықпал ететін аспектілер, психологиялық факторлар, медициналық аспектілер, ұйымдастыру және әлеуметтік факторлар, байланыс, күйзеліс, адам жіберетін қате, жұмыс әдістері, қауіп факторларын және қателерді бақылау. | 8 |
Бұйрығына 3-қосымша Ұшу қауіпсіздігін қамтамасыз етуге қатысатын авиация персоналын кәсіби даярлаудың үлгілік бағдарламасына 99-қосымша |
Кабиналық экипажды бастапқы даярлау бағдарламасына енгізілген міндетті пәндердің тізбесі
Бұйрығына 4-қосымша Ұшу қауіпсіздігін қамтамасыз етуге қатысатын авиация персоналын кәсіби даярлаудың үлгілік бағдарламасына 100-қосымша |
Экипаж жұмысын оңтайландыру курсы бойынша кабиналық экипажды(CRM) даярлау
Бұйрығына 5-қосымша Ұшу қауіпсіздігін қамтамасыз етуге қатысатын авиация персоналын кәсіби даярлаудың үлгілік бағдарламасына 102-қосымша |
Кабиналық экипажды пайдаланушыны даярлау бағдарламасына кіретін міндетті пәндердің тізбесі
Бұйрығына 6-қосымша Ұшу қауіпсіздігін қамтамасыз етуге қатысатын авиация персоналын кәсіби даярлаудың үлгілік бағдарламасына 103-қосымша |
Кабиналық экипаждың кәсіби деңгейін ұстау бағдарламасына кіретін міндетті пәндердің тізбесі
Бұйрығына 7-қосымша Ұшу қауіпсіздігін қамтамасыз етуге қатысатын авиация персоналын кәсіби даярлаудың үлгілік бағдарламасына 104-қосымша |
Кабиналық экипаждың аға мүшесін бастапқы даярлау және кәсіби деңгейін ұстау бағдарламасына кіретін міндетті пәндердің тізбесі
Бұйрығына 8-қосымша Ұшу қауіпсіздігін қамтамасыз етуге қатысатын авиация персоналын кәсіби даярлаудың үлгілік бағдарламасына 113-қосымша |
Ұшу экипаждары бойынша емтихан алушылардың кәсіби деңгейін қайта даярлау және ұстау
Бұйрығына 9-қосымша Ұшу қауіпсіздігін қамтамасыз етуге қатысатын авиация персоналын кәсіби даярлаудың үлгілік бағдарламасына 114-қосымша |
ӘК ТҚК бойынша емтихан алушы мен бағалаушының кәсіби деңгейін қайта даярлау және ұстау бағдарламалары
Модульдік бағдарлама бойынша бастапқы даярлықтың теориялық білімін бағалау және ӘК типіне даярлау бойынша емтихан алушының кәсіби деңгейін қайта даярлау және ұстау бағдарламасы
ӘК типіне және практикалық тағылымдамаға (OJT)дайындық бойынша практикалық дағдыларды тексеру бойынша бағалаушының кәсіби деңгейін қайта даярлау және ұстау бағдарламасы
Бұйрығына 10-қосымша Ұшу қауіпсіздігін қамтамасыз етуге қатысатын авиация персоналын кәсіби даярлаудың үлгілік бағдарламасына 115-қосымша |
Ұшу қауіпсіздігін қамтамасыз етуге қатысатын авиация персоналын даярлау түрлері бойынша кәсіби деңгейді ұстау курстарын өткізу мерзімдері (LAPL, ULAPL)
Атауы | Мазмұны | Жиілігі | Даярлау кезеңдері | ||
Теориялық | Жаттығу | Тәжірибелік | |||
Авариялық-құтқару дайындығы | Әуе кемесінің авариялық-құтқару жабдықтары бойынша даярлау және авариялық эвакуациялау рәсіміне жаттығу |
3 жылда | +/сынақ | + | |
Қауіпті жүкті тасымалдау | Қауіпті жүкті тасымалдау бойынша даярлау |
3 жылда | +/емтихан | ||
Ұшуды орындаудың қалыпты рәсімдерін орындау және авариялық жағдайларда әрекет ету | Емтихан тапсыруды қоса алғанда, ұшуды орындаудың қалыпты рәсімдерін орындауға және авариялық жағдайлардағы іс-қимылдарға және тексеруді қоса алғанда, ұшу жаттықтыру құрылғысында жаттығуға дайындық. |
6 айда | +/сынақ | +/тексеру | |
Қалыпты рәсімдердің орындалуын тексеру | Әуе кемесінде қалыпты рәсімдердің орындалуын тексеру |
Жылына | +/тексеру | ||
Ерекше жағдайларда ұшуларды орындау | Емтихан тапсыруды қосқанда, ерекше жағдайларда ұшуларға дайындау |
3 жылда | +/емтихан | ||
Күрделендірілген ұшу жағдайларында және күрделі жағдайындағы әрекеттер | Тексеруді қоса алғанда, апаттық жағдайға жатпайтын барлық жүйелердің істен шығуы бойынша ұшу тренажерында жаттығу. |
3 жылда | +/тексеру | ||
Күрделі кеңістік күйінен әуе кемесін шығару бойынша дайындау | Әуе кемесін күрделі кеңістіктік жағдайдан, үзіліс алдындағы режимдерден, құлау режимінен шығару бойынша теориялық дайындық және жаттығу. |
3 жылда | + | + | |
CRM әуе кемесі экипажының кабинасы ресурстарын басқару бойынша дайындау | Әуе кемесі экипажының кабинасының ресурстарын басқару бойынша жаттығу және теориялық дайындық |
3 жылда | +/емтихан | ||
Әуе кемесі экипажының кабиналарының ресурстарын басқаруды бағалау | Әуе кемесінде және жаттықтыруда әуе кемесі экипажының кабиналарының ресурстарын басқаруды бағалау |
3 жылда | + | ||
Әуе кемесі және оның жүйелері | Емтиханды тапсыруды қоса алғанда, әуе кемесінің жүйелерінің білімі бойынша дайындық және ұшу сипаттамаларына байланысты оны анықтау |
3 жылда | +/емтихан |
Бұйрығына 11-қосымша Ұшу қауіпсіздігін қамтамасыз етуге қатысатын авиация персоналын кәсіби даярлаудың үлгілік бағдарламасына 116-қосымша |
Кабиналық экипаж нұсқаушыларын (бортсерік-нұсқаушы) бастапқы даярлау және кәсіби деңгейде ұстау бағдарламасына кіретін міндетті пәндердің тізбесі
Бұйрығына 12-қосымша Ұшу қауіпсіздігін қамтамасыз етуге қатысатын авиация персоналын кәсіби даярлаудың үлгілік бағдарламасына 117-қосымша |
Қауіпті жүктер саласындағы авиациялық персоналды даярлау және кәсіби деңгейін ұстау бағдарламалары
Даярлық функциясының атауы | Модульдің атауы | Теория және практика |
Қауіпті жүктерді жөнелтуге дайындау | Қауіпті жүктер туралы негізгі ережелерді түсіну | Кем дегенде 5 сағат |
Қауіпті жүктердің жіктелуі | Кем дегенде 7 сағат | |
Қауіпті жүктерді жөнелтуге дайындау | Кем дегенде 18 сағат | |
Барлығы | Кем дегенде 30 сағат | |
Жүктерді өңдеу және қабылдау | Қауіпті жүктер туралы негізгі ережелерді түсіну | Кем дегенде 4 сағат |
Жүкті өңдеу және қабылдау | Кем дегенде 3 сағат | |
Қауіпсіздікке қатысты деректерді жинау | Кем дегенде 1 сағат | |
Барлығы | Кем дегенде 8 сағат | |
Қауіпті жүктерді жөнелтуді өңдеу және қабылдау | Қауіпті жүктер туралы негізгі ережелерді түсіну | Кем дегенде 5 сағат |
Жүкті өңдеу және қабылдау | Кем дегенде 24 сағат | |
Қауіпсіздікке қатысты деректерді жинау | Кем дегенде 1 сағат | |
Барлығы | Кем дегенде 30 сағат | |
Жүктерді қоймаларда өңдеу, қаптау құралдарын тиеу және түсіру, әуе кемесінің жүк бөлімдерін тиеу және түсіру | Қауіпті жүктер туралы негізгі ережелерді түсіну | Кем дегенде 3 сағат |
Жүктерді тиеуге дейін өңдеу | Кем дегенде 1 сағат | |
Жүк пен багажды тасымалдау | Кем дегенде 1 сағат | |
Қауіпсіздікке қатысты деректерді жинау | Кем дегенде 1 сағат | |
Барлығы | Кем дегенде 6 сағат | |
Жолаушылар мен экипаж мүшелерінің багажын қабылдау, әуе кемесіне отырғызу аймақтарында қызмет көрсетуге және әуежайда жолаушылармен тікелей байланысқа түсетін функцияларды атқару | Қауіпті жүктер туралы негізгі ережелерді түсіну | Кем дегенде 3 сағат |
Жолаушылар мен экипаж мүшелерінің багажын қабылдау | Кем дегенде 2 сағат | |
Қауіпсіздікке қатысты деректерді жинау | Кем дегенде 1 сағат | |
Барлығы | Кем дегенде 6 сағат | |
Әуе кемесінің жүктеуін жоспарлау | Қауіпті жүктер туралы негізгі ережелерді түсіну | Кем дегенде 2 сағат |
Жүктерді тиеуге дейін өңдеу | Кем дегенде 2 сағат | |
Жүк пен багажды тасымалдау | Кем дегенде 2 сағат | |
Қауіпсіздікке қатысты деректерді жинау | Кем дегенде 1 сағат | |
Барлығы | Кем дегенде 7 сағат | |
Ұшу экипажының мүшелері | Қауіпті жүктер туралы негізгі ережелерді түсіну | Кем дегенде 3.5 сағат |
Жүк пен багажды тасымалдау | Кем дегенде 2 сағат | |
Қауіпсіздікке қатысты деректерді жинау | Кем дегенде 0.5 сағат | |
Барлығы | Кем дегенде 6 сағат | |
Ұшуды қамтамасыз ету және ұшу диспетчерлері | Қауіпті жүктер туралы негізгі ережелерді түсіну | Кем дегенде 4 сағат |
Жүк пен багажды тасымалдау | Кем дегенде 3 сағат | |
Барлығы | Кем дегенде 7 сағат | |
Кабиналық экипаж | Қауіпті жүктер туралы негізгі ережелерді түсіну | Кем дегенде 2 сағат |
Жолаушылар мен экипаж мүшелерінің багажын қабылдау | Кем дегенде 2 сағат | |
Жүк пен багажды тасымалдау | Кем дегенде 2 сағат | |
Қауіпсіздікке қатысты деректерді жинау | Кем дегенде 1 сағат | |
Барлығы | Кем дегенде 7 сағат | |
Жолаушылар мен экипаж мүшелерін, сондай-ақ олардың багажын, жүктерін және поштасын тексеру | Қауіпті жүктер туралы негізгі ережелерді түсіну | Кем дегенде 2.5 сағат |
Жүкті өңдеу және қабылдау | Кем дегенде 2 сағат | |
Жолаушылар мен экипаж мүшелерінің багажын қабылдау | Кем дегенде 1 сағат | |
Қауіпсіздікке қатысты деректерді жинау | Кем дегенде 1.5 сағат | |
Барлығы | Кем дегенде 7 сағат |